ಇಳೆಯನ್ನು ಕಂಗೆಡಿಸಿದ ಕೊರೋನ
ಹಚ್ಚಹಸಿರ ಗಿಡಮರಗಳು
ತೂಗೋ ಗ್ರಹವಿದು।
ಏಕಮಾತ್ರ ಜೀವವಾಸ
ಇರುವ ಭುವಿಯಿದು॥
ಎಂದು ಮುಗಿಯದಂತ
ಗಾಳಿ ಇಲ್ಲಿ ಬೀಸಲು।
ಪ್ರಾಣಿಪಕ್ಷಿಗಳು ನಿನ್ನ
ನಾಮ ಸಾರಲು॥
ಕೊರೋನವೆಂಬ ಮಹಾಮಾರಿಯ
ನೀನು ಬಲ್ಲೆಯಾ?।
ಮನೆ ಹೊರಗಡೆ ಕಾಲಿಡಲು
ತುಂಬಾನೇ ಭಯ!॥
ಇದಕೆ ಬೇಗ ಮದ್ದು
ಸಿಗಲಿ ಎಂಬ ಆಸೆಯು ।
ಉಗ್ರ ತಾಂಡವ
ಮಾಡುತಿದೆ ಈ ಕೊರೋನವು॥
ಯಾಕೆ ಭುವಿಯ ನಶಿಸುತ್ತಿರುವೆ
ಓ ಕೊರೋನವೇ ....... ।
ನೀನು ಎಂತ ಅನ್ಯಾಯವ
ಮಾಡುತಲಿರುವೇ॥
ಜೀವವಾಸವಿರುವುದು
ಬರಿ.... ಇಳೆಯಲಿ ಮಾತ್ರ।
ನಿನ್ನ ಅಂತ್ಯ ಹಾಡಲಿದೆ
ಔಷಧಿ ಅಸ್ತ್ರ ॥
ನಿನಗೆ ಹೆದರಿ ಮನುಜರೆಲ್ಲಾ ಕಂಗಾಲಾದರು।
ದಿನೇ ದಿನೇ ಬೆದರಿಕೊಂಡು
ಬದುಕುತಿರುವರು॥
ಮನುಜರೆಲ್ಲಾ ನಿನ್ನ
ದೂರಗೊಳಿಸಲೆಂದು।
ಜಾಗೃತಿಗಳ ಮೂಡಿಸುವರು
ಒಂದರ ಮೇಲೊಂದು ॥
ಬಿಟ್ಟು ಓಡು ಧರಣಿಯ
ಇಲ್ಲದಿದ್ದರೆ ಸಾವು।
ನೀನು ಓಡಿ ಹೋಗದಿದ್ರೆ
ಓಡಿಸ್ತೀವಿ ನಾವು..... ॥