സെൻറ് ഫിലോമിനാസ് ഗേൾസ് എച്ച്.എസ്. പൂന്തുറ/പ്രവർത്തനങ്ങൾ/2021-2022 അദ്ധ്യയന വർഷത്തിലെ പ്രവർത്തനങ്ങൾ

എസ് എസ് എൽ സി റിസൽട്ട് 2021

എസ്സ് എസ്സ് എൽ സി ക്ക് ഇത്തവണയും 100 ശതമാനം വിജയം പരീക്ഷയെഴുതിയ 241 കുട്ടികളും വിജയിച്ചു. 85 കുട്ടികൾക്ക് എല്ലാ വിഷയങ്ങൾക്കും എ പ്ലസ്.

2021 SSLC ഫുൾ എ പ്ലസ് നേടിയവർ

സ്കൂൾതല പ്രവേശനോത്സവം

സ്കൂൾ തല പ്രവേശനോത്സവം ജൂൺ ഒന്നാം തിയതി വെർച്വലായി ആയി നടന്നു. അതിൽ ആദ്യഭാഗം ലൈവ് ആയും ബാക്കി റെക്കോർഡഡും ആയിരുന്നു. ഈശ്വരപ്രാർത്ഥനയ്ക്ക് ശേഷം ഹെഡ്മിസ്ട്രസ് സിസ്റ്റർ സിജി ഉത്ഘാടനം നിർവഹിച്ചു. ബഹുമാനപ്പെട്ട വിദ്യാഭ്യാസമന്ത്രിയുടെ സന്ദേശം ഓൺലൈൻ ആയി നൽകി. ഒപ്പം ബഹുമാനപെട്ട ഗതാഗതമന്ത്രി ശ്രീ ആന്റണി രാജു ഓൺലൈനായി സ്കൂളിന് പ്രത്യേകം ആശംസ അർപ്പിച്ചു. മൂന്നാംക്ലാസ്സിലെ അധീന ഡാൻസ് അവതരിപ്പിച്ചു. ഒന്നാം ക്ലാസ്സിന്റെ പ്രവേശനോത്സവം മദർ സുപ്പീരിയർ റവറന്റ് സിസ്റ്റർ അനു ഉത്ഘാടനം ചെയ്തു. പി ടി എ പ്രസിഡന്റ്‌ ആശംസാ പ്രസംഗം നിർവഹിച്ചു. കുട്ടികൾ പ്രവേശനോത്സവ ഗാനം ആലപിച്ചു. സ്കൂൾ തലത്തിലും ഗൃഹ തലത്തിലും വെർച്വലായി നടന്ന പ്രവേശനോത്സവം ചുവടെ കൊടുത്തിരിക്കുന്ന യൂട്യൂബ് ലിങ്കുകൾ വഴി കാണാം

വെ‍ർച്വൽ പ്രവേശനോത്സവം‍‍
പ്രവേശനോത്സവം‍‍ ഗൃഹതലം‍

പരിസ്ഥിതിദിനം - സീഡ് പ്രവർത്തനങ്ങൾ

സീഡ് പ്രവർത്തനങ്ങളുടെ ഭാഗമായി ലോക പരിസ്ഥിതിദിനമായ ജൂൺ 5 ന് കുട്ടികൾക്ക് പരിസ്ഥിതിയുമായി ബന്ധപ്പെട്ട് ചിത്രരചന സംഘടിപ്പിച്ചു. എൽപി, യുപി വിഭാഗങ്ങളിൽ നിന്ന് ഇരുനൂറോളം കുട്ടികൾ മത്സരത്തിൽ പങ്കെടുത്തു. മത്സരവിജയികളെ കണ്ടെത്തി. അവയിൽ നിന്നും മികച്ചവ ചിത്രകലാ അധ്യാപകനായ ലിയോൺ സർ തിരഞ്ഞെടുത്ത് അത് മാതൃഭൂമി സീഡ് കോർഡിനേറ്റർ എമിലിക്ക് അയച്ചു കൊടുക്കുകയും ചെയ്തു. വീട്ടിലെ കൃഷി പ്രോത്സാഹിപ്പിക്കുന്നതിനായി കുട്ടികൾ അവരവരുടെ വീടുകളിൽ ചെടികൾ നടുകയും അതിന്റെ ചിത്രങ്ങൾ ക്ലാസ്ടീച്ചേഴ്സിന് അയച്ചു നൽകുകയും ചെയ്തു. ലോക ഭക്ഷ്യ ദിനത്തോടാനുബന്ധിച്ചു കുട്ടികൾ തങ്ങളുടെ വീടുകളിലെ അടുക്കളത്തോട്ടം പരിപാലനത്തിന്റെ ചിത്രങ്ങൾ ക്ലാസ്സ്‌ ടീച്ചർക്ക്‌ അയച്ചുനൽകി. ലഹരി വിരുദ്ധ ദിനത്തോടനുബന്ധിച്ച് സംഘടിപ്പിച്ച ഓൺലൈൻ വെബ്ബിനാറിൽ കുട്ടികൾ പങ്കെടുത്തു. ലഹരിവിരുദ്ധ ദിന സന്ദേശങ്ങൾ ഉൾക്കൊള്ളുന്ന പ്ലക്കാർഡുകൾ കുട്ടികൾ നിർമ്മിച്ചു. കുട്ടികൾക്ക് കൃഷിയിൽ താല്പര്യം ജനിപ്പിക്കുന്നതിന് ഉതകുന്ന പ്രവർത്തനങ്ങൾക്ക് രൂപം നൽകുകയും വിത്തുകൾ കുട്ടികൾക്ക് നൽകുകയും ചെയ്തു.

പരിസ്ഥിതി ദിനം-ചിത്രങ്ങൾ‍‍

സ്കൂൾ പാർലമെന്റ്

ഈ വർഷത്തെ സ്കൂൾ പാർലമെന്റ് തെരഞ്ഞെടുപ്പ് പതിവിനു വിപരീതമായി ഓൺലൈനിലൂടെ ആണ് നടത്തിയത്. ജൂലൈ 5ന് എൽപി,യുപി, എച്ച്എസ് വിഭാഗങ്ങൾക്ക് പ്രത്യേക വിഷയങ്ങളിൽ പ്രസംഗമത്സരം നടത്തിയാണ് പാർലമെന്റ് അംഗങ്ങളെ തിരഞ്ഞെടുത്തത്.എൽ.പി - എന്റെ വീട്, യു.പി - ഓൺലൈൻ വിദ്യാഭ്യാസത്തിന്റെ നേട്ടങ്ങളും കോട്ടങ്ങളും, എച്ച്.എസ്- കൊറോണാ കാലത്തെ അതിജീവനം എന്നിവയായിരുന്നു വിഷയങ്ങൾ. ഹെഡ്മിസ്ട്രസ് ഉൾപ്പെടുന്ന ഒരു പാനൽ അംഗങ്ങളുടെ തെരഞ്ഞെടുപ്പിന് ഉണ്ടായിരുന്നു. സ്കൂൾ പാർലമെന്റ് അംഗങ്ങളുടെ സ്ഥാനാരോഹണ ചടങ്ങ് ജൂലൈ 29ന് എല്ലാ അധ്യാപകരുടെയും ഹെഡ്മിസ്ട്രസിന്റെയും സാന്നിധ്യത്തിൽ നടന്നു. അന്നേ ദിവസത്തെ മുഖ്യ ആകർഷണ പരിപാടി പാനൽ ചർച്ച 'ആയിരുന്നു. കുട്ടികളുടെ നേതൃത്വപാടവം വളർത്തുന്നത് ആയിരുന്നു അത്. ഒരു നല്ല നേതാവിന് ഉണ്ടായിരിക്കേണ്ട ഗുണങ്ങളും,നേതാവ് എപ്രകാരമാണ് മറ്റുള്ളവരുമായി ഇടപെടേണ്ടത് എന്നും ചർച്ചയിൽ ഊന്നി പറഞ്ഞു.

