ജി.എം.എൽ..പി.എസ് മമ്പുറം/പ്രവർത്തനങ്ങൾ
ഓണവില്ല്
രണ്ടു വർഷക്കാലം കൊറോണ മഹാമാരിയിൽ മുങ്ങിപ്പോയ ഓണത്തെ അതിജീവിച്ചുകൊണ്ട് വളരെ കേമം ആയിട്ടാണ് ഇപ്രാവശ്യംമലയാളികൾ ഓണം കൊണ്ടാടിയത്. സ്കൂളിലെ വിദ്യാർഥികളും അധ്യാപകരും നാട്ടുകാരും കെങ്കേമം ആയിട്ട് തന്നെ ഇപ്രാവശ്യം ഓണാഘോഷം സംഘടിപ്പിച്ചു. രക്ഷിതാക്കളും അധ്യാപകരും ചേർത്ത് വളരെ മനോഹരമായ രീതിയിൽ വലിയൊരു പൂക്കളം തീർത്തു. ഓണാഘോഷത്തിൽ രക്ഷിതാക്കളുടെ പങ്കാളിത്തം എടുത്തു പറയേണ്ടത് തന്നെയാണ്. തിരൂരങ്ങാടി എ എസ് ഐ ശ്രീ വേലായുധൻ മുഖ്യാതിഥിയായി എത്തി. വാർഡ് മെമ്പറ മൻസൂർ, വികസന സ്റ്റാൻഡിങ് കമ്മിറ്റി ചെയർമാൻ ശ്രീ ചാലിൽ ബഷീർ എന്നിവർ പരിപാടികളിൽ ഉടനീളം സാന്നിധ്യം അറിയിച്ചു.കലം പൊട്ടിക്കൽ ലെമൺ സ്പൂൺ കുപ്പിയിൽ വെള്ളം നിറക്കൽ കസേര കളി തുടങ്ങി വിവിധയിനം ഓണക്കളികൾ നടത്തി. വിഭവസമൃദ്ധമായ സദ്യ വിളമ്പി.പപ്പടവും പായസവും കൂട്ടിക്കുഴച്ച് കുട്ടികളും നാട്ടുകാരും അധ്യാപകരും രുചികരമായ സദ്യ ആസ്വദിച്ചു കഴിച്ചു. ശേഷം അധ്യാപകരുടെയും രക്ഷിതാക്കളുടെയും തിരുവാതിരക്കളി നടന്നു. ആടിയും പാടിയും എല്ലാവരും ഒത്തുചേർന്ന് ഓണാഘോഷത്തിന്റെ മാറ്റുകൂട്ടി. ഇപ്രാവശ്യത്തെ ഓണാഘോഷം നാട്ടുകാരുടെയും അധ്യാപകരുടെയും വിദ്യാർത്ഥികളുടെയും മനസ്സിൽ ഒളി മങ്ങാത്ത ഒരു ഓർമ്മയായി നിലനിൽക്കുന്നു.
 |
|---|
കർഷകദിനം
കർക്കിടകത്തിലെ പഞ്ഞത്തിന് വഴിമാറി നൽകിക്കൊണ്ട് പൊൻ ചിങ്ങം വരവായി. ഐശ്വര്യത്തിനും സമൃദ്ധിയുടെയും മാസമായ ചിങ്ങമാസത്തിലെ ആദ്യദിനം മലയാളികൾക്ക് കർഷക ദിനമാണ്. ശുഭപ്രതീക്ഷയോടെ ചിങ്ങമാസത്തിലെ ആദ്യദിനം സ്കൂളിൽ കർഷക ദിനം ആചരിച്ചു. കുട്ടി കർഷകനെ തിരഞ്ഞെടുക്കുന്നതിന് വേണ്ടി വീടുകളിലെ കൃഷിയും വിളവും കാണിച്ചുകൊണ്ട് കുട്ടികൾ ഫോട്ടോ അയച്ചു. അതിൽ നിന്നും രണ്ടാം ക്ലാസിലെ ആത്മിക, മിസ്ബാഹ് എന്നീ കുട്ടികളെ തിരഞ്ഞെടുത്തു. സ്കൂൾ അസംബ്ലിയിൽ അവർക്ക് സമ്മാനവിതരണവും നടത്തി. പരിസ്ഥിതി ക്ലബ്ബ് കൺവീനർ ജിഷ ടീച്ചർ കർഷകദിന സന്ദേശം നൽകി. കുട്ടികൾ വീടുകളിൽ നിന്ന് കൊണ്ടുവന്ന നാടൻ പച്ചക്കറി തൈകൾ അധ്യാപകർ സ്കൂളിലെ പച്ചക്കറി തോട്ടത്തിലേക്ക് നട്ടുപിടിപ്പിച്ചു
