ഡി.വി.യൂ.പി.എസ്.തലയൽ/ക്ലബ്ബുകൾ/2023-24
ഹിന്ദി ക്ലബ്
ക്ലബ്ബിന്റെ പ്രവർത്തനങ്ങൾസജീവമായി തുടർന്നു വരുന്നു.ദിനാചരണങ്ങളോടനുബന്ധിച്
ച്ഹിന്ദിയുടെ പങ്കാളിത്തം ഉറപ്പാക്കാൻ ക്ലബ്ബിന് സാധിക്കുന്നുണ്ട്.പരിസ്ഥിതി ദിനത്തിൽ കുട്ടികൾ പോസ്റ്റർ തയ്യാറാക്കി.വായനാവാരത്തോടനുബന്ധിച്ച് സ്കൂൾ ലൈബ്രറിയിൽ നിന്നുള്ള ഹിന്ദി പുസ്തകങ്ങളുടെ പ്രദർശനം സംഘടിപ്പിച്ചു.
സ്വാതന്ത്ര്യ ദിനത്തോടനുബന്ധിച്ച് പോസ്റ്റർ രചന , ദേശഭക്തി ഗാനാലാപനം എന്നിവ സംഘടിപ്പിച്ചു.
സെപ്റ്റംബർ 14 ഹിന്ദി ദിനം സമുചിതമായി ആഘോഷിച്ചു.ഹെഡ്മിസ്ട്രസ് രാധിക ടീച്ചർ ഉദ്ഘാടനം ചെയ്തു.കുട്ടികൾ കവിത ,നാടകം, സംഘനൃത്തം തുടങ്ങി ഒട്ടേറെ കലാപരിപാടികൾ അവതരിപ്പിച്ചു.സുരേലി ഹിന്ദി പ്രവർത്തനങ്ങൾ നല്ല രീതിയിൽ നടന്നു വരുന്നു.
വിദ്യാരംഗം സാഹിത്യക്ലബ്‌
വിദ്യാരംഗം കലാസാഹിത്യ വേദിയുടെ സർഗ്ഗപരമായ കഴിവുകൾ വളർത്തുന്ന പ്രവർത്തനങ്ങൾ നമ്മുടെ വിദ്യാലയത്തിൽ മികച്ച രീതിയിൽ നടക്കുന്നുണ്ട്.മലയാളഭാഷ അഭിരുചിയും പ്രയോഗശേഷിയും പദസമ്പത്തും വളർത്തുന്നതിന്റെ ഭാഗമായി 'വാങ്മയം'ഭാഷ പ്രതിഭാ പരീക്ഷ ,സാഹിത്യ ശില്പശാല, സാഹിത്യ, സെമിനാർ ,കഥാരചന , കവിത രചന , ചിത്രരചന, പെൻസിൽ ,ജലഛായം,നാടൻ പാട്ട്, നാടകാഭിനയം,തുടങ്ങിയ മികവ് തെളിയിക്കുന്ന മത്സരങ്ങളും സംഘടിപ്പിക്കുന്നുണ്ട്.വായനാദിനത്തിന്റെ ഭാഗമായി മികച്ച വായനക്കാരെ കണ്ടെത്തൽ ,അമ്മ വായന,സാഹിത്യ ക്വിസ്,വായനക്കുറിപ്പ് തയ്യാറാക്കൽതുടങ്ങി ഒട്ടേറെ പരിപാടികൾ സംഘടിപ്പിച്ചു.