ഗുരു ചന്തുപണിക്കർ സ്മാരക ജി.എച്ച്.എസ്. എസ്. എളമ്പച്ചി/പ്രവർത്തനങ്ങൾ/2025-26
2025_ജൂൺ_2_പ്രവേശനോത്സവം
കളിയും ചിരിയും നിറഞ്ഞ് ഇളമ്പച്ചി സ്കൂളിൽ പ്രവേശനോത്സവം സംഘടിപ്പിച്ചു. ണ്ട് പ്രസൂന പത്മനാഭൻ, വികസന സമിതി ചെയർമാൻ കെ രവി തുടങ്ങിയവർ ആശംസയർപ്പിച്ച് സംസാരിച്ചു. തുടർന്ന് ടി.കെ കൃഷ്ണൻ മാസ്റ്ററുടെ സ്മരണയ്ക്ക് അവരുടെ കുടുംബങ്ങൾ സ്പോൺസർ ചെയ്ത പായസവിതരണവും നടന്നു.പരിപാടിുടെ ഏറെ ആകഷണമായ ഫോക്ലോ ർ കലാകാരൻ രഞ്ജിത്ത് കണ്ണപുരം അവതരിപ്പിച്ച പാട്ടും കൂട്ടും പരിപാടി കുട്ടികളുടെയും രക്ഷിതാക്കളുടെയും മനം കവർന്നു.പരിപാടിയ്ക്ക് പ്രിൻസിപ്പാൾ ശ്രീജ ശ്രീറാം സ്വാഗതവും ഹെഡ് മാസ്റ്റർ ഇൻ ചാർജ് സിറാജുദ്ദീൻ പി.കെ നന്ദിയും പറഞ്ഞു.
05-06-2025_പരിസ്ഥിതി ദിനാഘോഷം സംഘടിപ്പിച്ചു
ഈ വർഷത്തെ പരിസ്ഥിതി ദിനാഘോഷം വിവിധ പരിപാടികളോടെ ആചരിച്ചു.രാവിലെ നടന്ന അസംബ്ലിയിൽ പരിസ്ഥിതി സംരക്ഷണ പ്രതിജ്ഞ എടുത്തു.തൃക്കരിപ്പൂര് ഗ്രാമപഞ്ചായത്ത് കൃഷിഭവന്റെ നേതൃത്വത്തിൽ ഫലവൃക്ഷത്തൈകൾ നട്ടു.പ്രിൻസിപ്പാൾ ശ്രീജ ശ്രീറാം, പ്രഥമാധ്യാപിക റീന കെ.ടി എന്നിവർ സംസാരിച്ചു.
05-06-2025_ലഹരി വിരുദ്ധ പ്രതിജ്ഞ
അന്താരാഷ്ട്ര മയക്കുമരുന്ന് വിരുദ്ധ ദിനത്തിന്റെ ഭാഗമായി അഞ്ചാംഘട്ട ലഹരിവിരുദ്ധ പ്രവർത്തനങ്ങളുടെ സംസ്ഥാനതല ഉദ്ഘാടനം നടക്കുന്ന ജൂൺ 26ന് എല്ലാ സ്കൂളിലും സർക്കാർ ഓഫീസുകളിലും പൊതുഇടങ്ങളിലും ലഹരി വിരുദ്ധ പ്രതിജ്ഞ ചൊല്ലണമെന്ന സർക്കാർ നിർദ്ദേശത്തിന്റെ ഭാഗമായി സ്കൂളിൽ നടന്ന സ്പെഷ്യൽ അസംബ്ലിയിൽ വച്ച് ലഹരിവിരുദ്ധ പ്രതിജ്ഞ ചൊല്ലി.ഒമ്പതാം ക്ലാസ്സ് വിദ്യാർഥി ആർദ്ര ടി.വിയാണ് പ്രതിജ്ഞ ചൊല്ലിയത്.വിദ്യാർഥികൾ പ്രതിജ്ഞ ഏറ്റുചൊല്ലി.
പ്രതിജ്ഞ:
മാനവരാശിയെതകർക്കുന്ന മയക്കുമരുന്ന് എന്ന യഥാർത്ഥ്യം ഞാൻ തിരിച്ചറിയുന്നു. ലഹരി വസ്തുക്കളുടെ ഉപയോഗം അത് ഉപയോഗിക്കുന്ന വ്യക്തിയോടൊപ്പം കുടുംബത്തേയും സമൂഹത്തേയും പൂർണ്ണമായും നശിപ്പിക്കുമെന്നും ഞാൻ മനസ്സിലാക്കുന്നു. ഒരു പൗരൻ എന്ന നിലയിൽ, “ജീവിതവും സേവനവുമാണ് ലഹരി”എന്ന ആശയം എന്റെ ജീവിതത്തിലും കുടുംബത്തിലും തൊഴിൽ ഇടങ്ങളിലും പകർത്തുന്നതിനൊപ്പം സഹപ്രവർത്തകരിലും മറ്റുളളവരിലും ഈ ആശയം പകർത്തുന്നതിന് പ്രേരിപ്പിക്കുകയും ചെയ്യും. യാതൊരുവിധ ലഹരി വസ്തുക്കളും ഞാൻ ഉപയോഗിക്കില്ല എന്നും എന്റെ കുടുംബത്തിലും പ്രവർത്തന മണ്ഡലത്തിലും സമൂഹത്തിലും അത്തരത്തിലുള്ള പ്രവണതകളെ നിയമപരമായി തടയേണ്ടത് എന്റെ ഉത്തരവാദിത്തം ആണെന്ന് തിരിച്ചറിഞ്ഞു കൊണ്ട്, 'ലഹരിമുക്ത നവകേരളം' പടുത്തുയർത്തുവാൻ എന്റെ എല്ലാ കഴിവുകളും വിനിയോഗിച്ച് പ്രവർത്തിക്കുമെന്നും ഞാൻ ഇതിനാൽ പ്രതിജ്ഞ ചെയ്യുന്നു.
05-06-2025_ലിറ്റിൽ കൈറ്റ്സ് മീഡിയ പരിശീലനം
ഒമ്പതാം തരത്തിലെ ലിറ്റിൽ കൈറ്റ്സ് ഐ.ടി ക്ലബ്ബിലെ അംഗങ്ങൾക്കായി മീഡിയ പരിശീലനം സംഘടിപ്പിച്ചു.സ്കൂളുകളിൽ നടത്തുന്ന വിവിധ പരിപാടികളുടെ ഡോക്യുമെന്റേഷനും അതിന്റെ പ്രചരണവും റീൽസ്, വീഡിയോ എന്നിവ ഉപയോഗിച്ച് നടത്തുന്ന പ്രായോഗിക പരിശീലനമാണ് നടന്നത്. തൃക്കരിപ്പൂർ സ്കൂളിലെ കൈറ്റ് മെന്റർ സൗമ്യ ടീച്ചറാണ് ക്ലാസ്സിന് നേതൃത്വം നൽകിയത്.
12-06-2025_ജില്ലാ കോടതിയിലേക്ക് പഠനയാത്ര
ജൂൺ 19 വായനദിനം: ഉദ്ഘാടനം
ജൂൺ 21 അന്താരാഷ്ട്ര യോഗാദിനം
23_06_2025_സൂംബ ഡാൻസ്
23_06_2025_ലിറ്റിൽ കൈറ്റ്സ് അഭിരുചി പരീക്ഷക്ക് വേണ്ടിയുള്ള മാതൃകാ പരീക്ഷാ പരിശീലനം
പൊതുവിദ്യാഭ്യാസ വകുപ്പിൽ (Education Department) നടപ്പിലാക്കിവരുന്ന (Little Kites) ലിറ്റിൽ കൈറ്റ്സ് ഐ.ടി ക്ലബ്ബിലേക്ക് ഈ വർഷത്തെ എട്ടാം ക്ലാസ് വിദ്യാർത്ഥികളിൽ നിന്ന് അംഗങ്ങളെ തെരഞ്ഞെടുക്കുന്നതിനുള്ള അഭിരുചിപ്പരീക്ഷയ്ക്ക് മുന്നോടിയായി മാതൃകാ പരീക്ഷാ പരിശീലനം സംഘടിപ്പിച്ചു.മാതൃകാ പരീക്ഷയ്ക്ക് എട്ടാം ക്ലാസ്സിലെ 55 കുട്ടികൾ പങ്കെടുത്തു,ലിറ്റിൽ കൈറ്റ്സ് മെമ്പർ ദീപ കെ.വി, ദീപ എം വി എന്നിവർ പരീക്ഷയ്ക്ക് നേതൃത്വം നൽകി.
23_06_2025_ഹൈസ്കൂൾ വിഭാഗം ക്ലാസ്സ് പി.ടി.എ
8,9, 10 ക്ലാസ്സുകളിലെ പി.ടി.എ യോഗം 23-06-2025 വൈകുന്നേരം 3ന് നടന്നു.സ്കൂളിന്റെ അക്കാദമികവും അക്കാദമികേതരവുമായ പ്രവർത്തനങ്ങളിലെ രക്ഷിതാക്കളുടെ ഇടപെലുകളുടെ പ്രാധാന്യത്തെക്കുറിച്ച് പ്രഥമാധ്യാപിക സംസാരിച്ചു.സീനിയർ അസിസ്റ്റന്റ് സിറാജുദ്ദീൻ പി.കെ സ്കളിന്റെ പ്രവർത്തനത്തന മാർഗ്ഗരേഖ അവതരിപ്പിച്ചു.സ്റ്റാഫ് സെക്രട്ടറി രമേശൻ സി, എസ്.ആർ.ജി കൺവീനർ പുഷ്പലത എന്നിവർ സംസാരിച്ചു.
25_06_2025_ലിറ്റിൽ കൈറ്റ്സ് അഭിരുചി പരീക്ഷ
2025-28 വർഷത്തെ ലിറ്റിൽ കൈറ്റ്സ് യൂണിറ്റിൽ അംഗങ്ങളാകാനുള്ള അഭിരുചി പരീക്ഷ ഇന്ന് പൂർത്തിയായി. ഗുരു ചന്തുപണിക്കർ സ്മാരക ഗവ. ഹയർ സെക്കൻഡറി സ്കൂളിലെ ഐടി ലാബിൽ നടന്ന പരീക്ഷയിൽ 64 വിദ്യാർത്ഥികൾ പങ്കെടുത്തു. വിദ്യാർത്ഥികൾക്കുള്ള പരിശീലന ക്ലാസ് മറ്റ് ബാച്ചിലെ ലിറ്റിൽ കൈറ്റ്സ് വിദ്യാർത്ഥികളുടെ നേതൃത്വത്തിൽ നടത്തി. കമ്പ്യൂട്ടറിൽ പ്രത്യേകം തയ്യാറാക്കിയ സോഫ്റ്റ് വെയറിലാണ് പരീക്ഷ നടത്തിയത്. 30 മിനിറ്റ് ദൈർഘ്യമുള്ള 20 ചോദ്യങ്ങൾ ആയിരുന്നു പരീക്ഷയിൽ ഉണ്ടായിരുന്നത്. ലോജിക് ആൻഡ് റീസണിങ്, പ്രോഗ്രാമിങ് വിഭാഗം, 5,6,7 ഐ.സി.ടി പാഠപുസ്തകങ്ങൾ അടിസ്ഥാനമാക്കിയുള്ള ചോദ്യങ്ങൾ, ഐടി പൊതുവിജ്ഞാനം ഇവയുമായി ബന്ധപ്പെട്ട ചോദ്യങ്ങളാണ് അഭിരുചി പരീക്ഷയ്ക്ക് വന്നത്. 15 കമ്പ്യൂട്ടറുകളിലാണ് പരീക്ഷ ഇൻസ്റ്റാൾ ചെയ്തത്. 4ബാച്ചുകളായി പരീക്ഷ നടത്തി. പരീക്ഷയ്ക്ക് കൈറ്റ് മെന്റർമാരായ ദീപ എം.വി, ദീപ കെ.വി ഐ.ടി കോർഡിനേറ്റർ അഭിലാഷ് രാമൻ എന്നിവർ നേതൃത്വംനൽകി.
26_06_2025_അന്താരാഷ്ട്ര ലഹരി വിരുദ്ധ ദിനാഘോഷം
സമൂഹത്തിലെ വലിയൊരു വിഭാഗം ജനങ്ങളേയും ബാധിക്കുന്ന രൂക്ഷമായ പ്രശ്നമാണ് ലഹരിയുടെ ഉപയോഗം. ആധുനിക സമൂഹത്തെ കാർന്നു തിന്നുകൊണ്ടിരിക്കുന്ന ലഹരിയെന്ന വൻ വിപത്തിനെതിരെ രാജ്യാന്തര സമൂഹത്തെ ഉണർത്തുകയെന്ന ലക്ഷ്യവുമായാണ് ഐക്യരാഷ്ട്രസംഘടന 1987 മുതൽ ജൂൺ 26 ലോക ലഹരി വിരുദ്ധ ദിനമായി ആചരിച്ചു വരുന്നത്. ലഹരിപദാർത്ഥങ്ങളുടെ ഉപയോഗത്തിന്റെ ദൂഷ്യവശങ്ങളെ കുറിച്ച് ബോധവത്കരിക്കുക, ലഹരി ഉൽപ്പന്നങ്ങൾ നിയന്ത്രിക്കാൻ സർക്കാരുകളെ പ്രേരിപ്പിക്കുക, ആരോഗ്യകരമായ ഒരു സമൂഹത്തിന്റെ നിലനിൽപ്പ് ഉറപ്പു വരുത്തുക എന്നിവ ലക്ഷ്യം വെച്ചാണ് ഓരോ വർഷവും ഈ ദിനം ആചരിക്കുന്നത്.ലോക ലഹരി വിരുദ്ധ ദിനത്തോടനുബന്ധിച്ച് ഇളമ്പച്ചി ഗുരു ചന്തുപ്പണിക്കർ സ്മാരക ഗവ.ഹയർസെക്കന്ററി സ്കൂളിലെ വിവിധ ക്ലബ്ബുകളുടെ നേതൃത്വത്തിൽ വിവിധ പരിപാടികൾ സംഘടിപ്പിച്ചു.രാവിലെ പ്രത്യേക അസംബ്ലി ചേരുകയും ലഹരി വിരുദ്ധ ദിനാചരണത്തിന്റെ പ്രാധാന്യം കുട്ടികൾക്ക് പറഞ്ഞുകൊടുക്കുകയും ചെയ്തു. ലഹരി വിരുദ്ധ പ്രതിജ്ഞ ചൊല്ലുകയും വിദ്യാർത്ഥികൾ ഏറ്റുചൊല്ലുകയും ചെയ്തു.
26_06_2025_കൗമാര സൗഹൃദ കൂട്ടായ്മ ഉദ്ഘാടനം
കൗമാര സൗഹൃദ കൂട്ടായ്മ കുട്ടികളിൽ നിന്ന് മുതിർന്നവരിലേക്ക് പരിവർത്തനപ്പെടുന്ന കാലഘട്ടമായ കൗമാരകാലഘട്ടം ശാരീരിക മാനസിക വികസത്തിനോടൊപ്പം തന്നെ വ്യക്തിത്വ വികാസം രൂപപ്പെടുത്തുന്നതിനും വലിയ പങ്കാണ് വഹിക്കുന്നത്. അതിസങ്കീർണമായ ഈ കാലഘട്ടത്തെ സമചിത്തതയോടെ അഭിമുഖീകരിക്കാൻ നമ്മുടെ കുട്ടികളെ പ്രാപ്തരാക്കുക എന്ന ഉദ്ദേശത്തോടുകൂടി നാഷണൽ ഹെൽത്ത് മിഷൻ കൗമാരക്കാർക്കിടയിൽ നടപ്പിലാക്കിവരുന്ന പദ്ധതിയാണ് രാഷ്ട്രീയ സ്വാസ്ഥ്യ കാര്യ ക്രമം (RKSK) . ഈ പദ്ധതിയുടെ ഭാഗമായി ഓരോ ഹെൽത്ത് ബ്ലോക്കിലും ഓരോ കൗമാര സൗഹൃദ ആരോഗ്യകേന്ദ്രം (Adolescent Friendly Health Center) പ്രവർത്തിച്ചുവരുന്നുണ്ട്. കൗമാര പ്രായത്തിലുള്ള കുട്ടികളുടെ സമഗ്ര ആരോഗ്യ പരിരക്ഷയ്ക്ക് വേണ്ടി കൗൺസലിംഗ്, ക്ലിനിക്കൽ, റഫറൽ സേവനങ്ങൾ നടത്തിവരുന്നതോടൊപ്പം തന്നെ ഓരോ AFHC യും കുട്ടികളുടെ കഴിവുകളെ പരിപോഷിപ്പിച്ച് സ്ഥിരോത്സാഹം നിലനിർത്തികൊണ്ട് ലക്ഷ്യബോധത്തോടെ മുന്നോട്ട് പോകാൻ ഉതകുന്നതത്തിലുള്ള പരിപാടികളും നടത്തിവരുന്നുണ്ട്, അതിന്റെ ഭാഗമായാണ് ബ്ലോക്കിലെ തിരഞ്ഞെടുത്ത ആയുഷ്മാൻ ആരോഗ്യമന്ദിർ കേന്ദ്രീകരിച്ച് കൗമാര സൗഹൃദ കൂട്ടായ്മ രൂപീകരിച്ചത്. അതിന്റെ അദ്യ മാസത്തിലെ പ്രവർത്തനം മികച്ച രീതിയിൽ നടത്തുവാൻ സാധിച്ചു.
