ഒ എൽ സി ജി എൽ പി എസ്, പള്ളുരുത്തി/പ്രവർത്തനങ്ങൾ

പ്രവേശനോത്സവ റിപ്പോർട്ട്

എസ്.ആർ.ജി യോഗത്തിൽ തീരുമാനിച്ചത് അനുസരിച്ച് നവാഗതരെ സ്വീകരിക്കുന്നതിന് ക്ലാസ് മുറികളും വിദ്യാലയ പരിസരവും മോഡി ആക്കാനുള്ള പ്രവർത്തനങ്ങൾ ആരംഭിച്ചു.30.5. 22 അധ്യാപകർ ക്ലാസ് മുറികൾ വർണ്ണകടലാസ്, ബലൂൺ ,ചാർട്ട് എന്നിവകൊണ്ട് മോടി പിടിപ്പിച്ചു.31. 5. 22 പിടിഎ അംഗങ്ങളുടെ സഹകരണത്തോടെ വിദ്യാലയവും പരിസരവും ഭംഗിയാക്കി.വിവിധ തരത്തിലുള്ള വെളളകളാണ് അലങ്കാര പ്രവർത്തനങ്ങൾക്ക് ഉപയോഗിച്ചത്.കൂടാതെ നവാഗതർക്ക് നൽകുന്നതിനായി അധ്യാപകർ പൂക്കൾ നിർമ്മിക്കുകയും ചെയ്തു.1 -6 -2022 വിദ്യാലയമുറ്റത്തേക്ക് കടന്നുവന്ന കുരുന്നുകൾക്ക് പൂക്കളും മിഠായി നൽകി സ്വീകരിച്ചു.10 മണിക്ക് പ്രവേശനോത്സവത്തിന്റെ ഭാഗമായി ഒ.എൽ. സി .ജി .എച്ച് .എസ് അങ്കണത്തിൽ നടന്ന പൊതുയോഗത്തിൽ സ്കൂൾ മാനേജർ സിസ്റ്റർ മോളി അലക്സ് അധ്യക്ഷയായിരുന്നു .ശ്രുതിമധുരമായ ഈശ്വര പ്രാർത്ഥനയ്ക്കുശേഷം മട്ടാഞ്ചേരി A .C .P ശ്രീ .രവീന്ദ്രനാഥ് പൊതുയോഗം ഉദ്ഘാടനം ചെയ്തു.

സർവ്വമത പ്രാർത്ഥനയ്ക്കുശേഷംഎൽ പി വിഭാഗം വിദ്യാർഥിനികളുടെ ശലഭനൃത്തവും, ഹൈസ്കൂൾ വിദ്യാർഥികളുടെ പ്രവേശനോത്സവ ഗാനവും ഏവരെയും ആഹ്ലാദിപ്പിച്ചു .സിസ്റ്റർ ലിസി ചക്കാലക്കൽ (പ്രിൻസിപ്പാൾ ഒ.എൽ. സി.ജി .എച്ച്. എസ്. )സിസ്റ്റർ ബീന (എച്ച് എം ഒ .എൽ .സി ജി .എൽ .പി)ഫാദർ ഡൊമിനിക്,ശ്രീ .സുമിത് ജോസഫ് (പിടിഎ എച്ച് എസ് ) ശ്രീ .റോണി റാഫേൽ (പി .ടി .എ . എൽ .പി )എന്നിവർ ആശംസകൾ നേർന്നു. ശ്രീമതി .പ്രീത ടീച്ചറുടെ നന്ദി അർപ്പണത്തോടെ യോഗം സമാപിച്ചു.ശുഭാരംഭത്തിന്റെ ഭാഗമായി കുട്ടികൾക്ക് പായസം നൽകി.

ലോക പരിസ്ഥിതി ദിനാചരണ റിപ്പോർട്ട് 2022- 23

ജൂൺ 5 ലോക പരിസ്ഥിതി ദിനത്തോടനുബന്ധിച്ച് ഒട്ടേറെ പുതുമയാർന്ന പ്രവർത്തനങ്ങൾ നടത്തപ്പെടുകയുണ്ടായി. ഒരേ ഒരു ഭൂമി എന്നതായിരുന്നു ഈ വർഷത്തെ പരിസ്ഥിതി ദിന സന്ദേശം .ഈ സന്ദേശം സ്കൂളിലെ ഓരോ കുട്ടികളിലും എത്തിക്കുവാൻ ഉതകുന്ന പ്രവർത്തനങ്ങൾ യോഗം ചേർന്ന് തീരുമാനിക്കുകയുണ്ടായി .പരിസ്ഥിതിയെയും സഹജീവികളെയും സ്നേഹിക്കുക , പരിപാലിക്കുക, പാഴാക്കാതെ ആവശ്യത്തിന് മാത്രം പ്രകൃതിവിഭവങ്ങൾ ഉപയോഗിക്കുക എന്ന ചിന്തകൾ കുട്ടികളിൽ ഉദ്ദീപിപ്പിക്കുന്നതിനുതകുന്ന വിവിധങ്ങളായ പ്രവർത്തനങ്ങൾ ചർച്ചയിലൂടെ കണ്ടെത്തുകയുണ്ടായി. ജൂൺ 5 ഞായറാഴ്ച ആയതിനാൽ ദിനാഘോഷം ജൂൺ 6 ന് നടത്താമെന്ന് തീരുമാനിച്ചു. PTA യുടെ സഹായത്തോടെ സ്കൂൾ അലങ്കാരങ്ങൾ മാവില കൊണ്ട് ഭംഗിയാക്കുകയും ആകർഷകമായും നടത്തി .കുട്ടികളുടെ ബാഡ്ജ് ധരിച്ചും പ്ലക്കാർഡുകൾ നിർമ്മിച്ചും സ്കൂളിൽ എത്താനുള്ള നിർദ്ദേശങ്ങൾ നൽകി.

