ഡി ബി എച്ച് എസ് എസ് ചെറിയനാട്/എന്റെ ഗ്രാമം

Schoolwiki സംരംഭത്തിൽ നിന്ന്

ചെറിയനാട് ചെങ്ങന്നൂർ

ആമുഖം

കേരളത്തിലെ ആലപ്പുഴ ജില്ലയിലെ ചെങ്ങന്നൂർ താലൂക്കിൽ ഉൾപ്പെട്ട ഒരു ഗ്രാമം, അച്ചൻകോ വിലാറിന്റെ തെക്കുപടിഞ്ഞാറ് ഭാഗത്തായി സ്ഥിതിചെയ്യുന്ന ചെരിയനാട് എന്ന ഗ്രാമം. ഒരു കാലത്ത് ഞാനയ്ക്കാട്, ഞാഞ്ഞുക്കാട്, കടയ്ക്കാട്, ഇടവങ്കാട്, നെടുവരംകോട്, ചെറുമിക്കാട് തുടങ്ങിയ കാടുക ളാൽ ചുറ്റിപ്പെട്ട ഒരു ഗ്രാമമായിരുന്നു. ഇന്ന് നാം അറിയപ്പെടുന്ന ചെറിയനാട് പേരു കൊണ്ട് ചെറുതാ ചെന്തെങ്കിലും കിഴക്ക് ചെറുവല്ലൂർ ഞാഞ്ഞുക്കാട് മുതൽ പടിഞ്ഞാറ് മാളേയേക്കൽചിറവരെയും വടക്ക് ഇടവങ്കാട് മുന്തൽ തെക്ക് കടയ്ക്കാട് വരെയും വ്യാപിച്ചിരിക്കുന്നു. ചേരമാൻ പെരുമാൾ ഭരിച്ചിരുന്ന സ്ഥല ത്തിന് ചെറിയനാട് എന്ന പേര് ലഭിച്ചു എന്നാണ് ഐതിഹ്യം.

ചരിത്രം

15-ാം നൂറ്റാണ്ടിൽ ചെറിയനാടിൻ്റെ പടിഞ്ഞാറ് ഭാഗം കായംകുളം രാജാവിൻ്റെയും കിഴക്കുഭാഗം ചന്തളം രാജാവിൻ്റെയും അധീനതയിലായിരുന്നു. രണ്ട് രാജാക്കന്മാരും തമ്മിൽ പടവെട്ടിയതിൻ്റെ പ്രതീ കമായാണ് ഇന്ന് ചെറിയനാടിലെ പടനിലം ജംഗ്ഷന് ആ പേര് ലഭിച്ചത്. പണ്ട് കാലത്ത് ഗ്രാമത്തിലെ കൃഷിക്കാർ ഉത്പാദിപ്പിച്ച് ചുമന്നുകൊണ്ടുവന്നിരുന്ന പച്ചക്കറി ചുമടുകൾ ഉറക്കിവെച്ച് ആശ്വാസം കണ്ടെത്തിയിരുന്ന ചുമടുതാങ്ങികൾ സമീപകാലംവരെയും പടനിലം മൈതാനത്ത് ഉണ്ടായിരുന്നു. ചെറി യനാട് ശ്രീ ബാലസുബ്രഹ്മണ്യസ്വാമിയുടെ തിരുപുറപ്പാടിനോടനുബന്ധിച്ച് 13 കരക്കാരുടെ പള്ളിവിള ക്കുകളുടെ അകമ്പടിനും അൻപൊലിയും എതിരേല്പ്പും. തൈപ്പൂയക്കാവടിയാഘോഷം തുടങ്ങിയ എല്ലാ ക്ഷേത്രാചാരങ്ങളും മുടക്കംകൂടാതെ നടത്തുന്നതിനാവശ്യമായ വിശാലമായ പടനിലം ഗ്രൗണ്ടും വീതി യേറിയ ക്ഷേത്രപടനിലം റോഡും ഇന്നും സ്ഥിതിചെയ്യുന്നു. ഈ ഗ്രൗണ്ടിനെ ക്ഷേത്രമൈതാനമെന്നറി യപ്പെടാൻ കാരണം ഒരു ശാസ്‌താക്ഷേത്രം പടനിലത്ത് സ്ഥിതിചെയ്‌തിരുന്നു അതിനാലാണ് മൈതാന ത്തിന് ചുറ്റുമുള്ള വീടുകൾക്ക് മരോട്ടിമൂട്ടിൽ, അമ്പലത്തുംപടീറ്റേതിൽ, ചെമ്പകത്തുംമൂട്ടിൽ, ആലിന്റെ കന്നിനെൽ എന്നിങ്ങനെപേര് വരാൻ കാരണമായത്.

