എസ്.വി.എച്ച്.എസ്. പൊങ്ങലടി/പ്രവർത്തനങ്ങൾ/2024-25

കവിതകളിൽ തുളുമ്പി പ്രവേശനോത്സവം ..........ജൂൺ 3.

ഈ വർഷത്തെ പ്രവേശനോത്സവം ഗംഭീരമായി ആഘോഷിച്ചു.വിശിഷ്ടഥിതി യുവ കവി ശ്രീ കാശിനാഥൻ ആയിരുന്നു. കാശിനാഥന്റെ ചങ്ങമ്പുഴ കവിതകളിലൂടെ യുള്ള യാത്ര യായിരുന്നു പ്രവേശനോത്സവത്തിന്റെ പ്രധാന  ആകർഷണീയത . അദ്ദേഹം ചൊല്ലിയ കവിതകൾ കുട്ടികളിൽ ആവേശം ഉണർത്തി .അവരും ഒപ്പം ചൊല്ലി രസിച്ചു .വാർഡ് മെമ്പർ ശ്രീ രഞ്ജിത് ഉൽഘടനം നിർവഹിച്ചു..

മുഖ്യമന്ത്രിയുടെ സന്ദേശം തത്സമയം .

മുഖ്യമന്ത്രി യുടെ സന്ദേശം തത്സമയം സംപ്രേഷണം ചെയ്തു.ലിറ്റിൽ കൈറ്റ്സ് അംഗങ്ങളുടെ സഹായത്തോടെ ഇത് ഭംഗിയായി ചെയ്യാൻ സാധിച്ചു.

പഠനോപകരണ വിതരണം

പഠ നോ പകരണ വിതരണവും,

SSLC പരീക്ഷയ്ക്ക് എല്ലാ വിഷയങ്ങൾക്കും A+കിട്ടിയ കുട്ടികൾക്കുള്ള അനുമോദന ചടങ്ങും നടന്നു. .ഹെഡ്മിസ്ട്രസ് ആശംസ പ്രസംഗം നടത്തി .ജയശ്രീ ടീച്ചർ സ്വാഗതപ്രസംഗവും സീനിയർ അസിസ്റ്റന്റ് പ്രീതരാനി ടീച്ചർ നന്ദിയും രേഖപ്പെടുത്തി ..ലിറ്റിൽ കൈറ്റ്സ് അംഗങ്ങൾ ,പരിപാടി ഡോക്യുമെന്റ് ചെയ്.

• 
• 

പച്ചപ്പണിഞ്ഞ് എസ് വി എച്ച് എസ്

പരിസ്ഥിതി ദിനാഘോഷം ജൂൺ 5.

എസ് വി എച്ച് എസ് പൊങ്ങലടി സ്കൂളിലെ ഈ വർഷത്തെ പരിസ്ഥിതി ദിനാഘോഷം വളരെ ഗംഭീരമായ ആഘോഷിച്ചു ,പരിസ്ഥിതി ദിനാഘോഷംഉദ്ഘാടനം ചെയ്തത് പന്തളം തെക്കേക്കര പഞ്ചായത്ത് പ്രസിഡന്റ് ശ്രീ രാജേന്ദ്രപ്രസാദ് ആണ് .ഈ യോഗത്തിന് ആശംസ അറിയിച്ചത് കൃഷി ഓഫീസർ ശ്രീമതി ലാലി മാഡം ആണ് .യോഗത്തിന്റെ അധ്യക്ഷ പദവി അലങ്കരിച്ചത് വാർഡ് മെമ്പർ ശ്രീ രഞ്ജിത്ത് ആണ്..

പേടി വേണ്ട ജാഗ്രത മതി

പൊതു വിദ്യാഭ്യാസ വകുപ്പിന്റെ നിർദ്ദേശപ്രകാരം സ്കൂൾ ഹെൽത്ത് ക്ലബ്ബിന്റെ ആഭിമുഖ്യത്തിൽ പേവിഷബാധ ഏൽക്കാതെ സുരക്ഷാനടപടികൾ സ്വീകരിക്കുന്നതിനെ കുറിച്ചുള്ള ആവശ്യകത വിദ്യാർഥികളിൽ എത്തിക്കുന്നതിനായി പന്തളം തെക്കേക്കര ഹെൽത്ത് സെന്ററിലെ ഹെൽത്ത് ഇൻസ്‌പെക്ടർ ശ്രീ വിനോദ് ബോധവത്കരണ ക്ലാസ് എടുത്തു .

വായനാദിനംജൂൺ 19

ജൂൺ 19 വായനാദിനം വളരെ സമുചിതമായി ആഘോഷിച്ചു.

വായനാ അസ്സംബ്ലി

വായന മാസാചരണത്തിന്റെ ഉദ്ഘാടനം ഹെഡ്മിസ്ട്രസ് ശ്രീമതി പ്രീതകുമാരി നിർവഹിച്ചു. വായനാദിനത്തിന്റെ സന്ദേശം അറിയിച്ചത് മലയാള വിഭാഗം അധ്യാപികയായപ്രീത റാണി ടീച്ചർ ആണ്. വിദ്യാരംഗം കലാസാഹിത്യ വേദിയുടെ ഉദ്ഘാടനവും അന്നേദിവസം നടന്നു. സ്കൂൾതല വിദ്യാരംഗം കൺവീനർ ഹേമ ടീച്ചർപദ്ധതി വിശദീകരിച്ചു.

പ്രതിജ്ഞ

കാർത്തിക വായനാദിന പ്രതിജ്ഞ കാർത്തിക. കുട്ടികൾക്കായി ചൊല്ലിക്കൊടുത്തു. മാസ്റ്റർ കാർത്തിക് വായനാദിന സന്ദേശം കുട്ടികളെ അറിയിച്ചു.

മത്സരങ്ങൾ

പദ്യം ചൊല്ലൽ പ്രസംഗം ജീവചരിത്രക്കുറിപ്പ് വായനാദിനവുമായി ബന്ധപ്പെട്ട് വിവിധതരത്തിലുള്ള മത്സരങ്ങൾ സ്കൂളിൽ നടത്തി ഹൈസ്കൂൾ, യുപി വിഭാഗത്തിൽ നിന്നും വിജയികൾക്ക് സമ്മാനദാനവും നൽകി.

പുസ്തക പ്രദർശനം

വായനാദിനത്തോടനുബന്ധിച്ച് ലൈബ്രറിയിൽ പുസ്തക പ്രദർശനം നടത്തി. പല വീടുകളിൽ

നിന്നും കളക്ട് ചെയ്ത ബാലരമയും പൂമ്പാറ്റയും കളിക്കുടുക്കയും സ്കൂൾ ലൈബ്രറിയിൽ ലഭ്യമാക്കി കുട്ടികൾക്ക് ഏറെ ഇഷ്ടമുള്ള ബാലരമ വായന കുട്ടികളുടെ ഭാവന വളർത്തുന്നതിൽ ഏറെ സഹായിച്ചു.