30-06-2025_പേ വിഷബോധവത്ക്കരണം
ആരോഗ്യവകുപ്പിന്റെ നേതൃത്വത്തിൽ കുട്ടികൾക്കായി പേപ്പട്ടി വിഷബാധയെ സംബന്ധിച്ച് ബോധവൽക്കരണ ക്ലാസ് സംഘടിപ്പിച്ചു. വിദ്യാലയത്തിലേക്ക് പോകുമ്പോഴും തിരിച്ചും നടക്കുന്ന വഴികളിൽ അപകടം വരുന്നതെങ്ങനെയെന്നും, തെരുവുനായകളും മറ്റു ജീവികളും മുഖാന്തരം പേവിഷം ഏറ്റാൽ ചെയ്യേണ്ട പ്രഥമ ശുശ്രൂഷ എങ്ങനെയാണെന്നും വ്യക്തമായി പറഞ്ഞുകൊടുത്തു .വളർത്തുമൃഗങ്ങളിൽ നിന്നും പേവിഷം ഏൽക്കാം ,അതിനാൽ ഏതുവിധത്തിലാണ് അവയോട് പെരുമാറേണ്ടത് എന്നും രക്ഷാമാർഗ്ഗങ്ങളും ചികിത്സയും വിശദീകരിച്ചു
01-07-25_യു.പി ക്ലാസ്സ് പി.ടി.എ
03-07-25_USS പരിശീലനം ആരംഭിച്ചു
05-07-25_ബഷീർ ദിനാഘോഷം
07-07-25_പത്ര വാർത്ത അടിസ്ഥാനമാക്കിയുള്ള മെഗാ ക്വിസ്
10_07_2025_ഗൃഹസന്ദർശനം
10_07_2025_ചിത്രശലഭോദ്യാനം
11_07_2025_ലോക ജനസംഖ്യ ദിനം ക്വിസ് മത്സരം
14_07_2025_ചക്ക വിഭവമേള
ജെ.ആർ.സി, ആരോഗ്യ ക്ലബ്ബ് എന്നിവയുടെ നേതൃത്വത്തിൽ ചക്കകൊണ്ട് നിരവധി വിഭവങ്ങളുണ്ടാക്കി ചക്കമേള സംഘടിപ്പിച്ചു. ചിപ്സ്, പായസം, കട് ലറ്റ്, കേക്ക്, കുംസ്, ഉണ്ണിയപ്പം, ചക്കപ്പൊരി, ചക്കക്കുരു ചമ്മന്തി, അച്ചാർ, ചക്കക്കുരു അച്ചാർ, ചക്ക വറവ്, ചക്ക വരട്ടിയത്, ജാം, സിറ, അലുവ, ചക്കക്കുരു ഷേക്ക്, ചക്കവട, പപ്പടം, ലഡു, ചക്ക ഹോളി വട, ചക്ക അട, ചക്കക്കുരു വട, ചക്കക്കുരു മസാല, മസാല ചിപ്സ്, ചക്ക മൂട, ചക്ക വട്ടപ്പം, കിണ്ണത്തപ്പം, ചക്ക ദോശ, മിക്സ്ചർ, ചക്കക്കറി, ചക്കപ്പുഴുക്ക്, ചക്കയും കോഴിയും, ചക്ക എരിശ്ശേരി, ചക്കപ്പുട്ട്, ചക്ക ചമിണി ഉപ്പേരി തുടങ്ങിയ ഉൽപന്നങ്ങൾ ഉണ്ടായിരുന്നു.ചക്കമേളയുടെ ഔപചാരികമായ ഉദ്ഘാടനം പ്രധാനാധ്യാപിക റീന കെ.ടി നിർവ്വഹിച്ചു.അധ്യാപികമാരായ ഇന്ദിര മാരൻ കാവിൽ, കെ.വി ശ്രീജ, എം.ബാലകൃഷ്ണൻ, സി.രമേശൻ, പി.നിഷാദ്, കെ.ജയേഷ്, എ.ശാലിനിഎന്നിവർ ചക്കമേളയ്ക്ക് നേതൃത്വം നൽകി.സ്കൂളിലെ എല്ലാ ക്ലാസ്സിലെയും കുട്ടികൾ ചക്കമേളയിൽ പങ്കുചേർന്നു.
16-07-2025_അനുമോദന സദസ്സും ആർ.ഒ പ്ലാന്റിന്റെ ഉദ്ഘാടനവും സംഘടിപ്പിച്ചു
ഇളമ്പച്ചി ഗുരുചന്തുപണിക്കർ സ്മാരക ഗവൺമെന്റ് ഹയർസെക്കന്ററി സ്കൂളിലെ ദേശീയ-സംസ്ഥാന ഗെയിംസിലെ വിജയികൾ, 2024-25 അധ്യയന വർഷത്തിൽ എസ്.എസ്.എൽ.സി പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയർ, പ്ലസ് ടു പരീക്ഷയിലെ മികച്ച വിജയം നേടിയവർ, എൽ.എസ്.എസ് , യു.എസ്.എസ് സ്കോളർഷിപ്പ് പരീക്ഷകളിൽ വിജയിച്ചവർ എന്നിവർക്ക് പി.ടി.എയുടെ നേതൃത്വത്തിൽ അനുമോദനവും ഉപഹാരവും നൽകി ആദരിച്ചു.അനുമോദന സദസ്സിന്റെ ഔപചാരികമായ ഉദ്ഘാടനവും വിജയികൾക്കുള്ള ഉപഹാര വിതരണവും കാസറഗോഡ് ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണൻ നിർവ്വഹിച്ചു.യോഗത്തിൽ ബ്ലോക്ക് പഞ്ചായത്ത് മെമ്പർ ടി.എസ് നജീബ്, വാർഡ് മെമ്പർ ഭാർഗവി കെ.എൻ.വി, വാർഡ് മെമ്പർ സുനീറ വി.പി, വാർഡ് മെമ്പർ വിനോദ് കുമാർ ടി.വി, എസ്.എം.സി ചെയർമാൻ പി. അനിൽ കുമാർ , വികസന സമിതി ചെയർമാൻ കെ.രവി, മദർ പി.ടി.എ പ്രസിഡണ്ട് പ്രസൂന പത്ഭമാഭൻ, പി.ടി.എ വൈസ് പ്രസിഡണ്ട് എം.വി യൂസഫ് അലി, ഹയർ സെക്കന്ററി സീനിയർ അസിസ്റ്റന്റ് മുഹമ്മദ് അക്രം, ഹൈസ്കൂൾ സീനിയർ അസിസ്റ്റന്റ് പി.കെ സിറാജുദ്ദീൻ, സ്റ്റാഫ് സെക്രട്ടറി സി രമേശൻ എന്നിവർ ആശംസയർപ്പിച്ച് സംസാരിച്ചു.തുടർന്ന് സ്കൂളിൽ ആരംഭിക്കുന്ന സ്കൂൾ റേഡിയോയുടെ നാമകരണവും വിദ്യാർത്ഥികൾക്ക് ശുദ്ധമായ കുടിവെള്ളം ലഭ്യമാക്കാൻ ജില്ലാ പഞ്ചായത്ത് സ്കൂളിനനുവദിച്ച ആർ.ഒ പ്ലാന്റിന്റെ ഉദ്ഘാടനവും കാസറഗോഡ് ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണൻ നിർവ്വഹിച്ചു.ജില്ലാ പഞ്ചായത്ത് പ്രസിഡണ്ട്, ജില്ലാ പഞ്ചായത്ത് മെമ്പർ എന്നിവർക്കുള്ള സ്കൂളിന്റെ ഉപഹാരം പ്രിൻസിപ്പാളും ഹെഡ് മിസ്ട്രസ്സ് ചേന്ന് നൽകി.യോഗത്തിൽ ജില്ലാ പഞ്ചായത്ത് ക്ഷേമ കാര്യ സ്റ്റാന്റിംഗ് കമ്മറ്റി എം.മനു അധ്യക്ഷത വഹിച്ച ചടങ്ങിൽ പ്രിൻസിപ്പാൾ സ്വാഗതവും ഹെഡ് മിസ്ട്രസ്സ് റീന കെ.ടി നന്ദിയും പറഞ്ഞു.
25-07-2025_പ്രേംചന്ദ് അനുസ്മരണ ക്വിസ് മത്സരം
25-07-2025_അധ്യാപകർക്ക് സമഗ്ര പ്ലസ് ക്ലാസ്സ് സംഘടിപ്പിച്ചു
സമഗ്ര ഗുണമേന്മ വിദ്യാഭ്യാസ പദ്ധതിയുടെ (TQEP) ഭാഗമായി അക്കാദമിക മോണിറ്ററിങ്ങ് സൗകര്യങ്ങൾ കൂടി ഉൾപ്പെടുത്തി പൊതുവിദ്യാഭ്യാസ വകുപ്പ് പരിഷ്കരിച്ച "സമഗ്ര പ്ലസ്" വിദ്യാഭ്യാസ പോർട്ടലിന്റെ പരിശീലനം ഇളമ്പച്ചി ഗുരു ചന്തുപ്പണിക്കർ സ്മാരക ഗവ.ഹയർ സെക്കന്ററി സ്കൂളില അധ്യാപകർക്ക് ളലിറ്റിൽ കൈറ്റ്സിന്റെ നേതൃത്വത്തിൽ നടന്നു.
കുട്ടികൾക്ക് സ്വയം പഠനത്തിനും അധ്യാപകർക്ക് ക്ലാസ് റൂം പ്രവർത്തനങ്ങൾ ആസൂത്രണം ചെയ്തു സബ്മിറ്റ് ചെയ്യുന്നതിനും, പ്രഥമ അധ്യാപകർക്കും മറ്റു വിദ്യാഭ്യാസ ഓഫീസർമാർക്കും അക്കാദമിക മോണിറ്ററിങ്ങിനും സമഗ്ര പ്ലസിൽ സൗകര്യമൊരുക്കിയിട്ടുണ്ട്. പഠന പ്രവർത്തനങ്ങൾ ഡിജിറ്റൽ സംവിധാനത്തിലൂടെയും അല്ലാതെയും അധ്യാപകർ ആസൂത്രണം ചെയ്തു സമർപ്പിക്കുന്നു. അവയെ ഡിജിറ്റൽ സംവിധാനത്തിലൂടെ പരിശോധിക്കുകയും നിരീക്ഷിക്കുകയും വിലയിരുത്തുകയും ചെയ്യുന്നതിന് പ്രധാനധ്യാപകർക്കും മറ്റു വിദ്യാഭ്യാസ ഓഫീസർമാർക്കും സമഗ്ര പ്ലസ് സഹായം നൽകുന്നു. രക്ഷിതാക്കൾക്കും പൊതുസമൂഹത്തിന് ഉൾപ്പെടെ പാഠപുസ്തകങ്ങൾ, ക്വസ്റ്റ്യൻ ബാങ്ക്, മോഡൽ ക്വസ്റ്റ്യൻ പേപ്പർ, ലേണിംഗ് റൂം, പോഡ് കാസ്റ്റ്, edu - റിസോഴ്സസ് എന്നിവയും സമഗ്ര ലോഗിൻ പേജിൽ ലഭ്യമാണ്.
സമഗ്ര പരിശീലനത്തിന്റെ ഔപചാരികമായ ഉദ്ഘാടനം പ്രഥമാധ്യാപിക റീന കെ.ടി നിർവ്വഹിച്ചു. സ്കൂൾ ഐ.ടി കോർഡിനേറ്റർ അഭിലാഷ് രാമൻ പരിശീലനത്തിന് നേതൃത്വം നൽകി.ലിറ്റിൽ കൈറ്റ്സ് മെന്റർമാരായ ദീപ കെ.വി, ദീപ എം,വി എന്നിവർ നേതൃത്വം നൽകി.എസ്.ആർ.ജി കൺവീനർ പുഷ്പലത സ്വാഗതവും സ്റ്റാഫ് സെക്രട്ടറി രമേശൻ സി നന്ദിയും പറഞ്ഞു.
21_07_2025_ചാന്ദ്രദിനാഘോഷം
ശാസ്ത്ര ക്ലബ്ബിന്റെ ആഭിമുഖ്യത്തിൽ ജൂലായ് 21 നു വിവിധ പരിപാടികൾ സംഘടിപ്പിച്ചു. ബഹിരാകാശത്തിലെ കൗതുകങ്ങൾ, ചന്ദ്രനെ തേടി എന്നീ ഡോക്യുമെന്ററികൾ പ്രദർശിപ്പിച്ചു... ക്ലാസ് തലത്തിലും , സ്കൂൾതലത്തിലും ചാന്ദ്രദിന ക്വിസ് സംഘടിപ്പിച്ചു. കൂടാതെ ചാന്ദ്രദിന പതിപ്പ് , ചുമർപത്രിക , പാനൽ പ്രദർശനം എന്നിവയും ഇതിന്റെ ഭാഗമായി നടന്നു. അസംബ്ലിയും ഉണ്ടായിരുന്നു.
25-07-2025_Tata Group കുട്ടികൾക്കായി നടത്തുന്ന (HS വിഭാഗം) essay Competition
26-07-2025_ജ്യോമെട്രിക് ചാർട്ട് പ്രദർശനം
26-07-2025_അഭിനയ കളരി സംഘടിപ്പിച്ചു
28_07_2025_മുന്നേറ്റം:സാമൂഹ്യ സമിതി രൂപീകരണയോഗവും രക്ഷിതാക്കളുടെ യോഗവും
29-07-2025_വാങ്മയം പരീക്ഷ
വിദ്യാരംഗം കലാസാഹിത്യ വേദി വാങ്മയം ഭാഷാ പ്രതിഭ നിർണയ പരീക്ഷ സംഘടിപ്പിച്ചു ഭാഷയും വായനയും പരിപോഷിപ്പിക്കാൻ വിദ്യാഭ്യാസ വകുപ്പ് ഭാഷാ പ്രതിഭാ നിർണയ പരീക്ഷ സംഘടിപ്പിച്ചു.മലയാള ഭാഷയുടെ വളർച്ചയും, വായന സംസ്കാരം വർദ്ധിപ്പിക്കുവാനും വേണ്ടിയാണ് പൊതു വിദ്യാഭ്യാസ വകുപ്പ് വിദ്യാരംഗം കലാസാഹിത്യ വേദി വാങ്ങ്മയം ഭാഷാ പ്രതിഭ നിർണയ പരീക്ഷ നടത്തിയത്.വാങ്മയം ഭാഷാ പ്രതിഭ നിർണയ പരീക്ഷയുടെ സ്കൂൾ തല മത്സരത്തിൽ യുപി വിഭാഗത്തിൽ ഏഴാംതരം ബി ക്ലാസ്സിലെ നിവേദ് ടി.പി ഒന്നാം സ്ഥാനവും ആറാം തരം എ ക്ലാസ്സിലെ വൈഖരി രണ്ടാം സ്ഥാനവും നേടി.ഹൈസ്കൂൾ വിഭാഗത്തിൽ ആർദ്ര ടി.വി ഒന്നാം സ്ഥാനവും മേധാ പത്മം രാജ് രണ്ടാം സ്ഥാനവും നേടി.സ്കൂൾ തലം മുതൽ സംസ്ഥാനതലം വരെ എൽ.പി, യു.പി, എച്ച്.എസ്, എച്ച്.എസ്.എസ് എന്നി വിഭാഗങ്ങളിലെ കുട്ടികൾക്കാണ് മത്സരം. ഒന്നര മണിക്കൂർ ദൈർഘ്യമുള്ള എഴുത്തു പരീക്ഷയിലൂടെയാണ് വിജയികളെ കണ്ടെത്തിയത്.
