മാനവർതൻ വിസ്മയമല്ലോ
വായന, വിജ്ഞാന ദായകമല്ലോ,
അക്ഷരങ്ങൾ ചേർത്ത് വായിച്ചീടും
പുസ്തകങ്ങൾ, മഹാലോക ചരിത്രങ്ങൾ.
വായനയാൽ അറിഞ്ഞീടുമേവരും,
ലോകത്തിൻ സകല വിശേഷങ്ങൾ.
വരികളാൽ കൈമാറാം നാം
അറിവ്, വരും തലമുറകൾക്കും.
അക്ഷരമാല ചൊല്ലിതുടങ്ങി,
പദങ്ങളിലൂടെ പിച്ചനടന്നു നാം,
പുസ്തക സൗഹൃദം നമുക്കായ് തുറന്നൂ,
അതിരുകളില്ലാ, അറിവിന്റെ ലോകം.
വിജ്ഞാനം പകരും വിദ്യാലയം പിന്നിട്ട്,
ഉന്നതപഥങ്ങളിൽ എത്തിയെന്നാലും,
വായന നൽകുമറിവിൻ വെളിച്ചം,
കെടുത്താതിരിക്കാം നാം, ഉള്ളൊരു കാലവും.