• 
• 
• 
• 

കൗമാര വിദ്യാഭ്യാസം ഒരു മോട്ടിവേഷൻ ക്ലാസ്.ജൂൺ 20

കൗമാര വിദ്യാഭ്യാസത്തെക്കുറിച്ച് പന്തളം തെക്കേക്കര ഹെൽത്ത് സെന്ററിലെ കൗൺസിലറായ ശ്രീമതി ദിവ്യ കുട്ടികൾക്ക് ക്ലാസ് എടുത്തു. ദിവസവും കുട്ടികൾ ചെയ്യേണ്ടതും ചെയ്യരുതാത്തതുമായ കാര്യങ്ങൾ വിശദീകരിച്ചു. കുട്ടികൾക്ക് ഈ ക്ലാസ് വളരെ പ്രയോജനപ്രദമായിരുന്നു. വിവിധ തരത്തിലുള്ള ഗെയിമുകളിലൂടെ ആയിരുന്നു ക്ലാസ്സ് മുന്നോട്ടു പോയത്..

• 
• 
• 
• 

യോഗ ദിനം

ജൂൺ 21 യോഗ ദിനം ആഘോഷിച്ചു. സോഷ്യൽ സയൻസ് അധ്യാപികയായ ജയശ്രീ ടീച്ചറാണ് യോഗാ ദിനത്തിൽ ക്ലാസ് എടുത്തത്. പത്താമത് അന്താരാഷ്ട്ര യോഗ ദിനത്തിന്റെ പ്രാധാന്യത്തെ കുറിച്ച് വിശദീകരിച്ചു. പ്രാണയാമം എന്താണെന്ന് വിശദീകരിക്കുകയും ദിവസവും ചെയ്യേണ്ട ബ്രീത്തിങ് എക്സർസൈസ് പറഞ്ഞുകൊടുക്കുകയും ചെയ്തു. എല്ലാ ബുധനാഴ്ചയും ഉച്ചയ്ക്ക് ഒരു മണിക്ക് യോഗ പ്രാക്ടീസ് ചെയ്യാൻ തീരുമാനിച്ചു. 2024 ലെ യോഗാദിനത്തിന്റെ പ്രമേയം "അവനവന് വേണ്ടിയും സമൂഹത്തിന് വേണ്ടിയും യോഗ" എന്നാണ്. പ്രധാനമന്ത്രി ശ്രീ നരേന്ദ്ര മോദിയുടെ വാക്കുകളിലേയ്ക്ക് ... ഭാരതത്തിന്റെ പൗരാണിക പാരമ്പര്യത്തിന്റെ വില മതിക്കാനാവാത്ത സംഭാവനയാണ് യോഗ. ഈ പാരമ്പര്യം അയ്യായിരം വർഷത്തിലേറേ പഴക്കമുള്ളതാണ്. അത് ശരീരത്തിന്റേയും മനസ്സിന്റേയും ഒരുമ, ചിന്തയും പ്രവൃത്തിയും, നിയന്ത്രണവും നിറവേറ്റലും, മനുഷ്യനും പ്രകൃതിക്കുമിടയിലുള്ള സന്തുലിതാവസ്ഥ, ശാരീരിക-മാനസിക ഘടകങ്ങളെ സമീപിച്ചു കൊണ്ട് ആരോഗ്യപരമായിരിക്കുക എന്നീ ഘടകങ്ങളെ ഉൾക്കൊള്ളുന്നു. Yoga കേവലം ഒരു വ്യായാമമല്ല, മറിച്ച് നമ്മളും ലോകവും പ്രകൃതിയും ഒന്നാണെന്നുള്ള തിരിച്ചറിവാണ്. നമ്മുടെ മാറ്റപ്പെട്ട ജീവിത ശൈലികളെ മനസ്സിലാക്കി ബോധം ഉണ്ടാക്കുന്നതിനാൽ കാലാവസ്ഥാ വ്യതിയാനത്തെ പോലും കൈകാര്യം ചെയ്യാൻ നമ്മെ പ്രാപ്തരാക്കുന്നു.

ലഹരി വിരുദ്ധ ദിനം ജൂൺ 26

'മയക്കു മരുന്നിനോട് 'നോ' പറയാം, ജീവിതം ലഹരിയാക്കാം';

സ്കൂൾ അസ്സംബ്ലിയിൽ കുട്ടികൾലഹരി വിരുദ്ധ   പ്രതിജ്ഞ എടുത്തു .ഹെഡ്മിസ്ട്രസ് പ്രേതകുമാരി ടീച്ചർ ലഹരി ഉപയോഗിക്കുന്നതിന്റെ ദൂഷ്യവശങ്ങളെ കുറിച്ച് ക്ലാസ് എടുത്തു .കുട്ടികൾ പോസ്റ്റർ പ്രദര്ശനം നടത്തി

കുട്ടികളടക്കം ലഹരിമരുന്ന് റാക്കറ്റുകളുടെ കാരിയർമാർ ആകുന്നതിന്റെ റിപ്പോർട്ടുകൾ വർധിച്ചുവരുന്ന സാഹചര്യത്തിലാണ് നമ്മൾ ഇന്ന് ലോക ലഹരി വിരുദ്ധ ദിനം ആഘോഷിക്കുന്നത്. മയക്കുമരുന്നിന്റെ ഉപയോഗത്തിനും അനധികൃത കടത്തിനും എതിരായ സന്ദേശം പ്രചരിപ്പിക്കുന്നതിനായാണ് എല്ലാ വർഷവും ജൂൺ 26ന് ലോകമെമ്പാടും ലഹരി വിരുദ്ധ ദിനം ആചരിക്കുന്നത്.

