എസ് പി ഡബ്യൂ എച്ച് എസ് ആലുവ/ഐ.ടി. ക്ലബ്ബ്-17
2000 ല്‍ പ്രൊഫ: യു. ആര്‍. റാവു ചെയര്‍മാനായ കമ്മിറ്റി തയ്യാറാക്കിയ ‘വിഷന്‍ 2010′ എന്ന റിപ്പോര്‍ട്ടിന്റെ അടിസ്ഥാനത്തിലെ നിര്‍ദ്ദേശങ്ങളുടെ ചുവടു പിടിച്ചാണ് ഐ.ടി@സ്കൂള്‍ പ്രോജക്ടും അതു വഴി നമ്മുടെ സ്കൂളുകളില്‍ ഐ.സി.ടി.വിദ്യാഭ്യാസവും നടപ്പില്‍ വന്നത്. ‘വിഷന്‍ 2010′ റിപ്പോര്‍ട്ടിന്റെ പ്രധാന നിര്‍ദ്ദേശങ്ങളില്‍ ഹൈസ്കൂളിലെ ഐ.ടി പഠനം എന്നത് കൊണ്ട് താഴെ പറയുന്ന കാര്യങ്ങളാണ് വിഭാവനം ചെയ്യുന്നത്.
ഐ.ടി. വിദ്യാഭ്യാസം എന്നത് വിദ്യാര്‍ഥികള്‍ക്ക് പ്രാഥമികമായ ഐ.ടി. നൈപുണികള്‍ നല്‍കാനായിരിക്കണം. അധ്യാപകനെ ശാക്തീകരിക്കാനായിരിക്കണം കരിക്കുലം ഫലപ്രദമായി വിനിമയം ചെയ്യാനായിരിക്കണം. ഐ.ടി. വിദ്യാഭ്യാസമല്ല, ഐ.സി.ടി. ശാക്തീകൃത വിദ്യാഭ്യാസമായിരിക്കണം നാം ലക്ഷ്യം വെക്കേണ്ടത്.ഇതിലെ ഏറ്റവും പ്രധാന നിര്‍ദ്ദേശം ഇവിടെ അവസാനം പരാമര്‍ശിച്ച കാര്യം തന്നെയാണ്. പഠന പ്രക്രിയയിലും മൂല്യനിര്‍ണ്ണയത്തിലും ഒരു ടൂളായി ഐ.ടി. മാറണം. അതായത് ക്ലാസ്റൂം പ്രക്രിയയില്‍ വിദ്യാര്‍ഥിയും അധ്യാപകനും (പഠനത്തിലും അധ്യയനത്തിലും) ഫലപ്രദമായ ഒരു ടൂളായി ഐ.ടി.യെ പ്രയോജനപ്പെടുത്തണം.
നമ്മുടെ സ്കൂളില്‍ ഐ റ്റി @ സ്കൂളിന്റെ ഭാഗമായി എല്ലാ വിധ സൌകര്യങ്ങളുമുള്ള ഐ റ്റി ലാബ് പ്രവര്‍ത്തിക്കുന്നുണ്ട്.നിലവില്‍ പത്ത് ഡെസ്ക്ക് ടോപ്പുകള്‍ പത്ത് ലാപ്‌ ടോപ്പുകള്‍ എന്നിവയാണുള്ളത്.ഐ റ്റി കോര്‍ഡിനേറ്ററായി ഹഫ്സത്ത് കെ കെയും ജോയിന്റ് ഐ റ്റി കോര്‍ഡിനേറ്ററായി ജെസ്സി ജോര്‍ജും ചുമതല വഹിക്കുന്നു. ഹായ് കുട്ടിക്കൂട്ടം പദ്ധതിയുടെ ഭാഗമായി തെരഞ്ഞെടുക്കപ്പെട്ട മുപ്പത് കുട്ടികള്‍ക്ക് ഹാര്‍ഡ് വെയര്‍,ഇലക്ട്രോണിക്സ്,അനിമേഷന്‍,ഭാഷ കംപ്യൂട്ടിംഗ്,ഇന്റര്‍നെറ്റ്&സൈബര്‍ മീഡിയ എന്നെ വിഷയങ്ങളില്‍ പരിശീലനം നടന്നു വരുന്നു.പരിശീലനത്തിന്റെ ഒന്നാം ഘട്ടം 2017 ജൂലായ്‌ മാസം നടന്നു കഴിഞ്ഞു.