2017-18 അദ്ധ്യയന വർഷത്തിലെ പ്രവർത്തനങ്ങൾ

ചങ്ങാതിക്കൂട്ടം

പുസ്തകങ്ങൾക്കും ക്ലാസ് മുറികൾക്കും അപ്പുറത്തേക്ക് പഠനം രസകരമാക്കുകയും കുട്ടികൾ തമ്മിലുള്ള സൗഹൃദം വർധിപ്പിക്കുകയും ചെയ്യുക എന്ന ലക്ഷ്യത്തോടെ 5 മുതൽ 10 വരെയുള്ള ക്ലാസിലെ 60 കുട്ടികൾക്കായി 2017 ഏപ്രിൽ 1 മുതൽ 7 വരെയുള്ള തീയതികളിൽ ചങ്ങാതിക്കൂട്ടം ക്യാമ്പ് സംഘടിപ്പിച്ചു(ഒരു ദിവസം ഹർത്താൽ ആയിരുന്നു). ചിത്രരചന, നാടൻപാട്ടു, നാടകകളരി തുടങ്ങിയവയിലായിരുന്നു ആദ്യ ദിവസത്തെ ക്ലാസുകൾ. രണ്ടാം ദിവസം കൃഷ്ണൻസാർ, ഉണ്ണിസാർ എന്നിവർ ശാസ്ത്രപരീക്ഷണങ്ങൾ, ഗണിതം മധുരം എന്നിവയിൽ ക്ലാസെടുത്തു. ശലഭത്തെ കുറിച്ചുള്ള ക്ലാസ്, പ്രകൃതിയെയും മണ്ണിനെയും അറിയൽ, മാധ്യമ രംഗത്തെ പ്രമുഖരായ ചന്ദ്രശേഖർ, മഞ്ജു എന്നിവർ നയിച്ച ക്ലാസുകൾ, ചെസ്സ് അക്കാദമിയുടെ പ്രതിനിധി നടത്തിയ ചെസ്സിനെ കുറിച്ചുള്ള ക്ലാസുകൾ, വാന നീരിക്ഷണ ക്ലാസുകൾ തുടങ്ങിയവ പിന്നീടുള്ള ദിവസങ്ങളിൽ നടക്കുകയുണ്ടായി. ചെസ്സ് മത്സരം, നക്ഷത്ര നിരീക്ഷണത്തിനുള്ള അവസരം, മരത്തിനു പേരിടൽ എന്നിവ സംഘടിപ്പിച്ചു. കുട്ടികളെ പല ഗ്രൂപ്പുകളായി തിരിച്ചു മ്യൂസിയത്തിൽ കൊണ്ടുപോകുകയും ട്രീവാക്കിന്റെ 3 പ്രതിനിധികൾ അവർക്ക് വൃക്ഷങ്ങളെ പരിചയപ്പെടുത്തി കൊടുക്കുകയും ഉണ്ടായി (മരനടത്തം). അവസാന ദിവസം ക്യാമ്പ് ഫയറോടെ അവസാനിച്ചു.

ഹരിത വിദ്യാലയം റിയാലിറ്റി ഷോ

ഹരിത വിദ്യാലയം റിയാലിറ്റി ഷോയിൽ കോട്ടൺഹിൽ സ്കൂൾ മികച്ച പന്ത്രണ്ട് സ്കൂളുകളിൽ ഒന്നായി. ഒന്നര ലക്ഷം രൂപയുടെ ക്യാഷ് പ്രൈസും ലഭിച്ചു.

