ഗവ. ന്യൂ എൽ പി എസ് പുറക്കാട്/ചരിത്രം

വിദ്യാലയത്തെ അറിയുമ്പോൾ

സ്വതന്ത്ര ഭാരതത്തിനു വളരെ കാലം മുൻപ് മുതൽ ആലപ്പുഴ ജില്ലയിലെ അമ്പലപ്പുഴ, പുറക്കാട് ,കരൂർ, ഇല്ലിച്ചിറ പഴയങ്ങാടി, നീർക്കുന്നം എന്നീ പ്രദേശവാസികളുടെ പ്രാഥമിക വിദ്യാഭ്യാസത്തിനുള്ള ആശ്രയമായിരുന്നു ഈ വിദ്യാലയം. ശതാബ്ദിയുടെ നിറവിലേക്കെത്തുന്ന ഈ മഹത്തായ പാഠശാല പിന്നിട്ട നാൾവഴികൾ ഏറെയാണ്. ചരിത്രപരമായി നോക്കിയാൽ ഈ പ്രദേശത്തെ ജനങ്ങളുടെ വിദ്യാഭ്യാസത്തിനായി അമ്പലപ്പുഴയിലെ ചെമ്പകശ്ശേരി രാജ വംശത്തിന്റെ സേനാധികാരി കുടുംബമായ അഴിക്കകത്ത് കുടുംബം നൽകിയതാണ് സ്കൂൾ സ്ഥിതി ചെയ്യുന്ന സ്ഥലം. കേരളീയ നവോത്ഥാനത്തിന്റെ രാജശില്പിയായ ശ്രീ നാരായണ ഗുരുവിന്റെ അനുഗ്രഹവും ആദ്യകാലത്ത് പള്ളിക്കൂടമായ ഈ സ്കൂളിന് ലഭിച്ചിട്ടുണ്ടെന്ന് പഴമക്കാരുടെ സാക്ഷ്യം. വിദ്യാഭ്യാസം മനുഷ്യന്റെ സാമൂഹിക സാംസ്കാരിക പുരോഗതിയക്ക് അനുഗുണമായി തീരുമെന്ന ദീർഘവീക്ഷണവും, അന്ധവിശ്വാസങ്ങൾക്കും അനാചാരങ്ങൾ…