പാർലമെന്റ് അംഗങ്ങൾ

പേര്	പദവി	ക്ലാസ്സ്
സ്കൂൾ ലീഡർ	സെഫാനിയ ജോസഫ്	10സി
യു.പി സ്കൂൾ ലീഡർ	നൗറിൻ എസ്	7ഇ
യുപി അസിസ്റ്റന്റ് സ്കൂൾ ലീഡർ	ഫേവ	6 ബി
എൽപി സ്കൂൾ ലീഡർ	ലീദിയ.വി	4 ബി
എൽപി അസിസ്റ്റന്റ് ലീഡർ	നജിയ ഫാത്തിമ	3 സി
എമറാൾഡ് ഹൗസ് ക്യാപ്റ്റൻ	സഹന സുധീർ	9സി
എമറാൾഡ് വൈസ് ക്യാപ്റ്റൻ	രജിയ	8c
റൂബി ഹൗസ് ക്യാപ്റ്റൻ	സഫ്ന നസ്റിൻ	8ഡി
റൂബി വൈസ് ക്യാപ്റ്റൻ	ലുബീന എസ്	9എ
ഡയമണ്ട് ഹൗസ് ക്യാപ്റ്റൻ	ബുഷ്റ ബഷീർ	9ബി
ഡയമണ്ട് വൈസ് ക്യാപ്റ്റൻ	അനാമിക എസ്	8 സി
സഫയർ ഹൗസ് ക്യാപ്റ്റൻ	അഹ്സന ബാനു	8A
സഫയർ വൈസ് ക്യാപ്റ്റൻ	അനാമിക എസ്	8 സി
എമറാൾഡ് ഹൗസ് ക്യാപ്റ്റൻ	സിദാന് സമീർ	7ഡി
എമറാൾഡ് ഹൗസ് ക്യാപ്റ്റൻ	ഷഫ്ന ഷാഫി	6C
റൂബി ഹൗസ് ക്യാപ്റ്റൻ	മൗദം ഫർഹാന	6ഇ
റൂബി ഹൗസ് ക്യാപ്റ്റൻ	അശ്വതി സി എസ്	7സി
ഡയമണ്ട് ഹൗസ് ക്യാപ്റ്റൻ	സ്വാലിഹ് സുഹ്റ	7എ
ഡയമണ്ട് ഹൗസ് ക്യാപ്റ്റൻ	കജോലിൻ ക്രിസ്റ്റഡിമ	6 ഡി
സഫയർ ഹൗസ് ക്യാപ്റ്റൻ	നൈജന നജ്മുദ്ദീൻ	6എ
സഫയർ വൈസ് ക്യാപ്റ്റൻ	നസ്വീഹ എസ് ഹാജ	7ബി

ചാരിറ്റി ഗ്രൂപ്പ്

2021 - 22 അധ്യയനവർഷത്തിൽ ഏപ്രിൽ മാസം രൂപീകരിച്ച ചാരിറ്റി ഗ്രൂപ്പിലെ പ്രവർത്തനങ്ങൾ വളരെ കാര്യക്ഷമമായി നടന്നുവരുന്നു.ബഹുഭൂരിപക്ഷം കുട്ടികളുടെ കുടുംബങ്ങളെയും ദുരിതത്തിൽ ആഴ്ത്തിയ സമയത്ത് അവർക്ക് കൈത്താങ്ങായി മാറുന്നതിന് ഗ്രൂപ്പിന്റെ പ്രവർത്തനങ്ങൾക്ക് കഴിഞ്ഞു. ഒത്തിരി ഞെരുക്കത്തിൽ ആയിരുന്ന സമയത്ത് ഫുഡ് കിറ്റ് വിതരണം നടത്തി. കൂടാതെ ഓക്സിമീറ്റർ വാങ്ങുന്ന സർക്കാർ പദ്ധതിക്കായി അധ്യാപകർ സംഭാവന നൽകി. സ്കൂളിൽ പ്രവർത്തിക്കുന്ന ഗൈഡ് വിംഗിൽ നിന്നും തുക ഈ ചലഞ്ചിലേക്കായി സംഭാവന ചെയ്തു. ജൂൺ മുതൽ ആരംഭിച്ച ഓൺലൈൻ ക്ലാസ്സുകളിൽ പങ്കെടുക്കാൻ മൊബൈൽ സൗകര്യമില്ലാതിരുന്ന കുട്ടികൾക്കായി 'ഡിജിറ്റൽ ഫിലൈൻ' പദ്ധതി രൂപീകരിക്കുകയും അതിന്റെ വിപുലമായ പ്രവർത്തന ഫലമായി സ്കൂളിൽ നിന്നും ഏകദേശം 125 കുട്ടികൾക്ക് ഫോൺ വിതരണം നടത്തുകയും ചെയ്തു. ജൂലൈ 30 ന് ഡിജിറ്റൽ ഫിലൈൻ പ്രോജക്ടിന്റെ ഭാഗമായ ഒന്നാം ഘട്ട ഉപകരണവിതരണത്തോടനുബന്ധിച്ച് സംസ്ഥാന മന്ത്രിസഭയിലെ ഗതാഗതമന്ത്രിയും പൂന്തുറയുടെ തന്നെ മകനുമായ ബഹുമാനപ്പെട്ട ശ്രീ ആന്റണി രാജുവിനെ ആയിരുന്നു വീശിഷ്ടാതിഥിയായി ക്ഷണിച്ചിരുന്നത്. തദവസരത്തിൽ അദ്ദേഹത്തെ ആദരിക്കുകയുണ്ടായി. കൊറോണയുടെ സാഹചര്യങ്ങളിലെല്ലാം വീണ്ടും കൂടുതൽ ഭക്ഷണ കിറ്റുകൾ വിതരണം ചെയ്തു. അഞ്ചാം ക്ലാസിൽ പഠിക്കുന്ന സുബ്ഹാന യുടെ ഹാർട്ട് സർജറിക്കുശേഷം കുടുംബത്തിലെ സാമ്പത്തിക ബുദ്ധിമുട്ട് പരിഗണിച്ച് 5000 രൂപ കുടുംബത്തിന് കൊടുത്തു. തുടർന്നും നിസ്സഹായരും നിർധനരും ആയി, രോഗികളുമായി, ജീവിതം വഴി മുട്ടി നിൽക്കുന്ന സഹോദരങ്ങളുടെ കൈകൾക്ക് കരുത്തേകാൻ ചാരിറ്റി ഗ്രൂപ്പ് ശ്രമിക്കുന്നതാണ്.

ഡിജിറ്റൽ ഫിലൈൻ

കോവിഡ് 19 വിദ്യാർത്ഥിനികളുടെ പഠന പ്രക്രിയയിൽ ഒരു വിടവ് സൃഷ്ടിച്ചു. സാമ്പത്തികമായി പിന്നാക്കം നിൽക്കുന്ന വിദ്യാർത്ഥിനികളെ ക്ലാസ്സ്‌ തലത്തിൽ കണ്ടെത്തി അവർക്കാവശ്യമായ ഡിജിറ്റൽ പഠനോപകരണങ്ങൾ വിതരണം ചെയ്യുന്ന പ്രവർത്തങ്ങൾക്ക് രൂപകൽപന നൽകി. അധ്യാപകർ വ്യക്തിപരമായി ഒരു ടാബ്ലറ്റും അഞ്ച് മൊബൈൽ ഫോണുകളും സ്പോൺസർ ചെയ്തു. അധ്യാപകരുടെ ശ്രമഫലമായി, യുണൈറ്റഡ് ക്രിസ്ത്യൻ മൂവ്മെൻറ്റിൽ നിന്ന് 4 മൊബൈൽ ഫോണുകളും ഫിലിം ആക്ടർ ശ്രീ മമ്മൂട്ടി ഫാൻസ്‌ അസോസിയേഷനിൽ നിന്ന് 4 മൊബൈൽ ഫോണുകളും ലഭിക്കുകയുണ്ടായി. ഒരു ലക്ഷത്തി എഴുപത്തി ഏഴായിരത്തി ഇരുനൂറ്റി അൻപത് രൂപ അധ്യാപകരും അനധ്യാപകരും ചേർന്ന് സ്വരൂപിക്കുകയും 33 മൊബൈൽ ഫോണുകൾ വാങ്ങി നൽകുകയും ചെയ്തു. പൊതുജന സഹായത്തോടെ 70 ഫോണുകൾ കൂടി വാങ്ങി നൽകുകയും വിദ്യാർത്ഥിനികളുടെ പഠന പ്രക്രിയയിൽ സജീവ ഇടപെടലുകൾ നടത്തുകയും ചെയ്തു.

യോഗാ ദിനം

2021 ജൂൺ മാസം ഇരുപത്തി ഒന്നാം തീയതി യോഗാ ദിനത്തോടനുബന്ധിച്ച് സ്കൂളിൽ പ്രവർത്തിക്കുന്ന എസ് പി സി കുട്ടികൾക്കായി യോഗ ക്ലാസ് സംഘടിപ്പിച്ചു. സ്കൂളിലെ മുഴുവൻ കുട്ടികൾക്കും ഓൺലൈൻ പ്രവർത്തനങ്ങൾ സംഘടിപ്പിക്കുകയുണ്ടായി. ഹൈസ്കൂൾ വിഭാഗത്തിലെ കുട്ടികൾക്കും അധ്യാപകർക്കുമായി യോഗ മാസ്റ്റർ ശ്രീ അമല ദാസന്റെ വീഡിയോ പോസ്റ്റ് ചെയ്യുകയും അന്നേദിവസം പ്രവർത്തനം നടത്തുകയും ചെയ്തു. യുപി വിഭാഗം കുട്ടികൾക്കായി ആറാം ക്ലാസ് ഡി ഡിവിഷനിൽ പഠിക്കുന്ന തേജസ്വിനി തയ്യാറാക്കിയ വീഡിയോ അയച്ചു നൽകുകയും കുട്ടികൾ പ്രവർത്തനങ്ങളിലേർപ്പെടുകയും ചെയ്തു. തിരുവനന്തപുരം വിദ്യാഭ്യാസ ജില്ലയിലെ കായിക അധ്യാപകർ തയ്യാറാക്കിയ കായിക പരിശീലന വീഡിയോ സ്കൂളിലെ മുഴുവൻ വിദ്യാർഥികൾക്കും ആയി പങ്കുവെക്കുകയും കുട്ടികളെ പ്രവർത്തനങ്ങളിലേർപ്പെടുകയും കുടുംബത്തോടൊപ്പം കായിക പ്രവർത്തനങ്ങളിൽ ഏർപ്പെട്ടതിന്റെ വീഡിയോ അയച്ചു നൽകുകയും വിലയിരുത്തുകയും ചെയ്തു. എസ് പി സി കുട്ടികൾക്കായി സംഘടിപ്പിച്ച ക്രിസ്മസ് ക്യാമ്പിനോടനുബന്ധിച്ച് ഏറോബിക്സ് പരിശീലനപരിപാടി നടത്തി.