ചിന്നാർ പ്രകൃതി പഠനയാത്ര

33 എൻ.എസ്.എസ് വിദ്യാർത്ഥിനികൾ, ഫോറെസ്റ്റ് ഡിപ്പാർട്ട്മെന്റിലെ പ്രവർത്തകർ, അദ്ധ്യാപകർ, കെ.എസ്.ആർ.ടി.സി. അംഗങ്ങൾ എന്നിവരുൾപ്പെടുന്ന സംഘം ചിന്നാറിലേക്ക് പ്രകൃതി പഠന യാത്ര നടത്തുകയുണ്ടായി. ഒരു ദിവസം മുഴുവനുമുള്ള ട്രെക്കിങ്ങിലൂടെ വരണ്ട ഇലപൊഴിയും കാടുകളുടെ പ്രത്യേകതകളും പുഴയേച്ഛത്ത കാടുകളുടെ പ്രത്യേകതകളും മനസ്സിലാക്കി. നക്ഷത്ര ആമയും മലണ്ണാനും ചെക് പോസ്റ്റും സുരക്ഷിത മേഖലുയം മഴ നിഴൽ പ്രദേശമായ ചിന്നാറിന്റെ മാത്രം പ്രത്യേകതകളാണ് എന്ന് മനസ്സിലാക്കി. വിദ്യാർത്ഥിനികൾ ഈ ചെക് പോസ്റ്റിലൂടെ കടന്നു പോയ വണ്ടികളിലുള്ളവർക്ക് വനമേഖലയിൽ പാലിക്കേണ്ട ജാഗ്രതകളെക്കുറിച്ച് ബോധവത്കരണം നടത്തി. മറയൂരിലെ ചന്ദനക്കാടുകൾ കാണുകയും സുരക്ഷിത മാർഗ്ഗങ്ങൾ മനസിലാക്കുകയും ചെയ്തു.

ചങ്ങാതിക്കൂട്ടം

പുസ്തകങ്ങൾക്കും ക്ലാസ് മുറികൾക്കും അപ്പുറത്തേക്ക് പഠനം രസകരമാക്കുകയും കുട്ടികൾ തമ്മിലുള്ള സൗഹൃദം വർധിപ്പിക്കുകയും ചെയ്യുക എന്ന ലക്ഷ്യത്തോടെ 5 മുതൽ 10 വരെയുള്ള ക്ലാസിലെ 60 കുട്ടികൾക്കായി 2017 ഏപ്രിൽ 1 മുതൽ 7 വരെയുള്ള തീയതികളിൽ ചങ്ങാതിക്കൂട്ടം ക്യാമ്പ് സംഘടിപ്പിച്ചു(ഒരു ദിവസം ഹർത്താൽ ആയിരുന്നു). ചിത്രരചന, നാടൻപാട്ടു, നാടകകളരി തുടങ്ങിയവയിലായിരുന്നു ആദ്യ ദിവസത്തെ ക്ലാസുകൾ. രണ്ടാം ദിവസം കൃഷ്ണൻസാർ, ഉണ്ണിസാർ എന്നിവർ ശാസ്ത്രപരീക്ഷണങ്ങൾ, ഗണിതം മധുരം എന്നിവയിൽ ക്ലാസെടുത്തു. ശലഭത്തെ കുറിച്ചുള്ള ക്ലാസ്, പ്രകൃതിയെയും മണ്ണിനെയും അറിയൽ, മാധ്യമ രംഗത്തെ പ്രമുഖരായ ചന്ദ്രശേഖർ, മഞ്ജു എന്നിവർ നയിച്ച ക്ലാസുകൾ, ചെസ്സ് അക്കാദമിയുടെ പ്രതിനിധി നടത്തിയ ചെസ്സിനെ കുറിച്ചുള്ള ക്ലാസുകൾ, വാന നീരിക്ഷണ ക്ലാസുകൾ തുടങ്ങിയവ പിന്നീടുള്ള ദിവസങ്ങളിൽ നടക്കുകയുണ്ടായി. ചെസ്സ് മത്സരം, നക്ഷത്ര നിരീക്ഷണത്തിനുള്ള അവസരം, മരത്തിനു പേരിടൽ എന്നിവ സംഘടിപ്പിച്ചു. കുട്ടികളെ പല ഗ്രൂപ്പുകളായി തിരിച്ചു മ്യൂസിയത്തിൽ കൊണ്ടുപോകുകയും ട്രീവാക്കിന്റെ 3 പ്രതിനിധികൾ അവർക്ക് വൃക്ഷങ്ങളെ പരിചയപ്പെടുത്തി കൊടുക്കുകയും ഉണ്ടായി (മരനടത്തം). അവസാന ദിവസം ക്യാമ്പ് ഫയറോടെ അവസാനിച്ചു.