 |
|---|
സ്വാതന്ത്ര്യദിന ആഘോഷം
രാജ്യത്തിന്റെ 75 മത് സ്വാതന്ത്ര്യദിന വേളയിൽ മമ്പുറം ജിഎംഎൽപിഎസിലെ കുരുന്നുകളും അധ്യാപകരും ചേർന്ന് വളരെ വിപുലമായി തന്നെ സ്വാതന്ത്ര്യദിന ആഘോഷങ്ങൾ നടത്തി. തിരൂരങ്ങാടി എ എസ് ഐ ശ്രീ.വേലായുധൻ മുഖ്യാതിഥിയായി എത്തി. എ ആർ നഗർ പഞ്ചായത്ത് പ്രസിഡന്റ് ശ്രീ ലിയാഖത്തലി ഉദ്ഘാടനം ചെയ്തു. പ്രധാന അധ്യാപിക അനിത ടീച്ചർ കൃത്യം 9 മണിക്ക് പതാക ഉയർത്തി. തിരൂരങ്ങാടി ഷെൽട്ടർ മേഖല അംഗങ്ങൾ പായസവിതരണം നടത്തി. വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ. ഹനീഫ,വാർഡ് മെമ്പർമാരായ ജൂസൈറ മൻസൂർ, റഷീദ് കൊണ്ടാണത്ത് എന്നിവർ പങ്കെടുത്തു. കുട്ടികൾ വിവിധ സ്വാതന്ത്ര്യസമര സേനാനികളുടെ വേഷവിധാനങ്ങൾ അണിഞ്ഞ് മമ്പുറത്തിന്റെ പാതയോരങ്ങളിലൂടെ ഘോഷയാത്രയിൽ പങ്കെടുത്തു. ഝാൻസി റാണി, സുഭാഷ് ചന്ദ്ര ബോസ്, ഗാന്ധിജി, നെഹ്റു, അബ്ദുറഹ്മാൻ സാഹിബ്, അംബേദ്കർ, ബീഗം ഹസ്രത്ത് മഹൽ, ജീജ ഭായ്, സരോജിനി നായിഡു, അക്കമ്മ ചെറിയാൻ തുടങ്ങി വിവിധ സ്വാതന്ത്ര്യ സമര സേനാനികളുടെ വേഷങ്ങൾ കുട്ടികൾ ധരിച്ചിരുന്നു. കുട്ടികൾ ഒരു കൈയിൽ മണൽ ചിത്രവും മറുകയ്യിൽ പതാകയും എഴുതി കൊണ്ടാണ് റാലിയിൽ പങ്കെടുത്തത്. വിവിധ സ്വാതന്ത്ര്യസമര സേനാനികളുടെ മണൽ ചിത്രമായിരുന്നു അവർ കൈയിലേന്തിയത് റാലിക്ക് ശേഷം കുട്ടികളുടെ ദേശഭക്തിഗാനം, പ്രസംഗം, എയ്റോബിക്സ് ഡാൻസ്, ദേശഭക്തിഗാനത്തിന്റെ നൃത്ത ആവിഷ്കാരം എന്നിവ നടന്നു. പരിപാടിയിൽ പങ്കെടുത്ത വിശിഷ്ട വ്യക്തികൾ സ്വാതന്ത്ര്യദിന സന്ദേശം കൈമാറുകയും ദേശഭക്തിഗാനങ്ങൾ ആലപിക്കുകയും ചെയ്യുകയുണ്ടായി.സ്വതന്ത്ര സമരചരിത്രത്തിൽ മമ്പുറം പ്രദേശത്തിന്റെ പാരമ്പര്യം ഉൾക്കൊണ്ട്‌ കുട്ടികൾ ടാബ്ലോയും കാഴ്ച്ച വെച്ചു.
