ജി.എച്ച്.എസ്.എസ്. അരീക്കോട്/പ്രവർത്തനങ്ങൾ/2017-18-ലെ പ്രവർത്തനങ്ങൾ
അമ്മമാർക്കുള്ള കൈപുസ്തകം
വിദ്യാഭ്യാസ മുന്നേറ്റത്തിന് വെളിച്ചമായ് വഴികാട്ടി. അമ്മമാർക്കുള്ള കൈപുസ്തകം എന്ന രീതിയിലായിരുന്നു ഇത് രൂപകല്പന ചെയ്ത്.അഞ്ച് ദിവസം അഞ്ച് മണിക്കൂർ പഠന പദ്ധതിയിൽ അരികോട് ഡി.എഡ്.കേന്ദ്രത്തിലെ അധ്യാപക വിദ്യാർത്ഥികളെ ഉപയോഗപ്പെടുത്തിയാണ് പദ്ധതി പൂർത്തീകരിച്ചത്.കോ-ഓഡിനേറ്റർ അബ്ദുൾ അസീന്റെ നേതൃത്വത്തിൽ അധ്യാപകരായ മുനവിർ, അഷ്റഫ്, ഹുസൈൻ, അബ്ദുൾ നാസർ, ലക്ഷ്മണൻ, ടോമി തോമസ്, രേഖകൃഷ്ണൻ മോഹനകുമാരി സലീമത്ത് എന്നിവർ പരിപാടിയിൽ പങ്കാളികളായി. ഹൈസ്കൂൾ അധ്യാപകനായ സുരേഷ് ബാബു ചീഫ് എഡിറ്ററും സലീം വലിയപറമ്പ എഡിറ്ററുമായാണ് പുസ്തകം പുറത്തിറക്കിയത്.
നവപ്രഭ
ഒൻപതാം ക്ലാസ്സിൽ പഠനത്തിൽ പിന്നാക്കം നിൽക്കുന്ന കുട്ടികൾക്കായി ആവിഷ്ക്കരിച്ച പദ്ധതിയാണ് നവപ്രഭ. എല്ലാ വിഷയങ്ങൾക്കും കുട്ടികൾക്ക് പ്രത്യേക പരിശീലനം നൽകുന്നു.. ഭൂരിഭാഗം കുട്ടികളും ഈ പദ്ധതിയിലൂടെ മികവിലേയ്ക്ക് കടന്നുവരുന്നുണ്ട്. ആത്മവിശ്വാസത്തോടെ മുമ്പോട്ട് വരുവാനും സ്വന്തം കഴിവുകൾ പ്രകടിപ്പിക്കുവാനും അവർക്ക് സാധിക്കുന്നു. ഞങ്ങളുടെ സ്കൂളിലെ നവപ്രഭ പ്രോഗ്രാം വിജയകരമായി മുൻപോട്ടുപോകുന്നു. കുട്ടികളിലെ ആത്മവിശ്വാസം വളർത്താൻ സാധിച്ചു എന്നതാണ് ഏറ്റവും വലിയ വിജയം. പിന്നാക്കം നിൽക്കുന്ന കുട്ടികളെ പ്രത്യേകം ശ്രദ്ധിക്കുന്നതിനാൽ മടികൂടാതെ ക്ലാസ്സിൽ വരുന്നതിന് സ്വന്തമായി ക്ലാസ്സ് പ്രവർത്തനങ്ങൾ ചെയ്യുന്നതിനും അവർക്ക് കഴിയുന്നുണ്ട്.
ഹൻസീന റഷയുമായി അഭിമുഖം
യുവ എഴുത്തുകാരി ഹൻസീന റഷ യുമായി അഭിമുഖം - യു.പി.ക്ലാസ്സുകളിൽ നിന്നു തന്നെ കവിത എഴുതി തുടങ്ങിയ ഹൻസീനയുടെ 20 കവിതകൾ അടങ്ങുന്ന പുസ്തകമാണ്, വെള്ളത്തണ്ട്. ഉഗ്രപുരം ദേശസേവിനി വായനശാല യാ ണ് കവിതാ സമാഹാരം പുറത്തിറക്കാൻ നേതൃത്വം നൽകിയത്.പുസ്തകം സ്കൂളിലെ കുട്ടികളെ പരിചയപ്പെടുത്തുന്നതിന്റെ ഭാഗമായാണ് അഭിമുഖം സംഘടിപ്പിച്ചത്.പ്രധാനാ, ധ്യാപകൻ സി.പി.സെയ്തലവി ഉദ്ഘാടനം ചെയ്തു.ഹൻ സീനയുടെ രക്ഷിതാക്കളും സഹോദരിയും പങ്കെടുത്ത ചടങ്ങ് വിദ്യാർത്ഥികൾക്ക് നവ്യാനുഭവമായി. എഴുത്തനുഭവം കവയിത്രി പങ്കുവെച്ചു. സീനിയർ അസിസ്റ്റൻറ് പി.പ്രസന്ന, കെ.പി.സുശീല ,ഇ.സോമൻ തുടങ്ങിയവർ ആശംസകൾ നേർന്നു.