YIP ശാസ്ത്രപഥം മാർഗ്ഗനിർദ്ദേശ ക്ലാസ്സ്
30-07-2025_മാതൃഭൂമി മലയാളം പദ്ധതി
ജി.എച്ച്.എസ്. എസ്. ഇളമ്പച്ചിയിൽ മാതൃഭൂമി മലയാളം പദ്ധതിആരംഭിച്ചു.സ്കൂൾ പൂർവ്വ വിദ്യാർത്ഥികളായ വി.കെ രതീശൻ, കെ.എൻ രമാദേവി എന്നിവർ സ്കൂൾ പ്രഥമാധ്യാപിക കെ.ടി റീനയ്ക്ക് മാതൃഭൂമി പത്രം കൈമാറി ഉദ്ഘാടനം ചെയ്തു.സ്കൂൾ പൂർവ്വവിദ്യാർഥികളായ വി.കെ രതീശൻ, കെ.എൻ രമാദേവി എന്നിവരുമായി സഹകരിച്ചാണ് പദ്ധതി നടപ്പാക്കുന്നത്.മാതൃഭൂമി സെയിൽസ് ഓർഗനൈസർ പ്രസാദ് കക്കൂത്തിൽ, മാതൃഭൂമി ഏജന്റ് ടി നാരായണൻ എന്നിവർ സംസാരിച്ചു.
30-07-2025_സ്വദേശ് മെഗാ ക്വിസ്
അദ്ധ്യാപക സംഘടനയായ കേരള പ്രദേശ് സ്കൂൾ ടീച്ചേർസ് അസോസിയേഷന്റെ നേതൃത്യത്തിൽ ലാണ് ക്വിസ് സംഘടിപ്പിച്ചത്.സ്വദേശി മെഗാ ക്വിസ് സംഘടിപ്പിച്ചു . കുട്ടികൾക്ക് സ്വാതന്ത്രസമര ചരിത്രത്തെക്കുറിച്ചും സ്വാതന്ത്രസമര നേതാക്കളെക്കുറിച്ചും മനസിലാക്കാൻ വേണ്ടിയാണ് സ്വദേശി മെഗാ ക്വിസ് സംഘടിപ്പിച്ചത്.സ്വദേശി മെഗാ ക്വിസിന്റെ സ്കൂൾ തല മത്സരത്തിൽ എൽ.പി വിഭാഗത്തിൽ ഫിദൽ കെ ഒന്നാം സ്ഥാനവും വേദാലക്ഷ്മി പി രണ്ടാം സ്ഥാനവും നേടി. യു.പി വിഭാഗത്തിൽ വൈഗരി കെ, ദേവദർശ് മുരളി , അർഷിക് അനീഷ് എന്നിവർ ഒന്നും രണ്ടും മൂന്നും സ്ഥാനം നേടി.ഹൈസ്കൂൾ തലത്തിൽ ശ്രേയ സുബിൻ, ആദേശ് രാജ്, ആര്യദേവ് കെ.വി എന്നിവർ യഥാക്രമം ഒന്നും രണ്ടും മൂന്നും സ്ഥാനം നേടി.ക്വിസ് മത്സരത്തിന് സിറാജ് മാഷ്, ജയശ്രീ ടീച്ചർ എന്നിവർ നേതൃത്വം നൽകി.
31-07-2025_വിദ്യാഭ്യാസ ഓഫീസർമാരുടെ അക്കാദമിക മോണിറ്ററിങ്
01-08-2025_രാമായണം ക്വിസ് മത്സരം
01-08-2025_എൻ.എം.എം.എസ് പരീക്ഷ എഴുതുന്ന വിദ്യാർത്ഥികളുടെ രക്ഷിതാക്കളുടെ യോഗം
04-08-2025_പ്രോഫ.എം.കെ സാനുവിന് ആദരാഞ്ജലി അർപ്പിച്ചു
04-08-2025_ഫ്രീഡം ക്വിസ് സ്കൂൾതല മത്സരം
11-08-2025_ഇലക്കറി വിഭവമേള
13-08-2025_ജെ.ആർ.സി: സ്കാർഫ് അണിയിക്കൽ ചടങ്ങ് സംഘടിപ്പിച്ചു.
ഇളമ്പച്ചി ഗുരു ചന്തപണിക്കർ സ്മാരക ഗവൺമെന്റ് ഹയർ സെക്കന്ററി സ്കൂളിലെ ജൂനിയർ റെഡ് ക്രോസ്സ് കേഡറ്റുകളുടെ സ്കാർഫ് അണിയിക്കൽ ചടങ്ങ് നടന്നു. സ്കാർഫ് അണിയിക്കൽ ചടങ്ങിന്റെ ഔപചാരികമായ ഉദ്ഘാടനം ചന്തേര പോലീസ് സ്റ്റേഷൻ എസ്.എച്ച്.ഒ കെ.പ്രശാന്ത് ഉദ്ഘാടനം ചെയ്തു.സ്കൂൾ പ്രഥമാധ്യാപിക റീന കെ.ടി സ്വാഗതവും സ്കൂൾ പ്രിൻസിപ്പാൾ ശ്രീജ ശ്രീറാം അദ്ധ്യക്ഷതയും വഹിച്ചു.സീനിയർ അസിസ്റ്റന്റ് പി.കെ സിറാജുദ്ദീൻ, സ്റ്റാഫ് സെക്രട്ടറി സി.രമേശൻ എന്നിവർ ആശംസയർപ്പിച്ച് സംസാരിച്ചു. ജെ.ആർ.സി കൗൺസിലർ ഇന്ദിര മാരൻ കാവിൽ നന്ദിയും പറഞ്ഞു.
13-08-2025_സബ് ജില്ലാ സയൻസ് സെമിനാർ.
14-08-2025_ഉപജില്ലാ ശാസ്ത്രമേള സംഘാടകസമിതി രൂപീകരണം
ചെറുവത്തൂർ ഉപജില്ലാ ശാസ്ത്രമേള സെപ്തംബർ അവസാനവാരം ഇളമ്പച്ചി ഗുരുചന്തുപ്പണിക്കർ സ്മാരക ഗവ: ഹയർസെക്കന്ററി സ്കൂളിൽ വെച്ച് നടക്കും. സംഘാടക സമിതിയോഗം ജില്ലാപഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ എം.മനു ഉദ്ഘാടനം ചെയ്തു പഞ്ചായത്തംഗം കെ.എൻ.വി. ഭാർഗവി അധ്യക്ഷയായി. ചെറുവത്തൂർ എഇഒ രമേശൻ പുന്നത്തിരിയൻ, പിടിഎ പ്രസിഡന്റ് ടി.വി. വിനോദ് കുമാർ, എസ്എംസി ചെയർമാൻ പി. അനിൽകുമാർ, വികസനസമിതി ചെയർമാൻ കെ. രവി, മദർ പിടിഎ പ്രസിഡന്റ് പ്രസൂണാ പദ്മനാഭൻ, പിടിഎ വൈസ് പ്രസിഡന്റ് എം.വി. യൂസഫ് അലി, സ്റ്റാഫ് സെക്രട്ടറി സി. രമേശൻ, പ്രിൻസിപ്പൽ ശ്രീജാ ശ്രീരാം, പ്രഥമാധ്യാപിക കെ.ടി. റീന എന്നിവർ സംസാരിച്ചു. ഭാരവാഹികൾ: പഞ്ചായത്ത് പ്രസിഡന്റ് വി.കെ. ബാവ (ചെയ.), പിടിഎ പ്രസിഡന്റ് ടി.വി. വിനോദ് കുമാർ (വർക്കിങ് ചെയ.), സ്കൂൾ പ്രിൻസിപ്പൽ ശ്രീജാ ശ്രീരാം (കൺ.), എഇഒ രമേശൻ പുന്നത്തിരിയൻ (ഖജാ.).
15-08-2025_സ്വാതന്ത്ര്യ ദിനാഘോഷം
രാജ്യത്തിന്റെ 79–ാം സ്വാതന്ത്ര്യദിനം ഇളമ്പച്ചി ഗുരു ചന്തുപണിക്കർ സ്മാരക ഗവൺമെന്റ് ഹയർ സെക്കന്ററി സ്കൂളിൽ വിവിധ പരിപാടികളോടെ ആഘോഷിച്ചു. രാവിലെ 9.30ന് പ്രഥമാധ്യാപിക റീന കെ.ടി പതാക ഉയർത്തി.അധ്യാപകരായ സിറാജുദ്ദിൻ, രമേശൻ സി എന്നിവർ സ്വാതന്ത്ര്യ ദി സന്ദേശം നൽകി.തുടർന്ന് ജെ.ആർ.സി., സ്കൗട്ട്& ഗൈഡ്സ് , ലിറ്റിൽ കൈറ്റ്സ് എന്നിവരുടെ നേതൃത്വത്തിൽ വിവിധ കലാപരിപാടികളും സംഘടിപ്പിച്ചു.
15-08-2025_പത്രക്വിസ് എഡിഷൻ 2
26-08-2025_ശാസ്ത്രോത്സവം:ഫണ്ടുശേഖരണോദ്ഘാടനം നടന്നു
ഒക്ടോ: 3, 4 തീയ്യതികളിൽ ഇളമ്പച്ചി ഗുരു ചന്തുപ്പണിക്കർ സ്മാരക ഗവ: ഹയർ സെക്കൻ്ററി സ്ക്കൂളിൽ നടക്കുന്ന ചെറുവത്തൂർ ഉപജില്ലാ ശാസ്ത്രോത്സവം - 25 ൻ്റെ ഫണ്ടുശേഖരണോദ്ഘാടനം നടന്നു. പ്രശസ്ത സിനിമാ താരംപി.പി കുഞ്ഞികൃഷ്ണൻ മാസ്റ്റർ ഉദ്ഘാടനം ചെയ്തു. സംഘാടക സമിതി ചെയർമാൻ വി.കെ ബാവഅധ്യക്ഷത വഹിച്ചു. എം. തമ്പാൻ, ടി.നാരായണൻ മണിയാണി, എം.കുമാരൻ, വി.കുഞ്ഞികൃഷ്ണൻ എന്നിവർ ഫണ്ട് കൈമാറി. സംഘാടക സമിതി ജനറൽ കൺവീനർ ശ്രീജാ ശ്രീരാം , സംഘാടക സമിതി വർക്കിംഗ് ചെയർമാൻ ടി.വി വിനോദ് കുമാർ, സംഘാടക സമിതിജോയിൻ്റ് കൺവീനർ റീന.കെ.ടി എന്നിവർ ആശംസകളർപ്പിച്ച് സംസാരിച്ചു.. സാമ്പത്തിക കമ്മിറ്റി കൺവീനർ ടി.പി രഘു സ്വാഗതവും,സാമ്പത്തിക കമ്മിറ്റി വൈസ് ചെയർമാൻ വി.വി വിജയൻ നന്ദിയും പറഞ്ഞു.
27-08-2025_ശാസ്ത്രോത്സവം:ലോഗോ പ്രകാശനം ചെയ്തു
ചെറുവത്തൂർ ഉപജില്ലാ ശാസ്ത്രോത്സവത്തിന്റെ ലോഗോ പ്രകാശനം ചെയ്തുഒക്ടോബർ 3,4 തീയതികളിൽഇളമ്പച്ചി ഗുരു ചന്തുപണിക്കർ സ്മാരക ഗവ.ഹയർ സെക്കന്ററി സ്കൂളിൽ നടക്കുന്ന ചെറുവത്തൂർ ഉപജില്ലാ ശാസ്ത്രോത്സവത്തിന്റെ ലോഗോകണ്ണൂർ യൂനിവേർസിറ്റി സിൻഡിക്കേറ്റ് മെമ്പറും ഗോവിന്ദ പൈ മെമ്മോറിയൽ ഗവൺമെന്റ് കോളേജ് അസിസ്റ്റന്റ് പ്രൊഫസറുമായ സജിത് കുമാർ പലേരി നിർവഹിച്ചു.സ്കൂൾ ഓഡിറ്റോറിയത്തിൽ വച്ചു നടന്ന പരിപാടിയിൽ ചെറുവത്തൂർ എ.ഇ.ഒ രമേശൻ പുന്നത്തിരിയൻ, പ്രിൻസിപ്പാൾ ശ്രീജ ശ്രീറാം, ഹെഡ് മിസ്ട്രസ് റീന കെ.ടി എനിവർ ആശംസ അർപ്പിച്ച് സംസാരിച്ചു. സംഘാടക സമിതി വർക്കിങ് ചെയർമാൻ ടി. വി വിനോദ് കുമാർ അധ്യക്ഷനായി.മീഡിയ & പബ്ലിസിറ്റി കമ്മിറ്റി കൺവീനർ അഭിലാഷ് രാമൻ സ്വാഗതവും സ്റ്റാഫ് സെക്രട്ടറി രമേശൻ സി നന്ദിയും പറഞ്ഞു.ഇരുപത്തൊന്നോളം എൻ ട്രികളാണ് മത്സരത്തിന് വന്നത്. ഉദിനൂരുള്ള ആദിത്യനാണ് തെരഞ്ഞെടുത്ത ലോഗോ തയ്യാറാക്കിയത്.
10-09-2025_കായികമേള
15_09_2025_ലിറ്റിൽ കൈറ്റ്സ് പ്രിലിമിനറി ക്യാമ്പ്
ലിറ്റിൽ കൈസ് അംഗങ്ങളുടെ ചുമതലകളും ഉത്തരവാദിത്വങ്ങളും ബോധ്യപ്പെടുത്തുക, പ്രവർത്തന പദ്ധതികളെക്കുറിച്ച് പൊതു ധാരണ നൽകുക, ഹൈടെക് ക്ലാസ് മുറികളിലെ പിന്തുണാ പ്രവർത്തനങ്ങൾ ഏറ്റെടുക്കുന്നതിന് അംഗങ്ങളെ സജ്ജമാക്കുക, പദ്ധതി പ്രവർത്തനങ്ങളെ പിന്തുണക്കുന്നതിന് രക്ഷിതാവിന്റെ പങ്കാളിത്തം ഉറപ്പുവരുത്തുക എന്ന ലക്ഷ്യത്തിലൂന്നിക്കൊണ്ട് ഇളമ്പച്ചി ഗുരു ചന്തപ്പണിക്കർ സ്മാരക ഗവൺമെന്റ് ഹയർ സെക്കൻഡറി സ്കൂളിലെ 2025 2028 ലിറ്റിൽ കൈറ്റ്സ് ഐടി ക്ലബ്ബ് ബാച്ചിന്റെ പ്രിലിമിനറി ക്യാമ്പ് സംഘടിപ്പിച്ചു
ക്യാമ്പിന്റെ ഔപചാരികമായ ഉദ്ഘാടനം എസ്.ആർ.ജി കൺവീനർ പുഷ്പടീച്ചർ നിർവ്വഹിച്ചു. സ്കൂൾ ഐടി കോഡിനേറ്റർ അദ്ധ്യക്ഷനായിരുന്നു. സ്ക്രാച്ചിലെ ഒരു ഗെയിം കളിച്ചുകൊണ്ട് ഗ്രൂപ്പായി തിരിഞ്ഞുള്ള പ്രവർത്തനമാണ് ആദ്യം നടന്നത് തുടർന്ന് നിത്യജീവിതത്തിൽ ഇന്റർനെറ്റിന്റെ സ്വാധീനത്തെ കുറിച്ചും പദ്ധതിയുടെ രൂപീകരണ പശ്ചാത്തലം, പദ്ധതിയുടെ പ്രസക്തി, ലിറ്റിൽ കൈറ്റ്സ് അംഗങ്ങളുടെ റോൾ, സ്ക്രാച്ച് ഇന്റർഫേസ് പരിചയപ്പെടൽ, ആനിമേഷൻ സങ്കേതങ്ങളുടെ പരിചയപ്പെടൽ, റോബോട്ടിക്സിന്റെ പ്രാഥമിക കാര്യങ്ങൾ എന്നിവ ക്യാമ്പിൽ അവതരിപ്പിച്ചു. തുടർന്ന് ലിറ്റിൽ കൈറ്റ്സ് ഐ.ചി ക്ലബ്ബ് അംഗങ്ങളുടെ രക്ഷിതാക്കളുടെ സംഗമവും നടന്നു .കൈറ്റ്സ് മാസ്റ്റർ ട്രെയിനർ സി.എ അഖിലയാണ് ക്ലാസ്സുകൾ കൈകാര്യം ചെയതത്. ചടങ്ങിന് ലിറ്റിൽ കൈറ്റ്സ് മെന്റർ ദീപ എം.വി സ്വാഗതവും ദീപ കെ.വി നന്ദിയും പറഞ്ഞു.
