വർഗ്ഗം:പൂത്തുമ്പികൾ കൂടുവിട്ട് പുറത്തേക്ക്

കുറ്റിത്തെരുവ് : ഏകദേശം രണ്ട് രണ്ടര വർഷത്തോളം നിലനിന്നിരുന്ന കോവിഡ് മഹാമാരി തീർത്ത കാരാഗൃഹവാസത്തിൽ നിന്ന് കുഞ്ഞുങ്ങൾ വിദ്യാലയം എന്ന സ്വതന്ത്ര ലോകത്തേക്ക് ജൂൺ ഒന്നു ബുധനാഴ്ച എത്തി. പുത്തനുടുപ്പും പുസ്തക സഞ്ചിയുമായി സ്കൂളിലെത്തിയ കൂട്ടുകാരെ വർണ്ണ തൊപ്പിയും അക്ഷര കട്ടൗട്ടുകളും നൽകി സ്വീകരിച്ചു. പുലിക്കുട്ടി, മുയൽ കുട്ടൻ എന്നിവയുടെ വേഷത്തിലായിരുന്നു പഴയ കൂട്ടുകാർ നവാഗതരെ സ്വീകരിച്ചത്. പിടിഎ പ്രസിഡൻറ് ശ്രീ അബ്ദുൽ .സത്താർ അധ്യക്ഷ സ്ഥാനം അലങ്കരിച്ച സമ്മേളനത്തിൽ എച്ച് എം ശ്രീമതി എസ് രഹന സ്വാഗതം ആശംസിച്ചു. മുഖ്യ പ്രഭാഷകനായി എത്തിയത് പൂർവ്വ അധ്യാപകനും സാഹിത്യകാരനുമായ ശ്രീ പുതുപ്പള്ളി സൈദ് ആയിരുന്നു

.ഈ ചടങ്ങിൻ്റെ ഉദ്ഘാടനം നിർവഹിച്ചത് ഗ്രാമപഞ്ചായത്ത് വൈസ് പ്രസിഡൻറ് ശ്രീമതി റസീന ബദർ ആയിരുന്നു. ചടങ്ങിൽ സംബന്ധിച്ച എല്ലാവർക്കും മധുരം നൽകി.കുട്ടികളുടെ കലാപരിപാടികളോടെ യോഗം അവസാനിച്ചു. വിദ്യാർഥി പ്രതിനിധികളായ യാസീൻ, കുമാരി റെ ന ഫാത്തിമ എന്നിവർ അവതാരകരായി വന്ന ഈ ചടങ്ങിൽ അധ്യാപകനായ ശ്രീ എൻ.എം അൻവർ കൃതജ്ഞത രേഖപ്പെടുത്തി.