  |
|---|
 
|
|---|
 |
|---|
 |
|---|
ഹിരോഷിമ ദിനം
ലോകസമാധാനത്തിന്റെ മേൽ ആണു അണുബോംബ് വർഷിച്ചതിന്റെ 75 വാർഷിക ദിനം . നിഷ്കളങ്കരായ ജനതക്ക് മേൽ സാമ്രാജ്യത്വം ചൊരിഞ്ഞ കൊടും ഭീകരത. ഓരോ വർഷവും ഈ ദിവസം ഓർക്കേണ്ടത് യുദ്ധ അവശേഷിപ്പുകളെ സ്മരിച്ചു കൊണ്ടല്ല. പകരം ലോകസമാധാനത്തിന്ചിറകു വിരിക്കുന്ന ശുഭസൂചകങ്ങൾ ആയിട്ടായിരിക്കണം. മമ്പുറം ജി എം എൽ പി എസിലെ കുരുന്നുകൾ സമാധാന പോസ്റ്ററുകൾ കയ്യിലേന്തി കൊണ്ട് ലോകസമാധാന സന്ദേശങ്ങൾ വിളിച്ചോതി. മറുകയ്യിൽ അവർ സമാധാനത്തിന്റെ പ്രതീകമായി സഡാക്കോ കൊക്കുംനിർമ്മിച്ചു കൊണ്ടുവന്നു. സഡോക്കോ പക്ഷിയുടെ പിന്നിലുള്ള കഥയും അവർക്ക് പറഞ്ഞു നൽകി. ഒരു മിനിറ്റ് മൗന പ്രാർത്ഥന നടത്തി ലോകസമാധാനത്തിനായി പ്രാർത്ഥിച്ചു.
 |
|---|
ഔഷധ പായസം വിളമ്പി
കർക്കിടക മാസത്തിലെ ഔഷധക്കൂട്ടുകൾ ചേർത്ത ഔഷധ പായസം കുട്ടികൾക്ക് വിളമ്പി. അധ്യാപകർ വീടുകളിൽ നിന്നും ദശപുഷ്പങ്ങൾ കൊണ്ടുവരികയും അതിന്റെ ചാർ എടുത്ത് ഔഷധസമ്പുഷ്ടമായതും രുചികരവുമായ പായസം കുട്ടികൾക്ക് വിളമ്പി. കുട്ടികൾ ഇല കുമ്പിളുപയോഗിച്ചാണ് പായസം കുടിച്ചത്. ഇത് തികച്ചും ഒരു പഴമയിലേക്കു ഒരു തിരിച്ചുപോക്ക് ആയിരുന്നു. കർക്കിടകമാസത്തിൽ ഇത്തരം ഔഷധ കഞ്ഞികളും ഔഷധ പായസങ്ങളും വിളമ്പുന്നത് ആരോഗ്യത്തിന് ഏറെ ഗുണം ചെയ്യും. ഈ പുതിയ യുഗത്തിൽ കുട്ടികൾക്ക് അന്യം നിന്ന് പോകുന്ന ഇത്തരം പഴമയൂറുന്ന രുചികൾ അവർക്ക് പ്രധാനം ചെയ്യുന്നതിൽ അധ്യാപകർ ഏറെ സന്തുഷ്ടരാണ്
 |
|---|
 |
|---|
|
|---|
 |
|---|
പുതുമയിലെ പഴമ:പത്തിലത്തോരൻ
നമ്മുടെ തനത് ഭക്ഷണരീതികൾ കുട്ടികളിലേക്കെത്തിക്കുന്നതിനും ഇല ക്കറികൾആഹാരത്തിൽഉൾപ്പെടുത്തുന്നതിന്റെ ആവിശ്യകത മനസ്സിലാക്കുന്നതിനും "കർക്കിടകമാസത്തിലെപത്തിലത്തോരൻ "
കുട്ടികൾക്ക് വിളമ്പി. പരിസ്ഥിതി ക്ലബ്ബിന്റെ നേതൃത്വത്തിൽ മത്തൻ, കുമ്പളം, വെള്ളരി, താളും തകരയും, തഴുതാമ, ചൊറിയണം, പയർ തുടങ്ങി 10ഇലകൾപ്രദർശ്ശിപ്പിക്കുകയും അതിന്റെ ഔഷധഗുണങ്ങൾ വിവരിക്കുന്ന ചാർട്ടുകളും പത്തിലത്തോരൻ ഉണ്ടാക്കുന്ന വിധവും എഴുതി പ്രദർശനത്തിൽ ഉൾപ്പെടുത്തി. ഈ പരിപാടിയുടെ ഉദ്ഘാടനം ചെയ്തപി ടി എ പ്രസിഡന്റ് ഹസ്സൻകുട്ടി എൻ.കെ ഈ ഫാസ്റ്റ് ഫുഡ് യുഗത്തിൽ പഴമയുടെ മഹത്വം വിളിച്ചോതുന്ന ഇത്തരം പരിപാടികൾ നടത്തിയതിന് അധ്യാപകരെ അഭിനന്ദിച്ചു. ജിഷ മോൾ, നിഷ, അഖില, അസ്ന എന്നിവർ പരിപാടി ക്ക് നേതൃത്വം നൽകി.
