നന്മ തൻ നിറമുള്ള പുസ്തകപ്പൂക്കളിൽ
നിറയുന്നൊരറിവിൻറെ തേൻ നുകർന്നീടുവാൻ
ഏറെ കൊതിയുള്ള പൂമ്പാറ്റകൾ ഞങ്ങൾ
പാറിപ്പറക്കുന്നു അക്ഷരക്കൂട്ടിനായ്.....
മുത്തശ്ശി ചൊല്ലി പഠിപ്പിച്ച കവിതയും
മുത്തശ്ശൻ ഏറെ പ്പറഞ്ഞൊരാ കഥകളും
അക്ഷരമായിട്ടു വായിച്ചു മുന്നോട്ടു
വളരുവാൻ ദൈവം തുണച്ചിടട്ടെ
വാർത്തകൾ പത്രങ്ങൾ നീളെ നിറയുന്നു
കഥകൾക്കു പുസ്തകം വേറെയുണ്ട്
കവിതകൾ വായിക്കാനെന്തു രസം....
ആഴത്തിൽ ചിന്തകൾ തീർക്കുന്നു ലേഖനം
ആഴക്കടൽ പോലെ നോവലുണ്ട്
അങ്ങനെ വായനാലോകത്തിതെന്തെല്ലാം
ഒന്നിച്ചു കൂടുവിൻ കൂട്ടുകാരെ.......
ഒന്നിച്ച് വായിക്കാം കൂട്ടുകാരേ .......