19_09_2025_വൈവിധ്യ 'മുന്നേറ്റം'വിദ്യാലയ സമിതി രൂപീകരണം
അക്കാദമികമായി പിന്നോക്കം നില്ക്കുന്ന കുട്ടികളുടെ പഠനപിന്നോക്കാവസ്ഥ പരിഹരിക്കുന്നതിനായി ജില്ലാ പഞ്ചായത്ത് നടപ്പാക്കുന്ന വൈവിധ്യ 'മുന്നേറ്റം' പദ്ധതിയുടെ സ്കൂൾ തല ഉത്ഘാടനം ജില്ലാ പഞ്ചായത്ത് മെമ്പർ മനു ഉത്ഘാടനം ചെയ്തു. പി ടി എ പ്രസിഡന്റ് ടി.വി വിനോദ് കുമാർ അധ്യക്ഷനായി. സൂര്യ പദ്ധതി വിശദീകരണം നടത്തി. പ്രധാനാധ്യാപിക റീന കെ.ടി സ്വാഗതവും, സീനിയർ അസിസ്റ്റന്റ് സിറാജുദ്ദീൻ ടി.കെ നന്ദിയും പറഞ്ഞു.
എക്സൈസ് - വിമുക്തി മിഷൻ ജില്ലാ തല ക്വിസ് മത്സരം ഇളമ്പച്ചി സ്കൂളിന് രണ്ടാം സ്ഥാനം
എക്സൈസ് - വിമുക്തി മിഷൻ കാസർഗോഡ് ഡിവിഷൻഅറിവാണ് ലഹരി ജില്ലാ തല ക്വിസ് മത്സരത്തിൽ ഇളമ്പച്ചി സ്കൂളിന് രണ്ടാം സ്ഥാനം. ഇളമ്പച്ചി സ്കൂളിന്റെ മേധ പത്മം രാജ് ശ്രേയ സുബിൻ എന്നിവരടങ്ങുന്ന ടീമാണ് മത്സരത്തിൽ പങ്കെടുത്ത് വിജയം നേടിയത്.ജി.എച്ച്.എസ്.എസ് ചെമ്മനാടിലെ ശ്രീഹരി.പി,അർജുൻ എ കെ എന്നിവിടങ്ങുന്ന ടീമിനാണ് ഒന്നാം സ്ഥാനം.രാജാസ് HSS നിലേശ്വരം അശ്വിൻ രാജ് കെ ,ശ്രീലക്ഷ്മി കെ എന്നിവിടങ്ങുന്ന ടീമിന് മൂന്നാസ്ഥാനവും ലഭിച്ചു.
സുരക്ഷാ ബോധവത്കരണ ക്ലാസ് സംഘടിപ്പിച്ചു
തൃക്കരിപ്പൂർ ഫയർ & റെസ്ക്യു സ്റ്റേഷനും ഗുരു ചന്തു പണിക്കർ സ്മാരക ഗവ: ഹയർ സെക്കന്ററി സ്കൂൾ ഇളമ്പച്ചി സുരക്ഷാ ക്ലബ്ബും സംയുക്തമായി സുരക്ഷാ ബോധവത്കരണ ക്ലാസ് സംഘടിപ്പിച്ചു.ജീവിതത്തിൽ നമ്മൾ നേരിടേണ്ടുന്ന അപകടങ്ങളെ എങ്ങനെ ശാസ്ത്രീയമായി നേരിടാം എന്നതിനെക്കുറിച്ച് വിശദമായ ക്ലാസ്സ് നടന്നു.ഫയർ & റെസ്ക്യു സ്റ്റേഷൻ ഓഫീസർ പ്രഭാകരൻ കെ.വി ക്ലാസ്സിന് നേതൃത്വം നൽകി. പി.ടി.എ പ്രസിഡന്റ് ടി.വി വിനോദ് കുമാർ അദ്ധ്യക്ഷനായിരുന്നു.സുരക്ഷാ ക്ലബ്ബ് കൺവീനർ റിജിൽ സ്വാഗതവും സീനിയർ അസിസ്റ്റന്റ് സിറാജുദ്ധീൻ കെ.പി നന്ദിയും പറഞ്ഞു.
25_09_2025_സ്കൂൾതല സർഗ്ഗോത്സവം
വിദ്യാരംഗം കലാ സാഹിത്യവേദിയുടെ നേതൃത്വത്തിൽ സ്കൂൾ തല സർഗ്ഗോത്സവം സംഘടിപ്പിച്ചു.എൽ.പി, യു.പി, ഹൈസ്കൂൾ വിഭാഗങ്ങളിലായി കഥാരചന, കവിതാരചന, ചിത്രരചന, പുസ്തകാസ്വാദനം, അഭിനയം, കാവ്യാലാപനം എന്നീവിഭാഗങ്ങളായാണ് സർഗ്ഗോത്സവം നടന്നത്.സ്കൂൾതലത്തിൽ മികച്ച പ്രകടനം നടത്തിയവരെ ഉപജില്ലാ തല സർഗ്ഗോത്സവത്തിൽ പങ്കെടുക്കും. താഴെപ്പറയുന്ന വിദ്യാർത്ഥികളാണ് സ്കൂൾതലത്തിൽ മികച്ച പ്രകടനം കാഴ്ചവച്ചവർ
എൽപി വിഭാഗം
കഥ രചന--പാർവണ.കെ Std 4
അഭിനയം--ഫിദൽ കെ Std. 4
കവിത രചന--അമൽദേവ് കെ.വി Std. 3
ചിത്രരചന---സൻമയ എം.വി Std. 3
'യു.പി വിഭാഗം
കവിതാരചന --അക്ഷര സനീഷ് (5B)
കഥാരചന--വൈഖരി കെ (6A)
ചിത്രരചന --കാർത്തിക എ (7A)
നാടൻപാട്ട് --അമർനാഥ് വി വി (6A)
കാവ്യാലാപനം -- തൻവിൻ കൃഷ്ണ (7B)
അഭിനയം-- ദൈവിക പി (6A)
പുസ്തകാസ്വാദനം-- റിതിക എ കുമാർ (6A)
'ഹൈസ്കൂൾ വിഭാഗം
കഥാരചന: ആർദ്ര ടി വി (9A)
കവിതാരചന: ദർശന എം(9A)
ചിത്രരചന:ലിയ ടി (9A)
നാടൻപാട്ട്: ഷാനിബ എം. കെ(9A)
കാവ്യാലാപനം:ആര്യദേവ് കെ വി (9C)
അഭിനയം: ഇബ്രാഹിം ഹയാസുൽ ഫൈറൂസ് (9D)
പുസ്തകാസ്വാദനം:ശ്രേയ സുബിൻ (9A)
25_09_2025_സബ്ജില്ലാ ചെസ് ചാമ്പ്യൻഷിപ്പിൽആർദ്ര ടി വിക്ക് ഒന്നാം സ്ഥാനം
29_09_2025_അമീബിക് മസ്തിഷ്ക ജ്വരം : ബോധവത്കരണ ക്ലാസ്സ് സംഘടിപ്പിച്ചു=
ഗുരു ചന്തു പണിക്കർ സ്മാരക ഗവ: ഹയർ സെക്കന്ററി സ്കൂൾ ഇളമ്പച്ചി ഹെൽത്ത് ക്ലബ്ബിന്റെയും JRC യൂണിറ്റിന്റെയും നേതൃത്വത്തിൽ അമീബിക് മസ്തിഷ്ക ജ്വരത്തെ കുറിച്ചുള്ള ബോധവത്കരണ ക്ലാസ്സ് സംഘടിപ്പിച്ചു. 29.09.25 തിങ്കളാഴ്ച ഉച്ചക്ക് 2 മണിക്ക് സ്കൂൾ ഓഡിറ്റോറിയത്തിൽ വെച്ച് നടന്ന ചടങ്ങിൽ ഉടുമ്പുന്തല FHC യിലെ ജൂനിയർ ഹെൽത്ത് ഇൻസ്പെക്ടർ ശ്രീ. റെജി കുമാർ എം ക്ലാസ്സ് കൈകാര്യം ചെയ്തു. ഹെൽത്ത് ക്ലബ്ബ് കൺവീനർ ശ്രീമതി പുഷ്പലത കെ സ്വാഗതം ആശംസിച്ച ചടങ്ങിൽ സീനിയർ അസിസ്റ്റന്റ് ശ്രീ സിറാജുദ്ധീൻ കെ പി അധ്യക്ഷം വഹിച്ചു. അമീബിക് മസ്തിഷ്കജ്വരത്തിന്റെ കാരണങ്ങളെ കുറിച്ചും സ്വീകരിക്കേണ്ട മുൻകരുതലുകളെ കുറിച്ചും ക്ലാസ്സിൽ വിശദമായി പ്രതിപാദിച്ചു. JRC കൗൺസിലർ ശ്രീമതി ഇന്ദിര എം കെ നന്ദി പ്രകാശിപ്പിച്ചു.
02-10-2025_ഗാന്ധിജയന്തി ദിനാഘോഷം
03-10-2025_ഡിജിറ്റൽ പത്രം ഒന്നാം പതിപ്പ്പ്രകാശനം ചെയ്തു.
ഇളമ്പച്ചി ഗുരു ചന്തുപണിക്കർ സ്മാരക ഗവ.ഹയർ സെക്കന്ററി സ്കൂളിലെ ലിറ്റിൽ കൈറ്റ്സ് ഐ.ടി ക്ലബ്ബിന്റെ നേതൃത്വത്തിൽ സ്കൂളിലെ മികവുകളും പ്രവർത്തനങ്ങളും കോർത്തിണക്കിയ ഡിജിറ്റൽ പത്രം ലിറ്റിൽ വോയ്സ് പ്രധാനാധ്യാപിക റീന കെ.ടി പ്രകാശനം ചെയ്തു.സീനിയർ അസിസ്റ്റന്റ് സിറാജുദ്ദീൻ പി.കെ ആശംസ അർപ്പിച്ച് സംസാരിച്ചു. ലിറ്റിൽ കൈറ്റ്സ് മെന്റർ ദീപ കെ.വി സ്വാഗതവും ദീപ എം.വി നന്ദിയും പറഞ്ഞു. സ്വതന്ത്ര സോഫ്റ്റ്വെയറായ സ്ക്രൈബസ്സിലാണ് ഡിജിറ്റൽ പത്രം തയ്യാറാക്കിയത്. ലിറ്റിൽ കൈറ്റ്സ് വിദ്യാർത്ഥികളുടെ പരിശീലന പദ്ധതിയിലും പത്താം ക്ലാസ്സിലെ ഐ.ടി പാഠപുസ്തകത്തിലും സ്കൈബസ് പഠന വിഷയമാണ്.ലിറ്റിൽ കൈറ്റ്സ് വിദ്യാർത്ഥികൾത്തന്നെയാണ് വാർത്തകളും ഫോട്ടോയും തയ്യാറാക്കുന്നത്.ഡിജിറ്റൽ പത്രം വായിക്കാൻ ഈ ലിങ്കിലൂടെ കയറിയാൽ മതി.പ്രമാണം:12036 little voice dm lk 2025 sept.pdf
04-10-2025_ചിത്ര ശലഭ നിരീക്ഷണ ക്യാമ്പ് സംഘടിപ്പിച്ചു
ഇളമ്പച്ചി ഗുരു ചന്തുപണിക്കർ സ്മാരക ഗവ ഹയർ സെക്കന്ററി സ്കൂളിൽ ചിത്രശലഭ നിരീക്ഷണ ക്യാമ്പ് സംഘടിപ്പിച്ചു.പ്രശസ്ത ചിത്രശലഭ നിരീക്ഷണ പ്രതിഭ ചായോത്ത് ഗവ ഹയർ സെക്കന്ററി സ്കൂൾ എട്ടാം ക്ലാസ്സ് വിദ്യാർത്ഥിയുമായ സി.ആർ അശ്വഘോഷ് ആയിരുന്നു ക്യാമ്പിന് നേതൃത്വം നൽകി യത്. ക്യാമ്പിന്റെ ഔപചാരിക ഉദ്ഘാടനം പ്രധാനാധ്യാപിക റീന കെ.ടി നിർവ്വഹിച്ചു. സീനിയർ അസിസ്റ്റന്റ് സിറാജുദ്ദീൻ പി.കെ അധ്യക്ഷനായിരുന്നു.42 വിദ്യാർത്ഥികൾ പങ്കെടുത്ത ക്യാമ്പിൽ രാവിലെ ക്ലാസ്സും തുടർന്ന് ചിത്രശലഭങ്ങളെ നിരീക്ഷിക്കാൻ ഫീൽഡ് ടിപ്പും സംഘടിപ്പിച്ചു.രമ്യ എൻ.വി ആയിരുന്നു ക്യാമ്പിന്റെ കോർഡിനേറ്റർ.ശാലിനി, സരിത, ശ്രീജ തുടങ്ങിയവർ ക്യാമ്പിന് നേതൃത്വം നൽകി.
22-10-2025_24_10_2025_ക്രാഫ്റ്റ് ഡ്രാമോസ്ട്രേഷൻ ആൻഡ് അവബോധ പരിപാടി
ഗവൺമെന്റ് ഓഫ് ഇന്ത്യ മിനിസ്ട്രി ഓഫ് ടെക്സ്റ്റൈൽസ് ഓഫീസ് ഡെവലപ്മെന്റ് കമ്മീഷണർ ആൻഡ് ക്രാഫ്റ്റ് നേതൃത്വത്തിൽ ഇളംബച്ചി ഗുരു ചന്തുപ്പണിക്കർ സ്മാരക ഗവൺമെന്റ് ഹയർ സെക്കൻഡറി സ്കൂളിൽ നിർമ്മാണ പ്രദർശനവും ബാധകരണവും നടന്നു വിവിധ വിവിധ കരകൗശല വസ്തുക്കളുടെ നിർമ്മാണം കുട്ടികളെ കാണിച്ചുകൊടുക്കുകയും കുട്ടികൾക്ക് അത് ചെയ്യാനുള്ള പരിശീല നൽകുകയും ചെയ്തു രാവിലെ നടന്ന ഉദ്ഘാടന പരിപാടിയിൽ ഹാൻഡി ക്രാഫ്റ്റ് പ്രമോഷൻ ഓഫീസർ ഡെവലപ്മെന്റ് കമ്മീഷണർ തൃശ്ശൂർ ശ്രീ ചന്ദ്രകാന്തസാഹ ഉദ്ഘാടനം ചെയ്തു പിടിഎ പ്രസിഡണ്ട് ടി വി വിനോദ് കുമാർ അധ്യക്ഷനായിരുന്നു ചെയർമാൻ അഡ്വക്കേറ്റ് ജയരാജൻ ബി രിയ മൺപാത്ര നിർമ്മാണ കുടിൽ വ്യവസായ സഹകരണസംഘം സെക്രട്ടറി ടിവി മോഹനൻ സീനിയർ അസിസ്റ്റന്റ് സിറാജുദ്ദീൻ പി കെ സാർ സെക്രട്ടറി രമേശൻ സി എന്നിവർ ആശംസകൾ സംസാരിച്ചു അധ്യക്ഷനായ ചടങ്ങിൽ അർഷിദ ടീച്ചർ സ്വാഗതവും എൽ ഡി സി ആൻഡ് ക്രാഫ്റ്റ് സർവീസ് സെന്റർ തൃശൂർ ശ്രീ വിനോദൻ കെ ജി നന്ദിയും പറഞ്ഞു.
07_10_2025_ലഹരിബോധവൽക്കരണ ക്ലാസ്സ്
05_11_2025_ഡിജിറ്റൽ പത്രം രണ്ടാം പതിപ്പ് പ്രകാശനം ചെയ്തു.