 
|
|---|
ചാന്ദ്രോത്സവം
ഇത് ഒരു മനുഷ്യന്റെ ചെറിയ കാൽ വെയ്പ്പ്, മാനവരാശിക്ക് വലിയകുതിച്ചു ചാട്ടവും" എന്ന് നീൽആംസ്ട്രോങ്ങിനാൽ തന്നെ വിശേഷിപ്പിക്കപ്പെട്ട ഈ സംഭവം മാനവചരിത്രത്തിലെ നാഴികകല്ലുകളിലൊന്നായി വിശേഷിപ്പിക്കപ്പെടുന്നു. [2] ജ്യോതിശാസ്ത്ര പഠനം, ബഹിരാകാശ ഗവേഷണത്തിന്റെ പ്രാധാന്യം, മനുഷ്യന്റെ ആദ്യ ചാന്ദ്രയാത്രയുടെ പ്രസക്തി എന്നിവ ജനങ്ങളെ ഓർമ്മിപ്പിക്കാനും പ്രത്യേകിച്ച് വിദ്യാർത്ഥികളിൽ ഇവ സംബന്ധമായ അവബോധം വളർത്തുവാനുമാണ് ഈ ദിവസം ചാന്ദ്ര ദിനമായി ആഘോഷിക്കുന്നത്.[3
മമ്പുറം ജി എം എൽ പി സ്കൂളിൽവിദ്യാർത്ഥികൾക്കായി ഒരുക്കിയത് ഒരു പഠന യാത്രയായിരുന്നു. കോഴിക്കോട്പ്ലാനിറ്റോറിയം സന്ദർശിക്കുകയും കുട്ടികൾക്കതൊരു പുതിയ അനുഭവമായി മാറുകയും ചെയ്തു. നക്ഷത്രബംഗ്ലാവ് സന്ദർശനം കുട്ടികൾക്ക് കൗതുകവും ജിജ്ഞാസയും ഉണർത്തുന്നതായിരുന്നു. അവിടത്തെ ഓരോ കാഴ്ചയും കുട്ടികൾ ആവേശപൂർവ്വം നോക്കി കണ്ടു.
    |
|---|
ക്ലാസ് തലത്തിൽ ഓരോ കുട്ടികളും പോസ്റ്ററും അതോടൊപ്പം കടലാസുകൊണ്ട് മനോഹരമായ രീതിയിൽ റോക്കറ്റ് നിർമ്മിക്കുകയും ചെയ്തു. എല്ലാത്തിലും ഉപരി ചന്ദ്ര മനുഷ്യനായി അധ്യാപകൻ കുട്ടികളുമായി സംവദിച്ചു
ഇമ്മിണി ബല്യ കഥകളുടെ സുൽത്താൻ-ബഷീർ അനുസ്മരണം
നോവലിസ്റ്റും കഥാകൃത്തും സ്വാതന്ത്ര്യസമര പോരാളിയുമായിരുന്ന ബേപ്പൂർ സുൽത്താൻ എന്ന അപരനാമത്തിലും അറിയപ്പെടുന്ന വൈക്കം മുഹമ്മദ് ബഷീറിന്റെ ഇരുപത്തിയെട്ടാമത് ചരമ വാർഷികദിനമാണ് ജൂലായ്‌ 5ന് . ആധുനിക മലയാള സാഹിത്യത്തിൽ ഏറ്റവുമധികം വായിക്കപ്പെട്ട എഴുത്തുകാരിലൊരാൾ എന്ന് വിശേഷിപ്പിക്കപ്പെടുന്നത് അദ്ദേഹത്തെയാണ്
