തൃക്കണ്ണാപുരം വെസ്റ്റ് എൽ പി എസ്

തൃക്കണ്ണാപുരം വെസ്റ്റ് എൽ പി എസ്
വിലാസം
തൃക്കണ്ണാപുരം
വിദ്യാഭ്യാസ ഭരണസംവിധാനം
റവന്യൂ ജില്ല	കണ്ണൂര്‍
വിദ്യാഭ്യാസ ജില്ല	തലശ്ശേരി
സ്കൂൾ ഭരണ വിഭാഗം
മാദ്ധ്യമം	മലയാളം‌
അവസാനം തിരുത്തിയത്
30-01-2017	14403

ചരിത്രം

കൂത്തുപറമ്പ് മുനിസിപ്പാലിറ്റിയിലെ പടിഞ്ഞാറെ തൃക്കണ്ണാപുരം ദേശത്താണ് വിദ്യാലയത്തിന്റെസ്ഥാനം.തെക്ക് പടിഞ്ഞാറ് പാട്യം ഗ്രാമ പഞ്ചായത്താണ്.നഗരസഭയിലെ പത്തൊമ്പതാം വാർഡിലാണ് സ്കൂള്‍ സ്ഥിതി ചെയ്യുന്നത്.1912ൽ എടുപ്പിൽ കുഞ്ഞമ്പു ഗുരിക്കളുടെ സ്വന്തം സ്ഥലത്ത് അദ്ദേഹം തന്നെ കുട്ടികൾക്ക് വിജ്ഞാനം പകരാൻ വേണ്ടി ഒരു എലിമെന്ററി സ്കൂൾ ആയി തുടങ്ങിയതാണീ വിദ്യാലയം. പിന്നീടത് അമ്പൂട്ടി ഗുരിക്കളുടെയും പാലേരി കുഞ്ഞിക്കണ്ണൻ മാസ്റ്ററുടെയും മാനേജ്മെന്റിൽ തൃക്കണ്ണാപുരം വെസ്റ്റ് എൽ .പി.സ്കൂൾ എന്ന പേരിൽ അറിയപ്പെടാൻ തുടങ്ങി. പാലേരി കുഞ്ഞിക്കണ്ണൻ മാസ്റ്റർ അദ്ദേഹത്തിന്റെ പകുതി അവകാശം ആ നോളിക്കുന്നത്ത് കുഞ്ഞിക്കണ്ണൻ മാസ്റ്റർക്ക് നൽകി. അമ്പൂട്ടി ഗുരിക്കളുടെ മരണശേഷം മകൻ ഇ.കെ. ചാത്തുക്കുട്ടി മാസ്റ്റർക്ക് പകുതി മാനേജ്മെന്റ് ലഭിച്ചു.ഈ അവസരത്തിൽ സ്കൂൾ കെട്ടിടം അപകടത്തിലാണെന്ന് മനസ്സിലാക്കിയതിന്റെ അടിസ്ഥാനത്തിൽ രക്ഷിതാക്കളും നാട്ടുകാരും ഒത്തൊരുമിച്ച് ഉച്ചമ്പള്ളി കൃഷ്ണൻ ഡ്രൈവറുടെ വീട്ട് വളപ്പിൽ താൽക്കാലിക ഷെസ്സ് കെട്ടി സ്കൂൾ പ്രവർത്തിച്ച് തുടങ്ങി. തുടർന്ന് നാട്ടുകാരും രക്ഷിതാക്കളും യോഗം ചേർന്നു .ഈ യോഗത്തിൽ ആ നോളിക്കുന്നത് കുഞ്ഞിക്കണ്ണൻ മാസ്റ്റർ തന്റെ അവകാശം ദാനമായി നൽകുന്നത് പ്രഖ്യാപിച്ചു.അങ്ങനെ നാട്ടുകാർ അന്നത്തെ SNDP യോഗം പ്രസിഡണ്ട് ശ്രീ പി.വി മുകുന്ദന്റെ പേരിൽ സ്കൂൾ ഏറ്റെടുത്ത് നടത്തുവാൻ അവകാശം നൽകി. സ്കൂളിന്റെ പ്രധാന കെട്ടിടം ശ്രീ പി.വി മുകുന്ദന്റെ ശ്രമഫലമായിട്ടുണ്ടായതാണ്. കോ മാനേജരായിരുന്ന ചാത്തുക്കുട്ടി മാസ്റ്റർ കറസ്പോപോണ്ടന്റ് അധികാരം തുടർന്നതിനാൽ അദ്ദേഹത്തിന്റെ പേരിൽ സ്കൂൾ തുടങ്ങുകയും ചെയ്തു. മരണ ശേഷം മകനായ വി കെ കരുണന് മാനേജ്മെന്റ് അവകാശം കിട്ടി. അദ്ദേഹത്തിന്റെ മരണശേഷം ഭാര്യ സി.കെ ജാനകിയാണ് ഇപ്പോഴത്തെ സ്കൂൾ മാനേജർ.

ഭൗതികസൗകര്യങ്ങള്‍

പ്രത്യേക ലാബ് സൌകര്യത്തോടു കൂടിയ കമ്പ്യൂട്ടര്‍ റൂം, ഉച്ച ഭക്ഷണത്തിനായി വിശാലമായ ഭക്ഷണശാല,കളിസ്ഥലം,ചുറ്റുമതില്‍,സ്റ്റേജ്,വായനാ മുറി