ചെറിയനാട് സുബ്രഹ്മണ്യക്ഷേത്രത്തൻ്റെ ഉടമസ്ഥാവകാശം ത്രിശൂർ ഊനംപള്ളിമനയുടെയും കൈസ്ഥാനാവകാശം കിഴക്കേടത്തില്ലത്തിൻ്റെയുമാണ്. എന്നാൽ 1959-ലെ ഭൂപരിഷ്‌കരണനിയമത്തിന് ശേഷം ചെറിയനാട് ക്ഷേത്രം വകയും വഞ്ചിപ്പുഴ മഠത്തിൻ്റേയും അധീനതയിലുള്ള ധാരാളം വസ്തുവ കകൾ കുടിയായ്‌മാവകാശമായിട്ടുള്ളത്, ജന്മാവകാശമായി പരിഷ്‌കരിച്ചതിൻ്റെ ഫലമായി ക്ഷേത്രസ ത്തുക്കൾ പലതും, അന്യാധീനപ്പെടുകയും തല്ഫലമായി 1117-ൽ തിരുവിതാംകൂർ ദേവസ്വംബോർഡ് ഏറ്റെടുക്കുകയും ചെയ്തു.



കൃഷിയും മൃഗസംരക്ഷണവും

    കാർഷികവൃത്തിയാണ് സാധാരണ മുഖ്യ സാമ്പത്തിക സ്രോതസ്സ് പച്ചക്കറി കൃഷി കേര കൃഷി  ഇടവിള കൃഷിഎന്നിവ സാധാരണ ജനങ്ങളുടെ വരുമാനമാർഗ്ഗം.മാമ്പ്ര പാടം പച്ചക്കറി കൃഷിക്ക് പ്രശസ്തമാണ്. എല്ലാ ഭവനങ്ങളിലും അടുക്കളത്തോട്ടം നിർമ്മിക്കുന്നതിൽ പഞ്ചായത്ത് മേൽനോട്ടത്തിൽ ശാസ്ത്രീയമായ  കൃഷിസമ്പ്രദായത്തിന് പ്രോത്സാഹനം ലഭിക്കുന്ന പഞ്ചായത്താണ് ചെറിയനാട്.കേരസംരക്ഷണത്തിന്റെ ചുമതലയല കൃഷിഭവന്റെ ചുമതലയിലും  പഞ്ചായത്തിൽ   ഭംഗി  ആയിനടക്കുന്നു.
                                       ചെറിയനാട് ഗ്രാമപഞ്ചായത്തിൽ 486.40 ഹെക്ടർ നിലവും 839.60 പുറമ്പോക്ക് 139.54 ഹെക്ടർ ചേർത്ത് ആകെ1543.54 കൃഷിസ്ഥലം ഉള്ളതായാണ് കണക്കാക്കിയിട്ടുള്ളത്. സ്വന്തമായി ഓഫീസ് കെട്ടിടം ഉള്ള  കൃഷി ആവശ്യങ്ങൾക്കായി മാർഗ്ഗ നിർദ്ദേശങ്ങൾ നൽകി മുന്നോട്ടുപോകുന്നു.പൂ കൃഷി. ഔഷധകൃഷി. തേനീച്ച വളർത്തൽ  ആധുനിക കൃഷി സമ്പ്രദായങ്ങൾ കൃഷിഭവൻ ഇപ്പോൾ പ്രോത്സാഹിപ്പിച്ചു കൊണ്ടിരിക്കുന്നു.  തെങ്ങിൻ തൈ കശുമാവ് കുരുമുളകു കൊടി ഏത്തവാഴ തൈ.  വാഴ നടീൽ വസ്തു കിറ്റ് . ഇഞ്ചി തുടങ്ങിയവ  കൃഷിഭവൻ മുഖാന്തരം വിതരണം ചെയ്യുന്നു,മൃഗസംരക്ഷണത്തിന്റെ ഭാഗമായി 1962ൽ സബ് സെന്ററായി ആരംഭിച്ച മൃഗ പരിപാലന കേന്ദ്രം 1989ൽ ആശുപത്രിയായി ഉയർത്തപ്പെട്ടു. തിരുവിതാംകൂർ  രാമറാവു സ്ഥാപിച്ച കൊല്ലകടവ്ചന്ത  എല്ലാദിവസവും പ്രവർത്തിക്കുന്നു
      
===== ജലപ്രകൃതി =====

     2540mm വർഷപാതം അനുഭവപ്പെടുന്ന പ്രദേശമാണ് ചെറിയനാട്.  പുഴയോരമോ ഉൾനാടൻ ജലാശയമോ ഇവിടെയില്ല.   കുളങ്ങളും ചാലുകളും വെള്ളക്കെട്ട് പ്രദേശങ്ങളും ചെറിയ നാടിന് വേണ്ടത്രയുണ്ട്.


