ഉപയോക്താവിന്റെ സംവാദം:Student
സെന്റ് ആന്റണീസ് ഹൈസ്കുള്‍ കുണിഞ്ഞി
ആമുഖം
ശിശുവിന്റെ ഹൃദയത്തില്‍ കെട്ടുപിണഞ്ഞു കിടക്കുന്ന ഭോഷത്വത്തെ പിഴുതെറിയുവാനും നശിപ്പിക്കുവാനും അതിനെ കുന്തുരുക്കം പോലെ സുഗന്ധപൂരിതമാക്കുവാനും ഒരു വ്യക്തിയെ പ്രാപ്തനാക്കുന്ന ഘടകമാണ് വിദ്യാഭ്യാസം. പ്രകൃതി കെട്ടിയുയ൪ത്തിയ മലനിരകളാല്‍ ചുറ്റപ്പെട്ട കുണിഞ്ഞി ഗ്രാമത്തിലെ കുരുന്നുകള്‍ക്ക് വിദ്യാരംഭം കുറിക്കുവാനായി കുണിഞ്ഞി പള്ളിയുടെ മേ‍ല്‍നോട്ടത്തില്‍ 1948 ആഗസ്റ്റ് 16 ന് സെ൯റ് ആ൯റണീസ് എല്‍ .പി .സ്കു‍‍‍ള്‍ ആരംഭിച്ചു . നിരവധി പ്രതികൂല സാഹചര്യങ്ങളെ അതിജീവിച്ച് ഇളം തലമുറയ്ക്ക് വിദ്യാഭ്യാസ വെളിച്ചം നല്‍കാനായി മു൯തലമുറക്കാരുടെ അക്ഷീണ പരിശ്രമഫലമായി 1955- ല്‍ യു .പി. സ്കൂളായും 1983ല്‍ - ഹൈസ്കൂളായും ഉയ൪ത്തപ്പെട്ടു .
ഇന്ന് കുണിഞ്ഞിയുടെ ഹൃദയഭാഗത്ത് തലയെടുപ്പോടെ സ്ഥിതി ചെയ്യുന്ന വിദ്യാലയമാണ് സെന്റ് ആ൯റണീസ് ഹൈസ്കൂള്‍ . വി . അന്തോനീസിന്റെ പരിപാവനമായ സംരക്ഷണയില്‍ മുന്നേറുന്ന ഈ വിദ്യാലയം ജാതിമത ഭേദമന്യേ ആത്മീയ ചൈതന്യം ഒളിവിതറുന്ന ജീവിതങ്ങളെ വാ൪ത്തെടുക്കുന്നു . ലോകത്തിന്റെ വിവിധ ഭാഗങ്ങളില്‍ ജോലിയും ഉന്നത വിദ്യാഭ്യാസത്തിലും കഴിയുന്ന മക്കളെ കണ്ട് ഈ സ്ഥാപനം ഇന്നഭിമാനം കൊള്ളുന്നു . ദീ൪ഘനാളത്തെ കഠിനാദ്ധ്വാനത്തിന്റെ ഫലമായി മനോഹരവും വിലപിടിപ്പുള്ളതുമായ ഒരു സൗധം നാം പണിതുയ൪ത്തിയാല്‍ അത് കാലക്രമേണ ജീ൪ണിച്ചു പോകും . എന്നാല്‍ പിഞ്ചോമനകളുടെ ഹൃദയമാകുന്ന ശിലകളില്‍ ദൈവസ്നേഹവും പരസ്നേഹവുമാകുന്ന മൂല്യങ്ങള്‍ കൊത്തിവച്ചാല്‍ അവ നിത്യകാലപ്രകാശം ചൊരിഞ്ഞ് നിലകൊള്ളുമെന്നതില്‍ സംശയമില്ല . ഈ യാഥാ൪ത്ഥ്യം അന്വ൪ത്ഥമാക്കി ജ്ഞാനത്തിന്റെ പ്രഭവിതറി കൊണ്ട് സെന്റ് ആന്റണീസ് ഹൈസ്കൂള്‍ വിരാജിക്കുന്നു .
ഭൂമിശാസ്ത്രപരമായ വിവരങ്ങള്‍
രാമപുരത്തു വാര്യ൪, ലളിതാംബിക അന്ത൪ജനം, പാറേമാക്കല്‍ ഗോവ൪ണ്ണദോ൪, വാഴ്ത്തപ്പെട്ട കുഞ്ഞച്ച൯ എന്നിവരുടെ പാദസ്പ൪ശനത്താല്‍ ചരിത്രപ്രസിദ്ധിയാ൪ജ്ജിച്ച രാമപുരത്തുനിന്നും 7 കി. മീ. വടക്കുമാറി ഇടുക്കി ജില്ലയില്‍ ഉള്‍പ്പെട്ട കോട്ടയം ജില്ല എറണാകുളം ജില്ല എന്നിവയുടെ അതി൪ത്തിയില്‍ നാലു വശങ്ങളും ഹരിതാഭമായ മലകളാല്‍
ആവൃതമായ ഒരു ചെറുഗ്രാമമാണ് കുണിഞ്ഞി . പുറപ്പുഴ പഞ്ചായത്തില്‍പ്പെട്ട അത്യന്തം ഫലഭൂയിഷ്ടമായ ഈ പ്രദേശത്തിന്റെ ചുറ്റുമായി രാമപുരം, വെളിയന്നൂ൪ , പാലക്കുഴ , കരി‍ങ്കുന്നം എന്നീ പഞ്ചായത്തുകള്‍ കിടക്കുന്നു . കോതമംഗലം രൂപതയുടെയും ഇടുക്കി ജില്ലയുടെ അതി൪ത്തിയിലുള്ള ഈ കൊച്ചുഗ്രാമത്തിനൊരു തിലകക്കുറിയായി കുണിഞ്ഞി സെന്റ് ആന്റണീസ് ഹൈസ്കൂള്‍ നിലകൊള്ളുന്നു .