ഇളമ്പച്ചി ഗുരു ചന്തുപണിക്കർ സ്മാരക ഗവ.ഹയർ സെക്കന്ററി സ്കൂളിലെ ലിറ്റിൽ കൈറ്റ്സ് ഐ.ടി ക്ലബ്ബിന്റെ നേതൃത്വത്തിൽ തയ്യാറാക്കിയ ഡിജിറ്റൽ പത്രം ലിറ്റിൽ വോയ്സ് രണ്ടാം പതിപ്പ് പ്രധാനാധ്യാപിക റീന കെ.ടി പ്രകാശനം ചെയ്തു. സ്കൂളിൽ ഒക്ടോബർ 14,15,16 തീയതികളിലായി നടന്ന ചെറുവത്തൂർ ഉപജില്ലാ ശാസ്ത്രമേളയുടെ വാർത്തകളും ചിത്രങ്ങളും വിശേഷങ്ങളുമായുള്ള സ്പെഷ്യൽ പതിപ്പായാണ് രണ്ടാം പതിപ്പ് ഇറക്കിയിട്ടുള്ളത്. ശാസ്ത്രമേളയുടെ വിവിധ പ്രവർത്തനങ്ങളെ വിദ്യാർത്ഥികൾ തന്നെയാണ് വാർത്തകളായും ചിത്രങ്ങളായും പകർത്തിയത്. സ്ക്രൈ ബസ് എന്ന സ്വാതന്ത്ര സോഫ്റ്റ്വെയറിലാണ് പത്രം തയ്യാറാക്കിയിട്ടുള്ളത്. കുട്ടികൾക്ക് വിവിധ ക്ലാസ്സുകളിൽ പഠന വിഷയമായ സ്ക്രൈബസ് ഇന്ന് മുഖ്യ ധാരാ പത്രങ്ങളൊക്കെ ഉപയോഗിക്കുന്ന സോഫ്റ്റ്വെയറാണ്. ലിറ്റിൽ കൈറ്റ്സ് മെന്റർമാരായ ദീപ കെ വി, ദീപ എം വി എന്നിവർ ലിറ്റിൽ കൈറ്റ്സ് പ്രവർത്തങ്ങൾക്ക് നേതൃത്വം നൽകുന്നു. ഡിജിറ്റൽ പത്രം വായിക്കാൻ ഈ ലിങ്കിലൂടെകയറിയാൽ മതി https://schoolwiki.in/images/2/2d/12036_little_voice_dm_lk_2025_oct_compressed.pdf
19_11_2025 ന് മുന്നേറ്റം ശില്പശാല ഏകദിന ക്യാമ്പ്
കൈറ്റിന്റെ 'എന്റെ സ്കൂൾ എന്റെ അഭിമാനം' റീൽസ് മത്സരത്തിൽ നൂറു സ്കൂളുകൾക്ക് വിജയം
സംസ്ഥാനത്തെ പൊതുവിദ്യാലയങ്ങൾക്കായി കേരള ഇൻഫ്രാസ്ട്രക്ചർ ആന്റ് ടെക്നോളജി ഫോർ എഡ്യൂക്കേഷൻ (കൈറ്റ്) സംഘടിപ്പിച്ച 'എന്റെ സ്കൂൾ എന്റെ അഭിമാനം’ റീൽസ് മത്സരത്തിൽ വിജയികളായ 100 സ്കൂളുകളിലൊന്നിൽ ഇളമ്പച്ചി സ്കൂളും . ‘ലിറ്റിൽ കൈറ്റ്സ്’ യൂണിറ്റുകൾ വഴി നടത്തിയ റീൽസ് മത്സരത്തിൽ പങ്കെടുത്ത 1555 സ്കൂളുകളിൽ നിന്നാണ് ഒന്നര മിനിറ്റിൽ താഴെ ദൈർഘ്യമുള്ള മികച്ച നൂറു റീലുകൾ തെരഞ്ഞെടുത്തത്.
തിരുവനന്തപുരം ജില്ലയിലെ ജി.വി.എച്ച്.എസ് കരകുളത്തിനാണ് റീൽസ് മത്സരത്തിൽ ഒന്നാം സമ്മാനം. അച്യുതവാര്യർ എച്ച്.എസ്.എസ് , പൊന്നാനി (മലപ്പുറം), എസ്.എൻ.ഡി.പി. എച്ച്.എസ്. ഉദയംപേരൂർ (എറണാകുളം) സ്കൂളുകൾ രണ്ടാംസ്ഥാനവും ഇടയൂർ എ.എം.എൽ.പി.എസ്. (മലപ്പുറം), എച്ച്.എം.എച്ച്.എസ്.എസ്. പഴകുളം (കൊല്ലം) സ്കൂളുകൾ മൂന്നാം സ്ഥാനവും പങ്കിട്ടു . ജി.ജി.വി.എച്ച്.എസ്.എസ്. ഫറോക്ക് (കോഴിക്കോട്), കൊച്ചു കൊട്ടാരം എൽ.പി.സ്കൂൾ ഞണ്ട്പാറ (കോട്ടയം), ജി.എച്ച്.എസ്. വടശ്ശേരി (മലപ്പറം), എം.കെ.എച്ച്.എം.എച്ച്.എസ്.എസ് മുക്കം (കോഴിക്കോട്) സ്കൂളുകൾ ജൂറിയുടെ പ്രത്യേക പരാമർശത്തിന് അർഹമായി. 30,000/-, 20,000/-, 15,000/- രൂപ വീതം യഥാക്രമം ഒന്നും രണ്ടും മൂന്നും സ്ഥാനക്കാർക്കും 10,000/- രൂപ പ്രത്യേക പരാമർശത്തിന് അർഹമായ സ്കൂളുകൾക്കും ലഭിക്കും. മറ്റു 91 സ്കൂളുകക്ക് 5,000/- രൂപ വീതം ലഭിക്കും. 26 സ്കൂളുകളുമായി മലപ്പുറം ജില്ലയാണ് വിജയികളിൽ ഏറ്റവും മുന്നിൽ. 14 സ്കൂളുകൾ എറണാകുളത്ത് നിന്നും 10 സ്കൂളുകൾ കാസറഗോഡിൽ നിന്നും വിജയികളായി. കോഴിക്കോട് 8 , പത്തനംതിട്ട 7, പാലക്കാട് 6 , വയനാട് , കോട്ടയം 5 വീതവും , ആലപ്പുഴ , കൊല്ലം, കണ്ണൂർ, തിരുവനന്തപുരം 4 വീതവും, ഇടുക്കി 2, തൃശ്ശൂർ 1 എന്നിങ്ങനെയാണ് വിജയികളുടെ ജില്ലാ പ്രാതിനിധ്യം. കൈറ്റ് സി. ഇ.ഒ. കെ. അൻവർ സാദത്ത് ചെയർമാനും സി-ഡിറ്റ് മുൻ ജോയിന്റ് ഡയറക്ടർ കെ മോഹൻ കുമാർ, എസ്.സി.ഇ.ആർ.ടി. റിസർച്ച് ഓഫീസർ രാജേഷ് വള്ളിക്കോട്, ഡോക്യുമെന്ററി സംവിധായിക ചന്ദ്രലേഖ സി എസ് , കൈറ്റ് വിക്ടേഴ്സ് സീനിയർ ക്രിയേറ്റീവ് എഡിറ്റർ കെ.മനോജ് കുമാർ എന്നിവർ അംഗങ്ങളുമായ സമിതിയാണ് അവാർഡുകൾ നിശ്ചയിച്ചത്. നവംബർ 15-ന് കൈറ്റിന്റെ പതിനാല് ജില്ലാ ഓഫീസുകളേയും ബന്ധിപ്പിച്ച് നടത്തുന്ന ചടങ്ങിൽ നൂറ് സ്കൂളുകളേയും ആദരിക്കുമെന്ന് കൈറ്റ് സി.ഇ.ഒ. കെ. അൻവർ സാദത്ത് പറഞ്ഞു. ഇളമ്പച്ചി സ്കൂളിന്റെ റീൽസ് കാണാൻ ഇതോടൊപ്പമുള്ള ലിങ്കിൽ കയറിയാൽ മതി. https://www.facebook.com/100051335144737/videos/pcb.1382433926811099/1138911115106569
ദേശീയ ഹരിത സേന ജില്ലാ തലത്തിൽ നടത്തിയ പരിസ്ഥിതി ദിന ക്വിസിൽ രണ്ടാം സ്ഥാനം ശ്രേയസുബിൻ 9 A
23_11_2025_8 ക്ലാസ്സിലെ കുട്ടികളുടെ ഫോട്ടോഗ്രാഫി എക്സിബിഷൻ=
പി.ടി.എ ജനറൽ ബോഡിയോഗം
26_11_2025_ പത്രക്വിസ്
29_11-25_ഗൈഡ്സിന്റെ ഹൈക്ക്
03_12_2025_സർട്ടിഫിക്കറ്റ് വിതരണം
03-12-2025_ഗൈഡ്സ് ബാഡ്ജ് അണിയിക്കൽ ചടങ്ങ്
03_12_2025_ലോക ഭിന്ന ശേഷി ദിനാചരണം: വീഡിയോ നിർമ്മാണ മത്സരത്തിൽ ഒന്നാം സ്ഥാനം
ലോക ഭിന്ന ശേഷി ദിനാചരണത്തോടനുബന്ധിച്ച് BRC ചെറുവത്തൂർ നടത്തിയ വീഡിയോ നിർമ്മാണ മത്സരങ്ങളിൽ വിജയികൾ. ഒന്നാം സ്ഥാനം:GCSGHSS Elambachi രണ്ടാം സ്ഥാനം:GVHSS Kayyur മൂന്നാം സ്ഥാനം:KMVHSS Kodakkad
03-12-2025_പഠനോപകരണം വിതരണം ചെയ്തു
16_01_2026_പഠന വിനോദ യാത്ര
17_01_2026_സംസ്ഥാന സ്കൂൾ കലോത്സവത്തിലെ ഇളമ്പച്ചി സ്കൂളിന് അഭിമാന നേട്ടം
20_01_2026_NMMS മാതൃകാ പരീക്ഷ സംഘടിപ്പിച്ചു.
22_01_2026_ഇടയിലെക്കാട് കാവ് സന്ദർശിച്ചു.
06_01_02026_ക്വാണ്ടം എക്സിബിഷനിൽ ഇളമ്പച്ചി സ്കൂളും പങ്കാളിയായി
ഒരു നൂറ്റാണ്ട് ലോകത്തെയും പ്രപഞ്ച വിജ്ഞാനത്തെയും മാറ്റിമറിച്ച ക്വാണ്ടം സയൻസ് വിദ്യാർത്ഥികളെയും പൊതു ജനങ്ങളെയും പരിചയപ്പെടുത്തുക എന്ന ലക്ഷ്യത്തോടെ ഐക്യരാഷ്ട്ര സംഘടന ക്വാണ്ടം ശതാബ്ദി വർഷമായി ആഘോഷിക്കുന്നതിന്റെ ഭാഗമായി സംസ്ഥാനത്തുടനീളം നടക്കുന്ന ക്വാണ്ടം പൂച്ചയുടെ കേരള പര്യടനം പരിപാടിയിലെ മുഖ്യ ഇനമായ ക്വാണ്ടം സെഞ്ച്വറി എക്സിബിഷൻ ജനുവരി നാലു മുതൽ 9 വരെ കാഞ്ഞങ്ങാട് നെഹ്റു ആർട്സ് ആൻഡ് സയൻസ് കോളേജിൽ നടന്നു.പ്രസ്തുത എക്സിബിഷനിൽ ഇളമ്പച്ചി ഗുരു ചന്തുപണിക്കർ സ്മാരക ഗവ.ഹയർ സെക്കന്ററി സ്കൂളിലെ വിദ്യാർഥികളും പങ്കാളിയായി. കേരള ശാസ്ത്ര സാഹിത്യ പരിഷത്തിന്റെ സയൻസ് പോർട്ടലായ ലൂക്കയും കൊച്ചി ശാസ്ത്രസാങ്കേതിക സർവ്വകലാശാലയുമാണ് പ്രദർശനം ഒരുക്കിയത്.
സൂക്ഷ്മ ലോകത്തെക്കുറിച്ച് ആഴത്തിൽ അറിയാനും അതുവഴി പ്രപഞ്ച രഹസ്യങ്ങളുടെ ചുരുളഴിക്കാനും വഴി തുറന്നത് ക്വാണ്ടം സയൻസ് ആണ്. ലോകത്തെ പരിഷ്കരിച്ച ട്രാൻസിസ്റ്ററും ലേസറും മുതൽ ക്വാണ്ടം കമ്പ്യൂട്ടർ വരെയുള്ള ധാരാളം സാങ്കേതികവിദ്യകൾക്ക് പിന്നിലും ക്വാണ്ടം സയൻസ് ആണ് ഉള്ളത്. ഹൈസ്കൂൾ തൊട്ട് പഠിക്കുന്ന പിരിയോഡിക് ടേബിൾ, ആറ്റംഘടന, ഓർബിറ്ററി തീയറി, സബ് ആറ്റോമിക് പാർട്ടിക്കിളുകൾ, സെമി കണ്ടക്ടറുകൾ തുടങ്ങിയവയും ഫ്ലൂറസൻസ്, സൂപ്പർ ഫ്ലൂ ലൂയിഡറി, സൂപ്പർ കണ്ടക്ടിവിറ്റി തുടങ്ങിയ ക്വാണ്ടം പ്രതിഭാസങ്ങളും സാങ്കേതികവിദ്യകളും ശാസ്ത്രജ്ഞരുടെ സംഭാവനകളും എല്ലാം എക്സിബിറ്റുകളും മോഡലുകളുമായി ഇവിടെ ഉണ്ട് . ഹൈസ്കൂൾ വിദ്യാർത്ഥികൾക്കും സാധാരണക്കാർക്കും ഒരുപോലെ മനസ്സിലാകും വിധം ലളിതമായാണ് എല്ലാ കാഴ്ചകളും അവതരിപ്പിച്ചത്. പരീക്ഷണശാലയിലേക്ക് ഒരു വെർച്വൽ റിയാലിറ്റി യാത്ര, ക്വാണ്ടം കമ്പ്യൂട്ടറിനെ പരിചയപ്പെടാം, ക്വാണ്ടം ബയോളജി, ഫോറൻസിക് സയൻസ്, നാനോ ടെക്നോളജി തുടങ്ങി 28 വിഷയ മേഖലകളിലുള്ള എക്സിബിറ്റുകൾ പ്രദർശനത്തിൽ ഒരുക്കിയിട്ടുണ്ട്.
പിരിയോഡിക് ടേബിളിലെ ഒട്ടുമിക്ക മൂലകങ്ങളെയും സി വി രാമൻ കണ്ടെത്തിയ രാമൻ പ്രഭാവവും ഉൾപ്പെടെ കാണാത്ത പലതും നേരിൽ കണ്ടു. ഹോളോഗ്രാം, സിമുലേഷനുകൾ, വെർച്വൽ റിയാലിറ്റി, ലേസർ ഫെറിക്കൽ പ്രൊജക്ഷൻ തുടങ്ങിയ ആധുനിക സങ്കേതങ്ങൾ എല്ലാം ഉപയോഗപ്പെടുത്തിയാണ് പ്രദർശനം ഒരുക്കിയിരിക്കുന്നത്. പരീക്ഷണങ്ങൾ, ഇൻസ്റ്റലേഷനുകൾ, മാതൃകകൾ, പാനലുകൾ മത്സരങ്ങൾ എന്നിവയും ഇതിന്റെ ഭാഗമായി സജ്ജമാക്കിയിട്ടുണ്ട്. ഇന്ത്യൻ വനിതാ ശാസ്ത്രജ്ഞരെ പരിചയപ്പെടുന്ന ആർട്ടിസ്റ്റ് ശ്രീജ പള്ളത്തിന്റെ ശില്പങ്ങൾ, ക്വാണ്ടം സയൻസിലെ ഇന്ത്യൻ സംഭാവനകൾ പരിചയപ്പെടുത്തുന്ന യദുനാഥ് ആർ. ന്റെ പ്രത്യേക പെയിന്റിങ് പരമ്പര, ജസ്റ്റിൻ ജോസഫ് ഒരുക്കുന്ന ഐൻസ്റ്റൈനും മാഡം ക്യൂറിയും തുടങ്ങിയ കലാസൃഷ്ടികളും ഇവിടെ ഉണ്ട്. ക്വാണ്ടം സയൻസിലെ വിഖ്യാത ശാസ്ത്രജ്ഞനായ ഷ്രോഡിംഗറുടെ ചിന്താ പരീക്ഷണത്തിലെ പൂച്ചയാണ് പ്രദർശനത്തിലെ താരം. പരിശീലനം നേടിയ എഴുപതോളം സയൻസ് കമ്മ്യൂണിക്കേറ്റർമാരുടെ നേതൃത്വത്തിലാണ് പ്രദർശന സ്റ്റാളുകൾ പ്രവർത്തിക്കുന്നത്. പ്രദർശനത്തോടൊപ്പം ശാസ്ത്ര പ്രഭാഷണങ്ങളും പാനൽ ചർച്ചകളും നടന്നു.
