എളന്തിക്കര ഹൈസ്കൂൾ/അക്ഷരവൃക്ഷം/ ലോകത്തെ വിറപ്പിച്ച 100 ദിനങ്ങൾ

ലോകത്തെ വിറപ്പിച്ച 100 ദിനങ്ങൾ നിപ്പക്കും പ്രളയത്തിനുശേഷം ഇതാ പുതിയൊരു അത്യാപത്ത് കൂടി "കോവിഡ് 19”. ആദ്യമായി നാം ഈ പേര് കേൾക്കുമ്പോൾ ഇതെന്താണ് എന്നറിയാൻ നമുക്കെല്ലാവർക്കും ആകാംഷ ഉണ്ടായിരുന്നു. അങ്ങനെ നാം ഇതിനെ തിരിച്ചറിയുന്നത് കൊറോണ കീഴടക്കിയ രാജ്യങ്ങളുടെ ഭീകരമായ അവസ്ഥയിലൂടെ ആണ്.ഡിസംബർ 31ന് ചൈനയിൽനിന്ന് ആദ്യ കൊറോണ കേസ് റിപ്പോർട്ട് ചെയ്ത സന്ദേശം എത്തുമ്പോൾ നമ്മൾ നിസ്സാരമായി തള്ളിക്കളഞ്ഞു. എന്നാൽ ഇപ്പോൾ നമ്മുടെ സ്ഥിതി അതീവ ഗുരുതരമാണ് .ഈ അസുഖത്തെ പേടിച്ച് പുറത്തിറങ്ങാൻ പോലും നാം ഭയപ്പെടുന്നു. സമ്പർക്കത്തിലൂടെ പകരുന്ന രോഗമായതിനാൽ നമ്മൾ പല ആളുകളുമായി സമ്പർക്കത്തിൽ ഏർപ്പെടുന്നത് വഴി എങ്ങനെയും ഈ രോഗം നമുക്ക് പകരാം. ദിവസങ്ങളിലായി ലോകത്താകമാനം എത്രയോ ആളുകളുടെ ജീവൻ ആണ് കൊറോണ എന്ന ഇത്തിരിക്കുഞ്ഞൻ കവർന്നെടുത്തത്. ഈ ഒരവസരത്തിൽ നാം നമ്മുടെ ജീവൻ കാക്കാൻ സ്വന്തം ജീവൻ പണയം വെച്ചു കൊണ്ട് നെട്ടോട്ടമോടുന്ന വരെ ഓർക്കണം.നമ്മെ കൊറോണയിൽ നിന്ന് രക്ഷിക്കാനായി വിശ്രമമില്ലാതെ ജോലി ചെയുകയാണ് ഓരോ ആശുപത്രിയിലെയും ഓരോ ജീവനക്കാരും. നമ്മെ രക്ഷിക്കാനായി ഇടപെടുന്ന സമയത്ത് അവരുടെ കുടുംബാംഗങ്ങളെ ഒന്നു നേരിൽ കാണാൻ പോലും അവർക്ക് അവസരമില്ല .അവരുടെ ജീവൻ കീഴടക്കിയാൽ അവരുടെ അവസാന നിമിഷങ്ങളിൽവരെയും ഉറ്റവരെ കാണാൻ കഴിയില്ല. സ്വന്തം വീട്ടിൽ അവരെ കാത്തിരിക്കാൻ ഒരുപാട് പേരു ണ്ടാവും. പക്ഷെ അവർ ജീവിതം പണയപ്പെടുത്തുകയാണ് അവർ കണ്ടിട്ടുപോലുമില്ലാത്ത നമുക്കുവേണ്ടി. സ്വന്തം ജീവൻ ബലിയർപ്പിച്ച് മറ്റുള്ളവർക്കായി പോരാടുന്ന അവരൊക്കെയാണ് നമ്മുടെ കൺകണ്ട ദൈവങ്ങൾ. കൊറോണയെ നേരിടുന്നതിനായി ഭരണാധികാരികളും നമ്മോടൊപ്പം നിന്നു.ലോക്ഡൗൺ പ്രഖ്യാപിച്ചും ജാഗ്രതാനിർദേശം നൽകിയും അവരും നമ്മുടെ ജീവിതം കാക്കുവാൻ നമ്മുടെ കൂടെ നിന്നു .ലോക്ഡൗൺ പ്രഖ്യപിച്ചിരിക്കുന്ന ഈ അവസരത്തിൽ നമുക്ക് വീടിനു പുറത്തിറങ്ങാൻ പറ്റില്ല. ശരിയാണ് നമുക്ക് ബുദ്ധിമുട്ടുണ്ടാകുന്നുണ്ട് .പക്ഷേ നാം അനുഭവിക്കുന്ന ഈ സൗകര്യക്കുറവിനേക്കാൾ ഭയാനകമാണ് നമുക്ക് കൊറോണഎന്ന രോഗം പിടിപെട്ടു കഴിഞ്ഞാൽ ഉണ്ടാവുക.അത് മനസ്സിലാക്കി നാം മുന്നോട്ട് പോകേണ്ടതാണ് .ഏതായാലും ലോക്ഡൗൺ നമുക്ക് സമാധാനത്തിന്റെ അന്തരീക്ഷം ആകണം .ഇതിനുമുൻപ് വണ്ടി ഓടിച്ചും അറവു മാലിന്യങ്ങൾ തള്ളിയും നമ്മുടെ പ്രകൃതിയെ നാം ഇഞ്ചിഞ്ചായി കൊന്നപ്പോൾ ഇന്ന് പ്രകൃതിയെ സംരക്ഷിക്കാൻ നാം പഠിച്ചു. മനുഷ്യന്റെ കാർഷിക ജീവിതരീതിയിലേക്ക് അവൻ തിരിഞ്ഞു.വീട്ടിലിരിക്കാൻ പോലും സമയം കിട്ടാത്തവർക്ക് ഇപ്പോൾ വീട്ടുകാരുടെ ഒപ്പം സമയം ചെലവഴിക്കാൻ കഴിയുന്നുണ്ട്. ഏതായാലും ഒന്ന് പറയട്ടെ "കൊറോണ" നമുക്ക് ഒത്തിരി ദുരനുഭവങ്ങൾ തന്നിട്ടുണ്ടെങ്കിലും അവയെ മറ്റൊരു തരത്തിൽ മധുരമാക്കാൻ നമുക്ക് കഴിയുന്നുണ്ട്.