ടി. ടി. വി. എച്ച്. എസ്. എസ്. കാവുങ്കര
മുവാറ്റുപുഴ നഗരത്തിന്റെ ഹൃദയഭാഗത്തായി സ്ഥിതി ചെയ്യുന്ന ഒരു എയ്ഡഡ് വിദ്യാലയമാണ് തര്ബിയത്ത് ട്രസ്റ്റ് വൊക്കേഷണല് ആന്റ് ഹയര് സെക്കണ്ടറി സ്കൂള്. 1876ല് സ്ഥാപിച്ച ഈ വിദ്യാലയം എരണാകുളം ജില്ലയിലെ ഏറ്റവും കൂടുതല് വിദ്യാര്ത്ഥികള് പഠിക്കുന്ന വിദ്യാലയങ്ങളിലൊന്നാണ്.
ടി. ടി. വി. എച്ച്. എസ്. എസ്. കാവുങ്കര | |
---|---|
വിലാസം | |
കാവുംകര എറണാകുളം ജില്ല | |
സ്ഥാപിതം | 01 - 06 - |
വിദ്യാഭ്യാസ ഭരണസംവിധാനം | |
റവന്യൂ ജില്ല | എറണാകുളം |
വിദ്യാഭ്യാസ ജില്ല | മൂവാറ്റുപുഴ |
സ്കൂൾ ഭരണ വിഭാഗം | |
മാദ്ധ്യമം | മലയാളം , ഇംഗ്ളീഷ് |
അവസാനം തിരുത്തിയത് | |
11-02-2010 | Mtcmuvattupuzha |
ചരിത്രം
മൂവാറ്റുപുഴ മുനിസിപ്പല് പട്ടണത്തില് ഏറ്റവും കൂടുതല് ജനങ്ങള് തിങ്ങിപ്പാര്ക്കുന്ന ഒരു പ്രദേശമാണ് കാവുങ്കര. അധികവും നിരക്ഷരരും. മുഖ്യമന്ത്രി സി. അച്ച്യുതമേനോന്റെ കാലത്ത് വിദ്യാഭ്യാസത്തില് പിന്നോക്കം നില്ക്കുന്ന പ്രദേശങ്ങള് കണ്ടുപിടിക്കുന്നതിനായി ഒരു സര്വ്വേ നടത്തിയിരുന്നു. സര്വ്വെ പ്രകാരം കാവുങ്കര ഭാഗത്ത് ഒരു യു.പി. സ്കൂള് ആവശ്യമാണ്ന്ന് കണ്ടെത്തുകയും, സ്കൂളിന് അപേക്ഷിക്കാന് നോട്ടിഫിക്കേഷന് നല്കുകയുണ്ടായി. ഒരു ഏക്കര് സ്ഥലവും പതിനായിരം രൂപയും നല്കാന് കഴിയതിരുന്നതനാല് ആരും സ്കൂളിന് അപേക്ഷ നല്കിയില്ല. ആ ഉത്തരവ് ക്യാന്സല് ആവുകയും ചെയ്തു. കാലങ്ങള് കടന്നുപോയി. കാവുങ്കരയില് താമസിക്കുന്ന കുട്ടികളുടെ വിദ്യാഭ്യാസത്തിനുള്ള ബുദ്ധിമുട്ടുകളും, കഷ്ടപ്പാടുകളും കണ്ടറിഞ്ഞ വ്യവസായ പ്രമുഖനും, ധനാഢ്യനുമായ ശ്രീ. റ്റി.എം. സീതി ഒരു യു.പി. സ്കൂള് തുടങ്ങുവാന് ആഗ്രഹിച്ചു. ടൗണ് സ്കൂള് റിട്ട. ഹെഡ്മാസ്റ്റര് ശ്രീ. പി.എസ്. കരുണാകരന് നായരുമായി ആലോചിച്ച് ഒരു മാസ് പെറ്റീഷന് തയ്യാറാക്കി മൂവാറ്റുപുഴ ഡി.ഇ.ഒ.യുടെ റെക്കമെന്റേഷനോടുകൂടി ഗവണ്മെന്റിലേക്കയച്ചു. സ്കൂളിന് അനുവാദവും ലഭിച്ചു. വിജനമായി കിടന്ന പടിഞ്ഞാറ്റേക്കുടിയില് ഒരു ഇരുനിലക്കെട്ടിടം പണിയിച്ചു. 