പ്രദർശന നഗരിയിൽ എത്തുന്ന കുട്ടികളെയും പൊതുജനങ്ങളെയും വിസ്മയിപ്പിച്ചുകൊണ്ട് ദിനേശ് കുമാർ തെക്കുമ്പാട് അവതരിപ്പിക്കുന്ന ശാസ്ത്ര പരീക്ഷണങ്ങളുടെ വിസ്മയ കാഴ്ചകൾ ഉണ്ട്.കോളേജിലെ മാത്തമാറ്റിക്സ്, കമ്പ്യൂട്ടർ സയൻസ്, സുവോളജി, ബോട്ടണി, കോമേഴ്സ്, മലയാളം, ഹിസ്റ്ററി എന്നീ ഡിപ്പാർട്ട്മെന്റുകളും സ്റ്റാളുകൾ ഒരുക്കിയിട്ടുണ്ട്. പ്രദർശനത്തിന്റെ ഉദ്ഘാടനം ജനുവരി നാലിന് ഉച്ചയ്ക്ക് രണ്ടു മണിക്ക് ജ്യോതിശാസ്ത്ര വിദഗ്ധൻ പ്രൊഫസർ കെ. പാപ്പൂട്ടി നിർവഹിച്ചു. ഇ. ചന്ദ്രശേഖരൻ എംഎൽഎ അധ്യക്ഷനാകും. എം. രാജഗോപാലൻ എം.എൽ.എ, കാഞ്ഞങ്ങാട് നഗരസഭ ചെയർമാൻ വി.വി. രമേശൻ, നീലേശ്വരം നഗരസഭാ ചെയർമാൻ പി.പി.മുഹമ്മദ് റാഫി, കൗൺസിലർ പി.വി.മണി എന്നിവർ മുഖ്യാതിഥികളാകും. ജനറൽ കൺവീനർ ഡോ. റീജ ടി.വി. സ്വാഗതവും, കേരള ശാസ്ത്ര സാഹിത്യ പരിഷത്ത് ജില്ലാ സെക്രട്ടറി പി പി രാജൻ നന്ദിയും പറയും. കോളേജ് ചെയർമാൻ കെ രാമനാഥൻ, കൊച്ചി സർവ്വകലാശാല ഫിസിക്സ് വിഭാഗം തലവൻ ഡോക്ടർ ആൽഡ്രിൻ ആന്റണി, നെഹ്റു കോളേജ് പ്രിൻസിപ്പാൾ ഡോ.ടി. ദിനേശ് തുടങ്ങിയവർ സംബന്ധിച്ചു.
എന്താണ് ക്വാണ്ടം പൂച്ച ? ക്വാണ്ടം വസ്തുക്കളുടെ സ്വഭാവം ചർച്ച ചെയ്യാൻ 1935 ൽ എർവിൻ ഷ്രോഡിംഗർ ഒരു ചിന്താ പരീക്ഷണം തയ്യാറാക്കി. ഒരു ഇരുട്ടുമുറിയിൽ സ്റ്റീൽപ്പെട്ടിയിൽ ഒരു പൂച്ച, ഒരു റേഡിയോ ആക്ടീവ് പദാർത്ഥം, റേഡിയോ ആക്ടീവ് കണം പുറത്തേക്ക് വന്നാൽ പൊട്ടി വീഴാൻ പാകത്തിൽ ക്രമീകരിച്ച ചുറ്റിക, ചുറ്റിക വീണാൽ പൊട്ടും വിധത്തിൽ വച്ചിരിക്കുന്ന ഒരു കുപ്പി വിഷവാതകം, കുപ്പി പൊട്ടിയാൽ പൂച്ച ചാവും. എന്നാൽ കണം പുറത്തേക്ക് വരുന്നില്ലെങ്കിൽ പൂച്ച ജീവിച്ചിരിക്കും. എന്നാൽ പുറത്തുനിന്നുകൊണ്ട് പെട്ടിക്കുള്ളിൽ എന്ത് സംഭവിക്കുന്നു എന്ന് നമുക്ക് പറയാൻ കഴിയില്ല. എന്നാൽ ക്വാണ്ടം മെക്കാനിക്സ് നിയമപ്രകാരം പെട്ടിയിൽ നിന്ന് ഒരേസമയം കണം പുറത്തേക്ക് വന്നു വന്നില്ല എന്ന അവസ്ഥയിലാണ്. അത് പ്രകാരം ചുറ്റിക വീണു വീണില്ല അതായത് പൂച്ച ഒരേസമയം ജീവിച്ചിട്ടുമുണ്ട്. മരിച്ചിട്ടുമുണ്ട്. എന്ന സൂപ്പർ പൊസിഷൻ അവസ്ഥ. എന്നാൽ നിങ്ങൾ പെട്ടി തുറക്കുകയാണെങ്കിൽ നേരത്തെ പറഞ്ഞ സൂപ്പർ പൊസിഷൻ അവസ്ഥ അപ്രത്യക്ഷമാകുന്നു. അൻപത് ശതമാനം സാധ്യതയോടെ നിങ്ങൾ ഒരു ജീവനുള്ള പൂച്ചയെ കാണും. അൻപത് ശതമാനം സാധ്യതയോടെ നിങ്ങൾ ഒരു ചത്ത പൂച്ചയെ കാണും. ക്വാണ്ടം മെക്കാനിക്സ് എന്ന ശാസ്ത്രശാഖയുടെ നേരത്തെയുള്ള കോപ്പൻ ഹേഗൻ വ്യാഖ്യാനത്തിലെ ചില പോരായ്മകൾ ചൂണ്ടിക്കാട്ടാൻ വേണ്ടി നടത്തിയ ഒരു ചിന്താ പരീക്ഷണമാണിത്. ഒരു പൂച്ചയ്ക്ക് യഥാർത്ഥത്തിൽ ഇങ്ങനെ സംഭവിക്കില്ല.
ഭരണഘടനാ ബോധവൽക്കരണ ക്ലാസ്സും constitutional awareness programme ക്ലബ്ബിന്റെ രൂപീകരണവും
28_01_2026_മോട്ടീവേഷൻ ക്ലാസ്സ് സംഘടിപ്പിച്ചു
ഈ വർഷം എസ്.എസ്.എൽ.സി പരീക്ഷ എഴുതുന്ന വിദ്യാർത്ഥികൾക്കായി മോട്ടീവേഷൻ ക്ലാസ്സ് സംഘടിപ്പിച്ചു.രാവിലെ സ്കൂൾ അസംബ്ലി ഹാളിൽ നടന്ന പരിപാടിയിൽ പ്രശസ്ത മോട്ടീവേറ്ററും സംസ്ഥാന കമ്മീഷണർ (റോവർ) സ്കൗട്ട് & ഗൈഡ്സ്, കേരള ജെ.സി.ഐ മേഖലാ പരിശീലകനുമായ അജിത്ത് കളനാട് കുട്ടികളോട് രണ്ടര മണിക്കൂറോളം സംവദിച്ചു. രാവിലെ നടന്ന ഉദ്ഘാടന പരിപാടിയിൽ ഇന്ദിര മാരൻ കാവിൽ സ്വാഗതവും സ്റ്റാഫ് സെക്രട്ടറി രമേശൻ സി അദ്ധ്യക്ഷനായി.പ്രഥമാധ്യാപിക റിന കെ.ടി ഉദ്ഘാടനവും നിർവ്വഹിച്ചു.114 കുട്ടികൾ പരിപാടിയിൽ പങ്കെടുത്തു.മികച്ച പ്രകടനം കാഴചവച്ച വിദ്യാർഥികൾക്ക് അഭിലാഷ് രാമൻ സമ്മാന വിതരണവും നടത്തി.
30_01_2026_ജെ.ആർ.സി ജില്ലാതല സെമിനാർ
ജൂനിയർ റെഡ് ക്രോസ് കാസർകോട് ജില്ലാതല സെമിനാർ ഇളമ്പച്ചി ഗുരു ചന്തുപ്പണിക്കർ സ്മാരക ഗവൺമെന്റ് ഹയർ സെക്കൻഡറി സ്കൂളിൽ നടന്നു. പി എം എസ് എ പി.ടി.എസ് വിഎച്ച്എസ്എസ് കൈക്കോട്ട് കടവ് ഇളമ്പച്ചി ഗുരു ചന്തുപ്പണിക്കാർ സ്മാരക ഗവൺമെന്റ് ഹയർ സെക്കൻഡറി സ്കൂളും സംയുക്തമാണ് സെമിനാർ സംഘടിപ്പിച്ചത്. രാവിലെ 9 മണിക്ക് രജിസ്ട്രേഷൻ ആരംഭിച്ചു. പ്രധാന അധ്യാപിക സ്വാഗതം പറഞ്ഞ ചടങ്ങിൽ വാർഡ് മെമ്പർ ടി.വി ഹരീഷ് സെമിനാർ ഉദ്ഘാടനം ചെയ്തു. പിടിഎ പ്രസിഡണ്ട് ടി വി വിനോദ് അധ്യക്ഷനായിരുന്നു. സീനിയർ അസിസ്റ്റന്റ് സിറാജുദ്ദീൻ പി കെ, സ്റ്റാഫ് സെക്രട്ടറി രമേശൻ സി, എസ് ആർ ജി കൺവീനർ പുഷ്പലത എന്നിവർ ആശംസ അർപ്പിച്ച് സംസാരിച്ചു.ജെ.ആർ.സി കൗൺസിലർ ഇന്ദിരാ എം കെ നന്ദി പറഞ്ഞു. 10 മണിക്ക് പ്രഥമ ശുശ്രൂഷയെ കുറിച്ച് മെഡിക്കൽ ഓഫീസർ ഡോക്ടർ ചൈതന്യ കെ വി ഹെൽത്ത് ഇൻസ്പെക്ടർ നിധിൻ ആർ വി എന്നിവർ ക്ലാസുകൾ എടുത്തു .11 30ന് റോഡ് സുരക്ഷയും ട്രാഫിക് നിയമങ്ങളും എന്ന വിഷയത്തെക്കുറിച്ച് ഇൻസ്പെക്ടർ ഓഫ് മോട്ടോർ വെഹിക്കിൾ ആർടിഒ എൻഫോഴ്സ്മെന്റ് കാസർഗോഡ് ശ്രീഹരി സിപി ക്ലാസ്സുകൾ കൈകാര്യം ചെയ്തു.തുടർന്ന് സൈക്കോ സോഷ്യൽ കൗൺസിലർ അണിമ കെ വി കൗമാരം കരുതലോടെ എന്ന് വിഷയത്തിൽ ക്ലാസ് എടുത്തു. നാലു മണിക്ക് ജെ.ആർ.സി കാഡറ്റുകളുടെ നേതൃത്വത്തിൽ ലോകസമാധാന സന്ദേശ റാലിയും സംഘടിപ്പിച്ചു.
07_2_2026_പത്താം ക്ലാസ് സുഗമ ഹിന്ദി പരീക്ഷ നടത്തി
09_02_2026_നൂലറ്റു പോയാൽ കൈവിട്ടുപോകും. പട്ടം പറത്തി പുത്തനറിവ് നേടി കുട്ടികൾ
ഇളമ്പച്ചി : ഗുരുചന്തു പണിക്കർ സ്മാരക ഗവഃ ഹയർ സെക്കൻ്ററി സ്കൂളിലെ അഞ്ചാം ക്ലാസ്സിലെ കുട്ടികളും അധ്യാപകരും 'നടത്തിയ പട്ടം പറത്തൽ ശ്രദ്ധേയമായി. മഹാകവി പി.കുഞ്ഞിരാമൻ നായരുടെ പട്ടം പറക്കട്ടെ എന്ന കവിത പഠനമാണ് ആസ്വാദനവും വിജ്ഞാനവും പകർന്ന പ്രവർത്തനമായത്. നൂലറ്റു പോയാൽ കൈവിട്ടുപോകുമെന്ന ജാഗ്രതയും , മാനവൻ വഴക്കടിച്ച് കോലം കൊടുത്തിയ പാരിടത്തെ ഒന്നായ് കാണണമെന്ന സന്ദേശവും കുട്ടികൾ പങ്കുവെച്ചു. കവി കാൽപനികമായി പട്ടം പ്രമേയ മായി വരച്ചിട്ട പാരിടമൊന്ന് എന്ന സന്ദേശം തന്നെയാണ് ബഹിരാകാശ യാത്രികയായ സുനിത വില്യംസ് /, മതിലുകളില്ലാത്ത ഭൂമിയിലെ ബഹിരാകാശ കാഴ്ച്ചയെ കുറിച്ച് പറഞ്ഞതും കുട്ടികൾക്ക് പുത്തനറിവായി. അധ്യാപകരായ ബാലകൃഷ്ണൻ ഈയ്യക്കാട് , ടി. അശോക് കുമാർ , ശ്രീജ കെ വി .കെ. ജയേഷ് ' ഡോ സുനിൽകുമാർ കോറോത്ത്, വിനോദ് പാലങ്ങാട്ട്, അഭിലാഷ് രാമൻ എന്നിവർ നേതൃത്വം നൽകി.
13_02_2026_CCTV ഉദ്ഘാടനം നടത്തി
സുരക്ഷാ സംവിധാനത്തിന്റെ ഭാഗമായി സ്കൂളിൽ പുതുതായി സ്ഥാപിച്ച സി.സി.ടി.വി സംവിധാനം പി.ടി.എ പ്രസിഡണ്ട് ടി.വി വിനോദ് ഉദ്ഘാടനം ചെയ്തു.പ്രധാനാധ്യാപിക റീന കെ.ടി അധ്യക്ഷനായി.ഓഫീസ്, ലാബ്, പ്രധാന കവാടം എന്നിവിടങ്ങളിലാണ് സ്കൂളിന്റെ തനത് ഫണ്ട് ഉപയോഗിച്ച് സി.സി.ടി.വി സ്ഥാപിച്ചത്.
17_02_2026_ആയുർവേദ മെഡിക്കൽ ക്യാമ്പ്
ആയുർവേദ ചികിത്സാ പദ്ധതിയുടെ ഭാഗമായി ഗുരു ചന്തുപണിക്കർ സ്മാരക ജി.എച്ച്.എസ്. എസ്. ഇളമ്പച്ചി, തൃക്കരിപ്പൂർ ഗ്രാമപഞ്ചായത്ത്. കൊയോങ്കര ആയുർവേദ ആശുപത്രി എന്നിവ സംയുക്തമായി സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു.കുട്ടികളിലെയും കൗമാരപ്രായക്കാരിലെയും ശാരീരിക-മാനസി പ്രശ്നങ്ങൾ, വളർച്ച, ബുദ്ധി, പഠന സ്വഭാവ വ്യതിയാനങ്ങൾ മറ്റ് ആരോഗ്യ പ്രശ്നങ്ങൾക്കുള്ള പരിഹാരമായാണ് ക്യാമ്പ് സംഘടിപ്പിച്ചത്.
