കൊമ്മേരി എൽ പി എസ്/അക്ഷരവൃക്ഷം/അഹങ്കാരം ആപത്തു

അതുപോലെ താളിലേക്ക് പകർത്തുക

അഹങ്കാരം ആപത്ത് ഒരിടത്തൊരു അണ്ണാൻ ഉണ്ടായിരുന്നു. അവന്റെ പേര് മിട്ടു എന്നായിരുന്നു.ആരു പറഞ്ഞാലും അവൻ അനുസരിക്കില്ല.അവന് സാധിക്കാത്തതായി ഒന്നുമില്ല എന്നാണ് അവന്റെ വിചാരം.അച്ഛനും അമ്മയും ഒരുപാട് ഉപദേശിച്ചു.അവൻ കേട്ടില്ല, ചക്കി പൂച്ചയും മിന്നു തത്തയും ചിന്നു കോഴിയും അവന്റെ കൂട്ടുകാരായിരുന്നു.അവർ പറഞ്ഞാലും അവൻ കേൾക്കില്ല. ഒരു ദിവസം അവർ ഒളിച്ചു കളിക്കുമ്പോൾ ചക്കിയും മിട്ടുവും മരത്തിൽ ഒളിച്ചു.പക്ഷേ മിട്ടു ചക്കിയെ ഉന്തി താഴെ ഇട്ടു. ചക്കി പേടിച്ചു പോയി. എന്നാൽ അവൾക്ക് ഒന്നും പറ്റിയില്ല. ചക്കിക്കെന്താ ഒന്നും പറ്റാതിരുന്നത്.മിട്ടു പോയി അവന്റെ അമ്മയോട് ചോദിച്ചു. അമ്മ പറഞ്ഞു ,അത് പൂച്ചകൾക്ക് മാത്രം ദൈവം കൊടുത്ത കഴിവാണ്.എത്ര മുകളിൽ നിന്ന് വീണാലും നാലു കാലിലേ വീഴൂ.ഒന്നും പറ്റില്ല.അതു കേട്ട മിട്ടു പറഞ്ഞു. പൂച്ചകൾക്ക് മാത്രമല്ല ആ കഴിവുള്ളത്.ഞാൻ ചാടിയാലും ഒന്നും പറ്റില്ല. "അയ്യോ, മകനേ നമുക്ക് ആ കഴിവില്ല."അമ്മ പറഞ്ഞു. അത് കേൾക്കാതെ നിലച്ചു മരത്തിനു മുകളിലേക്ക് ഓടി. അവിടുന്ന് താഴേക്ക് ചാടി. "അയ്യോ,"വേദന കൊണ്ട് മിട്ടു കരയാൻ തുടങ്ങി. കാലൊടിഞ്ഞു.അവന്റെ അമ്മ ഓടിവന്നു.അഹങ്കാരം ആപത്താണ് എന്ന് അവന് മനസിലായി. ആര്യ നന്ദ പി 2 കൊമ്മേരി ഗവ :എൽ പി സ്കൂൾ കൂത്തുപറമ്പ് ഉപജില്ല കണ്ണൂർ അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Mtdinesan തീയ്യതി: 04/ 05/ 2020 >> രചനാവിഭാഗം - കഥ