ജി.എച്ച്.എസ്.എസ് പാളയംകുന്ന്/വിദ്യാരംഗം
മലയാളം ക്ലബ്ബ്
വിദ്യാരംഗം കലാസാഹിത്യ വേദി 2016-17 വർഷത്തെ വിദ്യാരംഗം കലാസാഹിത്യ വേദിയുടെ സ്കൂൾതല ഉദ്ഘാടനം 2016 ജൂൺ 20-ന് നടത്തി. തനിമ ടീച്ചർ ചടങ്ങ് ഉദ്ഘാടനം ചെയ്തു. തുടർന്ന് എസ്.ആർ.ജി കൺവീനർ അജയകുമാർ സാർ, മറ്റ് മലയാളം അദ്ധ്യാപകരായ ജി.അജയൻ, പ്രതിഭ, ഇന്ദു എന്നിവർ സംസാരിക്കുകയും ചെയ്തു.തുടർന്ന് ക്ലാസ് തല കൺവീനർമാരെ തെരഞ്ഞെടുക്കുകയും തുടർന്ന് അതിൽ നിന്ന് രണ്ട് സ്കൂൾതല കൺവീനർമാരെ നിർദ്ദേശിക്കുകയും ചെയ്തു. ഒക്ടോബർ മാസത്തിലെ പല ദിവസങ്ങളിലായി സ്കൂൾതല മത്സരങ്ങൾ സംഘടിപ്പിച്ചു.എൽ.പി,യു.പി,എച്ച്.എസ് വിഭാഗങ്ങളിലായി പുസ്തക ചർച്ച,കഥാരചന,കവിതാരചന,സ്ക്രിപ്റ്റ്,അഭിനയം,നാടൻപ്പാട്ട് തുടങ്ങിയ മത്സരങ്ങൾ നടത്തി വിജയികളെ സബ്ജില്ലയിലും, തുടർന്ന് ജില്ലയിലും പങ്കെടുപ്പിച്ചു. മികച്ച വിജയം കരസ്ഥമാക്കുകയും ചെയ്തു.
വിദ്യാരംഗം കലാ സാഹിത്യ വേദി മലയാളം ക്ലബ്....
വിദ്യാരംഗം കലാസാഹിത്യവേദിയുടെ ഉദ്ഘാടനം പ്രവർത്തനങ്ങളും കഴിഞ്ഞ വർഷത്തെ പോലെ തന്നെ ഓൺലൈൻ ആയിട്ടാണ് ഈ വർഷവും ആരംഭിച്ചത്. വായനാ ദിനമായ ജൂൺ 19ന് പരിമിതികളെ മറികടന്ന് വിപുലമായ ഒരു ഉദ്ഘാടനച്ചടങ്ങ് നടത്തുവാൻ സാധിച്ചു പ്രാദേശിക പ്രാധാന്യവും കലാ-സാഹിത്യ വ്യക്തിത്വമുള്ള ശ്രീ പ്രിയദർശൻ സാർ പ്രധാന അതിഥിയും മുഖ്യ പ്രഭാഷകനുമായെത്തിയ ചടങ്ങിൽ സ്കൂൾ പ്രിൻസിപ്പൽ,എച്ച് എം, അധ്യാപകർ കുട്ടികൾ എന്നിവർ പങ്കെടുത്തു
എൽ പി മുതൽ ഹയർ സെക്കൻഡറി വരെ യുള്ള കൺവീനർമാർ എല്ലാ മേഖലകളും ഏകോപിപ്പിച്ചു കൊണ്ടാണ് പ്രവർത്തനങ്ങൾ ആസൂത്രണം ചെയ്തത്.പ്രവർത്തനങ്ങൾക്ക് എല്ലാ വിഭാഗങ്ങളിൽ നിന്നുമുള്ള മലയാളം അധ്യാപകരുടെ നിർലോഭമായ സഹകരണം ലഭ്യമായിരുന്നു
ഈ വർഷവും വായനാദിനം വിപുലമായി ആചരിച്ചു. പി എൻ പണിക്കരെ അനുസ്മരിച്ചുകൊണ്ട് കൂടുതൽ പ്രവർത്തനങ്ങൾ നടത്തി വായനയെ പ്രോത്സാഹിപ്പിക്കാൻ കഥാ,കവിത, ചർച്ചകൾ എന്നിവ സംഘടിപ്പിച്ച് വായനാവാരം ആചരിച്ചു
പി കെ പാറക്കടവിന്റെ രചനകൾ അദ്ദേഹത്തിന്റെ സദ്യ എന്ന കഥയുടെ പശ്ചാത്തലത്തിൽ ചർച്ചയ്ക്ക് എടുത്തു സ്കൂളിലെ എല്ലാ കുട്ടികളിലും എത്തത്തക്കവിധം ചർച്ചവി പുലീകരിക്കുകയും കുറിപ്പുകൾ പതിപ്പ് ആക്കുകയും ചെയ്തു. കൂടുതൽ വായനക്കായി പത്ര വാർത്തകളെ ആസ്പദമാക്കി ക്വിസ് പ്രോഗ്രാം സംഘടിപ്പിച്ചു.