18_02_2026_8, 9 ക്ലാസ്സിലെ കുട്ടികൾക്ക് ലഹരി വിമുക്ത ബോധവത്ക്കരണ കാമ്പയിൻ
18-ാം തീയതി ഉച്ചയ്ക്ക് 1.30 ന് 8, 9 ക്ലാസ്സിലെ കുട്ടികൾക്ക് ലഹരി വിമുക്ത ബോധവത്ക്കരണ കാമ്പയിൻ
19_02_2026_എൽ.പി വിഭാഗം സ്മാർട്ട് ക്ലാസ്സ് റൂമും ഇൻസിനറേറ്ററും ഉദ്ഘാടനം ചെയ്തു
20_02_2026_വൈവിധ്യ ലീഡർഷിപ്പിന്റെ ഭാഗമായ കുടുംബ സംഗമം നടന്നു
23_02_2026_മുന്നേറ്റം വിജയോത്സവം സംഘടിപ്പിച്ചു
25-02-2026_പത്താം ക്ലാസ്സ് വിദ്യാർത്ഥികളുടെ യാത്രയയപ്പ്
26_02_2026_ജെ.ആർ.സി കാഡറ്റുകൾ ഹോപ്പ് റിഹാബിലിറ്റേഷൻ സെന്റർ സന്ദർശിച്ചു
പിലാത്തറ ഹോപ്പ് അഗതിമന്ദിരം jrc കേഡറ്റുകൾ സന്ദർശിച്ചു സബ് ജില്ലാ ശാസ്ത്രോത്സവത്തിന് തയ്യാറാക്കിയ ഫുഡ് കോർട്ട് -വഴി സ്വരൂപിച്ച തുകയും അധ്യാപകർ നൽകിയ തുകയും ചേർത്ത് ശ്രീ ജയമോഹൻ സാറിന് കൈമാറി. ലഹരിക്കെതിരെ ശക്തമായ പോരാട്ടം നടത്താൻ കുട്ടികൾ മുന്നോട്ടുവരണമെന്നും സമൂഹത്തിൽ സ്നേഹം കരുണ സാഹോദര്യം എന്നിവ വളർത്താൻ ശ്രമിക്കണമെന്നും പറഞ്ഞു.ക്ലാസ്സിൽ അഗതിമന്ദിരം സംഘടകാരും അധ്യാപകരായ മനോജ് സാർ മിനി ടീച്ചർ jrc കൗൺസിലർ ഇന്ദിര എന്നിവരും പങ്കെടുത്തു.സ്കൂളും പരിസരവും ലഹരിമുക്തമാക്കാൻ സ്കൂളിൽ സ്ഥാപിക്കാനുള്ള പരാതി പെട്ടി കേഡറ്റുകൾ സ്വീകരിച്ചു അന്ദേവാസികളെ സന്ദർശിച്ചു കുശലം പറഞ്ഞു
27_02_2026_പ്രകൃതി സംരക്ഷണ സഹവാസ ക്യാമ്പിൽ പങ്കെടുത്തു
തൃക്കരിപ്പൂർ ഗ്രാമ പഞ്ചായത്തിന്റെ 2025 -26 വാർഷിക പദ്ധതിയുടെ ഭാഗമായി പഞ്ചായത്തിലെ എൽ.പി,യു.പി വിദ്യാർത്ഥികളെ പങ്കെടുപ്പിച്ച് കോട്ടഞ്ചേരി വന വിദ്യാലയത്തിൽ ത്രിദിന ജൈവ വൈവിധ്യ - പ്രകൃതി സംരക്ഷണ പഠന സഹവാസ ക്യാമ്പിൽ ഇളമ്പച്ചി സ്കൂളിലെ വിദ്യാർത്ഥികളും പങ്കുചേർന്നു. ക്യാമ്പിൽ പങ്കെടുക്കുന്ന വിദ്യാർത്ഥികളുമായുള്ള വാഹനത്തിന്റെ ഫ്ളാഗ് ഓഫ് ഗ്രാമ പഞ്ചായത്ത് പ്രസിഡന്റ് സാജിത സഫറുള്ള നിർവഹിച്ചു. സെക്രട്ടരി പ്രമീള ബോബി.സി, സ്റ്റാൻഡിംഗ് കമ്മിറ്റി ചെയർപേഴ്സൺ എം.കെ.പ്രസന്ന, നിർവഹണ ഉദ്യോഗസ്ഥ ലൗവി റിനാറ്റ ആറോൺ, ബി.എം.സി കൺവീനർ എൻ.സുകുമാരൻ, ടി.എം.സുസ്മിത , കെ.വി.കൃഷ്ണപ്രസാദ് എന്നിവർ പ്രസംഗിച്ചു. ഹെഡ് ക്ലാർക്ക് പി.ജി.സജിനി സ്വാഗതവും പദ്ധതി അസി.കോ-ഓർഡിനേറ്റർ കെ.വി. സുഭാഷ് നന്ദിയും പറഞ്ഞു.
02_03_2026_റോബോട്ടിക്സ് ഫെസ്റ്റ് സംഘടിപ്പിച്ചു.
ഗുരു ചന്തുപണിക്കർ സ്മാരക ജി.എച്ച്.എസ്. എസ്. എളമ്പച്ചിയിലെ ലിറ്റിൽ കൈറ്റ് ഐ.ടി ക്ലബ്ബിലെ കുട്ടികളുടെ ആഭിമുഖ്യത്തിൽ റോബോട്ടിക് ഫെസ്റ്റ് സംഘടിപ്പിച്ചു. ഫെസ്റ്റിൻ്റെ ഉദ്ഘാടനം പ്രഥമാധ്യാപിക റീന കെ.ടി നിർവഹിച്ചു. ഇതോടനുബന്ധിച്ച് റോബോട്ടിക്സ്, സ്ക്രാച്ച് പ്രോഗ്രാമിംഗ്, അനിമേഷൻ തുടങ്ങിയ വിവിധ മേഖലകളിൽ ലിറ്റിൽ കൈറ്റിലെ കുട്ടികൾ നടത്തിയ പ്രവർത്തനങ്ങളുടെ അവതരണവും പ്രദർശനവും ഉണ്ടായിരുന്നു. ഒന്നാം ക്ലാസ് മുതലുള്ള കുട്ടികൾക്ക് ഗെയിം കളിക്കുന്നതിനും ,കാണുന്നതിനും അവസരം ഉണ്ടായി. റോബോട്ടിക്സിന്റെ പ്രദർശനവും വിദ്യാർത്ഥി കൾക്ക് വേറിട്ട അനുഭവം നൽകി.
02_03_2026_മീഡിയ &ഡോക്യുമെന്റേഷൻ പരിശീലനം സംഘടിപ്പിച്ചു.
2025 - 28 ലിറ്റിൽ കൈറ്റ്സ് ഐ.ടി ക്ലബ്ബ് യൂനിറ്റുകൾക്കായി മീഡിയ &ഡോക്യുമെന്റേഷൻ പരിശീലനം സംഘടിപ്പിച്ചു.വാർത്ത തയ്യാറാക്കൽ, ഫോട്ടോ വീഡിയോ ചിത്രീകരണം, വാർത്താവതരണം, എഡിറ്റിങ്, റേക്കോർഡിങ് തുടങ്ങിയവയെക്കുറിച്ച് ക്ലാസ്സെടുത്തു. അഭിലാഷ് രാമൻ ക്ലാസ്സിന് നേതൃത്വം കൊടുത്തു. എല്ലാ വിദ്യാർത്ഥികളും ഫോട്ടോയും വീഡിയോയും എടുക്കുകയും അത് പ്രദർശിപ്പിക്കുകയും ചെയ്തു.
02_03_2026_ആനിമേഷൻ& സ്ക്രാച്ച് എക്സ്പേർട്ട് പരിശീലനം സംഘടിപ്പിച്ചു.
2024 - 27 ബാച്ചിന് ആനിമേഷൻ & സ്കാച്ച് എക്സ്പേർട്ട് റിസോഴ്സ് പേഴ്സന്റെ നേതൃത്വത്തിൽ പരിശീലനം സംഘടിപ്പിച്ചു.കൈറ്റ് മാസ്റ്റർ ട്രെയിനർ മനോജ്കുമാർ പരിശീലനം നയിച്ചു,
02_03_2026_സർവ്വം AI മയം രക്ഷാകർതൃ ബോധവൽക്കരണ പരിശീലനം സംഘടിപ്പിച്ചു.
ലിറ്റിൽ കൈറ്റ്സ് ഐടി ക്ലബ്ബുകളിലെ കുട്ടികളുടെ നേതൃത്വത്തിൽ ആറ് ലക്ഷം രക്ഷിതാക്കൾക്ക് ആർട്ടിഫിഷ്യൽ ഇന്റലിജൻസ് (എഐ) പരിശീലനം നൽകുന്ന പദ്ധതിയാണിത് സർവം എഐ മയം. ജൂൺ 30 വരെ നടക്കുന്ന പരിശീലനം രാജ്യത്തെ മുതിർന്നവർക്കുള്ള ഏറ്റവും വലിയ എഐ സാക്ഷരതാ യജ്ഞമാകും. രണ്ടു മണിക്കൂർ ദൈർഘ്യമുള്ള മോഡ്യൂൾ എഐയുടെ ഗുണങ്ങൾക്കും ദോഷങ്ങൾക്കും തുല്യ പ്രാധാന്യം നൽകുന്നു. മനുഷ്യ ബുദ്ധിക്ക് സമാനമായി ചിന്തിക്കാനും തീരുമാനങ്ങളെടുക്കാനും യന്ത്രങ്ങളെ പ്രാപ്തമാക്കുന്ന മെഷീൻ ലേണിംഗ് സാങ്കേതികവിദ്യയെക്കുറിച്ച് ലളിതമായ വിശദീകരണത്തോടെയാണ് പരിശീലനം ആരംഭിച്ചത്. സ്മാർട്ട് ഫോണുകളിലെ എഐ സേവനങ്ങൾ ഉപയോഗിച്ച് പക്ഷികളെയും ചെടികളെയും തിരിച്ചറിയുന്നതിനും തമിഴ് ഉൾപ്പെടെയുള്ള അന്യഭാഷാ ബോർഡുകൾ തത്സമയം മലയാളത്തിലേക്ക് വിവർത്തനം ചെയ്യുന്നതിനും രക്ഷിതാക്കളെ പ്രാപ്തരാക്കും. എഐ ടൂളുകളുടെ സഹായത്തോടെ ചെയ്യാവുന്ന പ്രവൃത്തികൾ പരിശീലനത്തിൽ പരിചയപ്പെടുത്തി. എഐ ഉപയോഗിച്ച് നിർമിക്കുന്ന ഡീപ്പ് ഫേക്ക് വീഡിയോകൾ,വ്യാജ ചിത്രങ്ങൾ,ശബ്ദങ്ങൾ എന്നിവ തിരിച്ചറിയാനുള്ള മാർഗങ്ങളും പരിചയപ്പെടുത്തി. സോഷ്യൽ മീഡിയയിലെ വ്യാജവാർത്താ പ്രചരണങ്ങളെ എങ്ങനെ പ്രതിരോധിക്കാമെന്നും,ഇന്റർനെറ്റ് മര്യാദകൾ പാലിക്കേണ്ടതിന്റെ പ്രാധാന്യത്തെക്കുറിച്ചും കൈറ്റ് വികസിപ്പിച്ച സമഗ്ര പ്ലസ് ലേണിംഗ് റൂം പോലുള്ള എഐ അധിഷ്ഠിത വിദ്യാഭ്യാസ പ്ലാറ്റ്ഫോമുകളെക്കുറിച്ചും ക്ലാസ്സെടുത്തു.2023-24 കാലയളവിൽ നാല് ലക്ഷം രക്ഷിതാക്കൾക്ക് സൈബർ സുരക്ഷാ പരിശീലനം നൽകിയതിന്റെ വിജയകരമായ തുടർച്ചയായാണ് പുതിയ പദ്ധതി ആവിഷ്കരിച്ചിരിക്കുന്നത്. ഫെബ്രുവരി 20 മുതൽ നിലവിൽ വരുന്ന ഏറ്റവുംപുതിയ ഐടി ഭേദഗതി നിയമങ്ങൾ ഉൾപ്പെടെയുള്ള സുരക്ഷാ മാനദണ്ഡങ്ങളും പരിശീലനത്തിന്റെ ഭാഗമായി രക്ഷിതാക്കളെ പരിചയപ്പെടുത്തി.ലിറ്റിൽ കൈറ്റ്സ് അംഗങ്ങളായ ദർശന, മേധ പത്മംരാജ്, അന്വർത്ഥ, സന്മയ എന്നിവർ ക്ലാസ്സിന് നേതൃത്വം നൽകി. രക്ഷിതാക്കൾക്ക് പുതിയ അനുഭവമായിരുന്നു AI പരിശീലനം.
03_03_2026_ശുചിത്വപഠനോത്സവത്തിൽ പങ്കുചേർന്നു.
03_03_2026_അറിവോരം മെഗാ ക്വിസ് മത്സരം സംഘടിപ്പിച്ചു
കുട്ടികളിലെ പൊതു വിജ്ഞാനം, ആരോഗ്യപരമായ മത്സരബുദ്ധി എന്നിവ വളർത്തുക, മൊബൈൽ ഫോണിൻ്റെ ദുരുപയോഗം കുറക്കുക തുടങ്ങിയ ലക്ഷ്യങ്ങളോടുകൂടി ജി.സി. എസ്. ജിഎച്ച്എസ്എസ് ഇളമ്പച്ചിയിൽ 2025 നവംബർ 14 ശിശുദിനത്തിൽ ആരംഭിച്ച ആഴ്ച ക്വിസിൻ്റെ അവസാന ഘട്ടമായ മെഗാക്വിസ് (എൽ. പി വിഭാഗം) 2026 മാർച്ച് മൂന്നാം തീയ്യതി "അറിവോരം" എന്ന പേരിൽ സംഘടിപ്പിക്കുകയുണ്ടായി. പൂർണമായി ഡിജിറ്റൽ സാങ്കേതികവിദ്യയുടെ സഹായത്തോടെ മുഴുവൻ സഹപ്രവർത്തകരുടെയും പിന്തുണയോടുകൂടി നടത്തിയ ക്വിസ് മത്സരത്തിൽ നാലാം തരത്തിലെ അൻഷു മജൻ ഒന്നാം സമ്മാനമായ സൈക്കിളിന് അർഹനായി.രണ്ടാം സമ്മാനമായ സ്റ്റഡി ടേബിൾ നേടിയത് നാലാം തരത്തിലെ ഫിദൽ കെ ആയിരുന്നു. പ്രസ്തുത ചടങ്ങ് ഹെസ്മിസ്ട്രസ് ശ്രീമതി റീന കെ ടി ഉദ്ഘാടനം ചെയ്തു. സിനിയർ അസിസ്റ്റൻ്റ് സിറാജുദീൻ മാഷ്, സ്റ്റാഫ് സെക്രട്ടറി രമേശൻ മാഷ്, എംപി.ടി എ പ്രസിഡണ്ട് പ്രസൂന പത്മനാഭൻ എന്നിവർ ആശംസകൾ അർപ്പിച്ച് സംസാരിച്ചു. ബാലകൃഷ്ണൻ മാസ്റ്റർ പരിപാടി നിയന്ത്രിച്ചു.
04_03_2026_ശലഭ്യോദ്യാനം ഉദ്ഘാടനം ചെയ്തു
ഇളമ്പച്ചി ഗുരു ചന്തുപണിക്കർ സ്മാരക ഗവ. ഹയർസെക്കൻഡറി സ്കൂളിലെ വിദ്യാർഥികൾക്ക് ഇനി ശലഭങ്ങളെ കണ്ടും അറിഞ്ഞും പഠിക്കാം. സാമൂഹിക വനവത്കരണ വിഭാഗത്തിന് കീഴിൽ ഇളമ്പച്ചി ഗുരു ചന്തുപണിക്കർ സ്മാരക ഗവ. ഹയർ സെക്കൻഡറി സ്കൂളിൽ ഒരുക്കിയ ശലഭോദ്യാനം തുറന്നു. കേരളത്തിൽ കാണപ്പെടുന്ന സാധാരണ ശലഭ ഇനങ്ങളുടെ വൈവിധ്യത്തെക്കുറിച്ചും ജീവിതചക്രത്തെക്കുറിച്ചും വിദ്യാർഥികൾക്ക് അറിയാനും പഠിക്കാനുമാണ് വനം വകുപ്പ് സ്കൂൾ പരിസരങ്ങളിൽ ശലഭോദ്യാനങ്ങൾ നിർമിക്കുന്നത്. ആഗോളതാപത്തെ ചെറുക്കാൻ വനംവകുപ്പ് നടപ്പാക്കുന്ന പദ്ധതികളിലൊന്നാണ് ശലഭോദ്യാനം. വനം-വന്യജീവി മന്ത്രി എ.കെ. ശശീന്ദ്രൻ ശലഭോദ്യാനം ഓൺലൈനായി ഉദ്ഘാടനം ചെയ്തു. എം. രാജഗോപാലൻ എം.എൽ.എ. അധ്യക്ഷനായി. നീലേശ്വരം ബ്ലോക്ക് പഞ്ചായത്തംഗം പി. രവീന്ദ്രൻ, തൃക്കരിപ്പൂർ പഞ്ചായത്തംഗം ടി.വി. ഹരീഷ്, സോഷ്യൽ ഫോറസ്ട്രി കോഴിക്കോട് സർക്കിൾ സി.സി.എഫ്. ആർ. കീർത്തി, സ്കൂൾ പ്രഥമാധ്യാപിക കെ.ടി. റീന, സോഷ്യൽ ഫോറസ്ട്രി ഹൊസ്ദുർഗ് റെയ്ഞ്ച് ഓഫീസർ കെ.പി. ജിൽജിത്ത്, എം.വി. യൂസഫലി, സി. ബാലൻ, മുഹമ്മദ് കുഞ്ഞി, കെ. പവിത്രൻ, ടി. നാരായണൻ, സ്കൂൾ പി.ടി.എ. പ്രസിഡൻറ് ടി.വി. വിനോദ്കുമാർ, പ്രിൻസിപ്പൽ ശ്രീജാ ശ്രീറാം, സോഷ്യൽ ഫോറസ്ട്രി കാസർകോട് എ.സി.എഫ്. വി.ബി. ഉദയസൂര്യൻ എന്നിവർ സംസാരിച്ചു.
