കിരണങ്ങളാൽ മിഴികൾ തലോടിടും നേരം രാവിന്റെ പേക്കിനാവിൽ കണ്ണീരിൻ നിറം ചുവന്നിടുന്നു നാനാ വർണങ്ങളും കറുപ്പിൽ ലയിച്ചിടുമ്പോൾ മറന്നിടുന്നൊരാ.. മഴവില്ലിൻ നിറങ്ങൾ കുടുംബത്തിൻ വിശപ്പടക്കാൻ സ്വപ്നങ്ങളായി വന്നൊരാ. ബംഗാൾ തൻ മക്കളോ കൊതിയോടെ തേടുന്നു സാന്ത്വന കിറ്റുകൾ സൂചികുത്താനിടമില്ലാതിരുന്നൊരാ.. വഴിയോരങ്ങളിന്നിതാ സൂചിവീണാലറിയും നിശബ്ദതയിലാണ്ടു പോയി കിനാക്കൾ തൻ ചിറകിലേറി പറന്നൊരാ പ്രവാസികൾ തകർന്നൊരാ ഹൃദയത്തിൽ ഏകാന്തത നുണയുന്നു കോർത്തിടാം ഹൃദയത്താൽ സോദരാ കരങ്ങൾ പൊരുതീടാം ഒന്നായി ഒരു നവ സൂര്യനായ് മത ജാതി വർഗമന്യേ മുഴുകട്ടെ ഹൃദയങ്ങൾ പ്രാർത്ഥനയാൽ വിരിയട്ടെ മലർവാടികൾ സ്നേഹത്തിൻ നവഗന്ധത്താൽ.
സാങ്കേതിക പരിശോധന - Mtdinesan തീയ്യതി: 15/ 04/ 2020 >> രചനാവിഭാഗം - കവിത