ജി.വി.എൽ.പി.എസ് ചിറ്റൂർ/தமிழ்/ஸ்கூள்விக்கி விருது 2021-22
வெற்றி வாகை சூட தலைநகருக்கு!
ஸ்கூல் விக்கியில் சிறந்த பக்கங்களை உருவாக்கியதற்காக பாலக்காடு மாவட்டத்தில் முதல் இடத்தைப் பிடித்த சித்தூர் ஜி.வி.எல். பி. பள்ளியின் பிரதிநிதிகள் திருவனந்தபுரம் அடைந்தனர். மாணவர்களான அனுஸ்ரீ, நிவேத்யா, ஈஷா ரஞ்சித், வினய், சௌபர்ணிகா ஆகியோருடன் தலைமை ஆசிரியர் ஜெயலட்சுமி, PSITC ரசியா பானு, PTA தலைவர் மோகன்தாஸ் ஆகியோரும் சேர்ந்து பெருமையும் மகிழ்ச்சியும் நிறைந்த மனதோடு ஜூலை 1 ஆம் தேதி சட்டசபை மந்திரத்திலுள்ள சங்கரநாராயணன் தம்பி மண்டபத்தில் நடந்த விழாவில் விருது, சான்றிதழ் மற்றும் 25000 ரூபாய் பண விருதையும் பெற்றனர். இந்த பெருமைமிகு தருணத்திற்கு சாட்சியாக ஆசிரியை சுப்ரபா, ஹேமாம்பிகா, அம்பிகாதேவி, பவில்தாஸ் மற்றும் PTA துணைத்தலைவர் சுகதன் ஆகியோர் மண்டபத்தில் இருந்தனர். முதன்மை பயிற்சியாளர் பிரசாத் எங்களுக்கு தேவையான அறிவுரைகளை வழங்கி இந்த மகிழ்ச்சியான தருணத்தில் எங்களுடன் இணைந்தார்.கேரள சட்டப் பேரவைத் தலைவர் எம்.பி.ராஜேஷ் நிகழ்ச்சியைத் தொடங்கி வைத்தார். பொதுக் கல்வித் துறை அமைச்சர் வி. சிவன் குட்டி தலைமை வகித்தார். தலைமை விருந்தினராக போக்குவரத்து துறை அமைச்சர் ஆண்டனி ராஜு கலந்து கொண்டார். கைட் சி.இ.ஓ அன்வர் சாதத், பொதுக் கல்வி இயக்குனர் ஜீவன் பாபு IAS இயக்குனர் எஸ்.சி.இ.ஆர்.டி ஜெயபிரகாஷ் உள்ளிட்டோர் கலந்து கொண்ட பிரமாண்டமான விழாவில் பரிசுகள் வழங்கப்பட்டது. கேரளாவின் ஒவ்வொரு மாவட்டத்திலும் முதல் மூன்று இடத்தைப் பிடித்த பள்ளிகளிலுள்ள ஆசிரியர்கள் மற்றும் மாணவர்கள் இவ்விழாவில் கலந்து கொண்டனர். தேநீர் விருந்திற்குப் பிறகு சட்டசபை அரங்கைப் பார்வையிடுவதற்கான வாய்ப்பும் கிடைத்தது. நீண்ட பயணமும் புதிய காட்சிகளும் குழந்தைகளுக்கு அளவற்ற ஆனந்தத்தைத் தந்தது. மாநில அளவில் முதல் 3 இடங்களைப் பிடித்த பள்ளிகள் பெற்ற புள்ளிகளில் சித்தூர் ஜி.வி.எல்.பி பள்ளி சிறிய புள்ளி வித்தியாசத்திலேயே இருந்தது. இது அடுத்த வருடத்திற்கான எமது செயற்பாடுகளை மேலும் மேம்படுத்துவதற்கும் சிறந்த வெற்றியை அடைவதற்கும் எங்களை ஊக்கப்படுத்தியுள்ளது. விக்கி பக்கங்களைத் தயாரிக்கும் பணியை முன்னின்று நடத்தும் ரஸியாவிற்கும் மற்ற ஆசிரியர்களுக்கும் நமது பள்ளிக்கும் மாநில விருது பெறும் காலம் வெகு தொலைவில் இல்லை. அந்த பெருமையான தருணத்திற்காக அனைவரும் ஆவலுடன் காத்திருக்கிறோம்......
- வீடியோ காண்போம் - ஸ்கூல் விக்கி விருது - 2022
செய்தித்தாள்களில்
மகிழ்ச்சித் தருணங்கள்
 |
 |
|