ഹൈ-ടെക് ക്ലാസ് മുറികൾ

നൂതന മാർഗ്ഗങ്ങളിലൂടെ കുട്ടികളിൽ ആശയങ്ങൾ പകർന്നു നൽകുന്നതിനും ഗുണനിലവാരമുള്ള വിദ്യാഭ്യാസം നൽകുന്നതിനുമായി ഹൈ-ടെക് ക്ലാസ് മുറികൾ പ്രവർത്തിച്ചുവരുന്നു. കുട്ടിക്കൂട്ടം അംഗങ്ങളുടെ ചുമതലയിലുള്ള ക്ലാസിൽ വച്ച് കുട്ടികൾക്കും അധ്യാപകർക്കും ട്രെയിനിങ്ങ് സജ്ജമാക്കുന്നു. E-waste നിർമ്മാർജനപ്രവർത്തനങ്ങളും ഇതിന്റെ ഭാഗമായി പ്രവർത്തിച്ചു വരുന്നു.

പേപ്പർ, തുണി ബാഗുകളുടെ നിർമ്മാണം

കുട്ടികളുടെ കഴിവ് പ്രകൃതി സംരക്ഷണം എന്ന വീക്ഷണത്തിൽ വളരുന്നതിനും പ്ലാസ്റ്റിക് ബാഗുകൾ നിയന്ത്രിക്കുക എന്ന ലക്ഷ്യത്തോടെയും പേപ്പർ, തുണി എന്നിവ ഉപയോഗിച്ചുകൊണ്ടുള്ള ബാഗുകൾ നിർമ്മിച്ചു. എൻ.എസ്.എസ് വോളന്റിയേർസിന്റെ നേതൃത്വത്തിൽ നടന്ന പരിപാടി ഹരിത കേരളം ഉദ്ഘാടനത്തിന് പ്രദർശിപ്പിച്ചു, വില കുറഞ്ഞതും പ്രകൃതിയോട് ഇണങ്ങുന്നതും എല്ലാർക്കും ഉണ്ടാക്കാൻ കഴിയുന്നതും ആയ പേപ്പർ, ക്ലോത് ബാഗുകളുടെ പ്രചാരണം നല്ലപോലെ വിജയിച്ചു.

PCRA മത്സരങ്ങൾ

വിദ്യാർത്ഥിനികളിൽ ഇന്ധന സംരക്ഷണത്തെ കുറിച്ച് അവബോധം ഉണ്ടാക്കുന്നതിന് 5 മുതൽ 10 വരെയുള്ള ക്ലാസിലെ കുട്ടികൾക്കായി PCRA മത്സരങ്ങൾ നടത്തുകയുണ്ടായി. മിനിസ്റ്ററി ഓഫ് പെട്രോളിയം ആൻഡ് നാച്വറൽ ഗാസിന്റെ നിർദ്ദേശപ്രകാരം ഉപന്യാസ രചന( മലയാളം, ഇംഗ്ലീഷ്, ഹിന്ദി, തമിഴ്, സംസ്കൃതം), പോസ്റ്ററ്‍ രചന, ഓൺലൈൻ ക്വിസ് മത്സരം എന്നിവ സംഘടിപ്പിച്ചു. വിജയികളുടെ രചനകൾ വെബ് സൈറ്റിൽ അപ് ലോഡ് ചെയ്തു.