പരിസ്ഥിതി ദിനാഘോഷത്തിന് അനുബന്ധിച്ച് പ്രത്യേക യോഗം ചേരുകയും ഈശ്വര പ്രാർത്ഥനയുടെ യോഗം ആരംഭിച്ചു . ക്രിസ്റ്റിന ടീച്ചർ ഏവർക്കും സ്വാഗതം ആശംസിച്ചു. തുടർന്ന് ലോക പരിസ്ഥിതി ദിനത്തെക്കുറിച്ച് കുട്ടികൾക്ക് ഒരു ധാരണ നൽകുകയും ചെയ്തു . പ്രധാനാധ്യാപിക സിസ്റ്റർ ബീനയും രണ്ടു കുട്ടികളും ചേർന്ന് ഒരു ചെടി നട്ടുകൊണ്ടാണ് പരിസ്ഥിതി ദിനാഘോഷങ്ങൾക്ക് തുടക്കം കുറിച്ചത്. പതിവിൽ നിന്ന് വ്യത്യസ്തമായി ഒരു ചെടിനടൽ പ്രക്രിയ എങ്ങനെയെന്നും ഇതിന്റെ ഘട്ടങ്ങൾ എപ്രകാരം എന്നും വിശദീകരിക്കുകയും കുട്ടികളെ ഇതിൽ പങ്കുകാരാക്കുകയും ചെയ്തു. മണ്ണൊരുക്കൽ എങ്ങനെ എന്ന് കുട്ടികളിൽ അവബോധം സൃഷ്ടിക്കുന്നതിനായി മണ്ണ് ,ചാണകപ്പൊടി , ചകിരിച്ചോറ് ,ചെറിയ ഓട് കഷണം ഇവയെല്ലാം വെവ്വേറെ തയ്യാറാക്കി വച്ചിരുന്നു തത്സമയം തന്നെ ഇവയെല്ലാം ചേർത്ത് മണ്ണൊരുക്കുകയും ചെടി നട്ട് ഉദ്ഘാടനം നിർവഹിക്കുകയും ചെയ്തു.തൊട്ടടുത്ത ദിവസം തന്നെ കുട്ടികൾ ഓരോ ചെടി വീതം നടണമെന്ന് നിർദ്ദേശിച്ചു.തുടർന്ന് കുട്ടികൾ തയ്യാറാക്കി കൊണ്ടുവന്ന പ്ലക്കാർഡുകളും പോസ്റ്ററുകളും കയ്യിലേന്തി പരിസ്ഥിതി ദിന റാലി മുദ്രാവാക്യങ്ങളുടെ അകമ്പടിയോടെ നടത്തുകയുണ്ടായി. സ്കൂളിലെ HSവിഭാഗം അധ്യാപകരും കുട്ടികളും ചേർന്ന് പരിപാലിച്ചുവരുന്ന ജൈവവൈവിധ്യ ഉദ്യാനത്തിലേക്ക് ഫീൽഡ് ട്രിപ്പ് നടത്തുകയും വൈവിധ്യമാർന്ന സസ്യങ്ങൾ നിരീക്ഷിക്കുകയും ചെയ്തു.ഒരേ ഒരു ഭൂമി എന്ന പേരിൽ പരിസ്ഥിതി സംരക്ഷണ സന്ദേശ ഉൾക്കൊള്ളുന്ന ഒരു നാടകവും അവതരിപ്പിച്ചു .മൂന്നാം ക്ലാസിലെ കൊച്ചു മിടുക്കികളാണ് നാടകം അവതരിപ്പിച്ചത് . ഭൂമിയായും ദേവിയായും വൃക്ഷങ്ങളും വിവിധതരം മൃഗങ്ങളും ചേരുന്ന കാടയും കൊക്കമാവനായും മീൻ കുട്ടനും മണ്ണിരയും കുഴിയാനയും മരം വെട്ടുകാരായുമൊക്കെ കുട്ടികൾ അഭിനയിച്ചുകൊണ്ട് പരിസ്ഥിതി ദിന സന്ദേശം കുരുന്നുകളിൽ എത്തിക്കുകയുണ്ടായി.പരിസ്ഥിതി ദിനാഘോഷ പരിപാടികൾ ഒരു ദിവസത്തിൽ ഒതുക്കാതെ പ്രകൃതിസംരക്ഷണ പ്രവർത്തനങ്ങൾ ജീവിതത്തിൽ ഉടനീളം കൊണ്ട് പോകും എന്ന പ്രതിജ്ഞയോടെ ദിനാചരണ പരിപാടികൾ അവസാനിച്ചു .

