എച്ച്. എസ്സ്. എസ്സ്. കൂത്താട്ടുകുളം/അക്ഷരവൃക്ഷം/ മോചനം സാധ്യമോ?
മോചനം സാധ്യമോ?
അമ്മതൻ സുന്ദര പ്രതിബിംബമായൊരു സുന്ദര സ്വപ്നമാം ഈ പ്രകൃതി കാവും കുളങ്ങളും കായലോരങ്ങളും അമ്മതൻ സുന്ദര ശിൽപ്പങ്ങളായ് മാങ്ങതൻ ചീന്ത് നുണഞ്ഞു കഴിച്ചു കൊണ്ട് ഓർത്തിടുന്നു ഞങ്ങളീ പ്രകൃതി ശുദ്ധമായ ജലം ശുദ്ധമായ മണ്ണ് ശുദ്ധതയെങ്ങും നിറഞ്ഞിടുന്നു. ഈ മലനാടിന്റെ വായുവിൽ നിന്നും ഞാനാ സുഗന്ധം അറിഞ്ഞിടുന്നു ഈ സുന്ദര ചിത്രമമ്പാടെ തകർക്കുവാനായ് ഇന്ന് എത്തിടുന്നു വില്ലനായ് മനുഷ്യൻ. അവനവന്റെ കറുത്ത കരങ്ങളുയർത്തിടുന്നു. വെട്ടിയൊതുക്കുന്നു മരച്ചില്ലകൾ പിഴുതുമാറ്റുന്നു ആ സൗന്ദര്യവീചി,മറക്കുന്നു പ്രകൃതിതൻ അമർത്തിപ്പിടിച്ച വിലാപങ്ങൾ. ഇടിച്ചുമാറ്റുന്നു കുന്നുകൾ പിന്നെയും അശുദ്ധമായ് ഇന്നീ ജലവും മണ്ണും ആ പാപിതൻ പാപകർമ്മത്തിനിരയായ് പ്രകൃതി ഇനിയെന്നു തിരിച്ചറിഞ്ഞീടും ഇവർ പ്രകൃതിതൻ സൗന്ദര്യം, സംരക്ഷണം ,സ്നേഹം. ഇനി ഒരു ദുരന്തത്തിൽ നിന്നു മോചനം സാധ്യമോ?
|
