ഗവ. യൂ.പി.എസ്.നേമം/പ്രവർത്തനങ്ങൾ/2024-25
ഇ.എം.സിയിലേക്കൊരു യാത്ര
ഇ.എം.സിയിൽ എത്തി ഉണർവ് പദ്ധതിയുടെ സംസ്ഥാന തല ഉദ്ഘാടന സമ്മേളനത്തിൽ പങ്കെടുത്തു. പൊതുജനങ്ങളിലും വിദ്യാർഥികളിലും ഊർജസംരക്ഷണത്തെയും ഉപഭോഗത്തെയും ധാരണ വികസിപ്പിക്കുന്നതിന് വേണ്ടി ശ്രീകാര്യത്ത് പ്രവർത്തിക്കുന്ന സ്ഥാപനമാണ് ഇ.എം.സി (എനർജി മാനേജ്മെൻ്റ് സെൻ്റർ). കഴിഞ്ഞ ദിവസം നമ്മുടെ വിദ്യാലയത്തിലെ തെരഞ്ഞെടുക്കപ്പെട്ട കുട്ടികളും അധ്യാപകരും ഇ.എം.സി സന്ദർശിച്ചു. വർഷം മുഴുവൻ നീണ്ടുനിൽക്കുന്ന ഉണർവ് പദ്ധതിയുടെ സംസ്ഥാന തല ഉദ്ഘാടന സമ്മേളനത്തിൽ പങ്കെടുക്കുകയായിരുന്നു.ലക്ഷ്യം. സംസ്ഥാന വൈദ്യുതി വകുപ്പ് മന്ത്രി ശ്രീ. കൃഷ്ണൻ കുട്ടി ഉദ്ഘാടനം ഓൺലൈനായി നിർവഹിച്ചു. ഊർജസംരക്ഷണ അവബോധ ക്ലാസും ഉപകരണങ്ങൾ പരിചയപ്പെടുത്തലും ലാബ് സന്ദർശനവുമെല്ലാം പുതിയ അനുഭവമായി. മടക്കയാത്രയിൽ നാച്ചുറൽ ഹിസ്റ്ററി മ്യൂസിയവും രാജാ രവിവർമ ആർട് ഗ്യാലറിയും പാലസുമെല്ലാം സന്ദർശിച്ചു.
പള്ളിക്കൂടം യാത്രകൾ തുടരുകയാണ്.
സ്കൂൾ കലോത്സവം
പുസ്തകം കൈപ്പറ്റി
പൂർവവിദ്യാർഥിയായ ഹരിനാഥ് ഇന്ന് സ്കൂളിലെത്തി. സ്കൂൾ പുസ്തകച്ചുവരിലേക്ക് നൽകിയ പുസ്തകം ഹെഡ്മാസ്റ്റർ മൻസൂർ സാർ കൈപ്പറ്റി. നിരവധി പുസ്തകങ്ങളുടെ രചയിതാവും ചലച്ചിത്ര രംഗത്തെ സാന്നിധ്യവുമായ അദ്ദേഹം. കുട്ടികൾക്കു വേണ്ടി രചിച്ച കുബേര എന്ന പുസ്തകത്തെപ്പറ്റി കൂട്ടികളോട് സംസാരിച്ചു.
ദിനാചരണം
വിദ്യാരംഗം കലാസാഹിത്യ വേദി
വിദ്യാരംഗം കലാസാഹിത്യ വേദിയുടെ നേതൃത്വത്തിൽ ഉപജില്ലാതല സാഹിത്യശില്പശാല സംഘടിപ്പിച്ചു. കല്ലിയൂർ ഗ്രാമപഞ്ചായത്ത് പ്രസിഡന്റെ എം. സോമശേഖരൻ നായർ ഉദ്ഘാടനം ചെയ്തു. ഉപജില്ലാ വിദ്യാഭ്യാസ ആഫീസർ കവിതാജോൺ അധ്യക്ഷയായി. ഗ്രാമപഞ്ചായത്തംഗം കെ.കെ. ചന്തുകൃഷ്ണ, ഹെഡ്മാസ്റ്റർ എ.എസ് മൻസൂർ, സീനിയർ അധ്യാപിക എം.ആർ. സൗമ്യ, അധ്യാപകരായ അജയ്കുമാർ, സിന്ധു, ബിന്ദു പോൾ,അബ്ദുൽ ഷുഹൂദ് എന്നിവർ പ്രസംഗിച്ചു. കവിതാശില്പശാലയ്ക്ക് പ്രശസ്തകവി എൻ. എസ് സുമേഷ് കൃഷ്ണനും ചിത്രകലാ ശില്പശാലയ്ക്ക് ശില്പി രാജേഷ് ട്വിങ്കിളും നേതൃത്വം നൽകി. സാഹിത്യ വേദി ജോയിൻ്റ് കൺവീനർ ജോലാൽ സ്വാഗതവും കൺവീനർ എസ്. സുനി നന്ദിയും പറഞ്ഞു. ഉപജില്ലയിലെ എൽപി യുപി ഹൈസ്കൂൾ വിഭാഗങ്ങളിലെ 150 ലേറെ കുട്ടികളും അധ്യാപകരും പങ്കെടുത്തു.
