ജി എൽ പി എസ് മേപ്പാടി/അറബി ക്ലബ്ബ്
സെമിറ്റിക് ഭാഷകളിൽ ഏറ്റവും പഴക്കം ചെന്ന ഭാഷയാണ് അറബി. ഐക്യരാഷ്ട്രസഭ അംഗീകരിച്ച 6 ഭാഷകളിൽ ഒന്നാണ് അറബി. കേരളത്തിലെ പൊതുവിദ്യാലയങ്ങളിൽ 1912 മുതൽ ഈ ഭാഷ പഠിപ്പിക്കപ്പെടുന്നു.
![](/images/thumb/9/90/15212_arabic_day_1.jpeg/300px-15212_arabic_day_1.jpeg)
1940 മുതൽ അറബി പഠനം ഈ വിദ്യാലയത്തിൽ നടന്നിട്ടുണ്ട്. ഓരോ അധ്യാന വർഷത്തെയും അറബി പഠിക്കുന്ന വിദ്യാർഥികളിൽനിന്ന് അവരുടെ ഭാഷാ മികവുകൾ, കലാസാഹിത്യ കഴിവുകൾ എന്നിവയുടെ അടിസ്ഥാനത്തിൽ വിദ്യാർഥികൾക്ക് ക്ലബ്ബിൻറെ വ്യത്യസ്ത ചുമതലകൾ നൽകപ്പെടുന്നു. അറബി പഠിക്കുന്ന മുഴുവൻ വിദ്യാർത്ഥികളും ക്ലബ്ബിൽ അംഗങ്ങളായിരിക്കും.
വിദ്യാർഥികളുടെ യുടെ ഭാഷാ കഴിവ് കലാ-സാഹിത്യ ശേഷികൾ വളർത്തുകയാണ് ക്ലബ്ബിൻറെ മുഖ്യ ലക്ഷ്യങ്ങൾ. സ്കൂൾതല ഉപജില്ലാതല അറബി കലാമേളകളിൽ കുട്ടികളെ പങ്കെടുപ്പിക്കാനും സമ്മാനാർഹരാക്കി തീർക്കാനും പരിശീലനം നൽകുന്നു.
ഓരോ വർഷവും ഡിസംബർ 18 ന് സ്കൂളിൽ വിവിധ പരിപാടികളോടെ അറബി ഭാഷാ ദിനം ആചരിക്കുന്നുണ്ട്. ക്വിസ് മൽസരം, പോസ്റ്റർ നിർമ്മാണം, വായനാ മൽസരം എന്നിവ അറബിയിൽ നടത്തുന്നതും അറബി ഭാഷയുടെ പ്രാധാന്യവും അനന്തസാധ്യതകളും പരിചയപ്പെടുത്തുന്നതിനും ഈ ദിനം ഉപയോഗപെടുത്തുന്നു.
ഈ വർഷത്തെ അറബി ഭാഷാ ദിനാചരണം ഉൽഘാടനം ചെയ്തത് മേപ്പാടി ഹൈസ്കൂളിലെ അറബിക് അധ്യാപികയായ സലീന ടീച്ചറാണ്. സീനിയർ അസിസ്റ്റന്റ് പാർവ്വതി ടീച്ചർ അദ്ധ്യക്ഷത വഹിച്ച യോഗത്തിന് അറബിക് അധ്യാപകൻ അബ്ദുൾ സലീം മാസ്റ്റർ സ്വാഗതവും ക്ലബ് കൺവീനർ അബ്ദുൾ ലതീഫ് മാസ്റ്റർ നന്ദിയും പറഞ്ഞു.S R G കൺവീനർ ജാനറ്റ് ഷറിൻ ടീച്ചർ ആശംസയർപ്പിച്ചു