ജി യു പി എസ് അരവ‍ഞ്ചാൽ/അക്ഷരവൃക്ഷം/നന്മ

നന്മ പണ്ട് പണ്ട് ഒരു ഗ്രാമത്തിൽ അമ്മു ,അപ്പു എന്നീ പേരുള്ള രണ്ട്കുഞ്ഞുങ്ങൾ ഉണ്ടായിരുന്നു. അമ്മുവിന്റെ അനിയനാണ് അപ്പു. അവരുടെ അച്ഛനൊരു പാവം കൃഷിക്കാരനാണ്. അത് കൊണ്ട് തന്നെ വീട്ടിൽ വലിയ ആർഭാടങ്ങൾ ഒന്നുമില്ല. ചേച്ചിയും അനിയനുമാണെങ്കിലും സ്വഭാവത്തിൽ വ്യതസ്തരായിരുന്നു അവർ. വലിയകുസൃതിയായിരുന്നു അപ്പു. ഇന്ന് അവരുടെ സ്കൂൾ അസംബ്ലിയിൽ പരിസ്ഥിതിസംരക്ഷണത്തേക്കുറിച്ച് ഒരു ക്ലാസ് ഉണ്ടായിരുന്നു. നമ്മുടെ നാടിനെ നശിപ്പിക്കുന്ന ഒരു കാര്യവും നമ്മുടെ ഭാഗത്തു നിന്ന് ഉണ്ടാവരുതെന്ന് അതിഥിയായി വന്ന അധ്യാപകൻ ഓർമ്മിപ്പിച്ചു. വൈകുന്നേരം അപ്പുവും അമ്മുവും വീട്ടിലേക്ക് നടക്കുന്നതിനിടയിൽ അവർ രണ്ട് മിഠായി വാങ്ങി. മിഠായി തിന്ന ഉടനെ അപ്പു അതിന്റെ കടലാസ് റോഡിൽ വലിച്ചെറിഞ്ഞു. "എന്താ അപ്പൂ നീ ചെയ്തത്? ഇന്ന് ക്ലാസിൽ പറഞ്ഞതല്ലേ മാലിന്യങ്ങൾ വലിച്ചെറിയുന്നതു കൊണ്ട് പരിസ്ഥിതിക്കു വരുന്ന ദോഷങ്ങളെക്കുറിച്ച്"." ഞാൻ ഒന്നല്ലേ കളഞ്ഞുള്ളൂ ... അമ്മു വേഗം അതെടുത്ത് വേസ്റ്റ് ബാസ്ക്കറ്റിൽ ഇട്ടു. കുറച്ചു ദൂരം നടന്നു തിരിഞ്ഞു നോക്കിയപ്പോൾ അവർ കണ്ടത്. തങ്ങൾ തിന്ന മിഠായിയുടെ കടലാസൊക്കെ ബിന്നിൽ കൊണ്ടുപോയി ഇടുന്ന കൊച്ചു കുട്ടികളേയാണ്. ഇതു കണ്ട അമ്മു പറഞ്ഞു. നീ ഒരു പ്ലാസ്റ്റിക് എറിഞ്ഞാൽ അതുപോലെ ചെയ്യുന്നവർ നിന്റെ പിറകെ ഉണ്ടാവും' അത് നമുക്ക് തന്നെ ദോഷം ചെയ്യും അതിനാൽ ഒരു ശരി ചെയ്യൂ . നൂറു പേർ നിനക്കു പിറകിൽ ശരി ചെയ്യും. അശ്വനി.വി.പി 7 എ ഗവ.യു.പി.സ്കൂൾ അരവഞ്ചാൽ,കണ്ണൂർ,പയ്യന്നൂർ പയ്യന്നൂർ ഉപജില്ല കണ്ണൂർ അക്ഷരവൃക്ഷം പദ്ധതി, 2020 കഥ