ഓണാഘോഷപരിപാടികൾ

2021- 2022 ലെ അധ്യാപകരുടെ ഓണാഘോഷം വിവിധ സ്‌ക്വാഡുകളുടെ നേതൃത്വത്തിൽ സംഘടിപ്പിച്ചു. എമറാൾഡ് സ്‌ക്വാഡ് അത്തപ്പൂക്കളം ഒരുക്കി. ഡയമണ്ട് സ്‌ക്വാഡ് വഞ്ചിപ്പാട്ട് ആലപിച്ചു. റൂബി സ്‌ക്വാഡിന്റെ നേതൃത്വത്തിൽ വിവിധ കലാപരിപാടികളും ഓണക്കളികളും സംഘടിപ്പിച്ചു. സഫയർ സ്‌ക്വാഡ് ആണ് ഓണസദ്യ ഒരുക്കിയത്. ഓണപ്പാട്ടുകളും തിരുവാതിരയുമൊക്കെയായി ഓണാഘോഷം വളരെ സന്തോഷപ്രദമായി .

സ്വാതന്ത്ര്യദിനാഘോഷം

ഓഗസ്റ്റ് 15, സ്വാതന്ത്ര്യദിനം SPC, Guides, സ്കൂൾ പാർലമെന്റ് എന്നിവയുടെ സംയുക്താഭിമുഖ്യത്തിൽ ആചരിച്ചു. SPC അംഗങ്ങളുടെ ഫ്ലാഗ് സല്യൂട്ടോടൊപ്പം റവറന്റ് മദർ സുപ്പീരിയർ സിസ്റ്റർ അന്നു, School PTA പ്രസിഡന്റ്‌ ശ്രീ യുസഫ് എന്നിവർ പതാക ഉയർത്തി. കുമാരി സഫ്ന നസ്രിൻ സ്വാതന്ത്ര്യദിന സന്ദേശം നൽകി. ദേശീയഗാനാലപനത്തോടെ ചടങ്ങുകൾ അവസാനിച്ചു.

ആർട്ട്സ് ക്ലബ് 2021 – 2022

സ്വാതന്ത്രത്തിന്റെ 75 വർഷത്തോടനുബന്ധിച്ചു അമൃത മഹോത്സവവുമായി ബന്ധപ്പെട്ട് യു ആർ സി സംഘടിപ്പിച്ച ദേശഭക്തിഗാന മത്സരത്തിൽ ഹൈ സ്കൂൾ വിഭാഗം മൂന്നാം സ്ഥാനവും, യു പി വിഭാഗം രണ്ടാം സ്ഥാനവും കിട്ടിയതിനാൽ സ്കൂൾ തല സർട്ടിഫിക്കറ്റും ട്രോഫിയും ബഹു AEO ശ്രീ ഗോപകുമാർ സാർ HM കോൺഫറൻസിൽ വിതരണം ചെയ്തു. തദവസരത്തിൽ ബഹു സൗത്ത് ബി പി ഓ ശ്രീ.നജീബ് സാർ സന്നിഹിതനായിരുന്നു.

അധ്യാപകദിനാഘോഷം

സെപ്റ്റംബർ 5, അധ്യാപകദിനം ഞായറാഴ്ച ആയതിനാൽ 6 ന് തിങ്കളാഴ്ചയാണ് ബഹുമാനപ്പെട്ട ഹെഡ്മിസ്ട്രസ്സിന്റെ നേതൃത്വത്തിൽ അധ്യാപകദിനാഘോഷം സംഘടിപ്പിച്ചത്. പാർലമെന്റ് അംഗങ്ങളായ വിദ്യാർഥിനികൾ അധ്യാപകരെ ഓഡിറ്റോറിയത്തിലേക്കു സ്വീകരിക്കുകയും പ്രാർത്ഥനാചടങ്ങുകൾക്കും ആശംസകൾക്കും ശേഷം മധുരം നൽകിയും സമ്മാനങ്ങൾ നൽകിയും ആദരിക്കുകയും ചെയ്തു. അന്നേദിവസം അധ്യാപകപ്രതിനിധികൾ ഹെഡ്മിസ്ട്രസ്സിനോടൊപ്പം സ്കൂളിലെ പൂർവാധ്യാപകരെ ഭവനങ്ങളിൽ സന്ദർശിച്ചു ആദരിക്കുകയും ചെയ്തു. അത് വേറിട്ട ഒരനുഭവമായിരുന്നു.

അധ്യാപകദിനാഘോഷം-ചിത്രങ്ങൾ‍‍

കേരളപിറവിദിനാഘോഷവും സ്കൂൾ തുറക്കലും

കേരളപിറവിദിനത്തിൽത്തന്നെ സ്കൂൾ തുറക്കുകയാൽ വിദ്യാർഥികളെ സ്വീകരിക്കാനായി കേരളീയവേഷം ധരിച്ച ഹൈസ്കൂൾ കുട്ടികൾ പ്രവേശനകവാടത്തിൽ അണിനിരന്നു. തലേദിവസം തന്നെ അധ്യാപകർ ക്ലാസ്സ്‌മുറികൾ തോരണങ്ങളാൽ അലങ്കരിച്ചിരുന്നു. കേരളീയവേഷത്തിലാണ് അന്നേദിവസം അധ്യാപകരും സ്കൂളിലെത്തിയത്. സ്കൂൾ മുറ്റത്തു ഒന്നാം ക്ലാസ്സിലെ കുരുന്നുകളെ അണിനിരത്തി സ്കൂൾ ഹെഡ്മിസ്ട്രസ്സിന്റെ നേതൃത്വത്തിൽ നടന്ന പ്രാർത്ഥനാചടങ്ങുകൾക്ക് ശേഷം അവരെ ക്ലാസ്സ്‌മുറികളിലേക്ക് ആനയിച്ചു. എല്ലാകുട്ടികൾക്കും മധുരം നൽകി.

കേരളപിറവിദിനാഘോഷവും സ്കൂൾ തുറക്കലും - ചിത്രങ്ങൾ‍‍

ശിശു ദിനം

ഈ വർഷത്തെ ശിശുദിനം നവംബർ 14 ഞായറാഴ്ച്ച ആയിരുന്നതിനാൽ, 15 തിങ്കളാഴ്ച്ച സ്കൂളിൽ ആഘോഷ പരിപാടികൾ സംഘടിപ്പിച്ചു. ഈശ്വര പ്രാർത്ഥനയോടെ ആരംഭിച്ച ചടങ്ങിൽ PTA പ്രസിഡന്റ് ശ്രീ യൂസഫ് അധ്യക്ഷപദം അലങ്കരിച്ചു. നാലാം ക്ലാസ്സ് വിദ്യാർത്ഥിനി കുമാരി അഹസന ഹക്കീം ചാച്ചാജിയുടെ വേഷത്തിൽ കുട്ടികൾക്ക് ആശംസകൾ നേർന്നു. അധ്യാപകർ അവതരിപ്പിച്ച വിവിധ കലാപരിപാടികൾ കുട്ടികൾ വളരെ ആവേശത്തോടെ ആസ്വദിച്ചു. കുട്ടികളുടെ ചാച്ചാജി ജവഹർലാൽ നെഹ്റുവിനെക്കുറിച്ച് കൂടുതൽ അറിയുവാൻ അദ്ദേഹത്തിന്റെ ജീവചരിത്രക്കുറിപ്പും കുട്ടികൾക്ക് മുന്നിൽ അവതരിപ്പിച്ചു. അന്നേ ദിവസം കുട്ടികൾക്ക് മധുരവിതരണവും നടത്തിയിരുന്നു. മധുര സ്മരണകൾ ഉണർത്തുന്ന ഒരു ദിനം കുട്ടികൾക്ക് സമ്മാനിക്കാൻ അധ്യാപകർക്ക് ഈ ശിശുദിനത്തിൽ കഴിഞ്ഞു.

