കെ.എം.ജി.വി.എച്ച്. എസ്.എസ്. തവനൂർ/എന്റെ ഗ്രാമം
തവനൂർ
മലപ്പുറം ജില്ലയിൽ പൊന്നാനി താലൂക്കിൽ , പൊന്നാനി ബ്ലോക്കിൽ ഉൾപ്പെട്ട ഒരു ഗ്രാമപഞ്ചായത്ത് ആണ് തവനൂർ .കുറ്റിപ്പുറത്തിനും പൊന്നാനിക്കും ഇടയിൽ NH 17 റോഡിൽ സ്ഥിതി ചെയ്യുന്നു . നിളാ നദിയുടെ ദക്ഷിണ തീരത്തു സ്ഥിതി ചെയ്യുന്ന തവനൂർ സ്ഥലനാമപുരാണത്തിൽ 'താപസനൂർ' ആണ് .കേരളത്തിലെ എറ്റവും വലിയ പഞ്ചായത്തുകളിൽ ഒന്നാണ് തവന്നൂർ . ഭാരതപ്പുഴയുടെ സാമീപ്യം തവന്നൂരിനെ ഒരു കാർഷിക ഗ്രാമമാക്കുന്നതിൽ പ്രധാന പങ്കുവഹിക്കുന്നു . പ്രധാന വിളയായ നെല്ലിനു പുറമേ പയർ ,എള്ള് ,പച്ചക്കറികൾ ,വാഴ ,മരച്ചീനി ,കുരുമുളക്, കവുങ്ങു ,റബർ എന്നിവയും ഇവിടെ കൃഷി ചെയ്യുന്നു .
അതിരുകൾ
- കിഴക്ക് - കുറ്റിപ്പുറം, ആനക്കര (പാലക്കാട് ജില്ല) പഞ്ചായത്തുകൾ
- പടിഞ്ഞാറ് - ഭാരതപ്പുഴ (അപ്പുറം തൃപ്രങ്ങോട്, കാലടി പഞ്ചായത്തുകൾ)
- തെക്ക് - വട്ടംകുളം, കാലടി പഞ്ചായത്തുകൾ
- വടക്ക് - ഭാരതപ്പുഴ (അപ്പുറം തൃപ്രങ്ങോട്, കുറ്റിപ്പുറം പഞ്ചായത്തുകൾ)