മാത്രമല്ല പിന്നീട് കുട്ടികൾ വ്യക്തിഗതമായ തെരഞ്ഞെടുത്ത പുസ്തകങ്ങളുടെ വായനയും ആസ്വാദനക്കുറിപ്പ് തയ്യാറാക്കൽ നടന്നു മികച്ച കുറിപ്പുകൾ ചേർത്ത് വച്ച്" അതിജീവനം" എന്ന പേരിൽ ഒരു മാഗസിൻ തയ്യാറാക്കി പൊതു വായനയ്ക്കായി ലൈബ്രറിയിൽ സമർപ്പിച്ചു.
വിദ്യാരംഗം കലാസാഹിത്യ വേദിയുടെയും മലയാളം ക്ലബ്ബിന്റെയും സ്കൂൾതല യൂണിറ്റ് 2022 - 23 അധ്യയന വർഷത്തെ രൂപീകരണം 11/6/2022 തിങ്കളാഴ്ച നടന്നു. വിദ്യാരംഗം കലാസാഹിത്യ വേദിയുടെ സ്കൂൾതല കൺവീനറായി സുജ എസിനെ തിരഞ്ഞെടുത്തു. യു.പി. വിഭാഗത്തിൽ സിന്ധു. ജി. എസ്, ഹൈസ്കൂൾ വിഭാഗത്തിൽ ജയശ്രീ.കെ, ഹയർസെക്കൻ്ററി വിഭാഗത്തിൽ ബിജു. ആർ എന്നിവർ ചുമതലയേറ്റു. എൽ. പി. വിഭാഗത്തിൽ എലിസബത്ത് ടീച്ചർ ചുമതല പങ്കിട്ടു.
സ്കൂളിലെ എല്ലാ കുട്ടികളും വിദ്യാരംഗത്തിന്റെ ഭാഗമായതിനാൽ ക്ലാസ് തലത്തിൽ പ്രവർത്തനങ്ങൾ ഏകോപിപ്പിക്കാൻ രണ്ടു കുട്ടികൾക്കു വീതം ചുമതല നൽകി. ഹൈസ്കൂൾ തല വിദ്യാർത്ഥി പ്രതിനിധികളായി മൂന്ന് കുട്ടികളെ തിരഞ്ഞെടുത്തു.
1. അപർണ്ണ. ബി(9B) (കൺവീനർ)
2. ആദിത്യ. എസ്(8F) (ജോയിൻറ് കൺവീനർ)
3. അർജുൻ. എസ്(9E) (ജോയിൻറ് കൺവീനർ)
വിദ്യാരംഗം കലാസാഹിത്യവേദി ഉദ്ഘാടനം
വിദ്യാരംഗം കലാസാഹിത്യ വേദിയുടെയും മലയാളം ക്ലബ്ബിന്റെയും സ്കൂൾതല യൂണിറ്റ് ഉദ്ഘാടനം 14/6/2022 വ്യാഴാഴ്ച നടന്നു. ഉച്ചയ്ക്ക് 2:30 ന് സ്കൂൾ സെമിനാർ ഹാളിൽ സംഘടിപ്പിച്ച ചടങ്ങ് പ്രാർത്ഥന ഗാനത്തോടെ ആരംഭിച്ചു. വിദ്യാരംഗം കൺവീനർ സുജ .എസ് സ്വാഗതം ആശംസിച്ച ചടങ്ങിൽ അധ്യക്ഷപദം അലങ്കരിച്ചത് ഹെഡ്മിസ്ട്രസ്സായ ശ്രീമതി ബി .എസ് .സിനി ടീച്ചറാണ്. ഉദ്ഘാടന കർമ്മം നിർവഹിച്ച് പ്രിൻസിപ്പലായ ശ്രീമതി പി .ഷെർളി ടീച്ചർ സദസ്സിനെ ധന്യമാക്കി. മുഖ്യ അതിഥിയായി എത്തിയത് ഈ സ്കൂളിലെ തന്നെ മുൻ മലയാളം അധ്യാപകനും, കവിയും പ്രഭാഷകനുമായ ശ്രീ. ഡി. പ്രിയദർശനൻ സാറാണ്. സാറിന്റെ സന്ദർഭോചിതവും, ആശയ സമ്പുഷ്ടവുമായ പ്രഭാഷണം ഉദ്ഘാടന ചടങ്ങിനെ ഇമ്പമുള്ളതാക്കി. ശ്രീ. വി .അജയകുമാർ (SRG കൺവീനർ), ശ്രീമതി. ആർ. ഷീജ (സീനിയർ അസിസ്റ്റൻറ്), ശ്രീ .ബിജു. ആർ. (HSS കൺവീനർ), മലയാളം അധ്യാപകരായ ശ്രീ. ഓമനക്കുട്ടൻ പിള്ള, ശ്രീ. ജി. അജയൻ, ശ്രീമതി. ഇന്ദു . ഡി എന്നിവരും യു .പി .വിഭാഗം വിദ്യാരംഗം കൺവീനർ ശ്രീമതി .സിന്ധു. ജി. എസ് . എൽ .പി. വിഭാഗം ശ്രീമതി. എലിസബത്ത് ടീച്ചർ എന്നിവരും ആശംസകൾ നേരാൻ എത്തിച്ചേർന്നിരുന്നു. ഹൈസ്കൂൾ വിഭാഗം കൺവീനായ ശ്രീമതി. ജയശ്രീ .കെ യുടെ നന്ദി പ്രകാശനത്തോടെ ചടങ്ങുകൾ അവസാനിച്ചു.