വായന മാസാചരണം 2022 -23

ഹെഡ് മിസ്ട്രസ് സി. ബീനയുടെ നേതൃത്വത്തിൽ SRG ചേർന്ന് പ്രവർത്തനങ്ങൾ ചർച്ച ചെയ്തു. 20-06-23 നാലാം ക്ലാസിൽ നിന്നും തിരഞ്ഞെടുത്ത മികച്ച അനുഭവക്കുറിപ്പ് കുമാരി ബ്രൈഡലി വായിച്ച് അവതരിപ്പിച്ചു. പി .എൻ പണിക്കരുടെ കുറിപ്പ് വായിച്ചു. വായനയുടെ പ്രാധാന്യത്തെക്കുറിച്ച് സിസ്റ്റർ സംസാരിച്ചു. വായന മാസാചരണ പ്രവർത്തനവുമായി അക്ഷരപ്പൂക്കളിൽ നിന്ന് വാക്കുകളും വാക്കുകൾ ചേർത്ത് വാക്യങ്ങളും രൂപപ്പെടുത്തി ക്ലാസ് ടീച്ചറെ കാണിക്കാൻ 3, 4 ക്ലാസ്സുകളോട് നിർദ്ദേശിച്ചു. ക്ലാസ് തലത്തിൽ നിന്നും തിരഞ്ഞെടുത്ത മികച്ച അമ്മ വായനക്കുറിപ്പുകൾ 24 - 6 - 2018 മുതൽ അമ്മമാർ നേരിട്ട് എത്തി ഉച്ചക്കുള്ള റേഡിയോ പരിപാടിയുടെ സമയത്ത് വളരെ മനോഹരമായി വായിച്ച് അവതരിപ്പിച്ചു. കുട്ടികൾ അവരുടെ പിറന്നാൾ സമ്മാനമായി 'എൻറെ ലൈബ്രറിയിലേക്ക് ഒരു പുസ്തകം' എന്ന രീതി ആരംഭിക്കുകയും ചെയ്തു.ജൂലൈ 15 ബഷീർ ദിന അനുസ്മരണം . വായനാമാസാചരണ സമാപനം 15 -7 - 2022 വെള്ളിയാഴ്ച നടത്തി. ബഷീർ കഥാപാത്രങ്ങളുടെ ദൃശ്യവിഷ്കാരം നടത്തി ബഷീർ കൃതികളിലെ 16 പ്രധാനപ്പെട്ട കഥാപാത്രങ്ങളായി കുട്ടികൾ ഒരുങ്ങി വന്നു.

ബഷീർ ദിനാചരണം 2022 -23

^{ബഷീർ ദിനാചരണത്തിൽ ഓരോ ക്ലാസ്സിൽ നിന്നും ബഷീറിൻറെ കഥാപാത്രങ്ങളായി കുട്ടികൾ ഒരുങ്ങി എത്തി. അദ്ദേഹത്തിൻറെ പത്തോളം കൃതികളും 16 ഓളം കഥാപാത്രങ്ങളും ദൃശ്യാവിഷ്കാരമായിഎത്തിയത് ഏറെ കൗതുകവും രസകരവും വിജ്ഞാനപ്രദവും ആയിരുന്നു.}

ചാന്ദ്രദിനാഘോഷം 2022 - 2023

0.L.C.G.L. P സ്കൂളിലെ 2022-2023 അധ്യയന വർഷത്തിലെ ചാന്ദ്രദിനാഘോഷം ഫസ്റ്റ് സ്റ്റാൻഡേർഡിന്റെ നേതൃത്വത്തിൽ ജൂലൈ 21ന് നടത്തുവാൻ സ്കൂൾ ഹെഡ്മിസ്ട്രസ്

Sr . Eliswa യുടെ അധ്യക്ഷതയിൽ ചേർന്ന എസ് ആർ ജി യോഗത്തിൽ തീരുമാനിച്ചു. അത് പ്രകാരം 3,4 ക്ലാസുകളിലെ കുട്ടികൾക്ക്ചാന്ദ്രദിന ക്വിസ്,ചാന്ദ്രദിന പാട്ട്, ചുമർ പത്രിക,രാത്രിയിലെ ആകാശക്കാഴ്ചകൾ ചിത്രീകരിക്കൽ ,ചന്ദ്രനിൽ കാലുകുത്തിയ മനുഷ്യരുടെ അനുഭവക്കുറിപ്പ് തയ്യാറാക്കൽ,എന്നീ മത്സരങ്ങൾ ക്ലാസ് തലത്തിൽ നടത്തി. ജൂലൈ 20ന് അധ്യാപകരും മാതാപിതാക്കളും ചേർന്ന്സ്കൂൾ അങ്കണം ചാന്ദ്രദിനവുമായി ബന്ധപ്പെട്ട പോസ്റ്ററുകളും wall magazine ചിത്രങ്ങളും ഉപയോഗിച്ച് അലങ്കരിച്ചു. ജൂലൈ 21ന് 11 മണിക്ക് ചാന്ദ്രദിനാഘോഷ പരിപാടികൾ ബഹുമാനപ്പെട്ട ഹെഡ്മിസ്ട്രസ് sr Eliswa യുടെ അധ്യക്ഷതയിൽ ഈശ്വര പ്രാർത്ഥനയോടെ ആരംഭിച്ചു. ശ്രീമതി. യൂഫ്രേസ്യടീച്ചർ അന്നേ ദിനത്തിൻറെ പ്രാധാന്യം വളരെ രസകരവും ലളിതവുമായും കുട്ടികൾക്ക് മനസ്സിലാക്കി കൊടുത്തു. ക്ലാസ് തരത്തിൽ നടത്തിയ മത്സരങ്ങളിലെ മികച്ചവ കുട്ടികൾ അവതരിപ്പിച്ചു. ഒന്നാം ക്ലാസിൽ പഠിക്കുന്ന സാദിയ എം എസ് നീൽ ആംസ്ട്രോങ്ങിന്റെ കഥ വളരെ ഭംഗിയായി അവതരിപ്പിച്ചു. മത്സരത്തിൽ പങ്കെടുത്ത എല്ലാ കുട്ടികളെയുo വിജയികളായവർക്ക് സമ്മാനങ്ങൾ നൽകുകയും ചെയ്തു. ക്രിസ്റ്റീന ടീച്ചർ ചന്ദ്രനെ കുറിച്ചുള്ള ഒരു ആംഗ്യപ്പാട്ട് കുട്ടികളെ പഠിപ്പിച്ചു. കുട്ടികൾ ഒരു പുതിയ അനുഭൂതിയിലായിരുന്നു .ജീൻ ടീച്ചറിന്റെ നന്ദി പ്രകാശനത്തോടെ ആഘോഷ പരിപാടികൾ അവസാനിച്ചു.