ഭൂപ്രകൃതി ചുറ്റോടുചുറ്റും മലകള്‍ കൊണ്ട് കോട്ടതീ൪ത്ത അതിമനോഹരമായ ഒരു ഭൂപ്രകൃതിയാണ് കുണിഞ്ഞിക്കുള്ളത് . മുകളില്‍നിന്നും ഒഴുകി വരുന്ന നീ൪ച്ചാലുകള്‍ മലകള്‍ക്ക് അരഞ്ഞാണമിട്ടതുപോലെ തോന്നിക്കും . താഴ്വാരങ്ങളില്‍ റബ്ബ൪ തോട്ടങ്ങളും , തെങ്ങ്, കമുക് , കുരുമുളക് , ജാതി , കൊക്കോ തുടങ്ങിയവ ഇടതൂ൪ന്നു വളരുന്ന തൊടികളും കാണാം . പൂവാലനണ്ണാ൯മാ൪ തത്തിക്കളിക്കുന്ന വാഴത്തോട്ടങ്ങളും ഇവിടുത്തെ ഒരു സാധാരണ കാഴ്ചയാണ് .
കാ൪ഷിക ചരിത്രം
നൂറ്റാണ്ടുകള്‍ മുമ്പു തന്നെ ഇവിടെ ജനവാസമുണ്ടായിരുന്നെങ്കിലും വിദേശാക്രമണമോ പക൪ച്ചവ്യാധിയോ ഉണ്ടായപ്പോള്‍ ഇവിടുത്തെ ജനങ്ങള്‍ നാടുവിട്ടു പോവുകയും ഈ പ്രദേശം വന്യജീവികള്‍ നിറഞ്ഞ കൊടും കാടായി മാറുകയും ചെയ്തു . പത്തൊ൯പതാം നൂറ്റാണ്ടിന്റെ ആരംഭത്തോടുകൂടി കുറവിലങ്ങാട് , ആതിരംപുഴ ,പാലാ , രാമപുരം തുടങ്ങിയ സ്ഥലങ്ങളില്‍ നിന്നും ജനങ്ങള്‍ ഇങ്ങോട്ട് കുടിയേറി പാ൪ക്കുകയും കാടുകള്‍ വെട്ടിത്തെളിച്ച് കൃഷിഭൂമിയാക്കുകയും ചെയ്തു .
പ്രധാന നാഴികക്കല്ലുകള്‍
1918 ജൂലൈ 20 - കുണിഞ്ഞിയില്‍ ഒരു പള്ളി പണിയുവാ൯ അനുവാദം കിട്ടി. 1919 ജനുവരി 27 - പുതിയ പള്ളിക്കുള്ള തറക്കല്ലിട്ടു . 1920 ജനുവരി 16 - കുണിഞ്ഞി പള്ളി ഒരു ഇടവകയായി ഉയ൪ത്തപ്പെട്ടു . 1927 - രാമപുരം - മാറിക റോഡ് വെട്ടിത്തെളിച്ചു . 1948 ആഗസ്റ്റ് 16 - സെന്റ് ആന്റണീസ് എല്‍ . പി . സ്കൂള്‍ ആരംഭിച്ചു . 1948 - സ്കൂളിന് സ൪ക്കാ൪ അനുവാദം . 1955 - സ്കൂള്‍ യു . പി . സ്കൂളായി ഉയ൪ത്തപ്പെട്ടു . 1961 ജൂലൈ 16 - സന്യാസിനീ ഭവനം സ്ഥാപിതമായി . 1967 ഒക്ടോബ൪ 1 - പുതിയ പള്ളിക്കുള്ള തറക്കല്ലിട്ടു . 1971 ജനുവരി 31 - പുതിയ ദേവാലയത്തിന്റെ വെഞ്ചിരിപ്പ് . 1974 - ഹോമിയോ ഡിസ്പെ൯സറിക്കുള്ള അനുവാദം കിട്ടി . 1976 ഓഗസ്റ്റ് 14 - കുണിഞ്ഞിയിലെ മാ൪ക്കറ്റ് ഉദ്ഘാടനം . 1984 മാ൪ച്ച് 18 - ഹൈസ്കൂളിന്റെ ഔപചാരിക ഉദ്ഘാടനം .