ലോക ലഹരിവിരുദ്ധദിനത്തിന്റെ 2024 ലെ പ്രമേയം,’തെളിവുകൾ വ്യക്തമാണ്; പ്രതിരോധത്തിൽ നിക്ഷേപിക്കുക’ എന്നതാണ്. പ്രതിരോധത്തിന് തെളിവുകൾ അടിസ്ഥാനമാക്കിയുള്ള സമീപനം സ്വീകരിക്കാൻ സമൂഹത്തോടും നയരൂപീകരണക്കാരോടും ആഹ്വാനം ചെയ്യുകയാണ് പ്രമേയം. മയക്കു മരുന്ന്...

yip ബോധവത്കരണ ക്ലാസ്സ്

യംഗ് ഇന്നൊവേറ്റേഴ്സ് പ്രോഗ്രാം (YIP)

രക്ഷിതാക്കൾക്ക് വേണ്ടിയുള്ള ബോധവത്കരണ ക്ലാസ്സ് എടുത്തു .ലിറ്റിൽ കൈറ്റ്സ് കുട്ടികളുടെ നേതൃത്വത്തിൽ ആണ് ക്ലാസ്സ് നടത്തിയത് .കുട്ടികൾ തന്നെ വൈ ഐപിയുമായി ബന്ധപ്പെട്ട പ്രസന്റേഷൻ തയ്യാറാക്കുകയും രക്ഷിതാക്കൾക്ക് ക്ലാസ് എടുക്കുകയും ചെയ്തു.

ഹെഡ്മിസ്ട്രസ് പ്രീതകുമാരി ടീച്ചർ എല്ലാ രക്ഷിതാക്കളെയും ഈ ഒരു പരിപാടിയിലേക്ക് സ്വാഗതം ചെയ്തു പിടിഎ പ്രസിഡണ്ട് ശ്രീമതി രാജി ആശംസ അറിയിച്ചു. പിടിഎ വൈസ് പ്രസിഡണ്ട് പുഷ്പ എംബിടിഎ പ്രസിഡണ്ട് പ്രസീത  എന്നിവരുടെ മഹനീയ സാന്നിധ്യവും ഉണ്ടായിരുന്നു വൈ ഐപിയുടെ ചാർജ് ഉള്ള അനീഷ് ടീച്ചർ ആശയ വിശദീകരണം നടത്തി ഇതിൽ കയറ്റി പത്താം ക്ലാസിലെ ലീഡർ കാർത്തിക  ആശയ വിശദീകരണം നടത്തി

എക്കാലത്തും ലോകത്തെ വഴി തിരിച്ചു വിട്ടിട്ടുള്ള പ്രതിഭകൾ പഠന രംഗത്തു മികവ് തെളിയിച്ചവരാവില്ല. വലിയ വലിയ സംഭാവനകൾ ചെയ്ത ശാസ്ത്രജ്ഞൻമാർക്കും, കഴിവുകൾ തെളിയിച്ച സുപ്രസിദ്ധ വ്യക്തികൾക്കും അവരവരുടേതായ കഴിവുകളും വേറിട്ട ചിന്തകളും ആശയങ്ങളുമുള്ളവരായിരുന്നു. അത്തരം വേറിട്ട ചിന്തകൾ വിദ്യാർത്ഥികളിൽ നിന്നും കണ്ടെത്തി പിന്തുണ ഒരുക്കി സ്വപ്നങ്ങൾ യാഥാർഥ്യമാക്കാനുള്ള പ്രയത്‌നം ആണ് 'യങ് ഇന്നവേറ്റർസ് പ്രോഗ്രാമിലൂടെ സംസ്ഥാന സർക്കാർ നടത്തുന്നത്.

കൃഷി, മൃഗ സംരക്ഷണം, സഹായ സാങ്കേതിക വിദ്യ, ബിസിനസ്സ് മോഡൽ ഇന്നോവേഷൻസ്, കാലാവസ്ഥ വ്യതിയാനവും ദുരന്ത നിവാരണവും, ആധുനിക വൈദ്യ സഹായങ്ങൾ, ബയോ മെഡിക്കൽ ടെക്‌നോളജി, യുനാനി, സിദ്ധ, ആയുർവേദ, നാച്ചുറോപ്പതി, ഹോമിയോപതി, മാലിന്യ സംസ്‌ക്കരണം, കുട്ടികൾ നേരിടുന്ന പ്രശ്‌നങ്ങൾ, പ്രായമായവർ നേരിടുന്ന പ്രശ്‌നങ്ങൾ, മൽസ്യ ബന്ധനമേഖല തുടങ്ങി 30 വിഷയങ്ങളാണ് ഇത്തവണ വിദ്യാർത്ഥികളുടെ മുൻപിൽ അവതരിപ്പിക്കപ്പെടുന്നത്.

'പോസ്റ്റർ രചന മത്സരം ജൂലൈ 11

ജനസഖ്യ ദിനത്തിൽ പോസ്റ്റർ രചന മത്സരം നടത്തി.

ദാരിദ്ര്യത്തിന് ആനുപാതികമായി ജനസംഖ്യയും ജനസംഖ്യയ്ക്ക് ആനുപാതികമായി ദാരിദ്ര്യവും വർദ്ധിക്കുന്നു എന്നതാണ് പോയ നൂറ്റാണ്ടുകൾ ലോകത്തിനു നൽകിയ പാഠം. ജനസംഖ്യയ്ക്കൊപ്പം ദാരിദ്ര്യവും കുറയ്ക്കാമെന്ന തിരിച്ചറിവിൻറെ ഓർമ്മപ്പെടുത്തലാണ് ലോക ജനസംഖ്യാ ദിനാചരണത്തിന്റെ ലക്ഷ്യം.

അനിമേഷന്റെ അനന്തസാധ്യതകൾ

നൈപുണി വികസന ദിനം, ജൂലൈ 15

നൈപുണി വികസന ദിനവുമായി ബന്ധപ്പെട്ട് ലിറ്റിൽ കൈറ്റ്സ് ആഭിമുഖ്യത്തിൽ അനിമേഷൻ അനന്തസാധ്യതകൾ എന്ന വിഷയത്തിൽ ഒരു സെമിനാർ സംഘടിപ്പിച്ചു. ഒമ്പതാം ക്ലാസ് വിദ്യാർത്ഥിയായ അനീഷ് ആണ് ക്ലാസ്സ് എടുത്തത്. അനിമേഷൻ വീഡിയോകൾ കാണിക്കുകയും സ്വന്തമായി അനിമേഷൻ നിർമ്മിക്കാനുള്ള ആപ്പുകൾ പരിചയപ്പെടുത്തുകയും ചെയ്തു. അനിമേഷിന്റെ സാധ്യതകളെക്കുറിച്ച് വിശദീകരിച്ചു.

