എസ് കെ എം ജെ എച്ച്എസ്എസ് കല്പറ്റ/ചരിത്രം

തികച്ചും സാമൂഹിക സേവനം മാത്രം ലക്ഷ്യം വെച്ചാണ് ഈ വിദ്യാലയം സ്ഥാപിക്കപ്പെട്ടിട്ടുള്ളത്.ഹൈസ്കൂൾ വിദ്യാഭ്യാസത്തിനായി മറ്റു ജില്ലകളെ ആശ്രയിക്കേണ്ടിയിരുന്നതിനാൽ ആ സ്വപ്നം മാറ്റിവെക്കേണ്ടി വന്ന വയനാടൻജനതയ്ക്ക് ഏറെ ആശ്വാസമായിരുന്നു എസ്.കെ.എം.ജെ.ഹൈസ്കൂൾ.ശ്രി,എം.കെ.ജിനചന്ദ്രൻ എന്ന മനുഷ്യസ്നേഹിയുടെ നിരന്തരമായ ശ്രമഫലമായാണ് ഈ വിദ്യാലയം നിലവിൽ വന്നത്. തുടക്കത്തിൽ 84 വിദ്യാർഥികളും 4 അധ്യാപകരുമാണ് ഇവിടെ തുടക്കത്തിൽ ഉണ്ടായിരുന്നത്.വയനാടിന്റെ വിവിധ ഭാഗങ്ങളിൽ നിന്നും വരുന്നവരായിരുന്നതുകൊണ്ട് ചില വിദ്യാർത്ഥികൾക്ക് ഹോസ്റ്റൽ സൗകര്യം ചെയ്തുകൊടുത്തിരുന്നു.ആൺകുട്ടികൾക്കുള്ള ഹോസ്റ്റൽ സ്കൂളിനോടുചേർന്നും.

പെൺകുട്ടികുട്ടികൾക്കായി കന്യാഗുരുകുലമെന്ന പേരിൽ പ്രത്യേക സൗകര്യങ്ങളോടുകൂടിയ ഹോസ്റ്റൽ അമ്പത് മീറ്റർ അകലെയായും സ്ഥാപിച്ചു.1948ലാണ്ഈ വിദ്യാലയത്തിലെ

കുട്ടികൾ ആദ്യമായി എസ് എസ് എൽ സി പരീക്ഷ എഴുതിയത്.അന്ന് പരീക്ഷാകേന്ദ്രം കോഴിക്കോടായിരുന്നു.2000 ആഗസ്റ്റ് മാസത്തിൽ മൂന്ന് ബാച്ചുകളുള്ള ഹയർ സെക്കണ്ടറി ഈ വിദ്യാലയത്തിൽ ആരംഭിച്ചു. ബാലൻ മാസ്റ്റർ ആദ്യ പ്രിസിപ്പലായി ചുമതലയേറ്റു. 24-11-2001 ൽ അന്നത്തെ മുഖ്യമന്ത്രിയായിരുന്ന ശ്രീ. എ.കെ. ആന്റണി ഹയർസെക്കണ്ടറിയുടെ പുതിയ കെട്ടിടം ഉദ്ഘാടനം ചെയ്തു. ഇപോൾ 17 അധ്യാപകരും 2 ലാബ് അസിസ്റ്റന്റ്മാരും ഇവിടെ സേവനം അനുഷ്ഠിക്കുന്നുണ്ട്

വയനാട് ജില്ല രൂപീകരിക്കുന്നതിനുമുമ്പ് മദ്രാസ് സ്റ്റേറ്റിൽ ഉൾപ്പെട്ടിരുന്ന മലബാറിലെ ഒരു താലൂക്കായ വയനാട്,ഭരണാധികാരികളുടെയും പൊതുജനനേതാക്കളുടെയും അവഗണനകളെത്തുടർന്ന് അധഃപതനോൻമുഖമായിരുന്നു.പരിഷ്കൃത ജീവിതത്തിന്റെ യാതൊരു അടയാളവും ഇവിടെ കാണാനില്ലായിരുന്നു.വിദ്യാസമ്പന്നെരെന്ന് അഭിമാനിക്കാൻ കഴിയുന്നവർ വിരളം.അറിവിന്റെ അനന്തസാധ്യതകൾ തേടി അന്യനാടുകളിലേയ്ക്ക്സ ഞ്ചരിച്ചിരുന്ന ധാരാളം ആളുകൾ അന്ന് വയനാട്ടിലുണ്ടായിരുന്നു.മാറാരോഗങ്ങളും തീരാദുഃഖങ്ങളും മാത്രം കൈമുതലായിട്ടുള്ള നിർധനരായ ആദിവാസികൾ ഉൾപ്പെടെ സാധാരണ ജനങ്ങൾ വയനാടിന്റെ വികസന പന്ഥാവിൽ മരവിച്ചു നിൽക്കുന്ന കാഴ്ചയായിരുന്നു അന്നുണ്ടായിരുന്നത്.പ്രാഥമിക വിദ്യാഭ്യാസത്തിനുള്ള സൗകര്യം മാത്രമാണ് അന്ന് ഇവിടെ ഉണ്ടായിരുന്നത് .'കേരളത്തിലെ ആഫ്രിക്ക'എന്ന പേരിൽ അറിയപ്പെട്ടിരുന്ന വയനാട്ടിൽ നിന്നും സെക്കന്ററി വിദ്യാഭ്യാസത്തിനു വേണ്ടി കോഴിക്കോടിനെ ആശ്രയിച്ചിരുന്ന ചുരുക്കം ചില ആളുകൾ മാത്രമേ ഉണ്ടായിരുന്നുള്ളൂ.പ്രാഥമിക വിദ്യാലയങ്ങളിൽ മിക്കതും തന്നെ മലബാർ ജില്ലാബോർഡിനു കീഴിലുള്ളവയും ബാക്കിയുള്ളവ സ്വകാര്യ മാനേജ്മെന്റിനു കീഴിലുള്ളവയുമായിരുന്നു. ഒരു ലോവർ സെക്കന്ററി വിദ്യാലയം പോലുമില്ലാത്ത വയനാട്ടിൽ ഉപരിപഠനത്തിനായി ഒരു വിദ്യാലയമെങ്കിലും സ്ഥാപിക്കണമെന്ന ആഗ്രഹത്തോടെ പല തവണ ഗവൺമെന്റിന് നിവേദനം നൽകുകയുണ്ടായി.എന്നാൽ പ്രമേയങ്ങളൊന്നും പ്രവർത്തിയിൽ വന്നില്ല.പൊതുജനങ്ങളുടെ താൽപര്യാർഥം വയനാടിന്റെ മധ്യദേശത്ത് ഒരു ഹൈസ്കൂൾ തുടങ്ങാൻ ചില മാന്യരായ ഉദാരമതികൾ പരിശ്രമം തുടങ്ങിയത് ഇതിനെത്തുടർന്നാണ് . ഇതിനായി ശ്രീ.എം.കെ ജിനചന്ദ്രനും ശ്രീ.എം.എ ധർമയ്യരും നേതൃത്വം നൽകി.

1942 ൽ മാനന്തവാടി ബോർഡ് ഹയർഎലിമെന്ററി സ്കൂളിന്റെ വാർഷികദിനം കൊണ്ടാടപ്പെട്ടു,അന്നത്തെ മലബാർ ജില്ലാബോർഡിന്റെ വിദ്യാഭ്യാസ