നൊച്ചാട് എച്ച്. എസ്സ്.എസ്സ്./ലിറ്റിൽകൈറ്റ്സ്/2022-25

ലിറ്റിൽകൈറ്റ്സ് 2022-25

2022-25 യൂണിറ്റ് ബാച്ചിലേക്കുള്ള അംഗങ്ങൾക്കുള്ള അഭിരുചി പരീക്ഷ 2022 ജൂലൈ 2ന് നടന്നു. ജൂൺ മാസത്തിൽ 2022-25 യൂണിറ്റ് ബാച്ചിലേക്ക് അംഗത്വം നേടാൻ ആഗ്രഹിക്കുന്ന വിദ്യാർത്ഥികളുടെ വാട്സാപ്പ് ഗ്രൂപ്പ് രൂപീകരിച്ചു. ഗ്രൂപ്പിലൂടെ കൈറ്റ് വിക്റ്റേഴ്സ് സംപ്രേഷണം ചെയ്‍ത അഭിരുചി പരീക്ഷയ്‍ക്ക് തയ്യാറെടുക്കുന്ന വിദ്യാർത്ഥികൾക്കുള്ള വീഡിയോകളും മുൻ വർഷത്തെ അഭിരുചി പരീക്ഷയുടെ ചോദ്യങ്ങളും വാട്സാപ്പ് ഗ്രൂപ്പിലൂടെ നൽകി. 89 വിദ്യാർത്ഥികൾ അഭിരുചി പരീക്ഷ എഴുതി. ആദ്യത്തെ 40 റാങ്കിൽ 43 പേർ ഉൾപ്പെട്ടു. ഫ്രീഡം ഫെസ്‍റ്റ് അനുബന്ധ സെമിനാർ അവതരണം നടത്തിയത് 2022-25 ബാച്ച് വിദ്യാർത്ഥികൾ ആയിരുന്നു. സെപ്റ്റംബർ രണ്ടിന് ഏകദിന ക്യാമ്പ് നടന്നു.

ഐഡി കാർഡ്

ഐഡി കാർഡ് വിതരണം 2023 ജൂൺ 21-ന് നടന്നു.

യൂണിഫോം

22.11.2022-ന് ലിറ്റിൽ കൈറ്റ്സ് അംഗങ്ങൾക്കുള്ള യൂണിഫോം വിതരണം ചെയ്‍തു.

സെറിബ്രൽ പാൾസി ബാധിച്ച് വീൽചെയറിൽ കഴിയുന്ന വിദ്യാർത്ഥിക്ക് ഐ.ടി. പരിശിലനം

നൊച്ചാട് ഹയർസെക്കണ്ടറി സ്‍കൂളിൽ പ്ലസ്‍ ടു വിന് പഠിക്കുന്ന സെറിബ്രൽ പാൾസി ബാധിച്ച് വീൽചെയറിൽ കഴിയുന്ന നവീൻ എന്ന വിദ്യാ‍ർത്ഥിയ്ക്ക് ഈ അധ്യായന വർഷം ഐ.ടി പരിശീലനം ന‍ൽകുന്നത് 2022 -25 യൂണിറ്റ് ബാച്ച് വിദ്യാർത്ഥികൾ ആണ്.

എസ് പി സി കേഡറ്റുകൾക്ക് റോബോട്ടിക്സ് പരിശീലനം

ലിറ്റിൽകൈറ്റ്സ് 2022-25 യൂണിറ്റ് ബാച്ച് വിദ്യാർത്ഥികൾ, 2022 - 25 യൂണിറ്റ് ബാച്ച് എസ് പി സി കേഡറ്റുകൾക്ക് ആർഡ്വീനോ കിറ്റ് പരിചയപ്പെടുത്തി. റോബോട്ടിക്സ് പരിശീലനം നൽകി

സബ് ജില്ലാ കലാമേള വീഡിയോ കവറേജ്

.2023 - 24 അധ്യായന വർഷത്തിൽ പേരാമ്പ്ര സബ് ജില്ലാ കലാമേളയുടെ സ്‍റ്റേജിനങ്ങളുടെ വീഡിയോ കവറേജ് നടത്തിയത് 2022 -2025 യൂണിറ്റ് ബാച്ച് വിദ്യാർത്ഥികൾ ആയിരുന്നു.