നൈപുണി വികസനം (Skill Development) എന്നത് വ്യക്തികളുടെ പ്രൊഫഷണൽ, സാങ്കേതിക, സാമൂഹിക, വ്യക്തിത്വ എന്നിവയുമായി ബന്ധപ്പെട്ട നൈപുണികളെ മെച്ചപ്പെടുത്താനുള്ള പ്രക്രിയയാണ്. 1. *പ്രൊഫഷണൽ നൈപുണി*: ജോലിയിൽ ഉന്നതം നേടാൻ ആവശ്യമായ കഴിവുകൾ, ഉദാഹരണത്തിന് കംപ്യൂട്ടർ പ്രോഗ്രാമിംഗ്, അക്കൗണ്ടിംഗ്, മാനേജ്മെന്റ്. 2. *സാങ്കേതിക നൈപുണി*: പ്രത്യേക മേഖലയിലെ സാങ്കേതിക പരിജ്ഞാനം, ഉദാഹരണത്തിന് മെഷീൻ ഓപ്പറേഷൻ, ഇലക്ട്രിക്കൽ വർക്കുകൾ. 3. *വ്യക്തിത്വ വികസനം*: വ്യക്തിത്വത്തിലെ മികവുകൾ, ഉദാഹരണത്തിന് സംവാദ പ്രാവീണ്യം, സമയ നിയന്ത്രണം. 4. *സാമൂഹിക നൈപുണി*: മറ്റുള്ളവരുമായി ചേരാൻ കഴിയുന്ന കഴിവുകൾ, ഉദാഹരണത്തിന് ടീം വർക്ക്, നേട്ടം കൈവരിക്കൽ'

അമൃതം മലയാളം

മലയാളമേ നിന്റെ വാക്കുകൾക്കുള്ളത്ര മധുരം തുടിക്കുന്നതേതു ഭാഷ

വായന പക്ഷാചരണവുമായി ബന്ധപ്പെട്ട് അമൃതം മലയാളം എന്ന പദ്ധതിക്ക് തുടക്കം കുറിച്ചു. വായനയുടെ വസന്തം കുട്ടികളിലേക്ക് എത്തിക്കുന്നതിനായി പത്രവായനെ പ്രോത്സാഹിപ്പിച്ചുകൊണ്ടാണ് ഈ പദ്ധതിക്ക് തുടക്കമിട്ടത്.

പ്രശസ്ത സാമൂഹ്യപ്രവർത്തകനായ ശ്രീ രാമകൃഷ്ണൻ ഉണ്ണിത്താനാണ് ഈ പദ്ധതി ഉദ്ഘാടനം ചെയ്തത്. കുട്ടികളിലേക്ക് വായന എത്തിക്കുന്നതിനുവേണ്ടി വിവിധ പത്രങ്ങൾ അദ്ദേഹം സ്കൂൾതലത്തിൽ സ്പോൺസർ ചെയ്യുകയും ചെയ്തു. റിട്ടയേഡ് അധ്യാപകരായ ഗോപാലകൃഷ്ണൻ സാർ രാജേന്ദ്ര

കുറുപ്പ് എന്നിവർ ആശംസകൾ അറിയിച്ചു. സ്കൂൾ ഹെഡ്മിസ്ട്രസ് പ്രീതകുമാരി ടീച്ചർ  സ്വാഗത പ്രസംഗം നടത്തി. സീനിയർ അസിസ്റ്റന്റ് പ്രീത റാണി കൃതജ്ഞത രേഖപ്പെടുത്തി.

DRAMATIC DIGITAL PRESENTATION

എഡ്വിൻ ആൾഡ്രിൻ എത്തി ഞങ്ങളെ കാണാൻ .

ആകാംക്ഷയും അത്ഭുതവും ഒത്തുചേർന്ന നിമിഷങ്ങൾ.

ചാന്ദ്രദിനവുമായി ബന്ധപ്പെട്ട ഒരു ഡ്രാമാറ്റിക് ഡിജിറ്റൽ പ്രസന്റേഷൻ സ്കൂൾതലത്തിൽ നടത്തുകയുണ്ടായി. നാലു ലക്ഷം കിലോമീറ്റർ അകലെയുള്ള ചന്ദ്രനിൽ ഇറങ്ങുക. അവിടെ നിന്നും സുരക്ഷിതരായി തിരിച്ചു വരിക. മനുഷ്യ രാശിയുടെ ചരിത്രത്തിൽ എക്കാലത്തെയും ആവേശം കൊള്ളിച്ച സംഭവ ബഹുലമായ ഈ ശാസ്ത്ര നേട്ടം ഒട്ടും ചോരാതെ അനുഭവിക്കാൻ കഴിയുന്ന തരത്തിൽ ചിട്ടപ്പെടുത്തിയDramatic Digital Presentation ആണ് in APOLLO 11 എന്ന ഈ പരിപാടി.

സാധാരണ ക്ലാസ്സ്‌ സ്റ്റൈലിൽ നിന്നും വിഭിന്നമായി ' കഥാപാത്രം ' ( ചന്ദ്രനിൽ ഇറങ്ങിയ രണ്ടാമൻ എഡ്വിൻ ആൽഡിറിൻ ) 55 വർഷങ്ങൾക്കു മുമ്പ് നടന്ന സംഭവങ്ങൾ ഓർത്തെടുക്കുന്ന രീതിയിൽ നാടകീയമായി ആണ് പ്രോഗ്രാം അവതരിപ്പിക്കുന്നത്.

*പ്രോഗ്രാം നിർമ്മാണം *
EINSAT 
അവതരണം
DHANOJ NAIK 
വിദ്യാഭ്യാസ പ്രവർത്തകൻ ,

പാരിൽ പാരീസ്

തെളിയട്ടെ ദീപം ഒളിമ്പിക്സിനോട് ഐക്യദാർഢ്യം പ്രഖ്യാപിച്ചുകൊണ്ട് ഞങ്ങളുടെ കുട്ടികളും ദീപശിഖ തെളിയിച്ചു. സ്കൂൾ ഹെഡ്മാസ്റ്റർ പ്രീതകുമാരി ടീച്ചർ ദീപശിഖ കുട്ടികൾക്ക് കൈമാറി. തുടർന്ന് സ്കൂൾ അസംബ്ലിയിൽ സംസ്ഥാന സ്കൂൾ ഒളിമ്പിക്സ് വിളംബര പ്രതിജ്ഞ കുട്ടികൾ എടുക്കുകയും ചെയ്തു. ബഹുമാനപ്പെട്ട പൊതുവിദ്യാഭ്യാസ വകുപ്പ് മന്ത്രിയുടെ സന്ദേശം കാർത്തിക സ്കൂൾ അസംബ്ലിയിൽ അവതരിപ്പിച്ചു. പാരീസ് ഒളിമ്പിക്സിയുമായി ബന്ധപ്പെട്ട പ്രധാന കാര്യങ്ങൾ ഉൾപ്പെടുത്തി പാരിസിലേക്കു ഒരു സ്വപ്‌ന യാത്ര പതിപ്പ് തയ്യാറാക്കാൻ നിർദ്ദേശിക്കുകയും ചെയ്തു.

