എയുപിഎസ് ചാത്തമത്ത്/പ്രവർത്തനങ്ങൾ/2025-26
എ യു പി സ്കൂൾ ചാത്തമത്ത് ഭാരത് സ്കൗട്ട് ആൻഡ് ഗൈഡ്സ് യൂണിറ്റിന്റെ നേതൃത്വത്തിൽ നടന്ന പരിസ്ഥിതി ദിനാഘോഷം പച്ചപ്പ് 2025 ശ്രദ്ധേയമായി.സ്കൗട്ട് ജില്ലാ ഓർഗനൈസിങ് കമ്മിഷണറും,കർഷക അധ്യാപക അവാർഡ് ജേതാവും പരിസ്ഥിതി പ്രവർത്തകനുമായ വി കെ ഭാസ്കരൻ മാസ്റ്റർ കുട്ടികൾക്കുള്ള ക്ലാസ്സ് കൈകാര്യം ചെയ്തു.വളരെ രസകരമായി കുട്ടികളെ പ്രകൃതിയെ സ്നേഹിക്കേണ്ടതിന്റെ ആവശ്യകതയെക്കുറിച്ച് പ്രകൃതി സംരക്ഷണത്തിന്റെ ആവശ്യകതയെകുറിച്ചും, മഹത്വത്തെ കുറിച്ചും സംസാരിച്ചു. കുട്ടികൾക്കൊപ്പം പാട്ട് പാടിയും രസകരമായ ക്ലാസ്സ് കുട്ടികൾക്ക് നല്ലൊരാനുഭവമായി. "പ്രകൃതിക്കൊരു കൈത്താങ്ങ് "പരിപാടി ശ്രദ്ധേയമായി. കുട്ടികൾ പ്രകൃതിയുമായി ബന്ധപ്പെട്ട പരിപാടികൾ അവതരിപ്പിച്ചു.സ്കൂൾ ഹെഡ്മാസ്റ്റർ സുമോദ് മാസ്റ്റർ, ബിജിത് മാസ്റ്റർ എന്നിവർ സംസാരിച്ചു. സ്കൗട്ട് മാസ്റ്റർ വിനീത് കുമാർ, ഗൈഡ് ക്യാപ്റ്റൻ ലിതുന കെ എന്നിവർ നേതൃത്വം നൽകി.