5-ാം സ്റ്റാന്റേര്ഡില് 4 ഡിവിഷനുകളിലായി 156 കുട്ടികളും 5അദ്ധ്യാപകരും ചേര്ന്ന തര്ബിയത്തുള് ഇസ്ലാം യു.പി. സ്കൂള് രൂപം കൊണ്ടു. പ്രഥമാദ്ധ്യാപകന് ശ്രീ. റ്റി.പി. അസൈനാര് ആയിരുന്നു. 1976 ജൂണ് 1 ന് അന്നത്തെ മുനിസിപ്പല് ചെയര്മാന് അഡ്വ. ശ്രീ. കെ.ആര്. സദാശിവന് നായര് ഒരു വന് സദസ്സിന്റെ ആഭിമുഖ്യത്തില് സ്കൂളിന്റെ ഔപചാരിക ഉത്ഘാടനം നിര്വഹിച്ചു. നിര്ദ്ധനരായ കുട്ടികള്ക്ക് സൗജന്യമായി യൂണിഫോമും, പുസ്തകങ്ങളും, കുടയും മറ്റും നല്കിയ മഹാമനസ്കനായിരുന്നു റ്റി.എം. സീതി, ശ്രീ. കെ.എം. കമാലുദ്ദീന് പ്രസിഡന്റായി ഒരു പി.റ്റി.എ. രൂപം കൊണ്ടു. 1978 ല് യു.പി. വിഭാഗം പൂര്ത്തിയായി. 1983 ല് മന്ത്രി ശ്രീ. റ്റി.എം. ജേക്കബിന്റെ കാലത്ത് ഹൈസ്കൂളായി അപ്ഗ്രേഡ് ചെയ്തു. അതോടെ കുട്ടികളുടെ എണ്ണം ക്രമാതീതമായി വര്ദ്ധിച്ചു. സ്കൂള് സമയത്തിന് മുമ്പും പിന്പും, മറ്റൊഴിവു സമയങ്ങളിലും സ്പെഷ്യല് ക്ലാസ്സുകള് നടത്തുന്നതിന് അതിവിദഗ്ധരായ റിട്ടയേര്ഡ് അദ്ധ്യാപകരുടെ സേവനം ലഭ്യമാക്കി. 1986-ല് എസ്.എസ്.എല്.സി. ആദ്യബാച്ച് 100 ശതമാനം വിജയം നേടി. സി.എച്ച്. മുഹമ്മദ് കോയ ഷീല്ഡ് കേരള മുഖ്യമന്ത്രി ശ്രീ. കെ. കരുണാകരനില് നിന്നും പ്രഥമാദ്ധ്യാപിക ശ്രീമതി. എ.എസ്. ഖദീജ ഏറ്റുവാങ്ങി. മൂവാറ്റുപുഴയില് ആദ്യമായി എയ്ഡഡ് സ്കൂളിന് സ്കൂള് ബസ് എന്ന ആശയം പ്രാവര്ത്തികമാക്കിയത് തര്ബിയത്താണ്. മൂവാറ്റുപുഴ വിദ്യാഭ്യാസ ജില്ലാ യുവജനോത്സവം 1987 ല് സ്കൂളില് വെച്ചാണ് നടത്തിയത്. അതോടനുബന്ധിച്ച് നടന്ന ഭക്ഷണ വിതരണ ഏര്പ്പാടുകള് പ്രമുഖരായ പത്രങ്ങളടക്കം എല്ലാവരുടെയും മുക്തകണ്ഠപ്രശംസയ്ക്ക് പാത്രമായി. 17000 ലിറ്റര് വെള്ളം സംഭരിക്കാവുന്ന വാട്ടര് ടാങ്ക് സ്ഥാപിച്ചു. ഒരു നല്ല കളിസ്ഥലവും നിര്മ്മിച്ചു. 1993 മുതല് സമാന്തരമായി ഒരു ഇംഗ്ലീഷ് മീഡിയം ആരംഭിച്ചു. നല്ല നിലവാരത്തോടെ ഇന്നും ഒരു ബാച്ച് ഇംഗ്ലീഷ് മീഡിയം പ്രവര്ത്തിക്കുന്നുണ്ട്. 