G.U.P.S. Ponmala
| G.U.P.S. Ponmala | |
|---|---|
| വിലാസം | |
മലപ്പുറം | |
| വിദ്യാഭ്യാസ ഭരണസംവിധാനം | |
| റവന്യൂ ജില്ല | മലപ്പുറം |
| വിദ്യാഭ്യാസ ജില്ല | മലപ്പുറം |
| സ്കൂൾ ഭരണ വിഭാഗം | |
| മാദ്ധ്യമം | മലയാളം |
| അവസാനം തിരുത്തിയത് | |
| 30-01-2017 | 18477 |
പൊന്‍മള ഗ്രാമപഞ്ചായത്തില്‍ സര്‍ക്കാര്‍ മേഖലയില്‍ പ്രവര്‍ത്തിക്കുന്ന ഏക അപ്പര്‍ പ്രൈമറി വിദ്യാലയമാണ് ജി.യു.പി.എസ്.പൊന്‍മള.പൊന്‍മള അങ്ങാടിയില്‍ നിന്നും 2 കി.മി.കിഴക്കു മാറി മുട്ടിപ്പാലംഎന്ന സ്ഥലത്ത് 2ഏക്കര്‍ വിസ്തൃതിയില്‍ വിശാലമായ കാംപസ്സിലാണ് സ്കൂള്‍ സ്ഥിതി ചെയ്യുന്നത്.
ചരിത്രം
അജ്‍ഞത കൊണ്ടും ജാതിചിന്തകൊണ്ടും അധികമാരും കുട്ടികളെ സ്കൂളിലേക്കയക്കാത്ത കാലം.1928ല്‍ പൊന്‍മള ദേശത്തെ പേരുകേട്ട ചണ്ണഴി ഇല്ലം കാരണവര്‍ അന്നത്തെ അധികാരി, ജനക്ഷേമത്തില്‍ തത്പരനായിരുന്ന ശ്രീ.കുമാരന്‍ മൂസ്സത് സ്വന്തം സ്ഥലത്ത് ഒരു ഓലഷെഡ്‍ഡില്‍ തുടങ്ങിയതാണ് ഈ വിദ്യാലയം.ഒറ്റപ്പാലം സ്വദേശി ശ്രീ.എഴുത്തച്ഛന്‍ മാഷും ഭാര്യ കാര്‍ത്ത്യായനി ടീച്ചറും വളരെ കുറച്ചു കുട്ടികളും മാത്രം.പല പ്രായക്കാരായ കുട്ടികള്‍ നിലത്ത് അങ്ങോട്ടും ഇങ്ങോട്ടും തിരിഞ്ഞിരുന്ന് കണ്ടും കേ‌ട്ടും ഉരുവിട്ടുമൊക്കെ പഠിച്ചും പഠിപ്പിച്ചമൊക്കെ ആരംഭിച്ച വിദ്യാലയം.ക്രമേണ കുട്ടികള്‍ കൂടി വന്നു.സമീപ പ്രദേശങ്ങളിലുള്ള ഓലഷെഡ്ഡുകളിലും മൂസതുമാരുടെ വകയായ വാടകക്കെട്ടിടത്തിലുമൊക്കെയായി കുറെക്കാലം പ്രവര്‍ത്തിച്ചു.ആദ്യം മലബാര്‍ ഡിസ്ട്രിക്ട് ബോര്‍ഡിന്റെ കീഴിലും തുടര്‍ന്ന് എല്ലാ വിദ്യാലയങ്ങളും സര്‍ക്കാര്‍ ഏറ്റെടുത്തപ്പോള്‍ ഒന്നു മുതല്‍ അഞ്ചുവരെയുള്ള സര്‍ക്കാര്‍ എല്‍.പി സ്കൂളായും പ്രവര്‍ത്തിച്ചു.തുടര്‍ന്ന് നാട്ടുകാരുടെ ശ്രമഫലമായി രണ്ട് ഏക്കര്‍ സ്ഥലവും മൂന്ന മുറികളുള്ള കെട്ടിടവും അതിനു വേണ്ട ഫര്‍ണിച്ചറുകളും സംഭാവനയായി നല്‍കാം എന്ന വ്യവസ്ഥയില്‍ 1974 സെപ്റ്റംബര്‍ 9 ന് ഇതൊരു യു.പി.സ്കൂളായി ഉയര്‍ന്നു.രണ്ട് ഏക്കര്‍ സ്ഥലത്തിനായി ശ്രീ.