സ്വാതന്ത്ര്യദിനാഘോഷം 2022 - 23

സ്വാതന്ത്ര്യദിനാഘോഷവുമായി നടത്തപ്പെട്ട പ്രവർത്തനങ്ങൾ SRG കൂടി തീരുമാനിച്ചു. ക്വിസ്, ചുമർ .പത്രിക നിർമ്മാണം, ദേശഭക്തിഗാന മത്സരം തുടങ്ങിയ മത്സരങ്ങൾ നടത്തി.സ്വതന്ത്ര ദിനത്തിൽ വർണശഭളമായ റാലി പ്ലക്കാർഡ്സ് , triകളർ വിശറി എന്നിവ തയ്യാറാക്കി ഓരോ കുട്ടിയും കൊണ്ടുവരികയും അത് ഉപയോഗിച്ചുകൊണ്ടുള്ള റാലിയും വളരെ മനോഹരമായി നടത്തി. സ്വതന്ത്ര സമര നേതാക്കളുടെ വേഷവിധാനങ്ങളോടെ റാലിയിൽ കുട്ടികൾ അണിനിരന്നു.

ഓണാഘോഷവും അധ്യാപക ദിനവും 2022 -23

ഈ വർഷത്തെ ഓണാഘോഷവും അധ്യാപക ദിനവും സെപ്റ്റംബർ രണ്ടാം തീയതി 2 ,3 ക്ലാസുകളിലെ അധ്യാപകരുംപിടിഎ എക്സിക്യൂട്ടീവ് കമ്മിറ്റി മെമ്പേഴ്സിന്റെയും നേതൃത്വത്തിൽ വളരെ മനോഹരമായി ആഘോഷിച്ചു.മുൻ അധ്യാപികയായിരുന്ന മേരി ടീച്ചർ ആയിരുന്നു അന്നത്തെ പരിപാടികൾ ഉദ്ഘാടന കർമ്മം നിർവഹിച്ചത്.ഓരോ അധ്യാപകരെയും PTA യുടെ നേതൃത്വത്തിൽ ആശംസകൾ അർപ്പിക്കുകയും ഉപഹാരങ്ങൾ നൽകുകയും ചെയ്തത് എല്ലാ അധ്യാപകർക്കും മറക്കാനാവാത്ത ഒരു അനുഭവമായിരുന്നു.അതോടൊപ്പം തന്നെ ഓണാഘോഷവുമായി ബന്ധപ്പെട്ട നിരവധി കലാപരിപാടികൾ അവതരിപ്പിച്ചു.കുട്ടികൾക്ക് ഓണസദ്യ നൽകി.

വയോജന ദിനാഘോഷം 2022 -23

വയോജനങ്ങളെ സ്നേഹിക്കുകയും ആദരിക്കുകയും ചെയ്യുന്നതിന്റെ പ്രാധാന്യം കുട്ടികൾക്ക് മനസ്സിലാക്കുന്നതിന് വേണ്ടി അന്നേ ദിനം വളരെ പ്രാധാന്യത്തോടെ ആചരിച്ചു.കുട്ടികൾ വീട്ടിലുള്ള മുത്തച്ഛൻ മുത്തശ്ശിമാർക്ക് വയോജന ദിനാശംസ കാർഡ് നൽകി ആദരിച്ചു.കൂടാതെ കുട്ടികൾ അവരുമൊത്തുള്ള സെൽഫി ഫോട്ടോ മത്സരവും ഉണ്ടായിരുന്നു.

ഗാന്ധിജയന്തി ദിനം 2022 -23

ഗാന്ധിജയന്തി ദിനത്തോടനുബന്ധിച്ച് കുട്ടികളുടെ നേതൃത്വത്തിൽ സ്കൂളും പരിസരവും ശുചീകരിച്ചു.പ്രസംഗം മത്സരവും ഗാന്ധിജിയുടെ ചിത്ര രചനാമത്സരവും ഉണ്ടായിരുന്നു.

