സെന്റ് മേരീസ് എൽ പി എസ് മതിലകം/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പ്രധാന പ്രവർത്തനങ്ങൾ 2022-2023
- കേരളപ്പിറവി .....
നവംബർ 1 2022 അറുപത്തിയറാം കേരളപ്പിറവി ദിനം, ഐക്യ കേരളം രൂപം കൊണ്ടിട്ട് 66 വർഷം പിന്നിടുന്നു. സംസ്ഥാനത്തെങ്ങും വിപുലമായ ആഘോഷ പരിപാടികൾ ആണ് ഒരുക്കിയിരിക്കുന്നത്. പഞ്ചായത്ത് തലം മുതൽ സംസ്ഥാനതലത്തിൽ വരെ കേരളപ്പിറവി ദിനം വിപുലമായ രീതിയിൽ ആഘോഷിച്ചു.
സെൻമേരിസ് എൽപി സ്കൂൾ കേരളപ്പിറവി ദിനാഘോഷവും ഭരണഭാഷ വാരാഘോഷവും വിവിധ പരിപാടികൾ കൊണ്ട് സമ്പന്നമായിരുന്നു. നവംബർ 1 കേരളപ്പിറവി ദിനത്തിൽ സ്കൂൾ അസംബ്ലിയിൽ ഇന്നേ ദിനത്തിന്റെ പ്രാധാന്യത്തെക്കുറിച്ച് ബഹുമാനപ്പെട്ട ഹെഡ്മിസ്ട്രസ് സി സ്റ്റർ.പാവന ദിനത്തിന്റെ പ്രാധാന്യത്തെക്കുറിച്ച് കുട്ടികൾക്ക് ഒരു സന്ദേശം നൽകി. നാലാം ക്ലാസിലെ വേദിക ഭാഷാ പ്രതിജ്ഞ സ്കൂൾ അസംബ്ലിയിൽ ചൊല്ലിക്കൊടുത്തു. മൂന്നാം ക്ലാസിലെ കാതറിൻ റോസ് കേരളവും കേരളപ്പിറവിയും എന്ന വിഷയത്തെ ആസ്പദമാക്കി ഒരു പ്രസംഗം അവതരിപ്പിച്ചു. കേരള പിറവി ഭാഷ ദിനാചരണത്തോടനുബന്ധിച്ച് ആര്യദേവ് കേരളത്തിന്റെ പ്ലക്കാർഡ് പിടിച്ച് കേരളത്തെയും അതിന്റെ ജില്ലകളെക്കുറിച്ചും പറയുകയും, ഓരോ ദിവസവും മൂന്നാം ക്ലാസിലെയും നാലാം ക്ലാസിലെയും കുട്ടികൾ അസംബ്ലിയിൽ ജില്ലകളെ പരിചയപ്പെടുത്തി. നാല് ബിയിലെ അമൻ മാധവ് കേരളത്തിന്റെ മഹാത്മ്യ ത്തെ കുറിച്ചുള്ള " എന്റെ കേരളം" എന്ന കവിത ചൊല്ലി അവതരിപ്പിച്ചു. മനോഹരമായ കേരളീയ ഗാനവുമായി ഒപ്പം മൂന്ന് ബി ലെ സാരംഗിയും നിന്നു. ഓരോ ദിവസവും കേരളീയ മഹിമ വിളിച്ചറിയിക്കുന്ന നൃത്തനൃത്യങ്ങളും കേരളീയ വേഷവിധാനങ്ങളും അണിനിരന്നു. മലയാള ഭാഷ ശ്രേഷ്ഠ ഭാഷ എന്ന വിഷയവുമായി ബന്ധപ്പെടുത്തി, മൂന്ന് നാല് ക്ലാസ്സുകാർക്കായി സാഹിത്യ രചനകൾ സംഘടിപ്പിച്ചതിന്റെ ഫലമായി 'കേരളീ''യമെന്ന ഭാഷാ മാഗസിൻ പ്രധാനാധ്യാപിക സിസ്റ്റർ പാവന പ്രകാശനം ചെയ്തു സ്കൂൾ ലീഡർ ആയ ഐഷ റാബിയക്ക് കൈമാറി. മലയാളഭാഷയ്ക്ക് പ്രാധാന്യം നൽകിക്കൊണ്ട് കേരളത്തിന്റെ മഹത്വം വിളിച്ചോതി കൊണ്ടും നവംബർ 1 മുതൽ നടത്തിയ വാരാചരണം എന്തുകൊണ്ടും സ്വാഗതാർഹമായിരുന്നു