മണ്ണിനോടും മാരകരോഗങ്ങളോടും പ്രതികൂല കാലാവസ്ഥയോടും കാട്ടു മൃഗങ്ങളോടും മല്ലിട്ട് ഈ പ്രദേശത്ത് ജീവിതം കരുപ്പിടിപ്പിച്ച ജനതയ്ക്ക്, 1979 വരെ തങ്ങളുടെ കുട്ടികളുടെ ഹൈസ്കൂൾ പഠനത്തിന് സാഹചര്യം ഇല്ലാതിരുന്ന അവസരത്തിൽ, കേരളത്തിന്റെ പല ഭാഗങ്ങളിലും വിൻസെൻഷ്യൻ സഭയ്ക്കുവേണ്ടി വിദ്യാഭ്യാസ സ്ഥാപനങ്ങൾ ആരംഭിച്ച പരിചയവും ജനങ്ങളുടെയും ഉമിക്കുപ്പ യു. പി. സ്കൂളിലെ അദ്ധ്യാപകരുടെയും പിന്തുണയും കൈമുതൽ ആക്കിക്കൊണ്ട്, ഉമിക്കുപ്പയിൽ ഹൈസ്കൂൾ ആരംഭിക്കുന്നതിനുവേണ്ടി സധൈര്യം മുന്നിട്ടിറങ്ങിയ ക്രാന്തദർശിയായ വൈദികൻ.