റെഡ് എഫ്.എം. പ്ലാസ്റ്റിക് ചലഞ്ച് ഒപ്പം മഷിപ്പേന വിതരണവും

പ്ലാസ്റ്റിക് വിമുക്ത ക്യാംപസ് എന്ന ലക്ഷ്യത്തോടെ എല്ലാ വെള്ളിയാഴ്ചയും ഡ്രൈ ഡേ ആചരിച്ച് വരുന്നു. തിരഞ്ഞെടുക്കപ്പെട്ട ദിവസങ്ങളിൽ പ്ലാസ്റ്റിക് ശേഖരണവും, റീസൈക്കിൾ യൂണിറ്റിനു കൈമാറുന്നു. റെഡ് FM യുമായി കൈകോർത്ത് 98.5kg പ്ലാസ്റ്റിക് ചലഞ്ചിൽ പ്ലാസ്റ്റിക് ശേഖരിച്ച് റെഡ് എഫ്.എമ്മിന് കൈമാറി. എസ്.ബി.ഐ. ബാങ്കിന്റെ സഹായത്തോടെ സ്കൂളിലെ മുഴുവൻ കുട്ടികൾക്കും മഷിപ്പേനയും മഷിയും നൽകുകയുണ്ടായി. പുനരുപയോഗം ചെയ്യാവുന്ന മഷി പേന ഉപയോഗിക്കാനുള്ള ശീലം കുട്ടികളിൽ വളർത്തുവാനുള്ള പരിശ്രമം വിജയിച്ചു. സ്കുളിൽ പ്ലാസ്റ്റിക് നിയന്ത്രണം ഒരു പരിധി വരെ നടപ്പിലാക്കുകയും ഹരിത കേരളം എന്ന ആശയം പ്രാവർത്തികമാകുകയും ചെയ്തു.

മാസ്റ്റർ പ്ലാൻ

പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കോട്ടൺഹിൽ സ്കൂളിലും മാസ്റ്റർ പ്ലാൻ തയ്യാറാക്കി .നേർക്കാഴ്ച എന്നാണ് അതിന് പേര് നൽകിയിരിക്കുന്നത് .5 മുതൽ 12 വരെ ക്ലാസിലെ കുട്ടികളുടെ സമഗ്രവികസനം ലക്ഷ്യമാക്കിയാണ് അക്കാദമിക മാസ്റ്റർ പ്ലാൻ തയ്യാറാക്കിയിരിക്കുന്നത് .എല്ലാ അധ്യാപകരുടേയും കൂട്ടായ പ്രവർത്തനം ഇതിന്റെ പിന്നിൽ ഉണ്ട്.

മികവുത്സവം

2017-18 മികവുത്സവം 2018 ഏപ്രിൽ 14 ന് ജഗതി കണ്ണേറ്റുമുക്കിലെ പീപ്പിൾസ് ലൈബ്രറി ഹാളിൽ വെച്ച് നടന്നു.വിവിധ ഭാഷകൾ, ഗണിതം , സയൻസ് ,സോഷ്യൽ സയൻസ് ,കല തുടങ്ങിയ വിവിധ മേഘലകളിലെ മികവുകൾ അവിടെ മാറ്റുരച്ചു. ഭിന്നശേഷി കുട്ടികളുടെ പരിപാടികളും നടത്തി . പൂർവ്വ വിദ്യാർത്ഥികളെ ആദരിച്ചു. ഗണിത പത്രം മുഖ്യ അതിഥി ഡെപ്യൂട്ടി മേയർ അഡ്വ.ശ്രീമതി രാഖി രവികുമാർ പ്രകാശനം ചെയ്തു . വേറിട്ട ഒരു അനുഭവമായിരുന്നു പ്രസ്തുത പരിപാടി.

മികച്ച വിജയം

SSLC ക്ക് 99% വിജയം 59 കുട്ടികൾക്ക് മുഴുവൻ വിഷയങ്ങൾക്കും A+ ലഭിച്ചു . +2 വിന് 34 കുട്ടികൾക്ക് ഫുൾ A+ ലഭിച്ചു