വിദ്യാരംഗം കലാസാഹിത്യവേദി

ജൂൺ മാസത്തിൽ വായനാവാരത്തോടനനുബന്ധിച്ചു വായനാകുറിപ്പ് തയ്യാറാക്കൽ, എന്റെ ലൈബ്രറി, പ്ലക്കാർഡ് നിർമ്മാണം, ആസ്വാദന കുറിപ്പ് തയ്യാറാക്കൽ, ഇഷ്ടപ്പെട്ട കഥാപാത്രത്തെ അനുകരിക്കൽ, ഇഷ്ടപ്പെട്ട എഴുത്തുകാരൻ, കൊളാഷ് നിർമാണം എന്നീ പ്രവർത്തനങ്ങൾ കുട്ടികൾ ഏറ്റെടുത്തു ചെയ്തു. ആഗസ്റ്റ് മാസം വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ സ്കൂൾതല രചനാമത്സരങ്ങൾ നടന്നു. തെരഞ്ഞെടുക്കപ്പെട്ട കഥ, കവിത, ചിത്രം, ആസ്വാദനക്കുറിപ്പ് തുടങ്ങിയ രചനാമത്സരങ്ങളും കാവ്യാലാപനം, നാടൻപാട്ട് എന്നിവയുടെ വീഡിയോകളും ഓഗസ്റ്റ് 16 ന് AEO യിൽ സമർപ്പിച്ചു. നവംബർ 1 ന് സ്കൂൾ തുറന്ന ദിവസം പ്രവേശനോത്സവവും കേരളപ്പിറവിദിനവും വിദ്യാരംഗത്തിന്റെ കീഴിൽ മനോഹരമായി സംഘടിപ്പിച്ചു. തുടർന്നുള്ള മാസങ്ങളിൽ സ്കൂൾ അസംബ്ലിയിൽ സാഹിത്യകാരന്മാരുടെ ചരമദിനം, ജന്മദിനം എന്നിവയുമായി ബന്ധപ്പെട്ട് ലഘുവിവരണം അവതരിപ്പിക്കുന്നുണ്ട്.

ഗാന്ധിദർശൻ ക്ലബ്

ഗാന്ധി ദർശൻ ക്ലബ്ബ് ഉദ്ഘാടനത്തോടനുബന്ധിച്ച് ഒരു ഓഫ് ലൈൻ മീറ്റിംഗ് സ്കൂളിൽ സംഘടിപ്പിക്കുകയും ക്ലബ്ബിന്റെ സ്കൂൾതല പ്രവർത്തനങ്ങളുടെ ഉദ്ഘാടനം ഹെഡ്മിസ്ട്രസ് സിസ്റ്റർ സിജി നിർവഹിക്കുകയും ചെയ്തു. കുട്ടികൾക്കും രക്ഷകർത്താക്കൾക്കും ആയി ഓൺലൈൻ മീറ്റിംഗ് സംഘടിപ്പിച്ചു.കുട്ടികൾ സ്കൂളിൽ വൃക്ഷ തൈകൾ നടുകയും സേവനവാരത്തോടനുബന്ധിച്ച് വിവിധ ശുചീകരണ പ്രവർത്തനങ്ങളിൽ പങ്കാളികളാവുകയും ചെയ്തു.

സോഷ്യൽ സയൻസ് ക്ലബ്‌ പ്രവർത്തനങ്ങൾ

സ്കൂൾ സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ ജൂലൈ 11 ന് ലോകജനസംഖ്യാദിനത്തോടനുബന്ധിച്ച് കുട്ടികളെ ഉൾപ്പെടുത്തി ഒരു ബോധവൽക്കരണവീഡിയോ തയ്യാറാക്കി. ഓഗസ്റ്റ് 6 ഹിരോഷിമ ദിനത്തോടനുബന്ധിച്ചും വീഡിയോ തയ്യാറാക്കുകയുണ്ടായി. സ്വാതന്ത്ര്യത്തിന്റെ അമൃത മഹോത്‌സവവുമായി ബന്ധപ്പെട്ട് സ്കൂളിൽനിന്ന് സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ വിദ്യാർഥികൾ തയ്യാറാക്കിയ പ്രാദേശിക ചരിത്രരചനകൾ AEO ആഫീസിൽ എത്തിച്ചു. അമൃത മഹോത്സവവുമായി ബന്ധപ്പെട്ട് യു ആർ സി സംഘടിപ്പിച്ച ദേശഭക്തിഗാന മത്സരത്തിൽ ഹൈ സ്കൂൾ വിഭാഗം മൂന്നാം സ്ഥാനവും, യു പി വിഭാഗം രണ്ടാം സ്ഥാനവും കിട്ടിയതിനാൽ സ്കൂൾ തല സർട്ടിഫിക്കറ്റും ട്രോഫിയും ബഹു AEO ശ്രീ ഗോപകുമാർ സാർ HM കോൺഫറൻസിൽ വിതരണം ചെയ്തു. തദവസരത്തിൽ ബഹു സൗത്ത് ബി പി ഓ ശ്രീ.നജീബ് സാർ സന്നിഹിതനായിരുന്നു.

പ്രാദേശിക ചരിത്രം

ശാസ്ത്രരംഗം

ശാസ്ത്രരംഗത്തിന്റെ ആഭിമുഖ്യത്തിൽ URC തലത്തിൽ നടന്ന മത്സരങ്ങളിൽ സ്കൂളിലെ കുട്ടികൾ പങ്കെടുത്തു. അതിൽ പ്രവർത്തിപരിചയ മത്സരത്തിൽ നമ്മുടെ സ്കൂളിൽ നിന്നും മത്സരിച്ച 8C യിലെ ഗോകില ആർ ആർ ജില്ലാ തലത്തിലേക്കു തെരഞ്ഞെടുക്കപെട്ടു.2021 22 അദ്ധ്യയന വർഷം സയൻസ് ക്ലബ്ബിന്റെ വിവിധ പ്രവർത്തനങ്ങൾ ഓൺലൈനായും ഓഫ്‌ലൈനായും ഈ വർഷങ്ങളിൽ നടത്തുകയുണ്ടായി. തിരുവനന്തപുരം ജില്ലാ വിദ്യാഭ്യാസ ഓഫീസറുടെ നിർദേശപ്രകാരം വിവിധ മത്സരങ്ങൾ സംഘടിപ്പിക്കുകയുണ്ടായി. അതിൽ നിന്നും ഒന്നാം സ്ഥാനം നേടിയ കുട്ടികളെ ജില്ലാ വിദ്യാഭ്യാസ വകുപ്പ് സംഘടിപ്പിച്ച പ്രവർത്തനങ്ങളിൽ പങ്കെടുപ്പിച്ചു. കുട്ടികൾക്ക് വിവിധ എക്സപെരിമെന്റ്, സ്റ്റിൽ മോഡലുകൾ, വർക്കിംഗ് മോഡലുകൾ, പ്രോജക്ട്, സെമിനാർ എന്നിവ ക്ലാസ് തലത്തിൽ നൽകുകയുണ്ടായി. കുട്ടികൾ നൽകിയ പ്രവർത്തന റിപ്പോർട്ട്, മോഡലുകൾ എന്നിവ വിലയിരുത്തി. വീടുകളിൽ ആയിരിക്കുന്ന വിദ്യാർത്ഥിനികൾ നടത്തിയ പ്രവർത്തനങ്ങളുടെ ഫോട്ടോ അതാത് അധ്യാപകർക്ക് അയച്ചു നൽകുകയും വിലയിരുത്തുകയും ചെയ്തു.

തിരികെ വിദ്യാലയത്തിലേക്ക്

കോവിഡ് കാലത്തെ അടച്ചിടലിനുശേഷം സ്കൂളുകൾ തുറന്നപ്പോഴുള്ള നിമിഷങ്ങൾ ചിത്രീകരിക്കുന്നതിന് 'തിരികെ വിദ്യാലയത്തിലേക്ക്' എന്ന തലക്കെട്ടിൽ കൈറ്റ് നടത്തിയ ഫോട്ടോഗ്രാഫി മത്സരത്തിൽ സ്കൂളിന് മൂന്നാം സ്ഥാനം ലഭിച്ചു.ഫോട്ടോഗ്രാഫി മത്സരത്തിൽ പങ്കെടുക്കുന്നതിനായി സ്കൂളിലെ എല്ലാ അധ്യാപകരോടും ഹെഡ്മിസ്ട്രസ് നിർദേശിക്കുകയും അതിന്റെ ഭാഗമായി നിരവധി അധ്യാപകർ ചിത്രങ്ങൾ സ്വന്തം മൊബൈൽ ക്യാമറയിൽ പകർത്തുകയും ചെയ്യുകയുണ്ടായി. അതിൽ നിന്നും തെരഞ്ഞെടുത്ത അഞ്ച് ചിത്രങ്ങളാണ് ഫോട്ടോഗ്രാഫി മത്സരത്തിനായി അയച്ചുകൊടുത്തത്.തിരുവനന്തപുരം ജില്ലയിൽ നിന്ന് ഉൾപ്പെടുത്തിയ ഏകദേശം 1194 ഫോട്ടോകളിൽ നിന്നും 30 ഫോട്ടോ തെരഞ്ഞെടുത്തു. അതിൽ ‍ഞങ്ങളുടെ സ്കൂളിലെ 2 ഫോട്ടോ ഇടം നേടുകയും തിരുവനന്തപുരം ജില്ലയിൽ മൂന്നാം സ്ഥാനം കരസ്ഥമാക്കുകയും ചെയ്തു. തിരുവനന്തപുരം ജില്ലയിലെ തെരഞ്ഞെടുക്കപ്പെട്ട മൂന്ന് സ്കൂളുകളിൽ ഒരെണ്ണം ആകാൻ സാധിച്ചത് വളരെ അഭിമാനമായി കരുതുന്നു. 2000 രൂപ സമ്മാനവും പ്രശസ്തിപത്രവും ലഭിച്ചു