-
വിദ്യാരംഗം ശില്പശാല കല്ലിയൂർ ഗ്രാമപഞ്ചായത്ത് പ്രസിഡൻ്റ് എം. സോമശേഖരൻ നായർ ഉദ്ഘാടനം ചെയ്യുന്നു -
കവിതാശില്പശാലയ്ക്ക് പ്രശസ്തകവി എൻ. എസ് സുമേഷ് കൃഷ്ണൻ നേതൃത്വം നൽകി -
ചിത്രകലാ ശില്പശാലയ്ക്ക് ശില്പി രാജേഷ് ട്വിങ്കിൾ നേതൃത്വം നൽകി. -
നിയമസഭ അന്തർദേശീയ പുസ്തകോത്സവം
ഇന്ന് രണ്ടാം ശനിയാഴ്ച പൊതു അവധി ദിവസം നാലാം ക്ലാസിലെ മൂന്ന് അധ്യാപകർ റെജിന ടീച്ചറും ബിന്ദു പോൾ ടീച്ചറും ഹേമ ടീച്ചറും നിയമസഭയിൽ പോകാൻ തീരുമാനിച്ചു. എഴുത്തിലും വായനയിലും നല്ല താത്പര്യമുള്ള ഗീത ടീച്ചറും അധ്യാപക വിദ്യാർഥികളായ രണ്ടു പേരും ചേർന്ന് കുട്ടികളെയും കൂട്ടി നിയമസഭയിലെത്തി. അവധിക്ക് അവധി നൽകിയ അവർ നിയമസഭയിലെ അന്തർദേശീയ പുസ്തകോത്സവത്തിൽ സാന്നിധ്യമറിയിച്ചു. കഴിഞ്ഞ ദിവസം കുറെ കൂട്ടുകാർ നിയമസഭയിലെത്തിയിരുന്നു. തിങ്കളാഴ്ചയും കൂട്ടുകാരെത്തുന്നുണ്ട്. പ്രസാധകരുടെ സ്റ്റാളുകൾ കാണാനും പുസ്തകങ്ങൾ വാങ്ങാനും അവർ സമയം കണ്ടെത്തി. മൈത്രി ബുക്സിലെത്തിയ കൂട്ടുകാർ ഹെഡ്മാസ്റ്റർ മൻസൂറിന്റെ പള്ളിക്കൂടം യാത്രകൾ വില്പനക്ക് വെച്ചിരിക്കുന്നത് കണ്ടു. എല്ലാവരും പുസ്തകം കൈയിലെടുത്തു. മിസ് രിയ എന്ന മിടുക്കി വിദ്യാലയത്തിലെ വായനാ പ്രവർത്തനങ്ങൾ അവരുമായി പങ്കിട്ടു. ഗോപികയ്ക്ക് മൈത്രി ബുക്സിന്റെ വക സമ്മാനമായി പള്ളിക്കൂടം യാത്രകൾ ലഭിച്ചു. തിരിച്ചെത്തിയ മക്കൾ യാത്രാനുഭവങ്ങൾ പങ്കുവെച്ചു. നമ്മുടെ കുട്ടികൾ അവർ പ്രതിഭകളാണ്.
നാടിന്റെ അഭിമാന വിദ്യാലയം
സംസ്ഥാന സ്കൂൾ കലോത്സവം; വിളംബര റാലി
സംസ്ഥാന സ്കൂൾ കലോത്സവത്തിന്റെ ഭാഗമായുള്ള വിളംബര റാലിയിൽ പങ്കെടുത്തു. കൂടുതൽ അറിയാൻ