എസ്.എൻ.വി.യു.പി.എസ് കൊച്ചുകോയിക്കൽ/കൂടുതലറിയാം

വേലായുധൻ തടത്തിൽ കിഴക്കേതിൽ, കൃഷ്ണൻ കുളത്തുങ്കൽ എന്നിവർ വിദ്യാലയം സ്ഥാപിക്കുന്നതിന് ആവശ്യമായ സ്ഥലം വിട്ടു നൽകി . തടത്തിൽ കിഴക്കേതിൽ വേലായുധൻ ,കൃഷ്ണൻ കുളത്തുങ്കൽ, കൊച്ചുചെറുക്കൻ ചരിവുപറമ്പിൽ, ചമ്പോൺ നാരായണൻ നായർ, കുഞ്ഞുപിള്ള രാഘവൻ, കൊടിഞ്ഞിയിൽ ജോർജ് ,കാരക്കാട് ശ്രീധരൻ ,തടത്തിൽ കേശവൻ തുടങ്ങി നല്ലവരായ കർഷകരുടെ നേതൃത്വത്തിൽ കെട്ടിടം നിർമിച്ചു നൽകി. തലച്ചിറ ആലക്കൽ ശ്രീ. നാരായണൻ വക്കിലായിരുന്നു ആദ്യ സ്കൂൾ മാനേജർ .1964 -65 വർഷത്തിൽ സ്കൂൾ അപ്ഗ്രേഡ് ചെയ്തു എസ്. എൻ. യു .പി .സ്കൂൾ കൊച്ചുകോയിക്കൽ എന്ന് നാമകരണം നടത്തി .തുടർന്ന് മാനേജരുടെ ഭാര്യ ശ്രീമതി ജാനകി ആയിരുന്നു സ്കൂൾ മാനേജർ. മാനേജരുടെ മരണശേഷം പുത്രൻ അഡ്വക്കേറ്റ് എൻ. ദേവരാജൻ സ്കൂൾ മാനേജരായി ചുമതലയേറ്റു.ശേഷം 2015 സെപ്റ്റംബർ പതിനഞ്ചാം തീയതി വിദ്യാലയം കൈമാറ്റം ചെയ്യപ്പെടുകയും ,ശ്രീ.വി.സി.പ്രവീൺ വാഴൂർ, വലപ്പാട്,തൃശ്ശൂർ മാനേജരായി ചുമതലയേൽക്കുകയും ചെയ്തു .