സാമാന്യം മലയാളഭാഷ അറിയാവുന്ന ആർക്കും ബഷീർ സാഹിത്യം വഴങ്ങും. വളരെ കുറച്ചു മാത്രമെഴുതിയിട്ടും ബഷീറിയനിസം അല്ലെങ്കിൽ ബഷീർ സാഹിത്യം എന്നത് മലയാളത്തിലെ ഒരു സാഹിത്യ ശാഖയായി മാറിയത് അദ്ദേഹത്തിന്റെ ജീവിതാനുഭവങ്ങളുടെ കരുത്തുകൊണ്ടായിരുന്നു. ഹാസ്യം കൊണ്ട് അദ്ദേഹം വായനക്കാരെ ചിരിപ്പിച്ചു കൂടെ കരയിപ്പിക്കുകയും ചെയ്തു. സമൂഹത്തിന്റെ അടിത്തട്ടിൽ ജീവിക്കുന്ന മനുഷ്യരുടെ കഥകൾ അദ്ദേഹം പറഞ്ഞപ്പോൾ അത് ജീവസ്സുറ്റതായി, കാലാതിവർത്തിയായി .ബഷീർ അനുസ്മരണത്തിന്റെ ഭാഗമായി സ്കൂളിലെ എല്ലാ കുട്ടികളും ബഷീറിന്റെ കഥാപാത്രങ്ങളായി വേഷമിട്ടു. മമ്പുറത്തിന്റെ പാതയോരങ്ങളിലൂടെ മജീദും സുഹറയും പാത്തുമ്മയും സാറാമ്മയും യക്ഷിയും നാരായണിയും നടന്നു നീങ്ങി. പാത്തുമ്മയുടെ ആട് ഘോഷയാത്രയുടെ മാറ്റ് കൂട്ടി. കുരുന്നുകളെ കാണാൻ റോഡിൽ ഇരുവശവും ജനങ്ങൾ തിങ്ങി കൂടി നിന്നു. പിന്നീട് ബഷീർ കഥാപാത്രങ്ങളുടെ ദൃശ്യാവിഷ്കാരമുണ്ടായി. പ്രധാനധ്യാപിക അനിത ടീച്ചർ പൂവമ്പഴം എന്ന കഥ കുട്ടികൾക്ക് വളരെ മനോഹരമായി പറഞ്ഞു നൽകി. ടീച്ചറുടെ കഥാവതരണ കുട്ടികളെ ഉത്കണ്ഠ ഭരിതരാക്കി. ഭൂമിയുടെ അവകാശികൾ എന്ന കഥയുടെ കാർട്ടൂൺ ആവിഷ്കാരം കുട്ടികളെ കാണിച്ചു. വളരെ മികവാർന്ന രീതിയിൽ തന്നെ ബഷീർ അനുസ്മരണം സ്കൂളിൽ ആചരിച്ചു
.jpg)
.jpg) 
 |
|---|
ലഹരി വിരുദ്ധ റാലി
മയക്കുമരുന്ന് ഉപയോഗം സമൂഹത്തിൽ ഉണ്ടാക്കുന്ന അപകടകരമായ പ്രത്യാഘാതങ്ങളെക്കുറിച്ച് അവബോധം സൃഷ്ടിക്കുന്നതിനും അതില്ലാത്ത ഒരു ലോകം സൃഷ്ടിക്കുന്നതിനുമായാണ് ലോക ലഹരി വിരുദ്ധ ദിനം ആചരിയ്ക്കുന്നത്.
മയക്കുമരുന്ന് ഉപയോഗം ലോക നേരിടുന്ന ഒരു പ്രധാന പ്രശ്നമായി തുടരുകയാണ്. അതിൻറെ ദൂഷ്യഫലങ്ങൾ ലോകത്തിന് അജ്ഞാതമല്ല. എങ്കിലും മയക്കുമരുന്നിന് അടിമകളാകുന്നവർ ഏറെയാണ്‌. മയക്കുമരുന്ന് ഉപയോഗിക്കുന്നതിൻറെ ഗുരുതരമായ പ്രത്യാഘാതങ്ങളെക്കുറിച്ച് അവബോധം സൃഷ്ടിക്കുന്നതിനും അതിനെതിരെ പോരാടുന്നതിന് അന്താരാഷ്ട്ര പിന്തുണ തേടുന്നതിനുമായി, എല്ലാ വർഷവും ജൂൺ 26, ലോക മയക്കുമരുന്ന് വിരുദ്ധ ദിനമായി ആചരിക്കുന്നു.