തിരികെ വിദ്യാലയത്തിലേക്ക് കൂടുതൽ ചിത്രങ്ങൾ

എസ് പി സി

ജൂൺ 5, പരീസ്ഥിതിദിനത്തിന്റെ ഭാഗമായി എല്ലാ കേഡറ്റുകളും തങ്ങളുടെ വീട്ടുപരിസരത്ത് ഫലവൃക്ഷത്തൈകൾ നട്ടിരുന്നു. ഓഗസ്റ്റ് 2, എസ് പി സി ദിനത്തിന്റെ 12-ാമത് വാർഷികത്തോടനുബന്ധിച്ച് സ്കൂളിൽ പൂന്തുറ പോലീസ് സ്റ്റേഷൻ എസ് ഐ ഷിയാസ് എസ് പി സി പതാക ഉയർത്തി. ഓഗസ്റ്റ് 7 ന് എസ് പി സി യുടെ 12-ാമത് വാർഷികത്തോടനുബന്ധിച്ച് ഫ്രൻഡ്സ് അറ്റ് ഹോം എന്ന പ്രോജക്ടിന്റെ ഭാഗമായി ഭിന്നശേഷിക്കാരിയായ കുട്ടിക്ക് ധനസഹായം നൽകി. ഫലവൃക്ഷത്തോട്ടം നിർമ്മിക്കുന്നതിന്റെ ഭാഗമായി സ്കൂളിൽ ഫലവൃക്ഷത്തൈകൾ നട്ടുകൊണ്ട് ഹെഡ്മിസ്ട്രസ് സിസ്റ്റർ സിജി ഉദ്ഘാടനം നിർവഹിച്ചു.'ഒരു വയറൂട്ടാം' പദ്ധതിയുടെ ഭാഗമായി എസ് പി സി കേഡറ്റുകൾ എല്ലാവരും ചേർന്ന് തങ്ങളുടെ വീടിനു സമീപത്തെ പാവപ്പെട്ടവർക്ക് ആഹാരം നൽകി. ശിശുദിനത്തിന്റെ ഭാഗമായി സംഘടിപ്പിച്ച 'ചിൽഡ്രൻസ് ഡേ ചലഞ്ചിൽ' ശിശുക്ഷേമ സമിതിയിലെ നിരാലംബരായ കുഞ്ഞുങ്ങൾക്ക് ആവശ്യമായ സാധനങ്ങൾ നൽകി. കോവിഡ് എന്ന മഹാമാരിയുടെ ഉച്ചസ്‌ഥായിൽ പോലും എസ് പി സി കേഡറ്റുകൾ മാസ്ക് നിർമിച്ചു പൂന്തുറ ജനമൈത്രി പോലീസ് സ്റ്റേഷനിൽ അന്നത്തെ എസ് ഐ ശ്രീ അഭിരാം സാറിനു കൈമാറിയിരുന്നു. എസ് പി സി കേഡറ്റുകൾ സമാഹരിച്ച തുകയിൽ നിന്നും നിർദ്ദനർക്കു ഭക്ഷ്യ കിറ്റുകൾ പൂന്തുറ ജനമൈത്രി പോലീസ് സ്റ്റേഷനിൽ നൽകിയിരുന്നു. മൊബൈൽ ചലഞ്ചിന്റെ ഭാഗമായി നമ്മുടെ സ്കൂളിലെ ഒരു വിദ്യാർഥിനിക്, പൂന്തുറ ജനമൈത്രി പോലീസ് സ്റ്റേഷനിലെ സി ഐ അനൂപ് സാറിന്റെ നേതൃത്വത്തിൽ മൊബൈൽ ഫോൺ നൽകുകയുണ്ടായി. ഭിന്നശേഷി യുള്ള കുഞ്ഞുങ്ങളെ കണ്ടെത്തി അവർക്കും ചെറിയ രീതിയിൽ ഉള്ള ധന സഹായങ്ങളും എസ് പി സിസിയുടെ നേതൃത്വത്തിൽ നടത്തിയിരുന്നു. മെഡിസിൻ ചലഞ്ചിന്റെ ഭാഗമായി എസ് പി സിയിലെ തന്നെ നിർധനരായ കുഞ്ഞുകൾക്കു മരുന്ന് വിതരണം സ്കൂളിലെ ഹെഡ്മിസ്ട്രസ് സിസ്റ്റർ സിജിയുടെ നേതൃത്വത്തിൽ നൽകുകയുണ്ടായി. ഒരു വയറുട്ടാം പദ്ധതിയുടെ ഭാഗമായി എല്ലാ കേഡറ്റുകളും ഒരു നേരത്തെ ഭക്ഷണം വീട്ടിൽ ഉണ്ടാക്കി തങ്ങളുടെ പരിസരത്ത് വിശന്നു വലയുന്നവരെ കണ്ടെത്തി നൽകിയിരുന്നു.ചിൽഡ്രൻസ് ഡേ ചലഞ്ചിന്റെ ഭാഗമായി കേരള ശിശു ക്ഷേമസമിതിയിലെ കുഞ്ഞുങ്ങൾക് പഠനാവശ്യമായ സാധനങ്ങൾ സമാഹാരിച്ച് നൽകിയിരുന്നു.

സെന്റ് ഫിലോമിനാസ് എസ് പി സി ഈ വർഷത്തെ പ്രവർത്തനങ്ങളുടെ ചിത്രങ്ങൾ കാണാം

ഗൈഡ്സ്

ഈ അദ്ധ്യായന വർഷത്തെ ഗൈഡ് പ്രവർത്തനങ്ങൾ പുതുതായി 12 അംഗങ്ങളെ ചേർത്തുകൊണ്ട് ആരംഭിച്ചു. അബീഷ ജെ, മേരി ജെഫിൻ എന്നിവരെ യഥാക്രമം കമ്പനി ലീഡർ, അസിസ്റ്റന്റ് ലീഡർ ആയി തിരഞ്ഞെടുത്തു. രാജ്യപുരസ്കാർ ടെസ്റ്റ് പ്രവർത്തനങ്ങളുടെ ഭാഗമായി, പരീക്ഷയ്ക്ക് തയ്യാറെടുക്കുന്ന ഓരോ ഗൈഡും 50 മാസ്ക് നിർമാണം, ജൈവകൃഷി എന്നീ പ്രവർത്തനങ്ങൾ ഏറ്റെടുത്തു. ബേസിക്സ് ഓഫ് കോവിഡ് -19, പ്ലാസ്റ്റിക്സ് ടൈഡ് ടർണേഴ്സ് ചാലെൻജ് , കേരള എന്നീ ഓൺലൈൻ പ്രവർത്തന കോഴ്സുകളിൽ പങ്കെടുത്ത് സർട്ടിഫിക്കറ്റ് കരസ്ഥമാക്കി. അവർ വീട്ടിലുപയോഗിക്കാവുന്ന ഗാഡ്‌ജറ്റുകളും താത്കാലിക ടെന്റുകളും നിർമ്മിച്ചു. ജനുവരി 2 ന് ജില്ലാ ഹെഡ് ക്വാർട്ടേഴ്സ്, പിഎംജി യിൽ വച്ച് നടന്ന രാജ്യപുരസ്കാർ ടെസ്റ്റ് ട്രെയിനിങ് ക്യാമ്പിൽ ഗൈഡുകൾ പങ്കെടുക്കുകയും ഗൈഡ് ക്യാപ്റ്റൻമാരുടെ നേതൃത്വത്തിൽ, ജനുവരി 6,7 തിയതികളിൽ കുട്ടികൾ പരീക്ഷയ്ക്ക് തയ്യാറെടുക്കുകയും ചെയ്തു. ജനുവരി 8 ന്, ഗവ. വി എച്ച് എസ് എസ് , കല്ലറ സ്കൂളിൽ വച്ച് നടന്ന രാജ്യപുരസ്കാർ പരീക്ഷയിൽ നമ്മുടെ സ്കൂളിൽ നിന്ന് 7 ഗൈഡുകൾ പങ്കെടുത്തു. 'വിദ്യാ കിരൺ' പദ്ധതിയിലേക്ക് സംഭാവന നൽകാൻ പ്രഥമ അദ്ധ്യാപിക സിസ്റ്റർ. സിജി വി. ടി. യുടെ സാമ്പത്തികസഹകരണം ലഭിച്ചു. 'വിഷൻ 2021- 26, കേരള' യുടെ പ്രവർത്തനങ്ങളിൽ ഗൈഡുകളുടെ സജീവ പങ്കാളിത്തം ഉറപ്പുവരുത്തുന്നുണ്ട്. 'ഒപ്പം' പരിപാടിയുടെ ഭാഗമായി ജനുവരി 6 ന്, ഡോ. ദീപു മിരിയ ജോൺ , എം.ബി.ബി.എസ് , മിനിഷ ഹോസ്പിറ്റൽ , വയനാട് ന്റെ നേതൃത്വത്തിൽ നടന്ന ആരോഗ്യ, മനസികാരോഗ്യ, കോവിഡ് പ്രതിരോധ ഓൺലൈൻ ക്ലാസ്സിൽ 15 ഗൈഡുകൾ പങ്കെടുത്തു. ഓൺലൈൻ പെട്രോൾ ലീഡേഴ്സ് ക്യാമ്പിൽ 4 ഗൈഡ് ലീഡർമാർ പങ്കെടുത്തു. ജനുവരി 23 ന് 'ആസാദി കാ അമൃത് മഹോത്സവ്, ന്യൂ ഡൽഹി' യുടെ മത്സരങ്ങളിലേക്ക് ഗൈഡുകളെ പ്രചോദിപ്പിക്കുന്നതിന് നടത്തപ്പെട്ട സൂം സെഷൻസിൽ 5 ഗൈഡുകൾ പങ്കെടുക്കുകയും രംഗോലി മത്സരത്തിൽ നസ്ന ഫാത്തിമ എസ് എൻ സർട്ടിഫിക്കറ്റ് കരസ്ഥമാക്കുക യും ചെയ്തു. വിവിധ ദിനാചരണങ്ങളിൽ ഗൈഡുകളുടെ സജീവ പങ്കാളിത്തം ഉണ്ടായിരുന്നു.