ശിശുദിനാഘോഷം 2022 -23

ശിശുദിനാഘോഷം ആയി ബന്ധപ്പെട്ട് സ്കൂളും പരിസരവും കുട്ടികൾക്ക് ഏറെ കൗതുകം ഉണർത്തുന്ന രീതിയിൽ അലങ്കരിച്ചു. ശിശുദിനാഘോഷ അനുബന്ധിച്ച് പ്രസംഗം മത്സരം നടത്തി ഓരോ ക്ലാസിൽ നിന്നും മികച്ച ഓരോ കുട്ടികളെ കണ്ടെത്തുകയും ചെയ്തു കൂടാതെ അന്നേ ദിനം വർണ്ണശ ഭളമായ റാലി നടത്തി. ഓരോ കുട്ടിയും അവരുടെ കയ്യിൽ പിടിക്കുന്നതിനായി മനോഹരമായ പൂക്കൾ നിർമ്മിച്ചു കൊണ്ടുവന്നു.അന്നേദിനം കുട്ടികൾക്ക് ഉച്ച ഭക്ഷണമായി ബിരിയാണി നൽകി.തുടർന്ന് അധ്യാപകരുടെയും PTA അംഗങ്ങളുടെയും കലാപരിപാടികൾ കുട്ടികൾക്കായി അവതരിപ്പിച്ചു. അന്നേ ദിനത്തിൻറെ മാധുര്യം ഒരിക്കലും മറക്കാനാവാത്ത ഒരു അനുഭവമായി മാറി ഓരോ കുട്ടിക്കും.

പ്രവർത്തനങ്ങൾ[തിരുത്തുക | മൂലരൂപം തിരുത്തുക]

പ്രവേശനോത്സവം[തിരുത്തുക | മൂലരൂപം തിരുത്തുക]

2018 ജൂൺ 1 വെള്ളിയാഴ്ച പ്രവേശനോത്സവം സമുചിതമായി ആചരിച്ചു

പ്രവേശനോത്സവം

1 -6 - 2020 പുതിയ അധ്യയന വർഷത്തേക്കുള്ള ആദ്യ ചുവടുവെപ്പ് എന്നോണം അന്നേദിവസം രാവിലെ കൃത്യം പത്ത് മണിക്ക് ഒരു സി ജി എൽ പി എസ് പ്രധാനധ്യാപിക ബഹുമാനപ്പെട്ട സി. ഏലിശ്വാ എല്ലാ കുട്ടികളെയും അഭിസംബോധന ചെയ്ത് സംസാരിക്കുകയും ഹൃദയസ്പർശിയായ സന്ദേശം പങ്കുവയ്ക്കുകയും ചെയ്തു. തുടർന്ന് അതാത് ക്ലാസ് ടീച്ചേഴ്സ് സ്വയം പരിചയപ്പെടുത്തുകയും കുട്ടികളുമായി സൗഹൃദ സംഭാഷണം നടത്തുകയും കുട്ടികൾ സ്വയം പരിചയപ്പെടുത്താൻ ഉള്ള അവസരം നൽകുകയും ചെയ്തു. ഇതിനുശേഷം ഓൺലൈൻ ക്ലാസിനെ കുറിച്ച് ഉത്ബോധിപ്പിച്ചു പ്രതികൂലമായ സാഹചര്യത്തിൽ ഓരോ കുട്ടിയുടെയും മികവാർന്ന പഠന ലക്ഷ്യംവച്ചുകൊണ്ട് ക്ലാസുകൾ ഓൺലൈനായി കാണുവാൻ നിർവാഹമില്ലാത്ത കുട്ടികൾക്ക് മുൻ മേയർ ശ്രീ ടോണി ചമ്മിണി ,എംഎൽഎശ്രീ കെ. ജെ മാക്സി , ശ്രീ പ്രദീപ് സെബാസ്റ്റ്യൻ വടക്കേക്കര ശ്രീമതി. സിയോണ പാദുവ എന്നിവരുടെ സുമനസ്സുകൾ കൊണ്ട് ടെലിവിഷൻ…

പ്രവർത്തന റിപ്പോർട്ട് 2020 -21

ഓരോ വിദ്യാലയവും കുഞ്ഞു ഹൃദയങ്ങൾക്ക് മുന്നിൽ തുറ*ഓൺലൈൻ ക്ലാസുകളും അധ്യാപകർ കൊടുക്കുന്ന പിന്തുണയും

