കൊറോണ എന്നൊരു വൈറസ് വന്നു
മാനവ മക്കൾ ഒന്നായ് ചേർന്നു
വിവിധ മതങ്ങൾ ജാതികളെല്ലാം
കൈകോർത്തൊന്നായ് പൊരുതീടുന്നു.
പലവിധ കിറ്റുകൾ പല വ്യജ്ഞനങ്ങൾ
പച്ചക്കറിയും സംഭാവനയായി.
നൽകും മാനുഷഹൃത്തിൽ സ്നേഹം
വർണ്ണിപ്പാനതു സാധ്യവുമല്ല.
പണ്ടൊരു നാളിൽ പ്രളയം വന്നു
പ്രളയാനന്തര ചെയ്തികളെല്ലാം
കണ്ടൊരു നമ്മൾ കരുതീടേണം
അപരനു നന്മകൾ ചെയ്തീടേണം
സമ്പർക്കം നാം ഒഴിവാക്കേണം
വായും മൂക്കും മാസ്കിൽ മറയ്ക്കേണം.
വെറുതേയങ്ങു നടന്നീടാതെ
വീട്ടിൽ തന്നെ കഴിഞ്ഞീടേണം
വൈറസ് ബാധ ഒഴിവാനായ്
ഈശ്വരനോട് പ്രാർത്ഥിക്കേണം
അങ്ങനെ ഈ മഹാമാരിയെ നമ്മൾ
തുരത്തീടേണം ലോകത്തു നിന്ന്.…
