ജി.യു.പി.എസ്.ചെമ്മനാട് വെസ്‌റ്റ്/ക്ലബ്ബുകൾ/സയൻസ് ക്ലബ്ബ്
സയൻസ് ക്ലബ്ബ്
- 2019-20ൽ സ്കൂളിൽ നടന്ന പ്രവർത്തനങ്ങൾ
- ഉപജില്ലാതല ശാസ്ത്രമേളയിൽ നിന്ന്
- 2021-ൽ ഇൻസ്പെയർ അവാർഡ് ആറാം തരം വിദ്യാർഥി അബ്ദുൾ റഹ്മാൻ സാജിദിന്.
2020-21 അധ്യയനവർഷത്തിലെ ഇൻസ്പെയർ അവാർഡിന് ആറാം തരത്തിലെ അബ്ദുൽറഹ്മാൻ സാജിദ് അർഹനായി. 'തെർമൽ ഇൻസുലേഷൻ ഓഫ് ബിൽഡിംഗ്സ്' എന്ന ആശയത്തിനാണ് അവാർഡ് ലഭിച്ചത്. കെട്ടിടങ്ങളുടെ താപ കാര്യക്ഷമതയും അതുവഴി ഊർജ്ജക്ഷമതയും മെച്ചപ്പെടുത്തുന്നതിനുള്ള സംവിധാനമാണ് തെർമൽ ഇൻസുലേഷൻ. എക്സ്ട്രൂഡഡ് പോളിസ്‌റ്റൈറീൻ, സിലിക്ക എയ്റോജൽ തുടങ്ങിയ വസ്തുക്കൾ ഇതിനായി ഉപയോഗിക്കാം. ഇത്തരം വസ്തുക്കൾക്ക് താപചാലകത കുറവായതിനാൽ കെട്ടിടങ്ങളുടെ അകത്ത് ഉണ്ടാകുന്ന അധിക താപം നിയന്ത്രിക്കാൻ കഴിയുന്നു. 10000 രൂപയും സർട്ടിഫിക്കേറ്റുമാണ് ലഭിച്ചത്.
ശാസ്ത്ര ദിനാഘോഷം (28/02/2022)
ഈ വർഷത്തെ ശാസ്ത്ര ദിനാഘോഷത്തിന്റെ ഭാഗമായി വളരെ മികച്ച ഒരു ശാസ്ത്രപ്രദർശനം നടത്തുകയുണ്ടായി. കുട്ടികൾ നടത്തിയ ലഘുപരീക്ഷണങ്ങളും തയ്യാറാക്കിയ ശാസ്ത്ര മാതൃകകളും പരിപാടിയിൽ മികച്ചുനിന്നു. പരിപാടിയുടെ ഔപചാരികമായ ഉദ്ഘാടനം പിടിഎ പ്രസിഡൻറ് ശ്രീ താരിഖ് നിർവഹിച്ചു. സ്കൂൾ ഹെഡ്മിസ്ട്രസ് ശ്രീമതി രമ ടീച്ചർ ,സീനിയർ അസിസ്റ്റൻറ് ശ്രീ പി ടി ബെന്നി മാഷ് എന്നിവർ ശാസ്ത്ര ദിനാഘോഷത്തിന്റെ പ്രാധാന്യത്തെപ്പറ്റിയും സർ സിവി രാമനെ അനുസ്മരിച്ചുകൊണ്ടും സംസാരിച്ചു. തുടർന്ന് നടത്തിയ പ്രദർശനത്തിൽ ഓരോ ക്ലാസിൽ നിന്നും മികച്ച കുട്ടികളുടെ സൃഷ്ടികളും പരീക്ഷണങ്ങളും തെരഞ്ഞെടുത്തു ഉൾപ്പെടുത്തി. എൽ പി തലത്തിൽ ഉള്ള കുട്ടികളുടെ പ്രദർശനം മദ്രസ ഹാളിലും യുപി തലത്തിലുള്ള കുട്ടികളുടെ പ്രദർശനം സ്കൂൾ വരാന്തയിലും ആണ് സജ്ജീകരിച്ചത്.