ലഹരിയെ ചെറുക്കാനുള്ള ഏറ്റവും ഫലപ്രദമായ മാർഗം ബോധവൽക്കരണമാണ്. കുട്ടികൾക്കിടയിൽ ലഹരി ഉപയോഗം കൂടിവരുന്നതായാണ് റിപ്പോർട്ടുകൾ സൂചിപ്പിക്കുന്നത്. ഒരിയ്ക്കൽ ലഹരിയ്ക്ക് അടിമപ്പെട്ടാൽ ഒരു മടക്കം എന്നത് ഏറെ ബുദ്ധിമുട്ടേറിയ കാര്യമാണ്. ലഹരി വരുത്തുന്ന ശാരീരികവും മാനസികവും സാമൂഹ്യവുമായ പ്രത്യാഘാതങ്ങളെക്കുറിച്ച് ഒട്ടുംതന്നെ ആലോചിക്കാതെയാണ് പലരും ലഹരി വസ്തുക്കൾക്ക് പിന്നാലെ പോകുന്നത്.ആയതിനാൽ തന്നെ മമ്പുറം എൽ പി എസിൽ നിന്നും കുട്ടികളെ ഉൾക്കൊള്ളിച്ചുകൊണ്ട് ലഹരി വിരുദ്ധ റാലി നടത്തി.റാലി മമ്പുറം അങ്ങാടിയിൽ പ്രത്യേകം സജ്ജീകരിച്ച വേദിയിൽ എത്തിച്ചേർന്നു. പ്രധാന അധ്യാപിക അനിതടീച്ചർ സ്വാഗതം പറഞ്ഞു.ലഹരി വിരുദ്ധ സന്ദേശത്തിന്റെ വീഡിയോ ക്ലിപ്പ് പ്രദർശിപ്പിച്ചു. തിരൂരങ്ങാടി എസ് ഐ റഫീഖ് കുട്ടികൾക്ക് ലഹരി വിരുദ്ധ സന്ദേശം പകർന്നു നൽകി. അധ്യാപകന്റെ നേതൃത്വത്തിൽ ലഹരി വിരുദ്ധ പ്രതിജ്ഞ എടുത്തു. പ്രദർശനത്തിനുശേഷം റാലി സ്കൂളിലേക്ക് മടങ്ങി
 
|
|---|
വായനയുടെമധുരംതേടി
വായിച്ച് വളരുക ചിന്തിച്ച് വിവേകം നേടുക എന്ന മുദ്രാവാക്യം മുഴക്കിക്കൊണ്ട് കേരള ജനതയെ വായനയുടെ ലോകത്തേക്ക് കൈപിടിച്ചുയർത്തിയ പി എൻ പണിക്കരുടെ ഓർമ്മയിലൂടെ ഒരു വായനാദിനം കൂടി ഇന്ന് സ്കൂളിൽ ആചരിക്കപ്പെട്ടു. സ്കൂൾ അസംബ്ലിയിൽ വായനയുടെ പ്രസക്തിയും പ്രാധാന്യവും പങ്കുവെച്ചു. വായന എന്നോർക്കുമ്പോൾ തന്നെ മനസ്സിലെ ഓടിയെത്തുന്ന കുഞ്ഞുണ്ണി മാഷിന്റെ വരികളിലൂടെ കുട്ടികൾക്ക് വായനയുടെ ആവശ്യകതയെ കുറിച്ച് വിശദമാക്കി കൊടുത്തു.
വായനാദിനത്തിന്റെ പോസ്റ്റർ തയ്യാറാക്കുകയും പ്ലക്കാർഡ് നിർമ്മിക്കുകയും ചെയ്തു. കൂടാതെ രക്ഷിതാക്കൾക്കായി ആസ്വാദനക്കുറിപ്പ് തയ്യാറാക്കുന്ന മത്സരവും നടത്തുകയുണ്ടായി. സ്കൂളിലെ നിരവധി പുസ്തകങ്ങൾ ഉൾപ്പെടുത്തി ക്ലാസ് തലത്തിൽ ലൈബ്രറിസജ്ജീകരിച്ചു
കുട്ടികൾക്ക് വളരെയധികം കൗതുകം സൃഷ്ടിച്ചു കൊണ്ട് വായന ചൊല്ലുകളും ഉൾപ്പെടുത്തിയിരുന്നു.
ചിത്രവായനയും അക്ഷര മരവും കുട്ടികൾ വളരെ ജിജ്ഞാസയോടെ നോക്കി കണ്ടു.
കുട്ടികളുടെ വായന വായന മൂലയും സ്കൂളിൽ സംഘടിപ്പിക്കപ്പെട്ടിട്ടുണ്ട്. ഒഴിവുസമയങ്ങളിൽ പുസ്തകങ്ങൾ ഇരുന്നു വായിക്കുന്നതിനു വേണ്ടി പ്രത്യേകം തയ്യാറാക്കിയ വായനമൂല പിടിഎ ഭാരവാഹികൾ പ്രത്യേകംസജ്ജമാക്കിയിട്ടുണ്ട്. അടിക്കുറിപ്പ് മത്സരം വായനക്കുറിപ്പ് വായന മത്സരം തുടങ്ങി വിവിധ മത്സരങ്ങളും സംഘടിപ്പിക്കുകയുണ്ടായി. പ്രാദേശിക എഴുത്തുകാരനുമായി കുട്ടികൾക്ക് സംവദിക്കാനുള്ള സാഹചര്യവും ഒരുക്കി കൊടുക്കുകയുണ്ടായി. വായനാദിനം തികച്ചും കുട്ടികൾക്ക് കൗതുകം ഉണർത്തുന്നതും വ്യത്യസ്തതയാർന്നതും ആയിരുന്നു.
