കടമ്പഴിപ്പുറം എച്ച് എസ്, കടമ്പഴിപ്പുറം/എന്റെ ഗ്രാമം
കടമ്പഴിപ്പുറം
കടമ്പ വൃക്ഷങ്ങളാൽ തിങ്ങി നിന്നിരുന്ന ഈ നാട് കടമ്പഴിപ്പുറം എന്ന പേരിൽ അറിയപ്പെട്ടു . ഗാന്ധിജി ഒരിക്കൽ ഈ ഗ്രാമത്തിലും വിദ്യാലയത്തിലും വരികയുണ്ടായി .പുരാണ ഇതിഹാസങ്ങളിൽ നിറഞ്ഞു നിൽകുന്ന വായില്ലംകുന്ന് അപ്പന്റെ അടുത്തായി ഈ വിദ്യാലയം 70 വര്ഷം പിന്നിട്ട് നിരവധി അനവധി സമർത്ഥരായ കുട്ടികൾ ഈ വിദ്യാലയത്തിൽ നിന്നും പഠനം പൂർത്തിയാക്കി ഇപ്പോൾ ലോകത്തിന്റെ നാനാ മേഖലകളിലും വിരാജിക്കുന്നു
പാലക്കാട് ജില്ലയിലെ ഒറ്റപ്പാലം താലൂക്കിലെഒരു ഗ്രാമപഞ്ചായത്താണ് കടമ്പഴിപ്പുറം.പാലക്കാട് നിന്നും ചെറുപ്പുളശ്ശേരി യിലേക്കുള്ള സംസ്ഥാനപാതയിലാണ് ഈ ഗ്രാമം സ്ഥിതിചെയ്യുന്നത്.
പ്രധാന സ്ഥലങ്ങളിൽ നിന്നുള്ള ദൂര വ്യത്യാസം:
ജില്ലാ ആസ്ഥാനം - 27 km
അടുത്തുള്ള വിമാനത്താവളം (കോയമ്പത്തൂർ ) - 76 Km
അടുത്തുള്ള റെയിൽവേ സ്റ്റേഷൻ (ഒലവക്കോട്) - 22 Km
അടുത്തുള്ള പ്രധാന ബസ് സ്റ്റേഷൻ (കോങ്ങാട്) -12 Km
അടുത്തുള്ള പ്രധാന ടൗൺ (പാലക്കാട്) - 27 km
കോഴിക്കോട് അന്താരാഷ്ട്ര വിമാനത്താവളം - 96 Km
നെടുമ്പാശ്ശേരി അന്താരാഷ്ട്ര വിമാനത്താവളം - 118 km
ഒറ്റപ്പാലം റെയിൽവേ സ്റ്റേഷൻ - 24 km
*പ്രധാന പ്രാദേശിക ആഘോഷങ്ങൾ* :
1. വായില്യംകുന്ന് കാവ് പൂരം
2. നാലിശേരിക്കാവ് പൂരം
3.ചെറുകുന്നത്തുകാവ് പൂരം ആലങ്ങാട്
*പ്രധാന കാർഷിക വൃത്തികൾ:*
തെങ്ങ് , നെല്ല് , റബ്ബർ, കവുങ്ങ്.
കടമ്പഴിപുറത്തിന്റെ ഭൂമിശാസ്ത്രപരമായ പ്രത്യേകതകൾ
1. ഭൗഗോള സ്ഥാനം:
കടമ്പഴിപുറം കേരളത്തിലെ പാലക്കാട് ജില്ലയിൽ ശ്രീകൃഷ്ണപുരം ബ്ലോക്കിൽ സ്ഥിതിചെയ്യുന്നു.
2.ജലസ്രോതസ്സുകൾ : കരിമ്പുഴ, കാഞ്ഞിരപ്പുഴ ഡാം, കനാൽ വഴി പ്രദേശത്തിന് ജലസ്രോതസിന്റെ പ്രധാന ഉറവിടമാണ്.
3. പരിസര ഗ്രാമങ്ങൾ:
കരിമ്പുഴ, പൂക്കോട്ടുകാവ്, അമ്പലപ്പാറ, കാരാകുറിശ്ശി, കേരളശ്ശേരി എന്നിവയാണ് സമീപത്തുള്ള പ്രധാന ഗ്രാമങ്ങൾ.
4. മേഖലാ പരിസരം:
മണ്ണാർക്കാട് ബ്ലോക്ക് (വടക്ക്), ഒറ്റപാലം ബ്ലോക്ക് (തെക്ക്), കുഴൽമന്നം ബ്ലോക്ക് (കിഴക്ക്) എന്നിവ കൊണ്ട് ചുറ്റപ്പെട്ടിരിക്കുന്നു.
5. കാലാവസ്ഥ :
കടമ്പഴിപ്പുറം സമശീതോഷ്ണ പ്രദേശമാണ് വർഷത്തിൽ കൂടുതലായും വേനൽക്കാലവും മഴക്കാലവും കാണപ്പെടുന്നു.
6. മലയോര സ്ഥലം:
പ്രദേശം ചെറിയ മലകൾക്കും താഴ്വരകൾക്കും പ്രശസ്തമാണ്, ഇത് ഇവിടെ ഒരു പ്രകൃതിദത്ത ഭംഗി സൃഷ്ടിക്കുന്നു.
7. പച്ചപ്പ് നിറഞ്ഞ പ്രദേശം:
കൃഷി പ്രാധാന്യമുള്ള ഒരു ഗ്രാമപ്രദേശമാണ് കടമ്പഴിപുറം ഇടയ്ക്കിടെയുള്ള കൃഷിയിടങ്ങളും പാടശേഖരങ്ങളും ഇവിടെ കാണാം.