സാമൂഹിക രാഷ്ട്രിയ സാംസ്‌കാരിക സ്ഥാപനങ്ങൾ

===================
=== പ്രമുഖ വ്യക്തിത്വങ്ങൾ ===

ചെറിയനാട് ക്ഷേത്രത്തിൽ സ്ഥാപിച്ചിട്ടുള്ള അനേകം ദാരുശില്പ‌ങ്ങൾ വിദഗ്‌ധരായ ഇടവംകാട് ആ പാരിലാരുടെയും തിരുവമ്പാടി കുടുംബത്തിന്റെ അഭിമാനമാണ്. ഈ കുടുംബങ്ങളിൽപ്പെട്ട കൊച്ചു കുഞ്ഞാചാരി, ഗോവിന്ദനാചാരി തുടങ്ങിയ ദാരുശില്പ‌ വിദഗ്‌ധർക്ക് ശ്രീമൂലം തിരുനാൾ മഹാരാജാ വിൽ നിന്നും പട്ടുവളയും സമ്മാനമായി ലഭിച്ചിട്ടുണ്ട്. ഇടവംകൊട് റ്റി.എൻ. പത്മനാഭനാചാരി ഇന്ത്യൻ പ്രസിഡന്റ് ഡോ.രാധാകൃഷ്ണ‌നിൽ നിന്നും പുരസ്ക്‌കാരം ഏറ്റുവാങ്ങിയിട്ടുണ്ട്.

ചെറിയനാട് മുത്താടത്ത് മാത്തിലെ വാസുദേവശീർപാണി കവി സംസ്‌ക്യത പണ്ഡിതനും മഹ തൃഗ്രസ്ഥങ്ങളുടെ വ്യഖ്യാതനുമായിരുന്നു. അദ്ദേഹത്തിൻ്റെ മകൻ പുരുഷോത്തമൻപോറ്റയും പ്രസിദ്ധക വിയും പണ്ഡിതനും ജ്യോതിശാസ്ത്രവിദഗ്‌ധനുമായിരുന്നു.

സംസ്കൃതം, ഇംഗ്ലീഷ്, ഗണിതശാസ്ത്രം എന്നീ വിഷയങ്ങളിൽ അഗ്രഗണ്യനായിരുന്ന ചെറിയനാട് കീഴ ക്കേടത്ത് പരമേശ്വരൻ മുസിന്, ആയുർവേദ, അലോപ്പതി ചികിത്സാ രംഗത്ത് വിദഗ്‌ധനായ ഡോ.സുബ്ര ഹ്മണ്യശർമ്മ തുടങ്ങിയവർ ചെറിയനാടിന് അഭിമാനം പകർന്ന മഹത്വ്യക്തികളായിരുന്നു. സംസ്കൃത പണ്ഡിതനും കവിയും കാഥികഗാന്ധിയനുമായ കെ.കെ. കണിയാർ, ജ്യോതിശാസ്ത്രപണ്ഡിതനായി രുന്ന കുഞ്ഞുപിള്ള ജ്യോത്സ്യർ, അക്കാലത്തെ സംസ്കൃത അദ്ധ്യാപകനായിരുന്ന കുട്ടപ്പൻ ശാസ്ത്രി കൾ, കേരളാ യൂണിവേർസിറ്റി വൈസ് ചാൻസിലർ ഡോ. എ.വി. വർഗ്ഗീസ്, പ്രശസ്‌ത കാർഡിയോള ജിസ്റ്റ് കുറ്റിയിൽ ഡൊ, ജയിംസ്, ദേശീയ അവാർഡും പ്രവാസി അവാർഡും കരസ്‌ഥമാക്കിയ പ്രസിദ്ധ സാഹിത്യകാരൻ ശിവരാമൻ ചെറിയനാട് എന്നിവരെല്ലാം ചെറിയനാടിൻ്റെ അഭിമാനഭാജനങ്ങളായിരുന്നു. സാംസ്ക്‌കാരിക സംഘടനകൾ

