തൂണേരി വെസ്റ്റ് എൽ പി എസ്
................................
| തൂണേരി വെസ്റ്റ് എൽ പി എസ് | |
|---|---|
| വിലാസം | |
chamaturu. | |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | കോഴിക്കോട് |
| വിദ്യാഭ്യാസ ജില്ല | വടകര |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 12-03-2017 | Tuneriwestlps |
ചരിത്രം
തൂണേരി വെസ്റ്റ്. എല്‍.പി. സ്‌കൂള്‍
പ്രകൃതി സുന്ദരമായ വയലോരത്ത് കോട്ടേമ്പ്രം മഹാഭഗവതിക്ഷേത്തില്‍ നിന്ന് കുറച്ചകലെയായി ചാമത്തൂര് സ്‌കൂള്‍ എന്ന് വിളിപ്പേരുള്ള തൂണേരി വെസ്റ്റ് എല്‍.പി. സ്‌കൂള്‍ 1914 ല്‍ ശ്രീ. പി. രാമുണ്ണിക്കുറുപ്പ് സ്ഥാപിച്ചു. തുടക്കത്തില്‍ ഇന്ന് സ്ഥിതി ചെയ്യുന്നതിന്റെ തൊട്ടടുത്തുള്ള 'ചാമത്തൂര്' പറമ്പിലായിരുന്നത്രെ ഇതിന്റെ തുടക്കം. അതുകൊണ്ടാവാം ചാമത്തൂര് സ്‌കൂള്‍ എന്ന പേരിലറിയപ്പെടുന്നതും. തൂണേരി പഞ്ചായത്തിലെ 10-ാം വാര്‍ഡില്‍ താഴെ കരുവാഞ്ചേരി എന്ന പറമ്പിലാണ് സ്‌കൂളിന്റെ ഇന്നത്തെ സ്ഥാനം. 1914 ല്‍ ആരംഭിച്ചെങ്കിലും 1918ല്‍ ആണ് സ്‌കൂളിന് അംഗീകാരം ലഭിച്ചത്. തുടക്കത്തില്‍ 50 വിദ്യാര്‍ത്ഥികളും 2 പരിശീലനം സിദ്ധിക്കാത്ത അധ്യാപകരും മാത്രമേ ഉണ്ടായിരുന്നുള്ളൂ. വിദ്യാഭ്യാസപരമായും സാമൂഹ്യപരമായും വളരെ പിന്നോക്കാവസ്ഥയിലായിരുന്ന നാട്ടുകാര്‍ക്ക് ഈ വിദ്യാലയം ഒരനുഗ്രഹം തന്നെയായിരുന്നു. വളരെ പരിമിതമായ സൗകര്യങ്ങളെ സ്‌കൂളിലുണ്ടായിരുന്നുള്ളൂ. എങ്കിലും ചുറ്റുപാടുമുള്ള കുട്ടികള്‍ക്ക് പ്രാഥമിക വിദ്യാഭ്യാസം നല്‍കുന്നതില്‍ ഈ സ്‌കൂള്‍ മുഖ്യ പങ്കുവഹിച്ചു. 2001-02 വര്‍ഷത്തില്‍ തദ്ദേശസ്ഥാപനത്തിന്റെ വകയായി സ്‌കൂളില്‍ മൂത്രപ്പുര ഇരട്ടക്കുഴി കക്കൂസ് എന്നിവ നിര്‍മ്മിച്ചിട്ടുണ്ട്. ഇന്ന് സ്വന്തമായി ഈ സ്‌കൂളിന് മികച്ച ഒരു കമ്പ്യൂട്ടര്‍ ലാബും, സൗകര്യപൂര്‍ണമായ ഓഫീസ് റൂം, അടച്ചുറപ്പുള്ള അടുക്കള, വാഹനസൗകര്യം എന്നിവയും ഉണ്ട്. ധാരാളം പരിമിതികള്‍ ഇനിയും ഉണ്ടെങ്കിലും ഇവിടെ നിന്നും പുറത്തുവരുന്ന മിക്കവിദ്യാര്‍ത്ഥികളും നല്ലനിലവാരം പുലര്‍ത്തുന്നതില്‍ അധ്യാപകര്‍ പ്രത്യേകം ശ്രദ്ധ കാട്ടാറുണ്ട്. 2016-17 വര്‍ഷത്തില്‍ 34 ആണ്‍കുട്ടികളും 38 പെണ്‍കുട്ടികളുമടക്കം 72 കുട്ടികള്‍ ഇവിടെ പഠിക്കുന്നു. പവിത്രന്‍ പോയിനാണ്ടിയില്‍ പി.ടി.എ പ്രസിഡണ്ടും മഹിജ. എം മദര്‍ പി.ടി.എ പ്രസിഡണ്ടും ആയുള്ള ഒരു കമ്മിറ്റി സ്കൂളിലെ എല്ലാ പ്രവര്‍ത്തനങ്ങളിലും പ്രത്യേകം ശ്രദ്ധ പതിപ്പിക്കുന്നു.
ഭൗതികസൗകര്യങ്ങള്‍
പാഠ്യേതര പ്രവര്‍ത്തനങ്ങള്‍
മുന്‍ സാരഥികള്‍
സ്കൂളിലെ മുന്‍ അദ്ധ്യാപകര്‍ :
നേട്ടങ്ങള്‍
പ്രധാന നേട്ടങ്ങള്‍ : 2015-16 അധ്യയനവര്‍ഷത്തിലെ മികവ് ഉത്സവമത്സരത്തില്‍ നാദാപുരം സബ്ജില്ലയില്‍ നിന്ന് ഒന്നാംസ്ഥാനം നേടിക്കൊണ്ട് ഏറ്റവും മികച്ച വിദ്യാലയമായി തിരഞ്ഞെടുക്കപ്പെട്ടു. വിദ്യാലയം കാഴ്ച വച്ച അക്കാദമിക പ്രവര്‍ത്തനങ്ങള്‍ക്കായിരുന്നു ഈ നേട്ടം. 2016-17 വര്‍ഷത്തില്‍ സാമൂഹ്യശാസ്ത്രമേളയില്‍ മോഡല്‍ വിഭാഗത്തില്‍ സബ്ജില്ലാതലത്തില്‍ ഒന്നാം സ്ഥാനവും ജില്ലാതലത്തില്‍ 'എ' ഗ്രേഡും നേടി. നാദാപുരം സബ്ജില്ലാ കലാമേളയില്‍ മലയാള പ്രസംഗത്തില്‍ ഒന്നാംസ്ഥാനം ഞങ്ങളുടെ ആഷില്‍. പി.ആര്‍ കരസ്ഥമാക്കി. പഞ്ചായത്ത് കലാമേളയിലും കായികമേളയിലും മികച്ച വിജയം കരസ്ഥമാക്കി. തൂണേരി പഞ്ചായത്ത്തല വായാനാക്വിസ്, ചാന്ദ്രദിനക്വിസ്, സ്വാതന്ത്ര്യദിന ക്വിസ്, പതിപ്പ് മത്സരം എന്നിവയില്‍ ഒന്നും രണ്ടും സ്ഥാനങ്ങള്‍ കരസ്ഥമാക്കി.
പ്രശസ്തരായ പൂര്‍വവിദ്യാര്‍ത്ഥികള്‍
വഴികാട്ടി
വിദ്യാലയത്തിലേക്ക് എത്തുന്നതിനുള്ള മാര്‍ഗ്ഗങ്ങള്‍
|
{{#multimaps:11.736983, 76.074789 |zoom=13}}