സെന്റ് തോമസ്സ് എച്ച്.എസ്സ്.കല്ലറ/അക്ഷരവൃക്ഷം/പരിസ്ഥിതി സംരക്ഷണം

പരിസ്ഥിതി സംരക്ഷണം പരിസ്ഥിതി സംരക്ഷണത്തിലൂടെ ഇന്ന് നമുക്ക് പല രോഗങ്ങളേയും ഒഴിവാക്കാൻ കഴിയും.പരിസ്ഥിതി സംരക്ഷണം എന്ന വാക്കു കൊണ്ട് അർത്ഥമാക്കുന്നത് ഓരോരുത്തരും തങ്ങളാൽ കഴിയുന്നതു പോലെ ഈ ഭൂമിയിലെ ഓരോന്നിനേയും സംരക്ഷിക്കുക എന്നാണ് .അതിൽ വായു ,ജലം മണ്ണ് തുടങ്ങി എല്ലാം അടങ്ങിയിരിക്കുന്നു. നമ്മൾ വീടും പരിസരവും ശുചിയായി സൂക്ഷിക്കുന്നതിലൂടെ പല രോഗങ്ങളേയും നമുക്ക് ഒഴിവാക്കാൻ സാധിക്കും ,ഉദാഹരണമായി നമ്മുടെ വീട്ടിലും പരിസരത്തും വെള്ളം കെട്ടിക്കിടക്കുന്നത് ഒഴിവാക്കാൻ ശ്രമിച്ചാൽ കൊതുക് പരത്തുന്ന പല രോഗങ്ങളും നമുക്ക് വരാതെയിരിക്കും. പരിസര ശുചിത്വം പോലെ തന്നെ പ്രധാനമാണ് വ്യക്തി ശുചിത്വവും. നാം നമ്മുടെ ശരീരം വൃത്തിയായി സൂക്ഷിക്കുന്നതിലൂടെ പല രോഗങ്ങളേയും നമുക്ക് അകറ്റി നിർത്താൻ കഴിയും. പൊതുവേ കേരളീയർ തങ്ങളുടെ വീടും പരിസരവും വൃത്തിയായി സൂക്ഷിക്കുന്നവരാണ്. പക്ഷേ ഈശ്രദ്ധ നമുക്ക് പൊതുസ്ഥലങ്ങളും പരിസ്ഥിതി സംരക്ഷണത്തിലും ഇല്ല .സ്വന്തം വീട്ടിലെ മാലിന്യം റോഡരികിൽ ഉപേക്ഷിക്കുന്നതാണ് മലയാളിയുടെ ശീലം. അത് മാറ്റേണ്ട കാലം അതിക്രമിച്ചിരിക്കുന്നു . പ്ലസ്റ്റിക് നിരോധനം വളരെ മുമ്പേ നടപ്പാക്കേണ്ടിയിരുന്ന ഒന്നാണ്. ഇത്രയധികം നമ്മുടെ ജലാശയങ്ങളേയും മണ്ണിനേയും മലിനമാക്കുന്ന മറ്റൊന്നില്ല. കൊറോണയോട് പൊരുതിക്കൊണ്ടിരിക്കുന്ന ഈ അവസരത്തിൽ നമുക്ക്‌ ഓരോരുത്തർക്കും തീരുമാനിക്കാം പരിസ്ഥിതി ശുചിത്വത്തിലൂടെയും സംരക്ഷണത്തിലൂടെയും നമുക്ക് നമ്മുടെ നാടിനെ വീണ്ടെടുക്കാമെന്ന്.