ദിനാചരണങ്ങൾ
ബഷീർ ചരമദിനം വയലാർ ഓർമദിനം കേരള പ്പിറവിദിനം തുടങ്ങിയ ദിനങ്ങളെല്ലാം വിദ്യാരംഗം കലാ സാഹിത്യ വേദിയുടെ കൂടുതൽ പ്രവർത്തനങ്ങൾക്ക് അവസരം നൽകി ബഷീർ കൃതികളെ ആസ്പദമാക്കി ക്വിസ് പ്രോഗ്രാം ,ബഷീർ കഥാപാത്രങ്ങളെ ആസ്പദമാക്കി ചിത്രരചന, ബഷീർകൃതികളുടെ ആസ്വാദനക്കുറിപ്പ് തുടങ്ങിയവയും വയലാർ ദിനത്തിൽ വയലാർ കവിതകളും ഗാനങ്ങളും പാടി അവതരിപ്പിക്കുകയും ചെയ്തു
നവംമ്പർ 1 കേരളപ്പിറവി ദിനമായി ആചരിച്ചു.അന്ന് മലയാളദിനാചരണം കൂടി ആയിരുന്നു കേരളപ്പിറവിഗാന‍ങ്ങൾ എല്ലാ ക്ലാസ് മുറികളിലും കേൾപ്പിച്ചു പത്രവാർത്തയുമായി ബന്ധപ്പെട്ട റിവേഴ്സ് ക്വിസ് നടത്തി .മധുരംമലയാളം കവിതാലാപനം കേരള പ്രകൃതിയെ ആസ്പദമാക്കി ചിത്രരചന എന്റെ നാട് എന്ന വിഷയത്തിൽ കവിതാരചന ഗാനാലാപനം തുടങ്ങിയ വേണ്ടി കുട്ടികളുടെ ആവേശകരമായ പങ്കാളിത്തത്തോടെ നടന്നു
വിദ്യാരംഗം കലാസാഹിത്യവേദിയുടെ സ്കൂൾതല മത്സരങ്ങളുടെ ഊഴമായിരുന്നു പിന്നീട്. കവിതാരചന, ചിത്രരചന, കവിതാലാപനം, കഥാരചന എന്നിവയായിരുന്നു മത്സരങ്ങൾ. ഞങ്ങൾ മത്സര ശേഷം രണ്ട് സൃഷ്ടികൾ വീതം ഉപജില്ലയ്ക്ക് അയച്ചുകൊടുത്തു. ഉപജില്ലാ മത്സരത്തിൽ അപർണ്ണ രാജ് വേങ്കോട് കവിതാ രചനയിൽ ഒന്നാം സ്ഥാനത്തെത്തി ജില്ലാതലത്തിലേക്ക് യോഗ്യത നേടി.
വിദ്യാരംഗം കലാ സാഹിത്യ വേദിയുടെ ദൈനംദിന പ്രവർത്തനങ്ങളിൽ പത്രവായനയും വാർത്തകൾ പങ്കുവയ്ക്കലും പ്രഭാത സന്ദേശവും ഉണ്ട് .സ്കൂളിലെ ഏതൊരു കുട്ടിയുടെയും മികച്ച രചനകൾ അവതരിപ്പിക്കാനുള്ള വേദിയും അവസരവുംനൽകിക്കൊണ്ട് പ്രവർത്തനങ്ങൾ മുന്നോട്ടു പോകുന്നു.
/home/central/Desktop/WIKI.odp
ഫോട്ടോ ആൽബം