1995 ല് വൊക്കേഷണല് ഹയര് സെക്കന്ററി വിഭാഗം ആരംഭിച്ചു. അതോടൊപ്പം സ്കൂളിന്റെ പേര് തര്ബിയത്ത് ട്രസ്റ്റ് വൊക്കേഷണല് ഹയര് സെക്കന്ററി സ്കൂള് എന്നാക്കി മാറ്റി. വി.എച്ച്.എസ്.സി.യ്ക്ക് 100% വിജയവും, കൊമേഴ്സില് കുമാരി ജീന. പി.ജി. രണ്ടാം റാങ്കും, കുമാരി ജാരിയ കെ.എം. മൂന്നാം റാങ്കും നേടുകയും ചെയ്തു. 1998 ആഗസ്റ്റ് 24 ന് സ്കൂള് ജൂനിയര് കോളേജ് എന്ന പദവിയിലെത്തി. 6 ബാച്ചുകളിലായി ഹയര് സെക്കന്ററി വിഭാഗം പ്രശസ്തമായ നിലയില് പ്രവര്ത്തിക്കുന്നു. ശ്രീ. കെ. ശിവശങ്കരന് നായര്, സംസ്ഥാന-ദേശീയ അവാര്ഡുകള് നേടിയ ശ്രീ. എം. രാമചന്ദ്രന് നായര്, ശ്രീ. കെ.കെ. സുകുമാരന്, ശ്രീ. ഒ.സി. അബ്രഹാം എന്നിവര് ഇവിടെ പ്രിന്സിപ്പല്മാരായിരുന്നിട്ടുണ്ട്. ഈ വിദ്യാലയത്തിന്റെ അച്ചടക്കത്തിനും ഉന്നതനിലവാരത്തിനും വേണ്ടി സ്കൂളിന്റെ ആരംഭം മുതല് ഒരു വ്യാഴവട്ടക്കാലം അക്ഷീണ പരിശ്രമം നടത്തിയ റിട്ട. യു.പി. സ്കൂള് ഹെഡ്മാസ്റ്റര് ശ്രീ. പി.എസ്. കരുണാകരന് നായരുടെ സേവനത്തെ നാട്ടുകാരും, മാനേജ്മെന്റും കൃതജ്ഞതയോടെ സ്മരിക്കുന്നു. എറണാകുളം ജില്ലയിലെ ആദ്യ ബജത്ത് സ്കൂള്, വിദ്യാഭ്യാസ ജില്ലയിലെ ഏറ്റവും വലിയ സ്കൂള്, മികച്ച ഗാന്ധി ദര്ശന് സ്കൂള്, മികച്ച എയ്ഡഡ് സ്കൂള് തുടങ്ങിയ ബഹുമതികള് തേടി മൂവാറ്റുപുഴയുടെ വിദ്യാഭ്യാസ ചക്രവാളത്തില് തര്ബിയത്ത് സ്കൂള് തിളങ്ങി നില്ക്കുന്നു. ഹയര് സെക്കന്ററിയില് പ്രിന്സിപ്പലായി ശ്രീ. റ്റി.എം. ജോര്ജ്ജും, ഹൈസ്കൂള്, വി.എച്ച്.എസ്.സി. വിഭാഗത്തിന്റെ പ്രിന്സിപ്പലായി ശ്രീ. സൈമണ് തോമസും പ്രവര്ത്തിക്കുന്നു. അഖിലേന്ത്യാ തലത്തില് ബെസ്റ്റ് എന്.സി.സി. ആഫീസറായി തെരഞ്ഞെടുക്കപ്പെട്ടിട്ടുള്ള ശ്രീ. സൈമണ് തോമസ് സ്കൂളിലെ 303-ാം നമ്പര് എന്.സി.സി. ട്രൂപ്പിനു നേതൃത്വം നല്കുന്നു. നിരക്ഷരമായിരുന്ന കാവുങ്കര പ്രദേശത്തിന് വിജ്ഞാനദീപം കൊളുത്തി പ്രകാശം നല്കുന്ന ഈ വിദ്യാലയം ഉത്തരോത്തരം വിജയിക്കട്ടെ.
