എൽ.എം.സി.സി.എച്ച്.എസ്. ചാത്തിയാത്ത്/അക്ഷരവൃക്ഷം/രചനയുടെ പേര്
അതീവ ജാഗ്രത
അതീവജാഗ്രതയിലാണ് ലോകം. കൊറോണയെ നിയന്ത്രിച്ചു നിർത്താനുള്ള എല്ലാവിധ പരിശ്രമങ്ങളും തുടർന്നുകൊണ്ടിരിക്കുന്നു. ഈ ശ്രമം വിജയിക്കണമെങ്കിൽ ഓരോ വ്യക്തിയും ജാഗ്രത പുലർത്തിയേ മതിയാകൂ. ആരോഗ്യവിദഗ്ധർ നൽകുന്ന ഓരോ നിർദേശങ്ങളും പാലിച്ചേ മതിയാകൂ... വിവിധ രാജ്യങ്ങളിൽ പടർന്നുപിടിച്ചതോടെയാണ് കൊറോണ വൈറസ് ബാധയെ മഹാമാരിയായി ലോകാരോഗ്യസംഘടന പ്രഖ്യാപിച്ചു. അതീവ ജാഗ്രതയോടെ മുന്നോട്ട് പോകേണ്ട കാലമാണിത്. വൈറസ് വ്യാപനം നിയന്ത്രിക്കാൻ ഓരോ രാജ്യവും കഠിനപരിശ്രമത്തിലാണ്. അതിന്റെ ഭാഗമായി പലതരത്തിലുള്ള നിയന്ത്രണങ്ങളും നിർദേശങ്ങളും ഇതിനകം നടപ്പാക്കുകയും ചെയ്തു. കൊറോണ വൈറസ് ബാധ നിയന്ത്രിക്കാൻ കേരളവും അതീവജാഗ്രതയിൽ മുന്നോട്ടുപോവുകയാണ്. പ്രതിരോധ പ്രവർത്തനങ്ങൾക്കുള്ള മാർഗ്ഗനിർദ്ദേശങ്ങൾ ആരോഗ്യവകുപ്പ് പുറത്തിറക്കിയിരുന്നു. രോഗലക്ഷണങ്ങൾ ഉള്ളവർ ഒ.പി.യിലോ ക്യാഷ്വാലിറ്റിയിലോ നേരിട്ട് പോകരുത്. അവർ ഐസൊലേഷൻ സൗകര്യം ഏർപ്പെടുത്തിയിട്ടുള്ള വാർഡിലേക്ക് ബന്ധപ്പെട്ട നോഡൽ ഓഫീസറെ അറിയിച്ച ശേഷം എത്തണമെന്നാണ് നിർദേശം.
|