നിലവിലുള്ള സാഹചര്യങ്ങൾ ഉപയോഗപ്പെടുത്തിക്കൊണ്ട് പഠനം കാര്യക്ഷമമാക്കുക ആശയ വ്യക്തത വരുത്തി കൊണ്ട് പ്രവർത്തനങ്ങൾ കുട്ടികളിൽ എത്തിക്കുക ,ക്ലാസ് മുറികളിലെ കളി,ചിരിക പഠനാനുഭവങ്ങൾ എന്നിവ നൽകിക്കൊണ്ട് വിരസതയില്ലാത്ത ഓൺലൈൻ പഠനം സാധ്യമാക്കുക എന്ന ലക്ഷ്യത്തോടെ കുട്ടികൾക്കൊപ്പം അധ്യാപകരും ഓൺലൈൻ ക്ലാസ്സ് വീക്ഷിക്കുകയും അധ്യാപകർ ഓരോ ദിവസത്തെയും ക്ലാസ് അടിസ്ഥാനത്തിൽ ദിനവും ഗൂഗിൾ പ്രവർത്തനങ്ങൾ ആസൂത്രണം ചെയ്യുകയും ഒരോ അധ്യാപികയും പ്രവർത്തനപരിപാടികൾ പങ്കുവെച്ച് പൊതുവായ ധാരണയിൽ എത്തുന്നു . കുട്ടികളുടെ പഠന താൽപര്യമുണർത്തുന്ന സാങ്കേതികവിദ്യകൾ പരീക്ഷിച്ച് പ്രവർത്തന സജ്ജീകരണം നടത്തി കുട്ടികൾക്ക് നൽകുന്നു. ഓൺലൈൻ ക്ലാസ് കണ്ടതിനുശേഷം കുട്ടികൾ തങ്ങളുടെ വാട്സ്ആപ്പ് ഗ്രൂപ്പിൽ രേഖപ്പെടുത്തുന്നു. കുട്ടികളുടെ രക്ഷിതാക്കളുമായി സംസാരിച്ച് കാര്യങ്ങൾ അറിഞ്ഞു നിർദ്ദേശം നൽകുന്ന പ്രവർത്തനങ്ങൾ വിലയിരുത്തുന്നതിന് ഭാഗമായി കുട്ടികൾ പഠിച്ച കാര്യങ്ങൾ,നോട്ടുപുസ്തകത്തിൽ കുറിച്ച കാര്യങ്ങൾ , (വീഡിയോ/ ഓഡിയോ /ഇമേജ് ) രൂപത്തിൽ അധ്യാപികയ്ക്ക് നൽകുന്നു .മാറ്റങ്ങളും നിർദ്ദേശങ്ങളും സംശയ നിവാരണങ്ങളും നൽകി പഠനം മെച്ചപ്പെടുത്തുന്നു.പഠനത്തിൽ പിന്നോക്കാവസ്ഥ നേരിടുന്ന കുട്ടികൾക്ക് പ്രത്യേകമായ ശ്രദ്ധചെലുത്തി കൊണ്ട് പഠന നേട്ടങ്ങൾ കൈവരിക്കുന്നതിന് ലളിതമായ പ്രവർത്തനങ്ങൾ നൽകി പിന്തുണയ്ക്കുന്നു. അതോടൊപ്പം ഭിന്നശേഷിയുള്ള കുട്ടികൾക്ക് പ്രവർത്തനമേഖലയിൽ നിന്നുകൊണ്ട് അറിവ് ആർജ്ജിക്കാൻ ഉള്ളത് പ്രവർത്തനങ്ങൾ നൽകുന്ന കുട്ടികളോടും അവളുടെ മാതാപിതാക്കളോട് നേരിട്ട് കാര്യങ്ങൾ പറഞ്ഞ് ബോധ്യപ്പെടുത്തി പഠനനിലവാരത്തെ മെച്ചപ്പെടുത്തുന്നു.ഓരോ യൂണിറ്റും വിശകലനം ചെയ്ത് പഠനനേട്ടം എത്രത്തോളം കുട്ടികൾ കൈവരിച്ചു എന്ന് അറിയുന്നതിനായിമൂല്യനിർണയത്തിന് ഭാഗമായി വർക്ക് ഷീറ്റുകൾ നൽകുകയും നൽകുകയും പരിശോധിച്ച് ധാരണയിലെത്തുകയും ആവശ്യമുള്ളവർക്ക് പരിഹാരബോധനം നൽകുന്നു. കുട്ടികളുടെ പഠനനിലവാരം അധ്യാപികയുടെ നിർദ്ദേശങ്ങൾ ഓൺലൈൻ ക്ലാസിനെ കുറിച്ചുള്ള അഭിപ്രായങ്ങൾ മറ്റു പൊതുവായ നിർദ്ദേശങ്ങൾ ചർച്ച ചെയ്യുന്നതിനായി മാസംതോറും പ്രധാനധ്യാപിക അധ്യക്ഷതയിൽ google meet ലൂടെ യോഗം നടത്തി തീരുമാനങ്ങൾ എടുക്കുന്നു.ഓരോ ക്ലാസ് തല പ്രവർത്തനങ്ങൾ വിലയിരുത്തുന്നതിന് ഭാഗമായി ആഴ്ചകൾ തോറും പ്രധാനാധ്യാപിക സാന്നിധ്യത്തിൽ ക്ലാസ് തലത്തിലും സ്കൂൾ തലത്തിലും google മറുപടിയായി ചർച്ചനടത്തുകയും അഭിപ്രായങ്ങൾ രേഖപ്പെടുത്തുകയും ചെയ്യുന്നു നേരിടുന്ന പ്രശ്നങ്ങൾക്ക് പരിഹാരം കണ്ടെത്തുകയും ചെയ്യുന്നുക്കുന്നത് നിഷ്കളങ്കമായ ബാല്യകാല ആസ്വാദനത്തിന് പടികളാണ്.

