ഗവൺമെന്റ് ഗേൾസ് എച്ച്.എസ്.എസ്.മിതൃമ്മല/ജൂനിയർ റെഡ് ക്രോസ്
ജെ ആർ സി പ്രവർത്തനങ്ങൾ
2025-26 അധ്യയന വർഷത്തേക്കുള്ള ക്ലാസുകൾ ആരംഭിക്കുന്നതിനു മുന്നോടിയായി സ്കൂളും പരിസരവും വൃത്തിയാക്കുക ,സ്കൂളിന്റെ മുഖ്യ പ്രവേശന കവാടവും സ്കൂൾ അങ്കണവും കുരുത്തോലയും വർണ്ണാഭമായ തോരണങ്ങളാലും കമനീയമായി അലങ്കരിച്ച് നവാഗതരെ സ്വാഗതം ചെയ്യുന്നതിനു വേണ്ടിയുള്ള ഒരുക്കങ്ങൾ നടത്തുക തുടങ്ങിയ പ്രവർത്തങ്ങളിൽ ജെ ആർ സി കുട്ടികൾ പങ്കാളികളായി .
പ്രവേശനോത്സവ ദിവസം ജെ ആർ സി കേഡറ്റുകൾ നവാഗതരായ കുട്ടികളെയും രക്ഷിതാക്കളെയും പൂച്ചെണ്ടുകൾ നൽകി പ്രത്യേകം സജ്ജീകരിച്ച ക്ലാസ് മുറികളിലേക്ക് ആനയിക്കുകയും സ്കൂൾ ഓപ്പൺ ആഡിറ്റോറിയത്തിന്റെ ഉദ്ഘാടന വേദി സജ്ജീകരണ പ്രവർത്തനങ്ങളിൽ പങ്കാളികളാവുകയും ചെയ്തു
പ്രവേശന പരീക്ഷ (11/07/2025 )
2025- 26 അധ്യയന വർഷത്തിൽ 5, 8 ക്ലാസ്സുകളിലേക്കുള്ള ജെ ജെ ആർ സി കേഡറ്റ് സിന്റെ പ്രവേശന പരീക്ഷ ജൂലൈ എട്ടാം തീയതി നടന്നു. ഈ പ്രവേശന പരീക്ഷയിലൂടെ അഞ്ചാം ക്ലാസിൽ നിന്ന് 20 കുട്ടികളെയും എട്ടാം ക്ലാസ്സിൽ നിന്ന് 25 കുട്ടികളെയും തെരെഞ്ഞെടുത്തു.
സ്കൂൾ മുറ്റത്തൊരു തേന്മാവ്(06/08/2025 )
ഇന്ത്യൻ റെഡ് ക്രോസ് സൊസൈറ്റി ജൂനിയർ റെഡ് ക്രോസ് സൊസൈറ്റി എന്നിവയുടെ സംയുക്ത അഭിമുഖ്യത്തിൽ തിരുവനന്തപുരം ജില്ലയിലെ സ്കൂളുകളിൽ നടപ്പിലാക്കിവരുന്ന" സ്കൂൾ മുറ്റത്തൊരു തേന്മാവ്" എന്ന പദ്ധതിയുടെ സ്കൂൾ തല ഉദ്ഘാടനം ബഹുമാനപ്പെട്ട എച്ച് എം ഷീജ ബീഗം ടീച്ചർ നിർവഹിച്ചു. JRC കുട്ടികൾ സ്കൂൾ അങ്കണത്തിൽ ഒരു മാവിൻ തൈ നട്ട് ഈപദ്ധതിക്ക് തുടക്കം കുറിച്ചു. കുട്ടികളിൽ പ്രകൃതിസ്നേഹം പരിസ്ഥിതി ബോധം എന്നിവ ഊട്ടിയുറപ്പിക്കുക എന്നതാണ് ഈ പദ്ധതിയുടെ ലക്ഷ്യം.
ഹരിതാങ്കണം പദ്ധതി (15/08/2025 )
കുട്ടികളിൽ കൃഷിയോടുള്ള താത്പര്യം വർധിപ്പിക്കുക , സ്കൂൾ പരിസരം ഹരിതാഭമാക്കുക , സ്കൂൾ ഉച്ച ഭക്ഷണത്തിനായി വിഷരഹിത പച്ചക്കറികൾ സ്വന്തമയി വളർത്തുക തുടങ്ങിയ ലക്ഷ്യത്തോടെ ജെ ആർ സി കേഡറ്റ്സിന്റെ നേതൃത്വത്തിൽ "ഹരിതാങ്കണം" എന്ന പേരിൽ ഒരു പച്ചക്കറി കൃഷിക്ക് ഓഗസ്റ്റ് 15 ന് സ്കൂളിൽ തുടക്കം കുറിച്ചു . പദ്ധതിയുടെ ഉദ്ഘാടനം ബഹുമാനപ്പെട്ട വാർഡ് മെമ്പർ അഡ്വ : ബാലചന്ദ്രൻ നിർവ്വഹിച്ചു .സ്കൂൾ എസ് എം സി ചെയര്മാന് ശ്രീ തെങ്ങുംകോട് രാജേഷ് ,പ്രിൻസിപ്പൽ സുധീരൻ സർ HM ഷീജ ബീഗം ടീച്ചർ , J R C കൗൺസിലർ അനിത ടീച്ചർ തുടങ്ങിയവർ പദ്ധതിക്ക് ആശംസകൾ അർപ്പിച്ചു .
