ഗവൺമെന്റ് വി. എച്ച്. എസ്. എസ്. വീരണകാവ്/സൗകര്യങ്ങൾ/കൗൺസിലിങ് സൗകര്യം

കൗൺസിലിങ് സൗകര്യം

കൗൺസിലിംഗിനുള്ള സൗകര്യം ലഭ്യമാണ്.കുട്ടികൾക്ക് അവരുടെ വ്യക്തിപരമായ പ്രശ്നങ്ങളും പഠനസംബന്ധമായ വിഷമതകളും കൗൺസിലറോട് സംസാരിക്കാനും നിർദ്ദേശങ്ങൾക്കനുസരണം പ്രവർത്തിക്കാനും സാധിക്കും.ശ്രീമതി.ലിജിയാണ് കൗൺസിലർ.കൊവിഡ് കാലത്ത് കൗൺസിലറിന്റെ സേവനം പ്രശംസനീയമായിരുന്നു.കൊവിഡ് ബാധിച്ച കുട്ടികളെയും അവരുടെ രക്ഷിതാക്കളെയും നിരന്തരം വിളിക്കുകയും അവരുടെ പ്രശ്നങ്ങളിൽ ഇടപെടുകയും ചെയ്തു.പിന്നീട് സ്കൂൾ തുറന്നപ്പോഴും കുട്ടികളനുഭവിക്കുന്ന മാനസിക,ശാരീരിക അവശതകളെ കുറിച്ച് മനസിലാക്കി അതിനനുസൃതമായ കൗൺസിലിംഗ് രീതിയാണ് പിന്തുടരുന്നത്.

പ്രവർത്തനങ്ങൾ

കൗൺസിലിംഗ് എന്നത് ഒരു തുടർപ്രക്രിയയായാണ് നടപ്പിലാക്കുന്നത്.നിലവിലെ കൗൺസിലറായ ശ്രീമതി.ലിജി ക്ലാസുകളിൽ കുട്ടികളുടെ അടുത്തെത്തി അവരുമായി ബന്ധം സ്ഥാപിക്കുകയും അവരുടെ പ്രശ്നങ്ങൾ മനസ്സിലാക്കാനും അപഗ്രഥിച്ച് പരിഹാരം കാണാനും ശ്രമിച്ച് വരുന്നു.സ്വാഭാവികമായ ക്ലാസ് അന്തരീക്ഷം നിലനിർത്തിക്കൊണ്ട് വിവിധ വിഷയങ്ങളിൽ ക്ലാസെടുക്കുകയും ഇന്ററാക്ഷൻ നടത്തുകയും ചെയ്യുന്നു.മാത്രമല്ല വനിതാദിനം പോലുള്ള ദിവസങ്ങളിൽ ചിത്രരചന,ക്വിസ പോലുള്ള മത്സരങ്ങൾ സംഘടിപ്പിക്കുകയും പ്രീ-കെജി മുതലുള്ള പരമാവധി കുട്ടികളെ പങ്കെടുപ്പിക്കുകയും ചെയ്യുന്നു.സ്ത്രീകളുടെയും കുട്ടികളുടെയും സുരക്ഷ,സൈബർ സുരക്ഷ,മൊബൈൽ അഡിക്ഷൻ,ലഹരികളുടെ ഉപയോഗം തുടങ്ങിയ അനേകം വിഷയങ്ങളുടെ ആശയം കുട്ടികളിലെത്തിക്കുകയും അവരുമായി ആശയവിനിമയം നടത്തുകയും ചെയ്യുന്നു.

കൗൺസിലിംഗ്

അത്യാവശ്യഘട്ടങ്ങളിൽ നേരിട്ടും അല്ലാത്തപ്പോൾ സ്വാഭാവിക സംഭാഷണങ്ങളുലൂടെയും കുട്ടികളുടെ പ്രശ്നങ്ങളിലേയ്ക്ക് ഇറങ്ങിചെല്ലുകയും ശാസ്ത്രീയമായ അവബോധം സൃഷ്ടിച്ചുകൊണ്ട് പരിഹാരബോധനപ്രക്രിയ ആസൂത്രണം ചെയ്തുകൊണ്ട് ക്ലാസ് ടീച്ചർ,എച്ച്.എം. തുടങ്ങിയവരുമായി ആലോചിച്ച് ആവശ്യമെങ്കിൽ രക്ഷിതാവിനെ കൂടെ ഉൾപ്പെടുത്തികൊണ്ട് കുട്ടിയെ ക്രിയാത്മകമായ ഒരു ജീവിതശൈലിയിലേയ്ക്ക് തിരിച്ചുവിടുകയും ചെയ്യുന്നു.

റഫറിംഗ്

ചില സന്ദർഭങ്ങളിലെങ്കിലും ചില കുട്ടികളുടെ കാര്യം സ്കൂൾ തലത്തിൽ പരിഹരിക്കാനാകില്ലെന്ന് തിരിച്ചറിഞ്ഞാൽ ഉടൻ തന്നെ പ്രശ്നപരിഹാരത്തിനായി മുകൾത്തട്ടിലേയ്ക്ക് കാര്യങ്ങൾ റഫർ ചെയ്യാറുണ്ട്.