ജി.യു.പി.എസ്.ചുണ്ടത്തുംപൊയിൽ/സൗകര്യങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
മലയോരമേഖലയിൽ സ്ഥിതിചെയ്യുന്ന ഞങ്ങളുടെ സ്കൂൾ അന്തരീക്ഷം പ്രകൃതിരമണീയവും ശാന്തത കളിയാടുന്ന തുമാണ്. നല്ല വൃത്തിയുള്ള ക്ലാസ് മുറികൾ, ഇരിപ്പിടങ്ങൾ, ടോയ്‌ലറ്റുകൾ, ഊട്ടുപുര, ഓപ്പൺ ഓഡിറ്റോറിയം കം സ്റ്റേജ്, ലാബുകൾ, ലൈബ്രറി എന്നിങ്ങനെയുള്ള സൗകര്യങ്ങൾ സ്കൂളിൽ ഒരുക്കിയിട്ടുണ്ട്. ധാരാളം വൃക്ഷങ്ങൾ നിറഞ്ഞ സ്കൂൾ കോമ്പൗണ്ട് ആണ് സ്കൂളിൻറെ ഏറ്റവും വലിയ പ്രത്യേകത. കുട്ടികൾക്ക് കളിക്കാൻ വിശാലമായ ഗ്രൗണ്ട്, ഷട്ടിൽ കോർട്ട്, കളി ഉപകരണങ്ങൾ എന്നിവയുണ്ട്.വിവിധ പ്രദേശങ്ങളിൽ നിന്നു വരുന്ന കുട്ടികൾക്ക് സ്കൂളിലേക്കുള്ള യാത്ര സുഗമമാക്കാൻ സ്കൂൾ ബസ് വാടകയ്ക്കെടുത്ത് ഓടിക്കുന്നുണ്ട്. 2021-22 അധ്യയന വർഷം സ്കൂളിൽ ബോക്സിങ് ചാമ്പ്യൻ അർച്ചന സാജു വിനെ ആദരിക്കാൻ എത്തിയ ചടങ്ങിൽ സ്കൂളിന് ഒരു സ്കൂൾ ബസ് ബഹുമാനപ്പെട്ട ഏറനാട് എം എൽ എ പി കെ ബഷീർ സ്പോൺസർ ചെയ്തിട്ടുണ്ട്
സയൻസ് ലാബ്
മലപ്പുറം ജില്ലയിലെ മികച്ച സയൻസ് ലാബുകളിൽ ഒന്നാണ് ജി യു പി സ്കൂൾ ചുണ്ടത്തും പൊയിലിന്റേത്.ഓരോ കുട്ടിക്കും ഇരുന്ന് പരീക്ഷണത്തിൽ ഏർപ്പെടാൻ തക്ക ഫർണിച്ചറുകളും ശാസ്ത്ര ഉപകരണങ്ങളും മറ്റു സാമഗ്രികളും ഉണ്ട്.
ഗണിത ലാബ്
അരീക്കോട് സബ്ജില്ലയിലെ ആദ്യ ഗണിത ലാബാണ് ജി യു പി സ്കൂൾ ചുണ്ടത്തും പൊയിലിന്റേത്. ഓരോ കുട്ടിക്കും സൗകര്യമായി ഇടപെട്ട് ഗണിത പ്രവർത്തനങ്ങളുമായി ബന്ധപ്പെട്ട കളികളും പ്രവർത്തനങ്ങളും ചെയ്യാനും ഗണിതാശയങ്ങൾ ഉറപ്പിക്കാനും ഗണിതലാബ് പ്രയോജനപ്പെടുത്തുന്നു.
ലൈബ്രറി
ഏകദേശം മൂവായിരത്തോളം പുസ്തകങ്ങൾ ഉൾപ്പെടുന്ന വിശാലമായ ലൈബ്രറി .കുട്ടികൾക്ക് ഇരുന്ന് വായിക്കാൻ ആവശ്യമായ വട്ടമേശ കളും കസേരകളും സജ്ജീകരിച്ചിട്ടുണ്ട്. കുട്ടി ലൈബ്രേറിയൻ മാരുടെ നേതൃത്വത്തിൽ ആഴ്ചയിലൊരിക്കൽ കുട്ടികൾ പുസ്തകങ്ങൾ എടുക്കുന്നു. അമ്മമാർക്ക് അമ്മ വായനാ പദ്ധതിയിലൂടെ പുസ്തകങ്ങൾ വായിക്കാൻ നൽകുന്നുണ്ട്.
സ്കൂൾ ഗ്രൗണ്ട്
കുട്ടികൾക്ക് കളിക്കാൻ വേണ്ടിയുള്ള വിശാലമായ ഗ്രൗണ്ട് .