ലിറ്റിൽ കൈറ്റ്സ്

കൊവിഡ് കാരണം മുടങ്ങിപ്പോയ പത്താം ക്ലാസ്സുകാരുടെ കഴിഞ്ഞവർഷത്തെ ലിറ്റിൽ കൈറ്റ്സ് ക്ലാസ്സുകൾ ഈ വർഷം കൃത്യമായി നടത്താൻ സാധിച്ചു. അനിമേഷൻ സ്ക്രാച്ച് മലയാളം ടൈപ്പിംഗ് തുടങ്ങിയ മേഖലകളിൽ കുട്ടികൾക്ക് പരിശീലനം നൽകി വരുന്നു.

അഭിര‍ുചി പരീക്ഷ

2021- 2023 ബാച്ചിലേക്കുള്ള ലിറ്റിൽ കൈറ്റ്സ് അംഗങ്ങളെ തെരഞ്ഞെടുക്കാനുള്ള പരീക്ഷ ലിറ്റിൽ കൈറ്റ്സ് മിസ്ട്രസ്മാരോടൊപ്പം സ്കൂളിലെ മറ്റു അധ്യാപകരുടെയും സഹകരണത്തോടെ നവംബർ മാസം 27 ന് നടന്നു. 95 പേരിൽ നിന്ന് 41 പേർ തെരഞ്ഞെടുക്കപ്പെട്ടു.

പ്രിലിമിനറി ക്യാമ്പ്

അഭിരുചി പരീക്ഷയിലൂടെ തെരഞ്ഞെടുക്കപ്പെട്ട ഒമ്പതാം ക്ലാസിലെ കുട്ടികൾക്ക് പ്രിലിമിനറി ക്യാമ്പ് സ്കൂളിൽ വച്ച് നടത്തി. ബഹുമാനപ്പെട്ട ഹെഡ്മിസ്ട്രസ്സ് ക്യാമ്പ് ഉദ്ഘാടനം ചെയ്തു. കൈറ്റ് മിസ്ട്രസ് മാരായ പ്രീത ആന്റണി ടീച്ചറും സിസ്റ്റർ ബോബിക്കും ഒപ്പം മീനാമൈക്കൽ ടീച്ചറും ആർ പി ആയി ക്യാമ്പിൽ പങ്കെടുത്തു.ലിറ്റിൽ കൈറ്റ്സ് സീനിയർ കുട്ടികൾ ക്യാമ്പിന്റെ ഉദ്ഘാടനത്തിനായി തയ്യാറാക്കിയ അനിമേഷൻ പ്രത്യേക ശ്രദ്ധ ആകർഷിച്ചു. സോഫ്റ്റ്‌വെയർ ഇൻസ്റ്റാൾ ചെയ്യുന്നതിനും കുട്ടികൾ സഹായിച്ചു.ക്യാമ്പിൽ ഉടനീളം ലിറ്റിൽ കൈറ്റ്സ് സീനിയർ കുട്ടികളുടെ സഹായം ഉണ്ടായിരുന്നു. ക്യാമ്പ് നടന്ന അവസരത്തിൽ കൈറ്റിൽ നിന്നും മാസ്റ്റർ ട്രെയിനർ പ്രിയ ടീച്ചർ ക്യാമ്പ് സന്ദർശിച്ചു.

പ്രിലിമിനറി ക്യാമ്പ് ചിത്രങ്ങൾ

ലിറ്റിൽ കൈറ്റ്സ് ക്ലാസ്സുകൾ

കൊവിഡ് കാരണം മുടങ്ങിപ്പോയ പത്താം ക്ലാസ്സുകാരുടെ കഴിഞ്ഞവർഷത്തെ ലിറ്റിൽ കൈറ്റ്സ് ക്ലാസ്സുകൾ ഈ വർഷം കൃത്യമായി നടത്താൻ സാധിച്ചു. അനിമേഷൻ സ്ക്രാച്ച് മലയാളം ടൈപ്പിംഗ് തുടങ്ങിയ മേഖലകളിൽ കുട്ടികൾക്ക് പരിശീലനം നൽകി.

ജി സ്യൂട്ട് ഹെൽപ്പ് ഡസ്ക്

പഠനം ഓൺലൈനിലേക്ക് മാറിയപ്പോൾ ക്ലാസുകൾ കൈകാര്യം ചെയ്യുന്ന അധ്യാപകരുടെയും ക്ലാസ്സിൽ പങ്കെടുക്കുന്ന കുട്ടികളുടെയും സുരക്ഷ ഉറപ്പാക്കുന്നതിനായി കൈറ്റ് തയ്യാറാക്കി നൽകിയ ജി സ്യൂട്ട് പ്ലാറ്റ്ഫോമിൽ ക്ലാസ്സുകൾ കൈകാര്യം ചെയ്യുന്നതിനായി പൈലറ്റ് സ്കൂളായി തെരഞ്ഞെടുക്കപ്പെട്ട ഞങ്ങളുടെ സ്കൂളിലെ അധ്യാപകർക്ക് തുടക്കത്തിൽതന്നെ പരിശീലനം ലഭിക്കുകയുണ്ടായി. അതിനെ തുടർന്ന് കുട്ടികളുടെ മൊബൈൽ ഫോണിൽ ഗൂഗിൾ ക്ലാസ് റൂം ഇൻസ്റ്റാൾ ചെയ്യാനും, ജി സ്യൂട്ട് ഐഡിയൽ പ്രവേശിക്കാനും തടസ്സം നേരിട്ടു. ഈ സാഹചര്യത്തിൽ ലിറ്റിൽ കൈറ്റ്സ് സേവനം ഉണ്ടായിരുന്നു എന്നത് പ്രശംസാർഹമായ ഒരു വസ്തുതയാണ് കുട്ടികൾക്ക് ഐഡിയിൽ പ്രവേശിക്കുന്നതിനും പാസ്സ്‌വേർഡ്റിസെറ്റ് ചെയ്യുന്നതിനും ക്ലാസും ഇൻസ്റ്റാൾ ചെയ്യുന്നതിനും എല്ലാം ലിറ്റിൽ കൈറ്റ്സ് സഹായം ലഭ്യമാക്കി.

സത്യമേവ ജയതേ

സത്യമേവ ജയതേ എന്ന പേരിൽ ഡിജിറ്റൽ മീഡിയ ഇൻഫർമേഷൻ ടെക്നോളജിയുടെ അവബോധവും പരിശീലനവും സംസ്ഥാനത്തെ മുഴുവൻ അധ്യാപകരിലും വിദ്യാർത്ഥികളിലും എത്തിക്കുന്നതിനായി സർക്കാർ ഏർപ്പെടുത്തിയ പദ്ധതിയുടെ ഭാഗമായി സ്കൂളിൽ എസ്സ് ഐ ടി സി പ്രീത ആന്റണി ടീച്ചറിന്റെ നേതൃത്വത്തിൽ എല്ലാ അധ്യാപകർക്കും ഉള്ള പരിശീലനം നൽകി. തുടർന്ന് വിദ്യാർഥികളിൽ അവബോധം വളർത്തുന്നതിനായി ഓരോ ക്ലാസ് അധ്യാപകരും അതാത് ക്ലാസിലെ കുട്ടികൾക്ക് സത്യമേവ ജയതേയുടെ ക്ലാസ് നടത്തുകയുണ്ടായി. അധ്യാപകർ ക്ലാസ് നടത്തുന്നതിന് ലിറ്റിൽ കൈറ്റ്സ് അംഗങ്ങളുടെ സേവനം ഉണ്ടായിരുന്നു.

റെഡ്ക്രോസ്സ്

പരിസ്ഥിതി ദിനത്തോടനുബന്ധിച്ച് സ്കൂളിലെ റെഡ് ക്രോസ്സ് അംഗങ്ങൾ അധ്യാപകരോടൊത്ത് വൃക്ഷത്തൈകൾ നട്ടു.

മീറ്റ് ചാമ്പ്യൻ

2020 ടോക്കിയോ ഒളിമ്പിക്സിൽ ഇന്ത്യയെ പ്രതിനിധീകരിച്ച പാരാ ഒളിമ്പ്യൻ ശരത് കുമാർ തിരുവനന്തപുരം കോട്ടൺ ഹിൽ ഹയർ സെക്കന്ററി സ്കൂളിൽ സംഘടിപ്പിച്ച മീറ്റ് ചാമ്പ്യൻ പ്രോഗ്രാമിൽ നമ്മുടെ സ്കൂളിൽ നിന്ന് 4 കുട്ടികൾ പങ്കെടുത്തു

റിപ്പബ്ലിക് ദിനാഘോഷം

2022 ജനുവരി 26 ന് എഴുപത്തിമൂന്നാമത്‌ റിപ്പബ്ലിക് ദിനാഘോഷ ത്തോടനുബന്ധിച്ചു സ്കൂൾ അങ്കണത്തിൽ വച്ച് ഹെഡ്മിസ്ട്രസ് സിസ്റ്റർ സിജി വി റ്റി ദേശീയപതാക ഉയർത്തി. എസ് പി സി കേഡറ്റുകൾ ചടങ്ങിൽ പങ്കെടുത്തു. ദേശീയഗാനം ആലപിച്ചു.

