പോരാടുവാൻ നേരമായിന്ന് കൂട്ടരേ പ്രതിരോധമാർഗ്ഗത്തിലൂടെ കണ്ണിപൊട്ടിക്കാം നമുക്കീ ദുരന്തത്തി- നലയടികളിൽ നിന്ന് മുക്തിനേടാം ഒഴിവാക്കീടാം സ്നേഹസന്ദർശനം നമുക്കൊഴിവാക്കീടാം ഹസ്തദാനം അല്പകാലം നാം അകന്നിരുന്നാലും പരിഭവിക്കേണ്ട പിണങ്ങിടേണ്ട പരിഹാസരൂപേണ കരുതലില്ലാതെ നടക്കുന്ന സോദരാ കേട്ടുകൊൾക നിങ്ങൾ തകർക്കുന്നതൊരുജീവനല്ല ഒരു ജനതയെത്തന്നെയല്ലേ? ആരോഗ്യരക്ഷയ്ക്ക് നൽകും നിർദ്ദേശങ്ങൾ പാലിച്ചീടാം മടിക്കാതെ ആശ്വാസമേകുന്ന ശുഭവാർത്തകേൾക്കുവാൻ ഒരു മനസ്സോടെ കാത്തിരിക്കാം
സാങ്കേതിക പരിശോധന - Anilkb തീയ്യതി: 26/ 04/ 2020 >> രചനാവിഭാഗം - കവിത