പൂവല്ലൂര്‍ മരക്കാര്‍ഹാജി അര ഏക്കര്‍ സ്ഥലവും ശ്രീ. പൂവല്ലൂര്‍ സെയ്ത് ഹാജിയും മുഹമ്മദാജിയും കൂടി അര ഏക്കര്‍ സ്ഥലവും ശ്രീ.മുല്ലപ്പള്ളി കുഞ്ഞിമുഹമ്മദ് ഹാജി പതിനേഴര സെന്റ് സ്ഥലവും സംഭാവനയായി നല്‍കി. നല്ലവരായ നാട്ടുകാരുടേയും വിദേശത്തുള്ള നാട്ടുകാരുടേയും സഹായത്താല്‍ എണ്‍പത്തിമൂന്ന് സെന്റ് സ്ഥലം വിലക്കുവാങ്ങുകയും കെട്ടിടം പണിയുകയും ചെയ്തു. കെട്ടിടം പൂര്‍ത്തിയാക്കാനായില്ലെങ്കിലും അതിലും ക്ളാസ്സുകള്‍ നടന്നിരുന്നു.തുടര്‍ന്ന് 1984 ല്‍ അന്നത്തെ പൊതുമരാമത്ത് മന്ത്രിയായിരുന്ന ശ്രീ. മുഹമ്മദ്കോയ സാഹിബ് അനുവദിച്ച ഗവണ്‍മെന്റ് കെട്ടിടവും ഡി.പി.ഇ.പി,ജില്ലാപഞ്ചായത്ത്,ബ്ളോക്ക് പഞ്ചായത്ത് വക കെട്ടിടങ്ങളുമുണ്ടായി. അങ്ങനെ വാടകക്കെട്ടിടവും ഷെഡ്ഡുമെല്ലാം ഒഴിവായി ഒറ്റ കോമ്പൗണ്ടില്‍തന്നെ 20 ക്ളാസ്സ് മുറികളിലായി സ്കൂള്‍ പ്രവര്‍ത്തിച്ചു.
പാഠ്യേതര പ്രവര്‍ത്തനങ്ങള്‍
സ്കൗട്ട് യൂണിറ്റ് സ്കൂളില്‍ പ്രവര്‍ത്തിക്കുന്നു. കൂടാതെ കരാട്ടെ ,സ്പോക്കണ്‍ ഇംഗ്ളീഷ്, തയ്യല്‍ എന്നിവയില്‍ താത്പര്യമുള്ള വിദ്യാര്‍ഥികള്‍ക്ക് പരിശീലനത്തിന് അവസരമുണ്ട്.
മികവുകള്‍
സബ് ജില്ലാ കായികമേളയില്‍ എല്‍.പി.വിഭാഗം ഓവറോള്‍ ചാമ്പ്യന്‍മാര്‍.സബ് ജില്ലാ -ജില്ലാ ശാസ്ത്ര പ്രവൃത്തിപരിചയമേളകളില്‍ മികച്ച പങ്കാളിത്തം. സംസ്ഥാന പ്രവൃത്തി പരിചയമേളയില്‍ Cards, Straw Board Products ഇനത്തില്‍ മുഹമ്മദ് നാഫിഹ് എം എന്ന കുുട്ടിക്ക് എ ഗ്രേഡ് ലഭിച്ചു.സ്കൂളിലെ വിദ്യാരംഗം കലാ സാംസ്കാരിക വേദിയുടെ ആഭിമുഖ്യത്തില്‍ കുട്ടികളുടെ സാഹിത്യസൃഷ്ടികള്‍ ഉള്‍പ്പെടുത്തി 2014-15 വര്‍ഷം മുതല്‍ കുഞ്ഞാറ്റഎന്ന പേരില്‍ വാര്‍ഷികപ്പതിപ്പ് പുറത്തിറക്കുന്നു.
ഭൗതിക സാഹചര്യം
വഴികാട്ടി
പൊന്‍മള അങ്ങാടിയില്‍നിന്നോ ചാപ്പനങ്ങാടിയില്‍ നിന്നോ പറങ്കിമൂച്ചിക്കല്‍ നിന്നോ കോഡൂര്‍ ചെമ്മന്‍കടവില്‍ നിന്നോ ഏകദേശം 2 കി.മി.വീതം യാത്ര ചെയ്താല്‍ സ്കൂളിലെത്തിച്ചേരാം. {{#multimaps: 11.017498,76.0458766 | width=800px | zoom=12 }}