06_03_2026_ലിറ്റിൽ കൈറ്റ്സ് അവാർഡ് ഇളമ്പച്ചി സ്കൂളിന്.
പൊതുവിദ്യാലയങ്ങളിൽ കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (കൈറ്റ്) നടപ്പാക്കുന്ന 'ലിറ്റിൽ കൈറ്റ്സ്' പദ്ധതിയിലെ സംസ്ഥാനതല അവാർഡുകളിൽ കാസറഗോഡ് ജില്ലയിലെ മികച്ച രണ്ടാമത്തെ ലിറ്റിൽ കൈറ്റ്സ് ഐ.ടി ക്ലബ്ബായി ഇളമ്പച്ചി ഗുരു ചന്തുപ്പണിക്കർ സ്മാരക ഗവ.ഹയർ സെക്കന്ററി സ്കൂളിനെ തെരെഞ്ഞെടുത്തു.30,000 രൂപയാണ് ക്യാഷ് അവാർഡ്. പുരസ്കാര തുകയ്ക്ക് പുറമെ പ്രത്യേകം രൂപകല്പന ചെയ്ത ട്രോഫിയും പ്രശംസാപത്രവും ലഭിക്കും.
യൂണിറ്റുകളുടെ ദൈനംദിന പ്രവർത്തനം, സാമൂഹിക ഇടപെടൽ, സ്കൂൾ വിക്കി, ഹൈടെക് ക്ലാസ്റൂം പരിപാലനം തുടങ്ങി 16 മേഖലകളിലെ പ്രവർത്തനങ്ങൾ പരിശോധിച്ചാണ് കൈറ്റ് സി.ഇ.ഒ കെ. അൻവർ സാദത്ത് ചെയർമാനായ സമിതി അവാർഡ് ജേതാക്കളെ നിശ്ചയിച്ചത്. അവധിക്കാലത്ത് നടക്കുന്ന ലിറ്റിൽ കൈറ്റ്സ് സംസ്ഥാന ക്യാമ്പിനോടനുബന്ധിച്ച് അവാർഡുകൾ വിതരണം ചെയ്യും.
എഐ, റോബോട്ടിക് സാങ്കേതിക വിദ്യ എന്നിവ ഉപയോഗിച്ചുള്ള വിവിധ പ്രവർത്തനങ്ങളിലൂടെയാണ് ലിറ്റിൽ കൈറ്റ്സ് ഇൗ അംഗീകാരം നേടിയത്. ആനിമേഷൻ, പ്രോഗ്രാമിംഗ്, മൊബൈൽ ആപ്പ്, റോബോട്ടിക്സ് ആർഡിനോ, മലയാളം ടൈപ്പിംഗ്, സൈബർ സുരക്ഷ, മീഡിയ & ഡോക്യുമെന്റേഷൻ, ഹാർഡ് വെയർ തുടങ്ങിയ മേഖലകളിലെ പ്രവർത്തനങ്ങൾ പരിഗണിച്ചാണ് അവാർഡ്. നിരവധി പ്രവർത്തനങ്ങൾ സ്കൂളിൽ ലിറ്റിൽ കൈറ്റ്സ് നടത്തുന്നുണ്ട്. പത്രം, പോസ്റ്ററുകൾ, ദിനാചരണങ്ങൾ, വീഡിയോകൾ തുടങ്ങിയവ ലിറ്റിൽ കൈറ്റ്സ് തയ്യാറാക്കുന്നുണ്ട്.
ഭിന്നശേഷി വിഭാഗത്തിൽപ്പെട്ട കുട്ടികൾക്കും ലിറ്റിൽ കൈറ്റ്സ് ഇല്ലാത്ത സ്കൂളുകളിലെ കുട്ടികൾക്കും പരിശീലനം നൽകിയും ഇളമ്പച്ചിയിയെ കുട്ടികൾ മാതൃകയായി.ഹൈസ്കൂളിലെ മൂന്ന് ബാച്ചിൽ 100 പേരാണ് ലിറ്റിൽ കൈറ്റ്സിലുള്ളത്. അധ്യാപകരായ ദീപ എം.വി, ദീപ കെ വി,സ്കൂൾ ഐറ്റി കോർഡിനേറ്റർ അഭിലാഷ് രാമൻ പ്രഥമാധ്യാപിക റീന കെ.ടി, സ്റ്റാഫ് കൗൺസിൽ, പി.ടി.എ തുടങ്ങിയവർ ലിറ്റിൽ കൈറ്റ്സ് പ്രവർത്തനങ്ങൾക്ക് പിന്തുണനൽകുന്നു.
10-03_2026_ഡൈനിങ് ഹാളിലേക്കുള്ള ഫർണിച്ചർ ഏറ്റുവാങ്ങി
ജില്ലാ പഞ്ചായത്ത് ഇളമ്പച്ചി ഗുരു ചന്തുപണിക്കർ സ്മാരക ഹയർസെക്കന്ററി സ്കൂളിലേക്ക് അനുവദിച്ച ഡൈനിങ് ഹാളിലേക്കുള്ള ഫർണിച്ചർ 10-03_2026 ന് വൈകുന്നേരം 3.30ന് ജില്ലാ പഞ്ചായത്ത് ആരോഗ്യ -വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ.എം മനുവിൽ നിന്നും പ്രിൻസിപ്പാൾ, ഹെഡ്മിസ്ട്രെസ്സ്, പി.ടി.എ പ്രസിഡന്റ് എന്നിവർ ചേർന്നു ഏറ്റുവാങ്ങി.ഈ വർഷം തന്നെ സ്കൂളിലേക്ക് മൂന്ന് ലാപ് ടോപ്പുകൾ കൂടി അനുവദിച്ചിട്ടുണ്ടെന്ന് അദ്ദേഹം പറഞ്ഞു.
17_03_2026_കുന്നച്ചേരി എ.എൽ.പി സ്കൂളിൽ സർവ്വം AI മയം രക്ഷാകർതൃ ബോധവൽക്കരണ പരിശീലനം സംഘടിപ്പിച്ചു
ഇളമ്പച്ചി ഗുരുചന്തുപ്പണിക്കർ സ്മാരക ഗവൺമെന്റ് ഹയർ സെക്കൻഡറി സ്കൂളിലെ ലിറ്റിൽ കൈറ്റ്സിന്റെ ആഭിമുഖ്യത്തിൽ കുന്നച്ചേരി എ.എൽപി സ്കൂൾ രക്ഷിതാക്കൾക്ക് AI പരിശീലനം നൽകി.പരിശീലനത്തിന്റെ ഔപചാരികമായ ഉദ്ഘാടനം കുന്നച്ചേരി എൽ.പി സ്കൂൾ പ്രഥമാധ്യാപിക വിലാസിനി ടീച്ചർ ഉദ്ഘാടനം ചെയ്തു.പിടിഎ പ്രസിഡണ്ട് അനീഷ് അധ്യക്ഷനായിരുന്നു.ലിറ്റിൽ കൈറ്റ്സ് ഐടി ക്ലബ്ബ് അംഗങ്ങളായ ദർശന, മേധ പത്മംരാജ്, അന്വർത്ഥ, സന്മയ എന്നിവരാണ് രക്ഷിതാക്കൾക്ക് ക്ലാസ്സെടുത്തത്. കൈറ്റ് മെന്റർമാരായ ദീപ കെ.വി, ദീപ എം.വി എന്നിവർ കുട്ടികൾക്ക് മാർഗ്ഗനിർദ്ദേശം നൽകി.രക്ഷിതാക്കൾക്ക് പുതിയ അനുഭവമായിരുന്നു AI പരിശീലനം.
സർവ്വം AI മയം രക്ഷാകർതൃ ബോധവൽക്കരണ പരിശീലനത്തെക്കുറിച്ചുള്ള ഫീഡ്ബാക്ക്
2026 മാർച്ച് 17 ചൊവ്വാഴ്ച ഗുരു ചന്തുപ്പണിക്കർ സ്മാരക ഗവ. ഹയർ സെക്കൻ്റെറി സ്ക്കൂൾ ലിറ്റിൽകൈറ്റ്സ് വിദ്യാർത്ഥിനികളായ ദർശന, അന്വർത്ഥ,മേധപത്മം, സൻമയഎന്നിവർ കുന്നച്ചേരി ALP സ്ക്കൂൾ രക്ഷിതാക്കൾക്ക് നൽകിയ നിർമ്മിത ബുദ്ധിയുമായി ബന്ധപ്പെട്ട ബോധവൽക്കരണ ക്ലാസിൽ പങ്കെടുക്കാൻ കഴിഞ്ഞതിൽ സന്തോഷിക്കുന്നു. മാർച്ച് 2 ന് സ്കൂളിൽ വെച്ച് നടത്തിയ സർവ്വം AI മയം എന്ന ബോധ വൽക്കരണ ക്ലാസിൽ കുട്ടികളുടെ അവതരണ രീതി, ഭാഷ ശൈലി, ആകർഷകമായ സംസാര രീതി ഇവ ഏറെ സ്വാധീനം ചെലുത്തിയിരുന്നു. വീടിന് തൊട്ടടുത്ത കുന്നച്ചേരി ALP സ്ക്കുളിൽ മാർച്ച് 17 ചൊവ്വാഴ്ച ലിറ്റിൽകൈറ്റിസിൻ്റെ സർവ്വംAl മയം ബോധവൽക്കരണ ക്ലാസുണ്ടെന്നറിയാൻ കഴിഞ്ഞു. PTA അംഗമല്ലാത്ത ഞാൻ ആ പരിപാടിയിൽ പങ്കെടുത്തു. രണ്ടാമത്തെ ക്ലാസായതിനാൽ കൂടുതൽ കാര്യങ്ങൾ പെട്ടെന്നു തന്നെ മനസ്സിലാക്കാൻ കഴിഞ്ഞു. കുഞ്ഞു മക്കളുടെ ഇത്തരത്തിലുള്ള ക്ലാസിൽ ഇനിയും പങ്കെടുക്കാൻ ആഗ്രഹിക്കുന്നു. അറിവ് നൽകുന്നതിനും അത് ആർജ്ജിക്കുന്നതിനും പ്രായം ഒരു തടസ്സമല്ല. ടെക്കനോളജി വികസിച്ചു വരുന്നതോടൊപ്പം അറിഞ്ഞു അറിയാതെയും അന്ധകാരത്തിലേക്ക് നീങ്ങിക്കൊണ്ടിരിക്കുന്ന ഒരു തലമുറയെ വെളിച്ചത്തിലേക്ക് നയിക്കാൻ ലിറ്റിൽ കൈറ്റ്സിന് സാധിക്കുമാറാകട്ടേ..... "തമസോ മാ ജ്യോതിർഗമയ" എം ജീ ധരൻ തൃക്കരിപ്പൂർ ............................................................................................................................................................................................................................................................................................................................. സർവ്വം AI മയം രക്ഷാകർതൃ ബോധവൽക്കരണ പരിശീലനത്തെക്കുറിച്ചുള്ള ഫീഡ്ബാക്ക്
സർവം Al മയം രക്ഷിതാക്കൾക്കുള്ള ബോധവൽക്കരണ ക്ലാസ് GCSGHSS ഇളമ്പച്ചിയിലെ ലിറ്റിൽ കൈറ്റ്സ് യൂണിറ്റിലെ ദർശന, അന്വർത്ഥ, മേധ പത്മം , സന്മയ എന്നീ കുട്ടികൾ വളരെ നന്നായി കൈകാര്യം ചെയ്തു .നിർമിത ബുദ്ധി ഉപയോഗിച്ച് നമുക്കുണ്ടാകുന്ന നേട്ടങ്ങൾ ,ദോഷങ്ങൾ തുടങ്ങിയ കാര്യങ്ങൾ പ്രവർത്തന ബന്ധിതമായി വിശദീകരിച്ചു .നിർമിത ബുദ്ധി പെയോഗിച്ച് ചെയ്യാവുന്ന ഒരുപാട് കാര്യങ്ങൾ ,ചെയ്തു പഠിച്ചതു കൊണ്ട് രക്ഷിതാക്കൾ ക്ലാസ് നന്നായി ആസ്വദിച്ചു. വളരെയധികം അറിവു പകർന്നു തന്ന ക്ലാസ് കൈകാര്യം ചെയ്ത മക്കൾക്കും അധ്യാപകർക്കും നന്ദി.
BoxTop1}}
27_03_2026_കളിയങ്കണം പ്രീപ്രൈമറി കായികോത്സവം
31_03_2026_ജെ.ആർ.സിയുടെ പറവകൾക്കൊരു പാനപാത്രം
02_04_2026_സ്കൗട്ട് സ്ഥാനാരോഹണ ചടങ്ങ്
സ്കൗട്ട് പ്രസ്ഥാനത്തിന്റെ ട്രെയിനിങ് പൂത്തിയാക്കിയ ഇളമ്പച്ചി ഗുരു ചന്തുപ്പണിക്കർ സ്മാരക ഗവ.ഹയർ സെക്കന്ററി സ്കൂളിലെ എൽ.പി വിഭാഗം അധ്യാപകനായ നിഷാദ് മാഷിന്റെ സ്കൗട്ട് സ്ഥാനാരോഹണ ചടങ്ങ് പ്രൗഢഗംഭീരമായി സ്കൂൾ ഓഡിറ്റോറിയത്തിൽവച്ച് നടന്നു.സ്കൂൾ പ്രധാനാധ്യാപിക അധ്യക്ഷനായ ചടങ്ങിൽ സ്റ്റാഫ് സെക്രട്ടറി രമേശൻ ചെന്തെട്ട സ്വാഗതം പറഞ്ഞു.സ്കൗട്ട് പ്രതിനിധികളും പി.ടി.എ അംഗങ്ങളും പങ്കെടുത്തു.
02-04-2026_സ്കൂൾ വാർഷികാഘോഷം
ഈ വർഷത്തെ സ്കൂൾ വാർഷികാഘോഷം വിവിധ പരിപാടികളോടെ നടന്നു. വൈകുന്നേരം നടന്ന സാംസ്കാരിക സമ്മേളനം പ്രശസ്ത ബ്ലോഗറും കലാരത്ന പുര്സകാര ജേതാവുമായ ബൈജു എസ് വൈക്കത്ത് ഉദ്ഘാടനം ചെയ്തു. പി.ടി.എ പ്രസിഡണ്ട് ടി.വി വിനോദ് കുമാർ അധ്യക്ഷനായിരുന്നു.എസ്.എം.സി ചെയർമാൻ അനിൽ കുമാർ പി, വികസന സമിതി ചെയർമാൻ കെ.രവി, മദർ പി.ടി.എ പ്രസിഡണ്ട് പ്രസൂന പത്മനാഭൻ, പ്രഥമാധ്യാപിക റീന കെ.ടി, പി.ടി.എ വൈസ് പ്രസിഡണ്ട് യൂസഫലി, സ്റ്റാഫ് സെക്രട്ടറി രമേശൻ സി എന്നിവർ ആശംസയർപ്പിച്ച് സംസാരിച്ചു.സർവ്വീസിൽ നിന്നും വിരമിക്കുന്ന ഓഫീസ് സ്റ്റാഫ് ബാലകൃഷ്ണന് ബൈജു ഉപഹാരം നൽകി.സീനിയർ അസിസ്റ്റന്റ് മുഹമ്മദ് അക്രം സ്വാഗതവും സിറാജുദ്ദീൻ പി.കെ നന്ദിയും പറഞ്ഞു.തുടർന്ന് വിദ്യാർത്ഥികളുടെ വിവിധ പരിപാടികളും നടന്നു. ട
02-04-2026_അനുമോദന സദസ്സ്
02-04-2026_കുട്ടി ഡോക്ടർ
02_04_2026_മെഗാ ക്വിസ് മത്സരം സമ്മാന വിതരണം ചെയ്തു