ഒരുമിക്കാം ലഹരിക്കെതിരെ

ലഹരിക്കെതിരെഒരുബോധവൽക്കരണക്ലാസ്.

കുട്ടികൾക്കും രക്ഷിതാക്കൾക്കും ആയി ലഹരി ഉപയോഗിക്കുന്നതിന്റെ ദോഷവശങ്ങൾ ഉൾക്കൊള്ളിച്ചുകൊണ്ടുള്ള ഒരു ബോധവൽക്കരണ ക്ലാസ് നടത്തി .അടൂർ എക്സൈസ് ഓഫീസിലെ ഇൻസ്പെക്ടർ ആയ ഹരീഷ് കുമാർ സാറാണ് ബോധവൽക്കരണം ക്ലാസ് നടത്തിയത്.

എക്സൈസ് ഓഫീസർ ആയ സുരേഷ് കുമാർ സാർ എല്ലാ കുട്ടികൾക്കും ആശംസകൾ അറിയിച്ചു.സ്റ്റാഫ് സെക്രട്ടറി സിന്ധു ജി നായർ സ്വാഗത പ്രസംഗം നടത്തി.കൺവീനർ ജയശ്രീ പി കെ നന്ദി രേഖപ്പെടുത്തി.

പഠിക്കട്ടെ കാർഷിക പാഠങ്ങൾ

നടുമുറ്റം പച്ചക്കറി തോട്ടമാക്കി മാറ്റി കുരുന്നുകൾ

പരിസ്ഥിതി ദിനത്തിൽ നട്ട പച്ചക്കറി വിത്തുകൾ മുളച്ച് വിളവെടുക്കാൻ പാക മായി വരുന്നു. എല്ലാദിവസവും കുട്ടികൾ അതിനെ പരിപാലിക്കുന്നുണ്ട് സമയം കണ്ടെത്തി വെള്ളം ഒഴിക്കുകയും വളം ചെയ്യുകയും ചെയ്യുന്നു.

സ്കൂൾ ഉച്ചഭക്ഷണത്തിന് വേണ്ടെന്ന് എല്ലാ പച്ചക്കറികളും ഇവിടെത്തന്നെയാണ് കൃഷി ചെയ്തുവരുന്നത്. വെണ്ട പയർ തക്കാളി വഴുതന മുളക് എന്നിവയെല്ലാം ഇവിടെകൃഷി ചെയ്യുന്നു.കുട്ടികൾ തന്നെ ഇതിന്റെ പരിപാലനം ഏറ്റെടുക്കുകയുംസംരക്ഷണം നൽകുകയും ചെയ്തുവരുന്നു.പന്തളം തെക്കേക്കര കൃഷിഭവനിൽ നിന്നുള്ള സഹായവും സഹകരണവും ഞങ്ങൾക്ക് ലഭിക്കാറുണ്ട്.

വയനാടിനെ ചേർത്തുപിടിക്കാം.

വയനാട് ദുരന്തം പത്ര വാർത്തകൾ വായിക്കാൻ അവസരം നൽകുന്നു

വയനാട് ദുരന്തം പത്ര വാർത്തകൾ വായിക്കാൻ അവസരം നൽകുന്നു

സമാനതകളില്ലാത്ത ദാരുണ സംഭവം.

വയനാട്ടിലെ മുണ്ടക്കൈയിലും ചൂരൽ മലയിലും ഉണ്ടായഉരുൾ പൊട്ടൽ.........

വയനാടിന്റെ സങ്കടങ്ങളിൽ ഞങ്ങളും പങ്കുചേരുന്നു. കണ്ടും കേട്ടും വാർത്തകളിൽ കൂടിയുള്ള ഒരു യാത്ര.

മൺമറഞ്ഞുപോയ മനുഷ്യരുടെ ആത്മശാന്തിക്ക് വേണ്ടി പ്രാർത്ഥിച്ചു കൊണ്ട് മൗന ആചരണം നടത്തി.എന്തുകൊണ്ടാണ് ഉരുൾപൊട്ടൽ ഉണ്ടാവുന്നത്? അതിന് ചെയ്യേണ്ട മുൻകരുതലുകൾ എന്തെല്ലാം ?പെട്ടെന്ന് കോണ്ടാക്റ്റ് ചെയ്യേണ്ട നമ്പറുകൾ ഏതെല്ലാം.?തുടങ്ങിയവയെക്കുറിച്ച് ഹെഡ്മിസ്ട്രസ് പ്രീതകുമാരി ടീച്ചർ വിശദീകരിച്ചു.

ലിറ്റിൽ കൈറ്റ്സ് കുട്ടികളുടെ നേതൃത്വത്തിൽ കണ്ടും കേട്ടും അറിഞ്ഞ വാർത്തകൾ ഉൾപ്പെടുത്തി ഒരു ഡോക്യുമെന്ററി തയ്യാറാക്കി.

തുണികളിൽ വിരിഞ്ഞു വിവിധ വർണ്ണങ്ങൾ

പഠനത്തോടൊപ്പം മറ്റു പാഠ്യേതര വിഷയങ്ങളിലും പരിശീലനം ലഭിക്കുന്നു svhsലെ കുട്ടികൾക്ക്. പ്രവർത്തിപരിചയ വിഭാഗത്തിലാണ് പരിശീലന പരിപാടി സംഘടിപ്പിച്ചത്. സ്കൂൾ പ്രവർത്തി പരിചയ ക്ലബ്ബിന്റെ നേതൃത്വത്തിൽ റിട്ടയേഡ് അധ്യാപികയായ സാലമ ടീച്ചറാണ് വിവിധ മേഖലകളിൽ കുട്ടികൾക്ക് പരിശീലനം നൽകിയത്.ശാസ്ത്രമേളകൾക്ക് മുന്നോടിയായിട്ടാണ് ഈ പരിശീലനം പരിപാടി സ്കൂൾ തലത്തിൽ സംഘടിപ്പിച്ചത്.താല്പര്യമുള്ള കുട്ടികളെ കണ്ടെത്തിയും അവർക്ക് വിവിധ മേഖലകളിൽ പരിശീലനം നൽകുകയും ചെയ്തു. ഫാബ്രിക് പെയിന്റിംഗ് ബുക്ക് പെയിന്റിംഗ് പേപ്പർ ക്രാഫ്റ്റ് തുടങ്ങിയ പല മേഖലകളിൽ കുട്ടികൾക്ക് പരിശീലനം ലഭിച്ചു.