അടൽ ടിങ്കറിങ് ലാബ് വി എസ് എസ് സി തെര‍ഞ്ഞെടുത്തു

കേന്ദ്ര ഗവണ്മെന്റ് പദ്ധതി ആയ അടൽ ടിങ്കറിങ് ലാബ് സെന്റ് ഫിലോമിനാസിനും അനുവദിച്ചു കിട്ടി. കുട്ടികൾക്ക് സാങ്കേതിക പരിജ്ഞാനം നൽകുന്നതിന് ഈ പദ്ധതി ഉപകരിക്കുന്നു. ഓൺലൈൻ, ഓഫ്‌ലൈൻ വിഭാഗങ്ങളിൽ ക്ലാസ്സുകൾ നടന്നു വരുന്നു. ഈ വർഷം വി എസ് എസ് സി നൽകുന്ന പിന്തുണയ്ക്ക് ആയി കേരളത്തിൽ നിന്നും തെരഞ്ഞെടുത്ത രണ്ട് സ്കൂളുകളിൽ സെൻ ഫിലോമിനാസ് തെരഞ്ഞെടുക്കപ്പെട്ടു എന്നത് ഏറെ സന്തോഷപ്രദമാണ്

പരിചിന്തനദിനാഘോഷം - ഫെബ്രുവരി 22.

സ്കൗട്ട് ഗൈഡ് പ്രസ്ഥാനത്തിന്റെ സ്ഥാപകനായ ബേഡൻ പവ്വലിന്റെയും ലേഡി ബേഡൻപവ്വലിന്റെയും ജന്മദിനമായ ഫെബ്രുവരി 22 പ്രസ്ഥാനം പരിചിന്തന ദിനമായി ആചരിച്ചു വരുന്നു. ഈ വർഷം കോവിഡ് പ്രോട്ടോകോൾ പാലിച്ചുകൊണ്ട് യൂണിറ്റ് തലത്തിൽ സൈക്കിൾ റാലി നടത്തി പരിചിന്തന ദിനം ആഘോഷിക്കാൻ സംസ്ഥാന അസോസിയേഷൻ തീരുമാനിച്ചു. അതിന്റെ ഫലമായി സെന്റ്. ഫിലോമി നാസ് ഗൈഡ് കമ്പനി ഫെബ്രുവരി ഇരുപത്തിരണ്ടാം തീയതി സ്കൂൾ കോമ്പൗണ്ടിൽ സൈക്കിൾ റാലി സംഘടിപ്പിച്ചു. ബേഡൻ പവ്വൽ ആയും ലേഡി ബേഡൻ പവ്വൽ ആയും ഗൈഡുകൾ പ്രഛന്ന വേഷം അണിഞ്ഞെത്തിയത് ഏവരുടെയും ശ്രദ്ധയാകർഷിച്ചു. ഗൈഡ് നിയമം, പ്രതിജ്ഞ, മോട്ടോ എന്നിവ എഴുതിയ പ്ലക്കാർഡുകൾ സൈക്കിളുകളിൽ പ്രദർശിപ്പിച്ചു. സെന്റ്. ഫിലോമിനാസ് കമ്പനിയിലെ എല്ലാ അംഗങ്ങളും പ്രസ്തുത പരിപാടിയിൽ പങ്കെടുത്തു.

എസ് എസ് എൽ സി കുട്ടികൾക്ക് യാത്രയപ്പ്

പത്തു വർഷം ഈ വിദ്യാലയ തിരുമുറ്റത്ത് പിച്ചവെച്ചതിനുശേഷം സ്കൂളിനോട് വിട പറയുന്ന എല്ലാ എസ് എസ് എൽ സി കുട്ടികൾക്കും നല്ലൊരു യാത്രയപ്പ് നൽകാൻ ഈ വർഷം സാധിച്ചു. ഒമ്പതാം ക്ലാസിലെ കുട്ടികൾ ആണ് അതിന് നേതൃത്വം നൽകിയത്. കലാപരിപാടികളും സന്ദേശങ്ങളും ആശംസ പ്രസംഗങ്ങളും എല്ലാം പരിപാടിയിലെ ഭാഗമായിരുന്നു. പത്താം ക്ലാസിലെ ഓരോ ഡിവിഷനിലെ കുട്ടികളും തങ്ങളുടെ അനുഭവങ്ങൾ പങ്കു വെച്ചു. എസ്എസ്എൽസി കുട്ടികൾക്ക് അവരുടെ പരീക്ഷ വിജയത്തിനായുള്ള ആശംസകളും പ്രാർത്ഥനകളും എല്ലാം അധ്യാപകർ കുട്ടികൾക്കായി ഒരുക്കിവച്ചു. വളരെ ഹൃദയസ്പർശിയായ ഒരു ചടങ്ങായിരുന്നു അത്. അന്നേദിവസം എസ് എസ് എൽ സി കുട്ടികളുടെ ക്ലാസ് ഗ്രൂപ്പ് ഫോട്ടോയും എടുത്തു

2020 22 ബാച്ച് പാസിംഗ് ഔട്ട് പരേഡ്

2020 22 എസ് പി സി ബാച്ച് പാസിംഗ് ഔട്ട് പരേഡ് മാർച്ച് 14 ആം തീയതി സ്കൂൾ അങ്കണത്തിൽ വച്ച് നടന്നു. പരേഡ് ഇൻസ്പെക്ഷൻ ചെയ്യാനായി സ്കൂളിലേക്ക് കടന്നുവന്നത് ശംഖുമുഖം അസിസ്റ്റന്റ് കമ്മീഷണർ ശ്രീ പൃഥ്വിരാജ് സാറായിരുന്നു. സ്കൂളിൽ പുതുതായി ചാർജെടുത്ത ബഹുമാനപ്പെട്ട മദർ മാനേജർ സിസ്റ്റർ ജാസ്മിൻ പീറ്റർ സന്നിഹിതയായിരുന്നു. ലർണ്ണശബളമായ ചടങ്ങ് സ്കൂൾ ഹെഡ്മിസ്ട്രസ് സിസ്റ്റർ സിജിയുടെയും സിഐ സജികുമാർ സാറിന്റെയും സാന്നിധ്യത്തിലാണ് നടന്നത്.

തിരുവനന്തപുരം സൗത്ത് ലോക്കൽ അസോസിയേഷൻ റാലി

കേരള സ്റ്റേറ്റ് ഭാരത് സ്കൗട്ട് ആൻഡ് ഗൈഡ്സ്, തിരുവനന്തപുരം സൗത്ത് ലോക്കൽ അസോസിയേഷൻ റാലി ഫെബ്രുവരി 25, 26 & 27 തീയതികളിൽ വൈകുന്നേരം 7.30 മുതൽ 9.30 വരെ ഓൺലൈനായി സംഘടിപ്പിക്കപ്പെട്ടു. ഒന്നാംദിനം ക്വിസ് , സംഘ ഗാനാലാപനം; രണ്ടാം ദിനം ക്യാമ്പ് ഫയറിൽ മൈമിംഗ്, സ്കിറ്റ് ; മൂന്നാംദിനം നൃത്തനിശ എന്നീ പരിപാടികൾ നടത്തപ്പെട്ടു. നമ്മുടെ സ്കൂളിലെ കുട്ടികൾ ക്വിസ്, സംഘഗാനം, സ്കിറ്റ്, സംഘനൃത്തം എന്നിവയിൽ പങ്കെടുത്തു. ക്വിസിൽ നമ്മുടെ സ്കൂളിലെ Christma Mariya Jose മൂന്നാം സ്ഥാനം നേടി. സ്കിറ്റിനും സംഘനൃത്ത ത്തിനും നമ്മുടെ സ്കൂൾ രണ്ടാം സ്ഥാനം കരസ്ഥമാക്കി.

രാജ്യപുരസ്കാർ പരീക്ഷ

2022 ജനുവരി എട്ടാം തീയതി ഗവൺമെന്റ് വി.എച്ച്.എസ്.എസ്, കല്ലറയിൽ വച്ച് രാജ്യപുരസ്കാർ പരീക്ഷ നടത്തപ്പെട്ടു. പ്രസ്തുത പരീക്ഷയിൽ പങ്കെടുത്ത സെന്റ് ഫിലോമിനാസിന്റെ 7 ഗൈഡുകളും വിജയികളായി. അബീഷ ജെ, ഫാത്തിമ റിസ്ഫാന ആർ, ഹംന സാദിക്ക് എസ് ആർ, ഐഷ ഫാത്തിമ എസ്, മേരി ജെഫിൻ, സാന്ദ്ര പി എം, ഷാഹിന എഫ് എസ് എന്നിവരാണ് സ്കൂളിന്റെ ആ അഭിമാന താരങ്ങൾ.