2020 - 21 ലോക ജനതയെ ഭീതിയിലാഴ്ത്തി കൊണ്ട് കോവിഡ്-19 അതിപ്രസരണം നടത്തിയ കാലയളവിലും ഹൃദയങ്ങളിൽ വിദ്യാരംഭ ദിവസത്തിന് ഒട്ടും മങ്ങലേൽക്കാതെ തന്നെ പ്രവേശനോത്സവ പരിപാടികൾ ഓൺലൈനായി ആരംഭിച്ചു.ഇതിൻറെ മുന്നൊരുക്കം എന്നോണം 25 - 5 -2020 പ്രധാന അധ്യാപികയുടെ നേതൃത്വത്തിൽ ഗൂഗിൾ മീറ്റ് ചേരുകയുണ്ടായി. ടീച്ചേഴ്സും അംഗങ്ങളും സന്നിഹിതരായിരുന്നു മീറ്റിംഗിൽ പ്രവേശനോത്സവം ആയിരുന്നു പ്രധാന ചർച്ചാവിഷയം .ക്ലാസ് ആരംഭിക്കുന്നതിന് മുൻപ് തന്നെ ക്ലാസ് ടീച്ചേഴ്സ് അത് ക്ലാസുകളിലെ കുട്ടികളുടെ രക്ഷിതാക്കളെ വിളിച്ച് ഓൺലൈൻ ക്ലാസിനെ കുറിച്ച് വ്യക്തമായ വിശദീകരണം നൽകുവാനും സ്ഥിതിഗതികൾ മനസ്സിലാക്കിയശേഷം ഒരു വാട്സ്ആപ്പ് ഗ്രൂപ്പ് ക്രിയേറ്റ് ചെയ്യുവാനും തുടർന്നുള്ള അക്കാദമിക് അനക്കാദമിക പരമാ യിട്ടുള്ള എല്ലാ നിർദ്ദേശങ്ങളും മറ്റും ഈ ഗ്രൂപ്പ് വഴി കുട്ടികൾക്ക് നൽകുവാനും തീരുമാനിച്ചു.

*പരിസ്ഥിതി ദിനാചരണം ജൂൺ- 5

2020 -21 വർഷത്തെ പരിസ്ഥിതി ദിന ആഘോഷ പരിപാടികൾ എങ്ങനെ വേണമെന്ന് 25 -05 - 2020 കൂടിയ സർജി യോഗത്തിൽ ചർച്ച ചെയ്ത് തീരുമാനിച്ചു.രണ്ടാം ക്ലാസിലെ അധ്യാപകർ ദിനാഘോഷ പരിപാടികളുടെ ചുമതല ഏറ്റെടുത്തു. ക്ലാസ് അടിസ്ഥാനത്തിൽ പരിസ്ഥിതി സംരക്ഷണ സന്ദേശം നൽകുന്ന പോസ്റ്റർ നിർമ്മാണം, പരിസ്ഥിതി ദിന ബാഡ്ജ് നിർമ്മാണം, പോസ്റ്റർനിർമ്മാണം എന്നിവ നടത്തുകയുണ്ടായി.മികച്ച കണ്ടെത്തി അഭിനന്ദനങ്ങൾ നൽകി .പ്രധാനാധ്യാപിക അന്നേദിവസം പരിസ്ഥിതി ദിനത്തിൻറെ പ്രാധാന്യം പങ്കുവെക്കുന്ന വീഡിയോ എല്ലാ ക്ലാസുകളിലും നൽകി . പരിസ്ഥിതിദിനാചരണം ഉദ്ഘാടന ചടങ്ങുകൾ വിദ്യാലയത്തിൽ പ്രോട്ടോക്കോൾ പാലിച്ച് മട്ടാഞ്ചേരി AEO .ശ്രീമതി - വഹീദ നിർവഹിക്കുകയുണ്ടായി.ദിനാചരണങ്ങളുടെ പഠന ഉൽപ്പന്നങ്ങൾ അധ്യാപികയ്ക്ക് അയച്ചതിന് ശേഷം സൂക്ഷിക്കുകയും ചെയ്തു.

വായനവാരാചരണം

കുട്ടികളെ പുസ്തകങ്ങളുടെ ചങ്ങാതികൾ ആക്കി മാറ്റുക എന്ന ഉദ്ദേശത്തോടെ വായനാദിനം സാഘോഷം തീരുമാനിച്ച പ്രകാരം ക്ലാസ് തലത്തിൽ കഥ പറയൽ, കവിത ചൊല്ലൽ ,വായനാ കുറിപ്പ് തയ്യാറാക്കൽ , ബാഡ്ജ്, പോസ്റ്റർ നിർമാണം തുടങ്ങിയ വൈവിധ്യമാർന്ന പ്രവർത്തനങ്ങൾ ഓൺലൈൻ വഴി ക്ലാസ് എടുത്താൽ നടത്തുകയുണ്ടായി ജൂൺ 19 മുതൽ 26 വരെ നീണ്ടുനിന്ന പ്രവർത്തനങ്ങളാണ് നടത്തിയത്. അധ്യാപക പ്രതിനിധിയായ എലിസബത്ത് വളരെ അർത്ഥവത്തായ രീതിയിൽ വായനാദിന സന്ദേശം നൽകി.