നശ മുക്ത് ഭാരത് അഭിയാൻ

കേന്ദ്ര സാമൂഹിക ശാക്തീകരണ വകുപ്പ് മന്ത്രാലയം നശ മുക്ത് ഭാരത് അഭിയാൻ പദ്ധതിയുടെ ഭാഗമായി സ്വാതന്ത്ര്യത്തിന്റെ 78 വാർഷികത്തോടനുബന്ധിച്ച് പന്ത്രണ്ടാം തീയതി സ്കൂളിൽ ലഹരിക്കെതിരെ കൂട്ടായ പ്രതിജ്ഞ എടുത്തു. മയക്കുമരുന്ന് എത്രത്തോളം മോശമാണെന്നും അവ ആരോഗ്യത്തെയും ജീവിതത്തെയും എങ്ങനെ ദോഷകരമായി ബാധിക്കുന്നു എന്നതിനെക്കുറിച്ച് ഹെഡ്മിസ്ട്രസ് പ്രീതകുമാരി കുമാരി ടീച്ചർ അസംബ്ലിയിൽ വിവരിച്ചു.

സാമൂഹ്യനീതി, ശാക്തീകരണ മന്ത്രാലയം 2020-ൽ ആരംഭിച്ച നശ മുക്ത് ഭാരത് അഭിയാൻ, ഇന്ത്യയിൽ വ്യാപകമായ ലഹരിവസ്തുക്കളുടെ ദുരുപയോഗത്തെ ചെറുക്കുന്നതിനുള്ള ഒരു പയനിയറിംഗ് സംരംഭമായി ഉയർന്നു. സാമൂഹ്യനീതി & ശാക്തീകരണ വകുപ്പിൻ്റെ നേതൃത്വത്തിൽ നടക്കുന്ന ഈ പരിവർത്തന കാമ്പെയ്ൻ ആസക്തിയുടെ പിടിയിൽ നിന്ന് മുക്തമായ ഒരു സമൂഹത്തെ സൃഷ്ടിക്കാനുള്ള ശ്രമത്തിൽ പ്രതീക്ഷയുടെ പ്രകാശമായി നിലകൊള്ളുന്നു. ബോധവൽക്കരണ പരിപാടികൾ, കൗൺസിലിംഗ് സേവനങ്ങൾ, ശേഷി വർദ്ധിപ്പിക്കൽ എന്നിവ ഉൾക്കൊള്ളുന്ന സമഗ്രമായ സമീപനത്തിലൂടെ, ലഹരിവസ്തുക്കളുടെ ആശ്രിതത്വത്തിൻ്റെ ദുഷിച്ച ചക്രത്തിൽ നിന്ന് മോചനം നേടാൻ വ്യക്തികളെ ശാക്തീകരിക്കാൻ നഷാ മുക്ത് ഭാരത് അഭിയാൻ ശ്രമിക്കുന്നു.

അഭിമാനത്തോടെ, ഹൃദയംനിറഞ്ഞ് ആശംസിക്കാം ഈ സ്വാതന്ത്ര്യ ദിനം

78മത് സ്വാതന്ത്ര്യ ദിനം ആഘോഷിക്കാൻ ഒരുങ്ങുകയാണ് രാജ്യം

സ്വാതന്ത്ര്യദിനം നമ്മുടെ സ്വാതന്ത്ര്യത്തിന്റെയും ജനാധിപത്യത്തിന്റെയും മൂല്യങ്ങളെ ഓർമ്മിപ്പിക്കുന്ന ഒരു ദിവസമാണ്. സമത്വം, നീതി, സാഹോദര്യം എന്നീ ആശയങ്ങളെ പ്രോത്സാഹിപ്പിക്കാനും രാജ്യത്തിന്റെ പുരോഗതിക്കായി ഒരുമിച്ച് പ്രവർത്തിക്കാനും ഈ ദിവസം നമ്മെ പ്രചോദിപ്പിക്കുന്നു.

സ്വാതന്ത്ര്യ ദിന ആഘോഷം വളരെ സമുചിതമായി ആഘോഷിച്ചു .ഹെഡ്മിസ്ട്രസ് പ്രീത കുമാരി ടീച്ചർ ദേശീയ പതാക ഉയർത്തിക്കൊണ്ട് പരിപാടികൾക്ക് തുടക്കം കുറിച്ചു. തുടർന്ന് കുട്ടികളുടെ വിവിധ കലാപരിപാടികൾ നടന്നു .ദേശഭക്തിഗാനം മത്സരവും പ്രസംഗം മത്സരവും  നടത്തി. സ്വാതന്ത്ര്യസമര സേനാനികളുടെ ചിത്രം പ്രദർശിപ്പിച്ചു. സാന്ദ്ര ദിനവുമായി ബന്ധപ്പെട്ട ക്വിസ് പ്രോഗ്രാം നടത്തി

ദേശീയ ബഹിരാകാശ ദിനം

ഇന്ത്യ ചന്ദ്രനിലെത്തിയിട്ട് ഒരാണ്ട്; ആദ്യ ദേശീയ ബഹിരാകാശ ദിനം

ഇന്ത്യ ചന്ദ്രനിൽ എത്തിയിട്ട് ഒരാണ്ട് തികയുന്ന ഇന്ന് ഇന്ത്യ ആദ്യത്തെ ദേശീയ ബഹിരാകാശ ദിനം ആഘോഷിക്കുകയാണ്. ചന്ദ്രയാൻ-3 ദൗത്യത്തിൻ്റെ ചരിത്രവിജയത്തെത്തുടർന്ന് ഇന്ത്യയുടെ ബഹിരാകാശ യാത്രയിലെ സുപ്രധാന നാഴികക്കല്ലാണ് ഈ ദിനം. ആഗസ്റ്റ് 23 ന് വൈകുന്നേരം 6:04 നാണ് ചന്ദ്രന്റെ ദക്ഷിണ ധ്രുവമേഖലയിൽ ‘വിക്രം’ ലാൻഡർ ചരിത്രപരമായ ‘സോഫ്റ്റ് ലാൻഡിംഗ്’ നടത്തിയത്.

ചന്ദ്രനിൽ ഇറങ്ങുന്ന നാലാമത്തെ രാജ്യമായും അതിൻ്റെ ദക്ഷിണ ധ്രുവമേഖലയ്ക്ക് സമീപം ഇറങ്ങിയ ആദ്യ രാജ്യമായും ഇന്ത്യ മാറിയ ദിനം. ഈ ശ്രദ്ധേയമായ നേട്ടത്തോടെ, ബഹിരാകാശ പര്യവേഷണത്തിൽ ഇന്ത്യയുടെ വർദ്ധിച്ചുവരുന്ന വൈദഗ്ധ്യത്തെ അനുസ്മരിച്ചുകൊണ്ട് ഓഗസ്റ്റ് 23 ദേശീയ ബഹിരാകാശ ദിനമായി ഔദ്യോഗികമായി പ്രഖ്യാപിച്ചു.