മുതിർന്ന പൗരന്മാർക്ക് വേണ്ടിയുള്ള പകൽവീടുൾ, നവഭാവന ആർട്സ് & സ്പോർട്‌സ് ക്ലബ്ബ് മാളിയേ ക്കൽചിറ, വൈ.എൻ.എ ലൈബ്രറ ചെറിയനാട്, ദേശാഭിമാനി ക്ലബ്ബ് തുടങ്ങിയ ധാരാളം സാംസ്കാരിക സംഘടനകളും സ്ഥാപനങ്ങളും കേന്ദ്രസർക്കാറിൻ്റെ അധീനതയിലുള്ള ചെറിയനാട് റെയിൽവേ സ്റ്റേഷൻ, പോസ്റ്റ് ഓഫീസ് തുടങ്ങിയവയെല്ലാംകൊണ്ട് ചെറിയനാട് നിവാസികൾ സംതൃപ്തരാണ്.

ഭരണസംവിധാനം

ഗ്രാമപഞ്ചായത്ത് ഭരണസമിതി ഭരണം നടത്തുന്നു. 01/01/1954-ൽ രൂപീകൃതമായ ചെരിയനാട് പഞ്ചായത്തിന്റെ ആദ്യ പ്രസിഡൻ്റ് ജി. നാരായണനുണ്ണിത്താനായിരുന്നു. ഇന്ത്യയിലെ ആദ്യത്തെ വ്യവഹാര നിയന്ത്രിൽ സമ്പൂർണ്ണ നിയമസാക്ഷരത പഞ്ചായത്തായി ചെറിയനാടിനെ 2008-ൽ തെരഞ്ഞെടുക്കപ്പെട്ടു.

പഞ്ചായത്തിന്റെ ആഭിമുഖ്യത്തിൽ ചെറിയനാട് പഞ്ചായത്തിലെ 21 കോളനികളിൽ വൈദ്യുതീക രണം, കുടിവെള്ളം, കക്കൂസ് നിർമ്മാണം, സഞ്ചാരയോഗ്യമായ റോഡുകൾ, സ്ട്രീറ്റ് ലൈറ്റ് മുതലായവ വിജയകരമായി നടത്തിവരുന്നു. പൊതുസ്മ‌ശാനം, കളിസ്ഥലം, അറവ്ശാല, മാലിന്യസംസ്‌കരണ പ്ലാന്റ്, ശുചീകരണ പ്രവർത്തനങ്ങൾ എല്ലാം പമ്മാനത്തിന്റെ രണ്ട് ആതിൽ നടത്തിവരുന്നു.

മതസൗഹാര്യത്തിന്റെ നാടാണ് ചെറിയനാട്, ചന്ദനക്കുട മഹോത്സവവും ക്ഷേത്ര ഉത്സവവും പെരുന്നാളുമെല്ലാം എല്ലാ വിശ്വാസികളും പങ്കെടുത്ത് വിജയിപ്പിക്കുന്നതാണ് ഈ നാടിൻ്റെ പ്രത്യേകത. ചെറിയനാട് ബാലസുബ്രഹ്മണ്യസ്വാമി ക്ഷേത്രം വളരെ പ്രസിദ്ധമാണ്. ഇവിടുത്തെ തൈപ്പൂയ കാവടിയും 41 ദിവസം നീണ്ടുനിൽക്കുന്ന കഠിന വ്രതവും വളരെ പ്രശസ്‌തമാണ്. കൂടാതെ 13 കരക്കാരുടെ പള്ളിവി ളക്കുകളുടെ ദീപകാഴ്ച്ച ഉൾപ്പെടെ 10 ദിവസം നീണ്ടുനിൽക്കുന്ന പുറപ്പാട് ഉത്സവവും വളരെ പ്രസിദ്ധമാണ്.

ചുരുക്കത്തിൽ വിവിധ സാംസ്‌കാരിക സാമൂഹിക രാഷ്ട്രീയ സംഘടനകളുടെയും പഞ്ചായത്തിന്റെയും ജനങ്ങളുടെയും കൂട്ടായ്‌മയുടെ ഫലമായി നല്ലരീതിയിൽ മുന്നോട്ടുപോകുന്ന ഒരു ചെറിയ മനോഹരമായ ഗ്രമമാണ് ചെറിയനാട്.