ഒറ്റത്തൈ ജി യു പി സ്കൂൾ/ദിനാചരണങ്ങൾ

ബഷീർ ഓർമ്മ ദിനം - 2023

ജൂലൈ 5 , കഥയുടെ സുൽത്താൻ വൈക്കം മുഹമ്മദ് ബഷീറിന്റെ മറ്റൊരു ഓർമദിനം കൂടി . വായനയുടെ വഴിയിൽ അനേകം പ്രാവശ്യം നമ്മുടെ മനസ്സുകളിലൂടെ കടന്നുപോയ ഒട്ടനവധി കഥാപാത്രങ്ങളെയും കഥകളെയും മലയാളികൾക്ക് സമ്മാനിച്ച മലയാളത്തിന്റെ പ്രിയപ്പെട്ട എഴുത്തുകാരൻ . ബഷീർ ദിനാചരണത്തിന്റെ ഭാഗമായി ഒറ്റത്തൈ ജി.യു.പി. സ്കൂളിലെ വിദ്യാർഥികൾ അനുസ്മരണകുറിപ്പ് , പോസ്റ്ററുകൾ എന്നിവ തയാറാക്കി . ബഷീർ കഥകളിലെ കഥാപാത്രങ്ങളായി വിദ്യാർഥികൾ വേഷമിട്ടു.

ശിശുദിനം - 2023

കുട്ടികളെ ജീവനുതുല്യം സ്നേഹിച്ചിരുന്ന ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്രുവിന്റെ സ്മരണകളുയർത്തി വീണ്ടുമൊരു ശിശുദിനം കൂടി വന്നെത്തിയിരിക്കുകയാണ്. ഒറ്റത്തൈ ഗവ: യു.പി സ്കൂളിൽ വൈവിധ്യമാർന്ന പരിപാടികളോടുകൂടി ശിശുദിനം ആചരിച്ചു. സ്കൂളിൽ നിന്നും ഒറ്റത്തൈ ടൌൺ വരെ ശിശുദിന റാലി നടത്തി.കുട്ടികൾ ചാച്ചാജിയുടെ വേഷപ്പകർച്ചയിൽ വന്നത് റാലിയെ ശ്രദ്ധേയമാക്കി . കൂടാതെ പ്രസംഗ മത്സരം , ക്വിസ്സ് എന്നിവയും സംഘടിപ്പിച്ചു . ശിശുദിനത്തിന്റെ ഭാഗമായി ഷീലാമ്മ ടീച്ചർ കുട്ടികൾക്ക് പായസ വിതരണം നടത്തി . ചാച്ചാ നെഹ്രുവിന്റെ പുസ്തകങ്ങൾ രശ്മി ടീച്ചർ കുട്ടികൾക്കായി പരിചയപ്പെടുത്തി.