ദേശീയ ബഹിരാകാശ ദിനവുമായി ബന്ധപ്പെട്ട് പോസ്റ്റർ രചന മത്സരം നടത്തി കുട്ടികളെ ഉൾപ്പെടുത്തി കൊണ്ടാണ് ഈ പരിപാടി നടത്തിയത് വിജയികളെ സെലക്ട് ചെയ്യുകയും ചെയ്തു. ഇന്ത്യ യാത്രകളും വെല്ലുവിളികളും എന്ന വിഷയത്തിൽ സെമിനാർ സംഘടിപ്പിച്ചു. ആകാശ വിസ്മയങ്ങളെ കോപ്പിയെടുക്കുന്നതിനുവേണ്ടി ആസ്ട്രോ ഫോട്ടോഗ്രാഫി എന്ന പരിപാടിയും സംഘടിപ്പിച്ചു. ലൂണാർ മിഷൻ എന്ന വിഷയത്തിൽ ക്വിസ് പ്രോഗ്രാം ആഗസ്റ്റ് 23ന് നടത്തി

ഞങ്ങളും വോട്ടു ചെയ്തു

ഈ വർഷത്തെ സ്കൂൾ പാർലമെന്റ് ഇലക്ഷൻ വോട്ടിംഗ് മെഷീൻ ഉപയോഗിച്ചുകൊണ്ടുള്ളതായിരുന്നു. കുട്ടികൾക്ക് ഏറെ കൗതുകകരമായിരുന്നു ഇത്. നോമിനേഷൻ സ്വീകരിക്കുന്നത് മുതൽ വോട്ടെണ്ണൽ വരെയുള്ള എല്ലാ പ്രക്രിയകളിലും ലിറ്റിൽ കൈറ്റ്സ് കുട്ടികളുടെ സഹായവും ഇടപെടലും ഉണ്ടായിരുന്നു.

ചീഫ് ഇലക്ടറിൽ ഓഫീസർ ഹെഡ്മിസ്ട്രസ് പ്രീതാകുമാരി ടീച്ചർ ആയിരുന്നു. സ്കൂൾ പാർലമെന്റ് തിരഞ്ഞെടുപ്പ് മോണിറ്റർ ചെയ്തിരുന്നത് എസ് ആർ ജി കൺവീനറായ ജയശ്രീ ടീച്ചർ ആയിരുന്നു. നാമനിർദ്ദേശപത്രിക സ്വീകരിച്ചുകൊണ്ട് പാർലമെന്റ് ഇലക്ഷന്റെ പ്രവർത്തനങ്ങൾആരംഭിച്ചു . തുടർന്ന് സൂക്ഷ്മ പരിശോധനയിലൂടെ മത്സരാർത്ഥികളുടെ ലിസ്റ്റ് പ്രസിദ്ധീകരിക്കുകയും ചെയ്തു.വോട്ടിംഗ് മെഷീൻ സജ്ജമാക്കുന്ന ജോലി പത്താം ക്ലാസിലെ ലിറ്റിൽ കൈററ്‌സ് കുട്ടികളെ ഏൽപ്പിച്ചു. ഓരോ ക്ലാസ് അടിസ്ഥാനത്തിൽ മത്സരാർത്ഥികളുടെ പേര് ലാപ്ടോപ്പിലോട്ട് അപ്‌ലോഡ്ചെയ്തു കൊണ്ട് മെഷീൻ സജ്ജമാക്കുകയും ചെയ്തു. ലിറ്റിൽ കൈറ്റ്‌സിന്റെ കുട്ടികൾ തന്നെ വോട്ട് ചെയ്യേണ്ടത് എങ്ങനെയാണെന്ന് മറ്റു കൊച്ചുകുട്ടികൾക്ക് വിശദീകരിച്ചു കൊടുത്തു. വോട്ടിംഗ് മെഷീനിലെ ബീപ് ശബ്ദം കുട്ടികൾക്ക് ഏറെ കൗതുകകരമായിരുന്നു.

പതിനാറാം തീയതി കൃത്യം 11 മണിക്ക് തന്നെ വോട്ട് ആരംഭിക്കുകയും ഒരു മണിയോടുകൂടി അവസാനിക്കുകയും ചെയ്തു ഉച്ചയ്ക്ക് ശേഷം ക്ലാസ് ലീഡേഴ്‌സിനെ തിരഞ്ഞെടുത്തു. സ്കൂൾ ലീഡർ ആയി ആർച്ച് രാജനെയും സ്പീക്കറായി ശ്രീലാലിനെയും തിരഞ്ഞെടുത്തു . തെരഞ്ഞെടുക്കപ്പെട്ട ഭാരവാഹികളുടെ പ്രഥമയോഗം ചേരുകയും സത്യപ്രതിജ്ഞയിലൂടെ അവർ തങ്ങളുടെ കടമകൾ പൂർണമായി ചെയ്യുമെന്നും വിദ്യാലയത്തിന്റെ പുരോഗതിക്ക് വേണ്ടുന്ന പ്രവർത്തനങ്ങൾ നടത്തുമെന്നും പ്രഖ്യാപിച്ചുകൊണ്ട് തങ്ങളുടെ പ്രവർത്തനങ്ങളിലേക്ക് കടക്കുകയും ചെയ്തു.

മണ്ണടിയിലേക്ക് ഒരു പഠന യാത്ര

എത്ര പറഞ്ഞാലും തീരാത്ത ചരിത്ര കഥകൾ നിറഞ്ഞ ഗ്രാമമാണ് മണ്ണടി .വേലുത്തമ്പി ദളവ വീര മൃത്യു മരിച്ച മണ്ണടി, ഉച്ചബലി നടക്കുന്ന മണ്ണടിക്ഷേത്രം ,കാമ്പിത്താൻ നട ഇങ്ങനെ പോകുന്നു മണ്ണടിയുടെ വിശേഷങ്ങൾ

ഓഗസ്റ്റ് 15 സ്വാതന്ത്ര്യ ദിനം ...... അന്നേദിവസം തന്നെസ്വാതന്ത്ര്യ സമര സേനാനിയായി ധീര ദേശാഭിമാനി വേലുത്തമ്പി ദളവ ജീവത്യാഗം ചെയ്ത മണ്ണടി എന്ന് പറയുന്ന പ്രദേശത്തേക്ക് ഒരു പഠനയാത്ര നടത്തി.

