22:20, 8 ജൂൺ 2026-നു ഉണ്ടായിരുന്ന രൂപം സൃഷ്ടിച്ചത്:- 19866(സംവാദം | സംഭാവനകൾ)
(മാറ്റം) ←പഴയ രൂപം | ഇപ്പോഴുള്ള രൂപം (മാറ്റം) | പുതിയ രൂപം→ (മാറ്റം)
സ്കൂൾ പ്രവേശനോത്സവം
എടരിക്കോട് ഗ്രാമപഞ്ചായത്തിലെ ജി.യു.പി.എസ്. ക്ലാരിയിൽ 2026 ജൂൺ ഒന്നിന് രാവിലെ പത്തുമണിക്ക് നടന്ന പ്രവേശനോത്സവം, അറിവിന്റെ ലോകത്തേക്ക് ചുവടുവെക്കുന്ന കുരുന്നുകൾക്കും പുതിയ അധ്യയന വർഷത്തിലേക്ക് പ്രവേശിക്കുന്ന വിദ്യാർത്ഥികൾക്കും ഹൃദ്യമായ വരവേൽപ്പാണ് നൽകിയത്. കഴിഞ്ഞ അധ്യയന വർഷത്തിൽ എൽ.പി, യു.പി വിഭാഗങ്ങളിലായി 34 സ്കോളർഷിപ്പുകൾ നേടിയെടുത്തും, ലഹരി വിമുക്ത വിദ്യാലയത്തിനുള്ള ദേശീയ പുരസ്കാരം (ToFEI 2025) സ്വന്തമാക്കിയും കൈവരിച്ച മികച്ച നേട്ടങ്ങളുടെ തിളക്കത്തിലാണ് വിദ്യാലയം ഈ വർഷത്തെ പ്രവേശനോത്സവം സംഘടിപ്പിച്ചത്. പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സർക്കാർ വിഭാവനം ചെയ്യുന്ന മികച്ച പഠനാന്തരീക്ഷവും, കുട്ടികളിലെ സർഗ്ഗശേഷി വളർത്തുന്നതിനുള്ള വിപുലമായ കലാ-സാംസ്കാരിക പ്രവർത്തനങ്ങളും, ലഹരി വിമുക്തവും സുരക്ഷിതവുമായ വിദ്യാലയ പരിസരമെന്ന ആശയവും ഉൾക്കൊള്ളിച്ചുകൊണ്ടാണ് വിദ്യാലയം പുതിയ അധ്യയന വർഷത്തെ വരവേറ്റത്. എടരിക്കോട് ഗ്രാമപഞ്ചായത്ത് പ്രസിഡന്റ് ശ്രീമതി റെഹാന ബീഗം തൈക്കാടൻ ഉദ്ഘാടനം നിർവഹിച്ച ചടങ്ങിൽ വൈസ് പ്രസിഡന്റ് ശ്രീ അബ്ദുസമദ് ഒ.ടി. അധ്യക്ഷത വഹിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ശ്രീമതി റുബൈദ പത്തൂർ സ്വാഗതം ആശംസിക്കുകയും ഹെഡ്മാസ്റ്റർ ശ്രീ അബ്ദുൽ സലാം ഇ. പ്രോഗ്രാം വിശകലനം നടത്തുകയും ചെയ്ത ചടങ്ങിൽ, ബാലമാസിക, യൂണിഫോം, പാഠപുസ്തകം, ഐ.ഡി കാർഡ് എന്നിവയുടെ വിതരണോദ്ഘാടനം വിവിധ വിശിഷ്ടാതിഥികൾ നിർവഹിച്ചു. വിദ്യാർത്ഥികളുടെ കലാപരിപാടികളോടെ സമാപിച്ച ഈ ആഘോഷം, വിദ്യാലയത്തിന്റെ സമഗ്രവും മികച്ചതുമായ വിദ്യാഭ്യാസ പുരോഗതിക്ക് പിന്തുണ നൽകിയ വിദ്യാർത്ഥികൾക്കും അധ്യാപകർക്കും രക്ഷിതാക്കൾക്കും നന്ദി അർപ്പിച്ചു.