 |
|---|
തുഞ്ചന്റെ മണ്ണിൽ ഒരിത്തിരി നേരം തുഞ്ചൻ പറമ്പിനെ മലയാള ഭാഷയുടെ ഗർഭഗൃഹം എന്ന് പറഞ്ഞാൽ അത് ഒരു അലങ്കാര പ്രയോഗം മാത്രമായി കാണാൻ ആകില്ല. തുഞ്ചത്ത് രാമാനുജൻ എഴുത്തച്ഛൻ എന്ന മഹാത്മാവിന്റെ എഴുത്താണി കോറിയിട്ട അക്ഷരങ്ങൾ ഒരു അടയാളപ്പെടുത്തലായിരുന്നു. അത് വരെ തമിഴിനും സംസ്കൃതത്തിനും കീഴിൽ ഊറിക്കിടന്ന ഒരു ഭാഷയെ കൊപ്രയിൽ നിന്നും ശുദ്ധമായ എണ്ണ ആട്ടിയെടുക്കും പോലെ, സ്വർണത്തെ മറ്റ് ലോഹാംശങ്ങളിൽ നിന്ന് സ്ഫുടം ചെയ്ത് എടുക്കും പോലെ ഒരു വേർതിരിച്ചെടുക്കൽ.വായനവാരത്തോടനുബന്ധിച്ച് ഭാഷാ പിതാവിന്റെ മണ്ണിലേക്ക് ഒരു യാത്രയായിരുന്നു നടത്തിയത്. കുട്ടികൾക്ക് ഏറെ ഇഷ്ടപ്പെടുന്ന ഒരു കാര്യമാണ് യാത്ര അതിൽ നിന്ന് തന്നെ കൂടുതൽ കാര്യങ്ങൾ പഠിപ്പിക്കുക അല്ലെങ്കിൽ പഠിച്ചെടുക്കുക എന്നതിനാണല്ലോ വളരെ യാത്ര എന്ന് പറയുന്നത്. മലയാളഭാഷയുടെ പിതാവായ എഴുത്തച്ഛന്റെ ഓർമ്മകൾ അവശേഷിക്കുന്ന മണ്ണിലേക്ക് ഏറെ കൗതുകത്തോടെയാണ് കുട്ടികൾ എത്തിയത്.
തുഞ്ചൻപറമ്പിലെ സരസ്വതി മണ്ഡപം, തുഞ്ചന്റെ തത്തയുടെ പ്രതിമയും. എഴുത്തച്ഛനെ എഴുതാൻ ഇരിക്കുന്ന കാഞ്ഞിരമരച്ചുവടും വിദ്യാർഥികൾ കൗതുകത്തോടെ നോക്കി കണ്ടു. മിഴാവ് നന്നങ്ങാടി മുതലായവ മ്യൂസിയത്തിൽ സൂക്ഷിച്ചിട്ടുണ്ട്. ധാരാളം സാഹിത്യകാരന്മാരുടെ ജീവചരിത്രങ്ങളും അവിടം ആലേഖനം ചെയ്യപ്പെട്ടിട്ടുണ്ട്.ശരീരത്തിന് മജ്ജയും മാംസവും രക്തവും എന്ന പോലെ ഭാഷക്ക് അക്ഷരങ്ങളും അതിന് ഒരു ചട്ടക്കൂടും ലിപിയും നൽകി ജീവൻ നൽകുക ആയിരുന്നു എഴുത്തച്ഛൻ. അതിൽ നിന്ന് ആണ് വാക്കുകളും അർത്ഥവും തളിർത്തതും പൂത്തതും സുഗന്ധം പരത്തിയതും. അതേ മലയാള ഭാഷ പിറന്നു വീണത് രാമാനുജൻ എഴുത്തച്ഛന്റെ എഴുത്താണിയിലൂടെ ഈ മണ്ണിൽ ആണ്. ആ മണ്ണിന് കാലം നൽകിയ പേര് ഒരു ദേശത്തിന്റെ അടയാളമായി, ഭാഷയുടെ ജന്മനാടായി. അതാണ് തിരൂർ തുഞ്ചൻപറമ്പ്.നിള പറഞ്ഞ കഥ എന്ന ഡോക്യുമെന്ററിയും കണ്ട് തിരിച്ചുപോരുമ്പോൾ കുട്ടികൾക്ക് കൗതുകം വിട്ടൊഴിഞ്ഞിരുന്നില്ല
|
|---|
പരിസ്ഥിതി ദിനത്തിൽ