യു എസ് എസ്

2020 - 21 അധ്യയനവർഷത്തിൽ പൂന്തുറ സെൻറ്. ഫിലോമിനാസ് ഗേൾസ് ഹൈസ്കൂളിൽ നിന്ന് 38 കുട്ടികൾ യു. എസ്. എസ് പരീക്ഷയ്ക്ക് രജിസ്റ്റർ ചെയ്തു. കോവിഡിന്റെ പശ്ചാത്തലത്തിലും കോവിഡ് മാനദണ്ഡങ്ങൾ പാലിച്ചു കൊണ്ട് കുട്ടികൾക്ക് ആവശ്യമായ ക്ലാസുകൾ കൊടുക്കുന്നതിന് അധ്യാപകർ ശ്രദ്ധിച്ചിരുന്നു. മലയാളം- ശ്രീമതി ഫിലോമിന ജി എസ്, ഇംഗ്ലീഷ് - ശ്രീമതി മേരി ഷൈനി, ശ്രീമതി മിനി. എ, ഗണിതം-ശ്രീമതി ലിസി ജൂലിയൻ,ശ്രീമതി മിനി.എ, ബേസിക് സയൻസ്- ശ്രീമതി മേരി ഷൈനി, ശ്രീമതി റിജോ ആർ.കെ, സോഷ്യൽ സയൻസ്- ശ്രീമതി മേരി മാഗ്‌ദലിൻ, ശ്രീമതി ലിനി ജോസഫ് എന്നിവരാണ് കുട്ടികൾക്ക് പരിശീലനം നൽകിയത്. അഞ്ചാം സ്റ്റാൻഡേർഡ് മുതൽ ഏഴാം സ്റ്റാൻഡേർഡ് വരെയുള്ള പാഠഭാഗങ്ങളെ ആസ്പദമാക്കി കുട്ടികൾക്ക്‌ പഠിപ്പിച്ചു കൊടുക്കുകയും അവരെക്കൊണ്ട് നോട്ടുകൾ തയ്യാറാക്കുകയും ചെയ്തു. ആനുകാലിക പ്രാധാന്യമുള്ള സംഭവങ്ങളെ അടിസ്ഥാനമാക്കിയുള്ള അറിവ് ഉറപ്പുവരുത്തുകയും ആഴ്ചതോറും ഒ. എം. ആർ. ഷീറ്റ് നൽകി മോഡൽ ടെസ്റ്റുകൾ നടത്തുകയും ചെയ്തു. 38 കുട്ടികൾ രജിസ്റ്റർ ചെയ്തതിൽ 34 കുട്ടികൾ പരീക്ഷ എഴുതുകയും അതിൽ 12 കുട്ടികൾ സ്‌കോളർഷിപ്പിന് അർഹരാവുകയും ചെയ്തു. 85% മാർക്കോടെ സഫ്‌ന നസ്റിൻ . എഫ്, ഗോകില ആർ.ആർ, എന്നിവരും 82% മാർക്കോടെ നസ്‌മി . എസ് ഉം അവാർഡ് കരസ്ഥമാക്കി.മികച്ച വിജയം നേടി സെന്റ് ഫിലോമീനാസിന്റെ അഭിമാന താരങ്ങളായി ഈ കൊച്ചു മിടുക്കികൾ.

ലക്ഷ്മിരാജ് ആർ എസ്
ഗോകില ആർ ആർ
കരോളിൻ ക്രിസ്റ്റഡിമ
അനാമിക എസ് എസ്
കെർളിൻ ക്രിസ്റ്റഡിമ
ഷിഫ ഫാത്തിമ എസ്

സഫ്ന നസ്റിൻ എഫ്
സുഹാന എൻ
ആലിയ കുൽസൂം എസ് എസ്
നസ്മി എസ്
അഫ്രിൻ ആൻ സൂസ
അസിയ നജുമുദീൻ

എൽ എസ് എസ്

2021 - 22 ' അധ്യായന വർഷം നാലാം ക്ലാസിലെ 22 കുട്ടികളെ ഉൾപ്പെടുത്തിക്കൊണ്ട് ഷാലറ്റ് ടീച്ചർ ,സിസി ടീച്ചർ , സിന്ധു ടീച്ചർ, പ്രഷീല ടീച്ചർ , റീജ ടീച്ചർ എന്നിവരുടെ നേതൃത്വത്തിൽ എൽ എസ് എസ് പരീക്ഷയ്ക്ക് കുട്ടികളെ ഒരുക്കുകയുണ്ടായി. എല്ലാദിവസവും പാഠഭാഗങ്ങൾ ഓൺലൈനിലൂടെ പഠിപ്പിക്കുന്നതിനോടൊപ്പം എൽ എസ് എസ് പരീക്ഷയ്ക്കും പ്രാധാന്യം നൽകിക്കൊണ്ട് കുട്ടികൾക്ക് പരിശീലനം നൽകുകയുണ്ടായി. എൽ എസ് എസ് കുട്ടികൾക്ക് കുട്ടികൾക്ക് മാത്രമായി മാതൃകാ ചോദ്യപേപ്പറുകൾ പരിചയപ്പെടുത്തുകയും പരിശീലിപ്പിക്കുകയും ചെയ്തു . 2021 ജനുവരി, ഫെബ്രുവരി ,മാർച്ച് മാസങ്ങളിൽ എല്ലാദിവസവും 9.30- 1pm വരെ എൽ എസ് എസ് കുട്ടികൾക്ക് മാത്രമായി സ്കൂളിൽ വച്ച് പരിശീലനം നൽകി. വ്യത്യസ്ത ചോദ്യപേപ്പറുകൾ കുട്ടികളെക്കൊണ്ട് ആവർത്തിച്ചു ചെയ്യിപ്പിക്കുകയും പരീക്ഷാമാതൃക പരിചയപ്പെടുത്തുകയും ചെയ്തു. 2021 മാർച്ചിൽ നിശ്ചിതസമയത്ത് എൽ എസ് എസ് പരീക്ഷ നടക്കാതിരുന്നതിനാൽ, നവംബർ,ഡിസംബർ , ജനുവരി മാസങ്ങളിൽ ഉച്ചയ്ക്ക് ശേഷം കുട്ടികളെ സ്കൂളിൽ വരുത്തുകയും വീണ്ടും പരിശീലനം നൽകുകയും ചെയ്തു. ഇതിൻറെ ഫലമായി 2022 ജനുവരി18 ന് നടന്ന പരീക്ഷയിൽ കുട്ടികൾ നല്ല രീതിയിൽ പരീക്ഷ എഴുതുകയും 7 കുട്ടികൾ എൽ എസ് എസ് സ്കോളർഷിപ്പിന് അർഹരാകുകയും ചെയ്തു. സ്വാലിഹ മുഹമ്മദ് ബാദുഷ, ആൻ ഫിയോണ ജോയ് , ഹഫ്സ ഫാത്തിമ ബി ജെ, അനന്യ എൽ, ആൻ മരിയ ഷാലറ്റ് , നസ്റിൻ ഫാത്തിമ എസ്, ജന്ന സുബ്ഹാന എന്നീ വിദ്യാർത്ഥിനികളാണ് എൽ എസ് എസ് സ്കോളർഷിപ്പ് നേട്ടത്തിലൂടെ പൂന്തുറ സെൻറ് ഫിലോമിനാസ് ഗേൾസ് ഹൈസ്കൂളിന്റെ യശസ്സുയർത്തിയത്.

അനന്യ എൽ
ഹഫ്സ ഫാത്തിമ ബി ജെ
ജെന്ന സുബുഹാന എ
നസ്റിൻ ഫാത്തിമ
സ്നേഹ ജോസ്
ആൻ മരിയ ഷാലറ്റ്
ആൻ ഫിയോന ജോയ്
സ്വാലിഹ മുഹമ്മദ് ബാദുഷ

നാഷണൽ മീൻസ് കം മെറിറ്റ് സ്കോളർഷിപ്പ്

കേന്ദ്ര മാനവ വിഭവശേഷി വികസന മന്ത്രാലയം നടപ്പിലാക്കിവരുന്ന പദ്ധതിയായ നാഷണൽ മീൻസ് കം മെറിറ്റ് സ്കോളർഷിപ്പിന് അർഹരായ ഈ വർഷത്തെ കുട്ടികൾ. സാമ്പത്തികമായി പിന്നാക്കം നിൽക്കുന്ന വിഭാഗങ്ങളിലെ മിടുക്കരായ വിദ്യാർത്ഥികൾക്ക് എട്ടാം ക്ലാസിലെ കൊഴിഞ്ഞുപോക്ക് തടയുന്നതിനും അവരെ പ്രോത്സാഹിപ്പിക്കുന്നതിനും സ്കോളർഷിപ്പ് നൽകുക എന്ന ലക്ഷ്യത്തോടെ 2008 മുതൽ സംസ്ഥാനസർക്കാരുകൾനടത്തുന്ന പരീക്ഷയിലൂടെയാണ് സ്‌കോളർഷിപ്പിന് അർഹരായ വിദ്യാർത്ഥികളെ തിരഞ്ഞെടുക്കുന്നത്. അനാമിക ജി എസ്, കാവ്യ ആർ എസ്, ഷെറിൻ കെ ആർ എന്നിവർ സ്കോളർഷിപ്പിന് അർഹരായി.

>