സെന്റ് മേരീസ് ജി എച്ച് എസ് ചൊവ്വന്നൂർ/അക്ഷരവൃക്ഷം/പരിസ്ഥിതി

പരിസ്ഥിതി       പരിസ്ഥിതിക്ക് ദോഷകരമായ രീതിയിൽ മനുഷ്യൻ പ്രവർത്തിക്കുന്നതു ലോകനാശത്തിന് കാരണമാകും . ജൂൺ 5, 1972 മുതലാണ് ലോക പരിസ്ഥിതി ദിനം ആചരിച്ചു തുടങ്ങിയത് . എല്ലാ മനുഷ്യർക്കും ശുദ്ധവായുവും ശുദ്ധജലവും അനുകൂല്യങ്ങളും അനുഭവിക്കാനുള്ള അവകാശവും സ്വാതന്ത്യവുമുണ്ട് എന്ന സങ്കല്പമാണ് ലോകപരിസ്ഥിതി ദിനത്തിന്റെ കാതൽ . പ്രതീക്ഷ കൈവിടാതെ മലിനീകരണത്തിനെതിരായി പ്രവർത്തിക്കുകയാണ് പാരിസ്ഥിതിക സുസ്ഥിരത ഉറപ്പാക്കാനുള്ള മാർഗം . നഗരങ്ങളെല്ലാം മലിനീകരണത്തിന്റെ മാരക ഫലങ്ങൾ അനുഭവിച്ചു തുടങ്ങിയിരിക്കുന്നു . കൂടുതൽ ആളുകൾ നഗരങ്ങളിൽ താമസിക്കുന്നത് കുടിവെള്ളത്തിനും ശുചീകരണത്തിനും പ്രശ്നങ്ങൾ ഉണ്ടാക്കുന്നു. മനുഷ്യവംശത്തെ തന്നെ കൊന്നൊടുക്കാൻ ശേഷിയുള്ള കൊറോണ (കോവിഡ് -19) പോലുള്ള മാരക രോഗങ്ങൾ പടർന്നു പിടിക്കുന്നു . ഭൂമിയിലെ ചൂടിന്റെ വർധന, ശുദ്ധജല ക്ഷാമം, ജൈവ വൈവിദ്ധ്യ ശോഷണം തുടങ്ങി ഒട്ടേറെ പരിസ്ഥിതി പ്രശ്നങ്ങൾ നമ്മെ അലട്ടുന്നുണ്ട് . ഈ വർഷത്തെ (2020) പരിസ്ഥിതി ദിനത്തിൻറെ പ്രമേയം ജൈവവൈവിദ്ധ്യം ആണ്. വനനശീകരണമാണ് പരിസ്ഥിതി സംരക്ഷണത്തെ വിപരീതമായി ബാധിക്കുന്ന ഒരു പ്രധാന ഘടകം. വനനശീകരണത്തെ തടയുകയും മരങ്ങൾ വച്ചുപിടിപ്പിക്കുന്നതിൽ പ്രോത്സാഹനം നൽകുകയും വഴി മാത്രമേ ഈ ദുഃസ്ഥിതി തടയാൻ കഴിയൂ. ജല മലിനീകരണം മൂലം ശുദ്ധജലത്തിന്റെ അളവ് ക്രമാധീതമായി കുറയുകയും മലിനജലം ഉപയോഗിക്കാൻ നിർബന്ധിതരാവുകയും ചെയ്യുന്നു. ലോകത്തിൽ ഒരിടത്തമുള്ള ഹിമപാളികൾപോലും ഇപ്പോൾ സംശുദ്ധമല്ല. എല്ലാത്തിലും മലിനീകരണം കാരണം ഏതെങ്കിലും ലോഹങ്ങളുടെ അംശം കണ്ടെത്താൻ കഴിയുമെന്നും ഐക്യരാഷ്ട്രസഭ അംഗീകരിച്ച ഒരു റിപ്പോർട്ട് സ്ഥിരീകരിക്കുന്നു. സമഗ്രവും സമീകൃതവുമായ പ്രപഞ്ച ജീവിതഘടന അറിഞ്ഞോ അറിയാതെയോ മനുഷ്യൻതന്നെ തെറ്റിക്കുമ്പോൾ ഉണ്ടാകുന്ന വിപത്ത് വളരെ വലുതാണ്. ധനം സമ്പാതിക്കുന്നതിനു മനുഷ്യൻ ഭൂമിയെ ചൂഷണം ചെയ്യുമ്പോൾ നാം നമ്മുടെ പരിസ്ഥിതിയെയാണ് തകർക്കുന്നത് എന്നോർക്കണം. അനുഗ്രഹ എസ്‌ 7 B സെന്റ് മേരീസ് ജി എച്ച് എസ്‌ ചൊവ്വന്നൂർ ചാവക്കാട് ഉപജില്ല തൃശൂർ അക്ഷരവൃക്ഷം പദ്ധതി, 2020 ലേഖനം