ജി. എച്ച്. എസ്. എസ് പൂക്കോട്ടൂർ/എന്റെ ഗ്രാമം

പൂക്കോട്ടൂർ

മലപ്പുറം ജില്ലയിലെ മലപ്പുറം ബ്ലോക്കിൽ ഉൾപ്പെടുന്ന ഗ്രാമപഞ്ചായത്താണ് 20.6 3 ചതുരശ്രകിലോമീറ്റർ വിസ്തൃതിയുള്ള പൂക്കോട്ടൂർ ഗ്രാമപഞ്ചായത്ത് . ഈ പഞ്ചായത്ത് 1956 ഒക്ടോബർ പതിനൊന്നിന് രൂപീകൃതമായി . ഇന്ത്യൻ സ്വാതന്ത്ര്യസമര ചരിത്രത്തിലെ ഏക യുദ്ധം എന്നറിയപ്പെടുന്ന പൂക്കോട്ടൂർ യുദ്ധം നടന്നത് ഈ പ്രദേശത്ത് വച്ചാണ് . 1921 ഓഗസ്റ്റ് 26ന് മലബാർ കലാപത്തിന് ഭാഗമായി മലപ്പുറം ജില്ലയിലെ പൂക്കോട്ടൂരിൽ വെച്ച് മുസ്ലിം കലാപകാരികളും ബ്രിട്ടീഷ് സൈന്യവും തമ്മിൽ നടന്ന ചരിത്രപ്രസിദ്ധമായ ഒരു പോരാട്ടമാണ് പൂക്കോട്ടൂർ യുദ്ധം. മാത്രമല്ല ഏക്കറുകളോളം പരന്നുകിടക്കുന്ന പച്ച വിരിച്ച പാടങ്ങളും കറുമ്പി മലയും ജലാശയങ്ങളും എല്ലാം ഈ ഗ്രാമത്തിന്റെ പ്രകൃതിരമണീയത വിളിച്ചോതുന്നു .

ആരാധനാലയങ്ങൾ

എറമേശ്വരം ശ്രീ സുബ്രഹ്മണ്യസ്വാമി ക്ഷേത്രം - നിലമ്പൂർ കോവിലകത്തിൻ്റെ ഭാഗമായിരുന്ന അമ്പലപ്പടി യിലെ പൂക്കോട്ടൂർ കോവിലകത്തിൻ്റെ സുബ്രഹ്മണ്യ ക്ഷേത്രം .
പുല്ലാര ശുഹദാ മസ്ജിദ്
ത്രിപുരാന്തക ക്ഷേത്രം
പൂക്കോട്ടൂർ ജുമാമസ്ജിദ്

പ്രധാന വിദ്യാഭ്യാസ സ്ഥാപനങ്ങൾ

ജി എൽ പി എസ് പൂക്കോട്ടൂർ
ജി എച്ച് എസ് എസ് പൂക്കോട്ടൂർ
ജി എം എൽ പി സ്കൂൾ പൂക്കോട്ടൂർ
എ യു പി സ്കൂൾ പൂക്കോട്ടൂർ
പി കെ എം ഐ സി എച്ച് എസ് എസ് പൂക്കോട്ടൂർ

പൊതുസ്ഥാപനങ്ങൾ

പൂക്കോട്ടൂർ പഞ്ചായത്ത് ഓഫീസ്

വില്ലേജ് ഓഫീസ്
BFHC പൂക്കോട്ടൂർ
പൂക്കോട്ടൂർ തപാലാപ്പീസ്
പൊതുവിതരണകേന്ദ്രം
GHSS പൂക്കോട്ടൂർ
GLPS പൂക്കോട്ടൂർ (OLD)
GLPS പൂക്കോട്ടൂർ (NEW)

ഭൂമി ശാസ്ത്രം

മലപ്പുറം ജില്ലയിലെ പൂക്കോട്ടൂർ പഞ്ചായത്തിലാണ് സ്കൂൾ സ്ഥിതി ചെയ്യുന്നത് .തെങ്ങ് ,കവുങ്ങ് ,കശുമാവ്‌ ,റബ്ബർ ,കുരുമുളക് തുടങ്ങിയ നാണ്യവിളകളും മരച്ചീനി വാഴ നെല്ല് തുടങ്ങിയ ഭക്ഷ്യ വിളകളും നാടിൻറെ പ്രധാന കൃഷികളാണ്. കാർഷിക മേഖലയായ പൂക്കോട്ടൂർ പഞ്ചായത്ത് കുന്നുകളും താഴ്വരകളും ചേർന്ന ഇടനാടുകളിൽ പെടുന്നു .