വയല എൻ.വി.യു.പി.എസ്./അക്ഷരവൃക്ഷം

• കാഴ്ചയ്ക്കപ്പുറം

കാഴ്ചയ്ക്കപ്പുറം ആശുപത്രിയുടെ ഗന്ധം മൂക്കിലേക്ക് തുളച്ചു കയറുന്നത് പോലെ,എങ്ങും നിശബ്ദത പരന്നു. തിരുവനന്തപു രം മെഡിക്കൽ കോളേജ് ആശുപത്രി..... ഇതുവരെ കണ്ടിട്ടില്ലാത്ത ഒരു വലിയ സ്ഥാപനം. ആരൊക്കെയോ കരയുന്ന ശബ്ദം... വേദനകൊണ്ട് പിടയുന്ന ഓരോരുത്തരുടെയും.... ഒരു ബന്ധുവിനെ കാണാനായി എല്ലാവരും പോയപ്പോൾ ഞാനും പോയതാണ്. ആശുപത്രി എന്ന് പറഞ്ഞ് ആശ്വസിച്ചു. ഓരോരുത്തർക്കും പല രോഗങ്ങൾ ആണെന്ന് എനിക്ക് മനസ്സിലായി. ബന്ധുവിനെ കണ്ടു മടങ്ങു മ്പോഴാണ് ഞാൻ ശ്രദ്ധിച്ചത് പലർക്കും ശുചിത്വക്കുറവ് കാരണമുള്ള രോഗങ്ങൾ.പെട്ടെന്നാണ് ആ രംഗം എൻറെ കാഴ്ചയിൽ പെട്ടത്... ആദ്യം ഒന്നും മനസ്സിലായില്ല. ജനലിലൂടെ എട്ടാം വാർഡിലേക്ക് എത്തിനോക്കി. 'ഒരുചുള്ളിക്കമ്പ് കട്ടിലിൽ കിടക്കുന്നത് പോലെ' അടുത്തു ചെന്നപ്പോഴാണ് മനസ്സിലായത് അത് ഒരു മനുഷ്യരൂപം.... കുഴിഞ്ഞ കണ്ണുകൾ.... അടുത്തേക്ക് ചെന്നപ്പോഴാണ് മുഖം കാണാൻ സാധിച്ചത് നഴ്സുമാരും ഡോക്ടർമാരും നോക്കുന്നുണ്ട് .18 ,20 വയസ്സ് വരും ആ ചേച്ചിയെ കാണുമ്പോൾ. ആർക്കും സഹതാപം തോന്നും. ആ ചേച്ചി ശ്വാസമെടുക്കാൻ ബുദ്ധിമുട്ടുന്നുണ്ട്.പ്രകൃതിയോടും, പരിസ്ഥിതിയോടും ഇണങ്ങിയാണ് അവർ ജീവിച്ചിരുന്നത്.ഒരു ഉൾഗ്രാമ അന്തരീക്ഷത്തിൽ കുട്ടിക്കാലത്തുതന്നെ ഒന്നും കഴിക്കാൻ ഇല്ലാതെ പട്ടിണി കിടക്കേണ്ടി വന്നു, ഗതിയില്ലാതെ......അതൊരു ശീലമായി.. അങ്ങനെ കുടൽ ചുരുങ്ങി !ഓപ്പറേഷനുവേണ്ടി വന്നതാണ്.... ആശുപത്രിയിൽ കണ്ട ആ കാഴ്ച എൻറെ കാഴ്ചയ്ക്കപ്പുറം ആയിരുന്നു . ഇതുപോലെ എത്ര പേരാണ് ആഹാരം കിട്ടാതെ ദാരിദ്ര്യത്തിൽ വഴുതി വീഴുന്നത്! ശുചിത്വക്കുറവ് ഇവരുടെ രോഗത്തിന് കാരണമാകാം... രോഗപ്രതിരോധശേഷി ഇല്ലാത്തതിനാൽ രോഗങ്ങൾ പെട്ടെന്ന്പിടിപെടുന്നു... അവർക്ക് വേണ്ടി എന്തെങ്കിലും ചെയ്യാൻ കഴിഞ്ഞിരുന്നെങ്കിൽ...... നന്ദന.എസ്.ആർ 6 B എൻ.വി.യു.പി.എസ്.വയലാ അഞ്ചൽ ഉപജില്ല കൊല്ലം അക്ഷരവൃക്ഷം പദ്ധതി, 2020 കഥ