മനുഷ്യന്റെ വിനാശകരമായ ഇടപെടൽ കാരണം അനുദിനം നാശത്തിലേക്കാണ് പ്രകൃതി നീങ്ങുന്നത്. അതിനാൽഎല്ലാ വർഷവും മനുഷ്യരെ ബോധവൽക്കരാക്കുന്നതിന് വേണ്ടി ജൂൺ 5 ലോക പരിസ്ഥിതി ദിനമായി ആചരിക്കുന്നു. സ്കൂൾ അസംബ്ലിയിൽ പരിസ്ഥിതി സംരക്ഷണ പ്രതിജ്ഞ എടുത്തു. പരിസ്ഥിതി ദിന പോസ്റ്റർ തയ്യാറാക്കുകയും പരിസ്ഥിതി ഗാനങ്ങൾ ആലപിക്കുകയും ചെയ്തു. ആയിരത്തിലധികം ഇലകൾ ഉള്ള ഹെർബറിയം പ്രദർശനം നടത്തി. ഓരോ കൂട്ടുകാരും ഓരോ ഇലവീതം കൊണ്ടുവരികയും ഹെർബേറിയത്തിൽ കണ്ടെത്തുകയുംവ്യത്യാസം മനസ്സിലാക്കുകയും ചെയ്തു.കുട്ടികൾ സ്കൂൾ ഔഷധത്തോട്ടം നിർമ്മിക്കുന്നതിന് ഭാഗമായി ഔഷധസസ്യങ്ങൾ കൊണ്ടുവന്നു. മൂന്നു നാല് ക്ലാസിലെ കുട്ടികളെ ഔഷധത്തോട്ടം കാണാനായി കോട്ടക്കൽ ആയുർവേദ ശാലയിലേക്ക് കൊണ്ടുപോയി. ഒരു കാട് കാണുന്ന പ്രതീതിയോടെ കുട്ടികൾ ഔഷധ തോട്ടം വിശദമായി ചുറ്റി നടന്നു കണ്ടു. സ്കൂളിലേക്കായി ഔഷധസസ്യങ്ങൾ വാങ്ങിക്കുകയും ചെയ്തു
|
നവാഗതർക്ക് സ്വാഗതമേകാൻ വിദ്യാലയം ഒരുക്കത്തിൽ
പി ടി എ, എസ് എം സി എന്നിവരുടെനേതൃത്വത്തിൽപ്രവേശനോത്സവത്തിന്റെമുന്നോടിയായി യോഗം ചേർന്ന് വിദ്യാലയംഅലങ്കരിക്കാനും കുരുന്നുകൾക്ക് മധുരവുംസമ്മാനപ്പൊതികളും നൽകി സ്വീകരിക്കാനും തീരുമാനിച്ചു
2022-23 വർഷത്തിലെ ആദ്യ ദിനം
വർണ്ണശബളമായ ഉടുപ്പുകളണിഞ്ഞ് പൂമ്പാറ്റകളെപ്പോലെ കുരുന്നുകൾ അറിവിന്റെ മധുരം നുകരാനെത്തി. അത്ഭുതവും അമ്പരപ്പും അതിലേറെ കൗതുകവും അവരുടെ മുഖത്ത് മിന്നി മറിഞ്ഞു. ചെണ്ട മേളത്തിന്റെ അകമ്പടിയോടെ കുരുന്നുകൾ വർണ്ണാഭമായി അലങ്കരിച്ച സ്കൂൾ അങ്കണത്തിൽ അണിനിരന്നു . ഉദ്ഘാടന വേളയിൽ കുട്ടികളും രക്ഷിതാക്കളും പങ്കെടുത്തു . സ്കൂളിലെത്തിയ എല്ലാവർക്കും പൂർവ്വ വിദ്യാർത്ഥി സംഘടന മധുര സൽക്കാരം നൽകി. കോപ്പറേറ്റീവ് ബാങ്ക് നവാഗതർക്ക് സമ്മാനപ്പൊതി നൽകി. പ്രവേശനോത്സവം സന്തോഷത്തോടെ പൂർത്തീകരിച്ചു
 |
|---|
1
[[പ്രമാണം:19822-library sajjeekaranam.jpeg|ലഘുചിത്രം|19822-ലൈബ്രറി സജ്ജീകരണം[[പ്രമാണം:19822-christhumas.jpeg|നടുവിൽ|ലഘുചിത്രം|
]]]]