കേരള ചരിത്രത്തിലെ തന്നെ ഒരു പ്രധാന സംഭവം അരങ്ങേറിയ സ്ഥലമാണ് മണ്ണടി .വേലുത്തമ്പി ദളവ ബ്രിട്ടീഷ് സാമ്രാജ്യത്തിന് പിടികൊടുക്കാതെ ജീവത്യാഗം ചെയ്ത മണടി ക്ഷേത്രത്തിനു സമീപമുള്ള ചേന്ദമംഗലം മഠം ഞങ്ങൾ സന്ദർശിച്ചു,മണ്ണടിയിൽ പ്രസിദ്ധമായ വേലുത്തമ്പി ദളവ മ്യൂസിയം സ്ഥിതി ചെയ്യുന്നു .മ്യൂസിയത്തിൽ സമീപമുള്ള കല്ലടയാറ്റിൽ നിന്നും മണൽ വാരുന്നവർക്ക് ലഭിച്ച 500 വർഷം പഴക്കമുള്ള ബുദ്ധ പ്രതിമ സൂക്ഷിച്ചിരിക്കുന്നു ഇത് മ്യൂസിയത്തിന്റെ ഒരു പ്രധാന ആകർഷണമാണ്.

ചരിത്രപ്രസിദ്ധമായ മണ്ണടി ക്ഷേത്രം.

മണ്ണടി ഭഗവതിയുടെ സാന്നിധ്യമുള്ള 4 ക്ഷേത്രങ്ങൾ ഇവിടെയുണ്ട് പഴയകാവ് പുതിയകാവ് മൂടിപ്പുര തൃക്കൊടി ദേവീക്ഷേത്രം എന്നിവ

കാമ്പിത്താൻ മണ്ഡപം

മണ്ണടിക്കാവിലെ വെളിച്ചപ്പാടായ സ്ഥിതികളും ജനങ്ങളിൽ ഉള്ള സ്വാധീനവും വലുതായിരുന്നു കല്ലടയാറിന്റെ തീരത്തിലയിൽ തീർത്ത ശില്പങ്ങളും കൊത്തുപണികളും ഉള്ള സംവിധാനം മണ്ഡപം അത്ഭുതപ്പെടുത്തുന്ന ഒന്നാണ്.

വേലുത്തമ്പി ദളവ സ്മാരകം

ശത്രുക്കളുടെ മാനഹാനി സംഭവിക്കാതിരിക്കാൻ വെലുത്തമ്പി വേഷ പ്രജനനായി പലയിടത്ത് സഞ്ചരിച്ചു ധീര ദേശാഭിമാനിയും ബ്രിട്ടീഷ് ആധിപത്യത്തിനെതിരെ പടപൊരുതി ജീവർപണം ചെയ്ത പോരാളിയുമായ വേലുത്തമ്പി ദളവയുടെ സ്മരണാർത്ഥം മണ്ണടിയിൽ ചരിത്രം മ്യൂസിയവും പൂർണകാ യ പ്രതിമയും സ്ഥാപിച്ചിട്ടുണ്ട്.

അരവയ്ക്കൽചാണി ഗുഹ

പാണ്ഡവർ വനവാസകാലത്ത് ഒളിവിൽ കഴിഞ്ഞിരുന്ന ഐതിഹ്യമുള്ള ഗുഹയാണ് ഇത്

സ്കൂൾ ഒളിമ്പിക്സ്

സ്കൂൾതല ഒളിമ്പിക്സിന് തിരിതെളിഞ്ഞു. വിവിധ മത്സരങ്ങളിലായി 80 ഓളം കുട്ടികളാണ്  ഇവിടെ പങ്കെടുത്തത്. ഈ കായികമേളയുടെ ഉദ്ഘാടനം ഹെഡ്മിസ്ട്രസ് പ്രീ താകുമാരി ടീച്ചർ നിർവഹിച്ചു. ഈ കായികമേളയുടെ കൺവീനർ ഹേമ ടീച്ചർ ആയിരുന്നു

100 മീറ്റർ, 200 മീറ്റർ, 400 മീറ്റർ, റിലെ ,ഹൈജമ്പ് ,ലോങ്‌ ജമ്പ് ,ഡിസ്കസ് ത്രോ, ജാവലിൻ ത്രോ ഷോട്ട്പുട്ട് ഇനങ്ങൾ ആയിരുന്നു മത്സരത്തിന് ഉണ്ടായിരുന്നത്.

വിവിധ മത്സരങ്ങളിൽ വിജയിച്ച കുട്ടികൾക്ക് സമ്മാന വിതരണവും നടത്തി.

National Achievement Test

NAS

• 

അദ്ധ്യാപകദിനാഘോഷം

സെപ്റ്റംബർ 5 അധ്യാപകദിനം

ആദ്യാക്ഷരം പകർന്ന് നൽകുന്ന ഗുരുക്കന്മാർക്കായി ഒരു ദിനം .അധ്യാപനത്തിന്റെ മഹത്വത്തെ തിരിച്ചറിയാനും വിദ്യാർഥികളുടെ പ്രിയ ഗുരുനാഥന്മാരെ പ്രണമിക്കാനുമുള്ള സുവർണദിനം. സർവേപള്ളി രാധാകൃഷ്ണന്റെ പിറന്നാൾ ദിവസമാണ് ഇന്ത്യ അധ്യാപക ദിനമായി ആചരിക്കുന്നത്.1962 മുതൽ ഭാരതമൊട്ടാകെ അധ്യാപകദിനമായി ആചരിച്ചുപോരുന്നു.

ഈ അധ്യാപക ദിനത്തിൽ ദിനത്തിൽ ഡിജിറ്റൽ പോസ്റ്റർ തയ്യാറാക്കിഎസ് വി എച്ച് എസ് പൊങ്ങ ലടി സ്കൂളിലെ ലിറ്റിൽ കൈറ്റസ് കുട്ടികൾ.

തന്റെ പ്രിയപ്പെട്ട അധ്യാപകർക്ക് സന്ദേശങ്ങൾ ഡിജിറ്റൽ ആയി തയ്യാറാക്കി കുട്ടികൾ.അധ്യാപക ദിന സന്ദേശങ്ങൾ ഉൾക്കൊള്ളുന്ന ഡിജിറ്റൽ പോസ്റ്റർ കുട്ടികൾ തന്നെ തയ്യാറാക്കി അധ്യാപകർക്ക് അയച്ചു നൽകി.

ഇങ്കസ്‌കേപ് സോഫ്റ്റ്‌വെയറിന്റെ സഹായത്തിലാണ് കുട്ടികൾ ഈ പോസ്റ്റർ തയ്യാറാക്കിയത്. എല്ലാ അധ്യാപകർക്കും വാട്സ്ആപ്പ് വഴി ഈ സന്ദേശം കൈമാറുകയും ചെയ്തു.