ചാന്ദ്രദിനം (ജൂലൈ 21 )

ചാന്ദ്രദിന ആഘോഷത്തിന് ഭാഗമായി ക്ലാസ് അടിസ്ഥാനത്തിൽ വൈവിധ്യമാർന്ന പ്രവർത്തനങ്ങൾ നടത്തുകയുണ്ടായി അമ്പിളിമാമനെ കുറിച്ച് പാട്ട് ഭാവനയിലെ സ്പേസ് യാത്ര ചിത്രീകരിക്കുവാനും കൊളാഷ് നിർമ്മാണം പ്രസംഗമത്സരം എന്നീ പ്രവർത്തനങ്ങളാണ് നൽകിയത് ജൂൺ 21 പ്രധാന അധ്യാപിക Sr. ഏലീശ്വ റേഡിയോ ചാന്ദ്ര ദിന സന്ദേശം വീഡിയോയായി ക്ലാസ് ഗ്രൂപ്പുകളിൽ അയച്ചു. ശ്രീമതി. സുജ ചാന്ദ്രദിന പ്രത്യേകത വിശദീകരിച്ചു. ചന്ദ്രനെ കുറിച്ച് അറിവ് പകർന്നു വീഡിയോ പ്രദർശിപ്പിച്ചും രസകരമായ ദിനാചരണം നടത്തി .

സ്വാതന്ത്ര്യ ദിനം ( ആഗസ്റ്റ് 15 )

സ്വാതന്ത്ര്യദിനാഘോഷം വളരെ അർത്ഥവത്തായ രീതിയിൽ ഓൺലൈനായി ആഘോഷിച്ചു .പതാക നിർമ്മാണം മുദ്രവാക്യ പ്രഘോഷണം ദേശഭക്തിഗാനം പ്രസംഗം സ്വാതന്ത്ര്യ ദിന ക്വിസ് പ്രവർത്തനമാണ് നടത്തിയത് :ഇതിൽ വിജയികളായ കുട്ടികളെ ഉപജില്ല തലത്തിലേക്ക് മത്സരത്തിൽ പങ്കെടുപ്പിച്ചു.ജില്ലാതലത്തിൽ നടന്ന ചിത്രരചനാ മത്സരത്തിൽ കുമാരി. സ്റ്റിയ (4-ാo ക്ലാസ് ) ഒന്നാം സ്ഥാനം കരസ്ഥമാക്കി.

അധ്യാപക ദിനം

മുൻകൂട്ടി നിർദ്ദേശപ്രകാരം ക്ലാസ് തലത്തിൽ കുട്ടികൾ പ്രധാനാധ്യാപികയ്ക്കും അധ്യാപകർക്കും ആശംസകാർഡുകൾ അയച്ചു. കുട്ടികളുടെ വിവിധ പരിപാടികൾ അടങ്ങുന്ന വീഡിയോ പങ്കുവെച്ചു . കുട്ടികൾ വളരെയധികം അർത്ഥവത്താക്കി മാറ്റി ഈ ദിനാഘോഷം

2021-22

കോവിഡ് പ്രോട്ടോകോൾ പാലിച്ചുകൊണ്ട് നവംബർ ഒന്നു മുതൽ സ്കൂളുകൾ തുറന്ന് പ്രവർത്തിക്കുന്നതിന്റെ അടിസ്ഥാനത്തിൽ അക്കാദമിക് പരമായുംസമഗ്രമായ ആസൂത്രണവും അതിനോടനുബന്ധിച്ച് പ്രവർത്തനങ്ങളും നടത്തുകയുണ്ടായി .സ്കൂൾ ഹെൽത്ത് മോണിറ്ററിങ് കമ്മിറ്റി അഥവാ സ്കൂൾ ആരോഗ്യ സംരക്ഷണ സമിതി രൂപീകരിച്ചു.സ്കൂൾ കെട്ടിടവും പരിസരവും പൂന്തോട്ടം പാചകപ്പുര , ക്ലാസ് റൂമുകൾ, ടോയ്‌ലെറ്റുകൾ , വരാന്തകൾ, ഫർണിച്ചറുകൾ ,എല്ലാ അധ്യാപകരും ശുചീകരണ തൊഴിലാളികൾ ചേർന്ന് വൃത്തിയാക്കി.

21 -22 അധ്യയന വർഷം പ്രവേശനോത്സവ ത്തോടനുബന്ധിച്ച് നവംബർ ഒന്നാം തീയതി കുട്ടികളെ സ്വാഗതം ചെയ്യുന്നതിന് മുന്നോടിയായി SRG യോഗത്തിലെ തീരുമാനപ്രകാരം PTA അംഗങ്ങളും അധ്യാപകരും സാമൂഹിക പ്രവർത്തകരും ചേർന്ന് വിദ്യാലയം, പരിസരം ശുചിയാക്കി. 20 മാസത്തെ ഇടവേളയ്ക്കു ശേഷം വിദ്യാലയത്തിലേക്ക് എത്തുന്ന കുരുന്നുകളെ സ്വീകരിക്കാൻ വിദ്യാലയവും ക്ലാസ് മുറികളും ഏറെ വൈവിധ്യമാർന്ന രീതിയിൽ അധ്യാപകരും പിടിഎ അംഗങ്ങളും ചേർന്ന് അലങ്കരിച്ചു. വിദ്യാലയം കേരളീയ രീതിയിൽ കുരുത്തോല | ചെമ്പരത്തി പൂക്കൾ കൊണ്ട് അലങ്കരിച്ചു. കോ വിഡ് മാനദണ്ഡങ്ങൾ പാലിച്ച് കുട്ടികളെ ക്ലാസ് മുറികളിൽ കയറ്റി മധുരവും നൽകി അധ്യാപകർ സ്വീകരിച്ചു.അന്നേ ദിനം അവർക്ക് ഏറെ മാനസിക ഉല്ലാസം നൽകുന്ന പ്രവർത്തനങ്ങളാണ് നൽകിയത്.