ഭൗതികസൗകര്യങ്ങള്
അഞ്ച് ഏക്കര് ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് അഞ്ച് നിലകളിലായി 68ക്ലാസ് മുറികളും ഹയര് സെക്കണ്ടറിക്ക് ഒരുകെട്ടിടത്തില് മൂന്ന് നിലകളിലായി 12ക്ലാസ് മുറികളും നാല് ലാബുകളും പ്രവര്ത്തിക്കുന്നു.വി.എച്ച.എസിന് പത്ത് ക്ലാസ്സ് മുറികളും മൂന്ന് ലാബുകളും പ്രവര്ത്തിക്കുന്നു അതിവിശാലമായ ഒരു കളിസ്ഥലം വിദ്യാലയത്തിനുണ്ട്.
ഹൈസ്കൂളിനും ഹയര്സെക്കണ്ടറിക്കും വ്.എച്ച്.എസിനും വെവ്വേറെ കമ്പ്യൂട്ടര് ലാബുകളുണ്ട്. മൂന്ന് ലാബുകളിലുമായി ഏകദേശം അറുപതോളം കമ്പ്യൂട്ടറുകളുണ്ട്. മൂന്ന് ലാബുകളിലും ബ്രോഡ്ബാന്റ് ഇന്റര്നെറ്റ് സൗകര്യം ലഭ്യമാണ്.
പാഠ്യേതര പ്രവര്ത്തനങ്ങള്
- സ്കൗട്ട് & ഗൈഡ്സ്.
- എന്.സി.സി.
- ബാന്റ് ട്രൂപ്പ്.
- ക്ലാസ് മാഗസിന്.
- വിദ്യാരംഗം കലാ സാഹിത്യ വേദി.
- ക്ലബ്ബ് പ്രവര്ത്തനങ്ങള്.
- എന്.എന്.എസ്.എസ്
- റോഡ് സേഫ്റ്റി ക്ളബ്ബ്
- കരിയര് ഗൈഡന്സ്
മാനേജ്മെന്റ്
തര്ബിയത്ത് ട്രസ്റ്റ് വിദ്യാലയത്തിന്റെ ഭരണം നടത്തുന്നത്. ജനാബ് റ്റി.എസ് അമീറാണ് ഇപ്പോഴത്തെ മാനേജര്
മുന് സാരഥികള്
സ്കൂളിന്റെ മുന് പ്രധാനാദ്ധ്യാപകര് : ജനാബ് ഹസൈനാര്, ജനാബ് അലിയാര്,ശ്രീമതി എ.എസ് ഖദീജ,പരേതനായ ശ്രീ ശിവശങ്കരന് നായര്,ശ്രീ കെ രാമചന്ദ്രന്നായര് ശ്രീ ഓ.സി എബ്രഹാം,ശ്രീ കെ സുകുമാരന്.
പ്രശസ്തരായ പൂര്വവിദ്യാര്ത്ഥികള്
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്ഗ്ഗങ്ങള്
<googlemap version="0.9" lat="9.994131" lon="76.588874" zoom="18" width="525" controls="large">
11.071469, 76.077017, MMET HS Melmuri
12.364191, 75.291388, st. Jude's HSS Vellarikundu
9.9944, 76.589132
TTVHS KAVUMKARA
</googlemap>
|
|
മേല്വിലാസം
തര്ബിയത്ത് ട്രസ്റ്റ് വൊക്കേഷണല് ആന്റ് ഹയര് സെക്കന്ററി സ്കൂള്, മൂവാറ്റുപുഴ